CÜMHURİYYƏTİN TƏHLÜKƏSİZLİK ORQANLARI (1918-1920)
48
I.2. Kəşfiyyat və əks-kəşfiyyat bölməsinin yaradılması
AXC öz müstəqilliyini elan etdikdən sonra dövlətin və
dövlətçiliyin təhlükəsizliyini təmin etmək, yəni onu daxili və xarici
təhdidlərdən qorumaq, baş verə biləcək terror-təxribat aksiyalarının
qarşısını almaq, pozucu qüvvələri zərərsizləşdirmək üçün müstəqil
xüsusi xidmət orqanının yaradılmasına böyük ehtiyac var idi. Daha
doğrusu, Azərbaycanın müstəqilliyinə qarşı yönəlmiş qüvvələrin
(denikinçilərin, ingilislərin, bolşeviklərin, ermənilərin və s.) təxribat-
pozuculuq fəaliyyətləri təhlükəsizlik orqanlarının yaradılmasının
zəruriliyinin qaçılmaz olduğunu
göstərirdi. Lakin öz müstəqilliyini
yenicə elan etmiş AXC-nin maddi
imkanları, kadr potensialı, hələlik
müvəqqəti paytaxt seçdikləri
Gəncədə oturmaları və Bakıya
daxil ola bilməmələri, mükəmməl
təhlükəsizlik orqanı yaratmaq üçün
ənənənin olmaması belə bir həyati
əhəmiyyətə malik olan addımın
reallaşmasına çətinlik törədirdi.
Bütün çətinliklərə baxmayaraq,
Azərbaycan hökuməti Müdafiə
Nazirliyinin nəzdində xüsusi xidmət
orqanlarının funksiyalarını həyata
keçirən bir bölmə yaratdı. “Kəşfiyyat
və əks-kəşfiyyat” adlanan həmin qurumun nə zaman yaradılması
barədə konkret məlumat olmasa da, mövcud arxiv materialları həmin
bölmənin 1918-ci ildə yaradılması barədə mülahizə yürütməyə
əsas verir. Həmin bölmə Müdafiə Nazirliyi təsis edildiyi dövrdən,
daha dəqiq desək, S.Mehmandarov nazirlikdə rəhbər vəzifəyə təyin
edildikdən bir qədər sonra yaradılmışdı. Bunu deməyə əsas verən
amillərdən biri Müdafiə Nazirliyinin başında duran rəhbərlərin böyük
təcrübəyə malik olmaları və əvvəllər xidmət etdikləri Çar Rusiyasının,
eləcə də dünyanın müxtəlif güc strukturlarının işlərindən xəbərdar
General-leytenant
Məmməd bəy Sulkeviç
CÜMHURİYYƏTİN TƏHLÜKƏSİZLİK ORQANLARI (1918-1920)
49
olmaları və əldə olunmuş arxiv materiallarıdır. Belə ki, hərbi nazir
S.Mehmandarov 1919-cu il 29 mart tarixli 156 saylı əmrində göstərirdi
ki, 19 aprel 1917-ci ildə baş parutçik rütbəsi almış Ağalarova Nazirlər
Şurasının sədri Fətəli xan Xoyskinin 7 saylı sərancamı ilə 28 avqust
1918-ci ildə Əks-kəşfiyyat bölməsinin rəisi vəzifəsini müvəqqəti icra
etmək tapşırılmışdır.
40
Maraqlıdır ki, 1918-ci il noyabrın 15-də təsis edilən Ümumi
Qərargahın tərkibinə daxil olan 8 şöbədən biri General-kvartirmeyster
şöbəsi adlanırdı.
41
1919-cu ilin mart ayının birinci yarısına kimi Ümumi
Qərargahın tərkibinə daxil olan General-kvartirmeyster şöbəsinin rəisi
vəzifəsini müvəqqəti olaraq Vasili Nikolayeviç Sokolov icra etmişdi.
42
Kəşfiyyat və əks-kəşfiyyat bölməsi General-kvartirmeyster şöbəsinin
strukturu daxilində fəaliyyət göstərirdi. Əks-kəşfiyyat bölməsi 1918-
ci il 28 avqust tarixindən əvvəl yaradılmışdı. Fikrimizcə, bu bölmənin
tarixi General-kvartirmeyster şöbəsinin yarandığı dövrə təsadüf edir.
Göründüyü kimi, ilk xüsusi xidmət orqanı hələ 1918-ci ildən
mövcud olmuşdur. Lakin AXC-nin xüsusi xidmət orqanlarının
təşəkkül dövrü 1919-cu ilə təsadüf edir. Bu, ölkədə nisbi sabitliyin
yaradılması, dövlət idarəçilik aparatlarının düzgün təşkili və ordu
quruculuğu sahəsində həyata keçirilən islahatlarla bağlı idi.
Milli orduda aparılan dəyişikliklərə uyğun olaraq 10 yanvar 1919-
cu ildə Hərbi Nazirlikdə hərbi qanunvericilik və hərbi idarəetmə
sahəsində müəyyən əhəmiyyət kəsb edən məsələlərin müzakirəsi və
müvafiq qərarların qəbul edilməsi məqsədilə Müvəqqəti Hərbi Şura
yaradıldı. Bu şuranın tərkibinə General-kvartirmeyster şöbəsinin rəisi
də daxil edildi. Azərbaycanın milli ordusunun tədricən güclənməsinə
və təkmilləşməsinə baxmayaraq, gözlənilən təxribatların və təhdidlərin
qarşısının alınması, düşmənin casusluq fəaliyyətinin aşkarlanması, ən
başlıcası müstəqilliyimizi, eləcə də dövlətçiliyimizi qorumaq üçün
güclü və peşəkar xüsusi xidmət orqanlarına, eyni zamanda Azərbaycanın
müxtəlif bölgələrində onun struktur bölmələrinin yaradılmasına
ehtiyacı gündən-günə artırırdı. Bunun vacibliyini ilk gündən dərk
edən Azərbaycanın hökumət rəhbərləri təhlükəsizlik orqanlarının
40 Azərbaycan Respublikası MAİ, f. 898, siy. 2, iş. 5, v. 101
41 Адрес-календар Азербайджанской Республики. Баку, 1920, с. 27.
42 Azərbaycan Respublikası MAİ, f. 2898, siy. 1, iş 1, v. 43.
CÜMHURİYYƏTİN TƏHLÜKƏSİZLİK ORQANLARI (1918-1920)
50
struktur bölmələrinin təkmilləşdirilməsinə və genişləndirilməsinə
çalışır və bu istiqamətdə əməli fəaliyyət göstərirdilər. Belə əməli
fəaliyyətin məntiqi nəticəsi kimi Gəncə şəhərində Azərbaycan
Ordusu Baş Qərargahının General-kvartirmeyster şöbəsinin Kəşfiyyat
bölməsi rəisinin 1919-cu il yanvarın 28-də General-kvartirmeysterə
göndərdiyi məktub xüsusi maraq doğurur:
“Əks- kəşfiyyat bölməsi
üçün 7 ştatı təqdim edir və məruzə edirəm ki, hələlik aşağıda
adı çəkilən şəhər, dəmiryolu stansiyası və yerlərdə: Bakıda,
Şuşada, Ağdamda, Qazaxda, Gəncədə və s. agent məntəqələrinin
yaradılması məqsədəuyğundur”.
43
Buradan aydın olur ki, artıq dövlət təhlükəsizlik sistemi tədricən
genişləndirilir və mümkün vasitələrlə inkişaf etdirilirdi. Düşmənin
Azərbaycandakı maraqlarını, çirkin siyasətini, eləcə də ölkədəki
gərginliyi nəzərə alan AXC-nin parlamenti 1919-cu il fevralın 25-
də “Hərbi Nazirliyin ştatları haqqında” qanun qəbul etdi. General-
kvartirmeyster idarəsi yanında Əks-kəşfiyyat bölməsinin yaradılması
da həmin ştatda öz təsdiqini tapdı.
Ordunun təlim-tərbiyəsini, döyüş hazırlığını, təsərrüfat və təminat
qayğılarını daha da gücləndirmək məqsədi ilə 26 mart 1919-cu ildə
Ərkani-hərb
(Baş qərargah) təsis edildi. S.Mehmandarovun fikrincə,
indiyədək belə bir qurumun yaradılmamasının əsas səbəbi yüksək
hazırlıqlı kadrların olmaması ilə bağlı idi. S.Mehmandarovun dəvəti
ilə Krımdan gəlmiş, milliyyətcə tatar olan general-leytenant Məmməd
bəy Aleksandroviç Sulkeviç
(əsl adı Maçeybəy idi – C.Q.) martın
26-dan etibarən 147 saylı əmrlə Ərkani-hərbin rəisi kimi fəaliyyətə
başlamış hesab edildi. Artıq 1919-cu ilin martında Hərbi Nazirliyin
strukturu yeni formada dəyişdirilməyə başlandı.
General Mehmandarov Nazirlər Şurasına ünvanladığı məktubda
Ərkani-hərbin struktur məsələlərinə toxunur və göstərirdi ki, bu
hərbi qurumun içərisində üç şöbənin – General-kvartirmeyster,
Topoqrafiya və Hərbi daşınmaların olması məqsədəuyğundur. Adları
çəkilən şöbələrdən birinci ikisi Ümumi Qərargahın tərkibindən
çıxarılaraq Ərkani-hərbə birləşdirildi.
44
Bütün bunlar Azərbaycan
43 Yenə orada, f. 2898, siy. 1, iş. 1, v. 7.
44 Yenə orada, f. 894, siy. 1, iş 3, v. 31.
Dostları ilə paylaş: |