CÜMHURİYYƏTİN TƏHLÜKƏSİZLİK ORQANLARI (1918-1920)
74
N.Şeyxzamanlı “Biz və onlar” əsərində bu hadisə barədə belə yazırdı:
“Onun ( S.Mehmandarov nəzərdə tutulur – C.Q.) parlamentdəki
əsgərlərimiz haqqında söylədiyi qiymətli sözlərdən və bir də
şahidi olduğum hadisədən bəhs edirəm. Səməd Paşanın maşınının
içərisində Səməd Paşa və ağ rusların rəsmi nümayəndəsi 2
polkovnik hərbiyyə nəzarətinə yaxınlaşırdı. Bu vaxt 3 bolşevik
tərəfindən maşına bomba atılır, heç kəsə xəsarət dəymir”.
82
Əsasnamədə göstərilən vəzifələrdən başqa ƏMT DMK-nın rəsmi
tapşırıqlarını da icra edirdi. Məsələn, N.Yusifbəylinin tapşırığı ilə ingilis
komandanlığı altında olan könüllülər ordusunun tərkibində 134 nəfər
zabitin olduğu müəyyənləşdirilmiş və DMK sədrinə məruzə edilmişdi.
Kəşfiyyat və hərbi kəşfiyyatla bağlı məsələlər ƏMT-nin funksiyasına
aid olmasa da, təşkilatın əməkdaşları tərəfindən əldə edilmiş əməliyyat
əhəmiyyəti kəsb edən məxfi məlumatlar DMK-ya, Hərbi Nazirliyə,
bəzən isə Daxili İşlər Nazirliyinə göndərilirdi. ƏMT rəhbərliyi güc
strukturları ilə birgə fəaliyyət göstərir və onun
(ƏMT-nin) funksiyasına
aid olan materialları həmin orqanlar təhlükəsizlik xidmətinə göndərirdi.
ƏMT də öz növbəsində əldə etdiyi məlumatları Hərbi Nazirliyə
ünvanlayırdı. 1919-cu il 13 iyul tarixli 165 saylı məktubunda ƏMT-nin
rəisi Məmmədbağır Şeyxzamanlı Hərbi Nazirliyə yazırdı:
“Məktubla
bərabər 2 səhra telefonunu göndərir və alınması barədə yazılı
qəbz verməyinizi xahiş edirəm. Onu da əlavə edirəm ki, Xırdalan
kəndində 1 yeşik əl qumbarası var və mən onu nazirlik tərəfindən
ezam olunmuş mütəxəssisə təhvil verə bilərəm. Xahiş edirəm
sonuncu barədə məlumat verəsiniz”.
83
Qarşılıqlı şəkildə həyata keçirilən bu tipli informasiya mübadiləsi
yalnız Hərbi Nazirliklə deyil, eyni zamanda Xarici İşlər Nazirliyi,
Gömrük və digər orqanlarla da aparılırdı.
ƏMT-nin əsasnaməsi, eləcə də bu təşkilatın əsas mübarizə
istiqamətləri göstərir ki, qısa bir müddətdə fəaliyyət göstərməsinə
baxmayaraq, AXC-nin bu xüsusi xidmət orqanı dövlətin əleyhinə
yönəldilmiş hər cür qüvvələrə qarşı axıradək, fasiləsiz mübarizə
aparmışdır.
82 Nağı Şeyxzamanlının xatirələri. Bakı 1997. s. 138.
83 Azərbaycan Respublikası MAİ, f. 2894, siy. 1, iş 26, v. 31.
CÜMHURİYYƏTİN TƏHLÜKƏSİZLİK ORQANLARI (1918-1920)
75
III FƏSİL.
Əksinqilabla Mübarizə Təşkilatının
ləğv edilməsinin səbəbləri
CÜMHURİYYƏTİN TƏHLÜKƏSİZLİK ORQANLARI (1918-1920)
76
CÜMHURİYYƏTİN TƏHLÜKƏSİZLİK ORQANLARI (1918-1920)
77
Bolşeviklərin fəaliyyəti 1920-ci ilin əvvəllərindən yeni vüsət aldı.
AXC-nin hüquq-mühafizə və xüsusi xidmət orqanları bütün səylərini
bolşevizmlə mübarizəyə yönəltsələr də, vəziyyət gündən-günə
gərginləşirdi. Vəziyyətin gərginliyinə baxmayaraq, nə qədər qəribə
də olsa, Nazirlər Şurası 1920-ci il martın 6-da ƏMT-nin ləğv edilməsi
barədə qərar qəbul etdi.
Belə bir addımın atılmasının əsas səbəbi bu orqanın fəaliyyətinin
ümumilikdə istənilən nəticəni verməməsi, dövrü üçün müasir hesab
edilən texniki təminatın zəifliyi, yaxud olmaması, əməkdaşların bir
çoxunun təhsilinin, intellektual səviyyələrinin, siyasi savadlarının, eləcə
də peşəkarlıqlarının aşağı olması, obyektiv və subyektiv səbəblərdən
işin öhdəsindən lazımınca gələ bilməməsi idi. Heç təsadüfi deyildir ki,
əməkdaşların bəziləri adi fəhləlikdən bu orqana götürülmüşdü.
84
Buna
görə də onlar əməliyyat işlərini lazımi səviyyədə mənimsəyə və apara
bilmirdilər.
Ədalət naminə demək lazımdır ki, bunların arasında bir neçə dil
bilən, yüksək yazı mədəniyyətinə və intellektual düşüncəyə malik
olan, siyasi prosesləri diqqətlə izləyən və proqnozlaşdırmağı bacaran
adamlar da var idi. Məsələn, 1919-cu il noyabrın 4-də Kladbişenski
küçəsi, ev 5-də yaşayan Əbdülrəhim Hüseynov tərəfindən ƏMT-nin
rəisinə ünvanlanmış məktubda bildirilirdi:
“Sizin rəhbərlik etdiyiniz
təşkilatda mənə uyğun iş yeri verməyinizi xahiş edirəm. Onu da
nəzərinizə çatdırmağı lazım bilirəm ki, 7 sinif gimnaziya təhsili
almışam”.
Görkəmli mollanəsrəddinçi şair Əli Razi Şamçızadə ƏMT-nin rəisinə
yazırdı:
“Əksinqilabla Mübarizə Təşkilatı idarəsində bir vəzifə
ifa etmək arzusunda olduğumdan zati alilərindən rica və esteda
ediyorum. Təhte idarənizdə olan təşkilatda bəndənizə münasib
bildiyiniz bir qulluq verəsiniz. Vətən və millət üçün hər bir ağır
qulluq və fədakarlıqlar olsa da buyurduğunuz vəzifəmi vacibincə
ifa etməkdə kəndimi (Vətənə) məsud və bəxtiyar görəmindən
sanıram. Burasını də ərz etmək ki, rusca, tatarca dillərə bələd
olmaqdan ziyadə, ermənicə də bir az bilirəm. Əlavə farsca və
türkcə mükəmməl və düzgün, imla və inşadan təhsilim də var!
84 Azərbaycan Respublikası MAİ, f. 1052, siy. 1, iş 2, v. 1-3.
CÜMHURİYYƏTİN TƏHLÜKƏSİZLİK ORQANLARI (1918-1920)
78
Bağiye cəvabe alilərinə müntəzirəm kəlam ehtiramı ilə! Əli Razi
Şamçızadə”. Lakin çox təəssüf ki, ƏMT-də belə intellektual düşüncəyə
və müstəqil fikir yürütmək, analitik təhlillər aparmaq qabiliyyətinə
malik olan ziyalılar olduqca az idi.
Bu təşkilatın tezliklə bağlanmasına səbəb olan amillərdən biri də
DMK-nın və digər aidiyyəti təşkilatların kəşfiyyatla əks-kəşfiyyat işi
arasında əlaqəni lazımi səviyyədə qura bilməməsi idi.
Şübhəsiz ki, bu təşkilatın qapanmasının əsas səbəblərindən biri də
ƏMT-də aparılan kadr siyasəti ilə bağlı idi. Bəzi əməkdaşlar müxalifətdə
olan partiyalarının maraqlarına uyğun olaraq, onların tapşırıqlarına
əsasən səhlənkarlıq və sabotajlıq edərək işi pozur, bəzisi isə rəhbərliyi
xəbərdar etmədən
(L.P.Beriya kimi) günlərlə işə çıxmırdı. Məsələn,
“Hümmət” Partiyasının təqdimatı ilə işə götürülən, bir qədər sonra
Senzura şöbəsinin rəisi işləyən Lavrenti Beriya ƏMT tərəfindən
“bolşeviklərin təqib olunmasını” bəhanə gətirərək özbaşına Tiflisə
getmiş və bir daha geri qayıtmamışdı.
85
Bundan başqa, sosial demokratlardan, hümmətçilərdən təyin
olunmuş kadrlar əldə etdikləri informasiyaları bolşeviklərə ötürür
və nəzərdə tutulan əməliyyat tədbirlərinin yüksək səviyyədə həyata
keçirilməsinə imkan vermirdilər. Belə ki, “Hümmət” Partiyasının
təqdimatına əsasən ƏMT-yə işə götürülən L.P.Beriya haqqında belə
fikirlər də mövcuddur ki, o, 1919-cu ildə AXC-yə qarşı üç dövlətə –
İngiltərə, Almaniya və Sovet Rusiyasına casusluq edirdi. ƏMT-nin
əməkdaşlarından olan Qasım İsmayılov, Mirfəttah Musəvi, Müzəffər
Nərimanov və başqaları da “Hümmət” Partiyasının tapşırığı ilə bu
təşkilata göndərilmişdi.
“M.Nərimanov partiyanın tapşırığını yerinə
yetirərək müsavat ordusu, əks-kəşfiyyatın işləri və planları barədə
partiyaya mütəmadi olaraq məlumat verirdi”
86
. Müzəffər Nərimanov
öz tərcümeyi-halında göstərirdi ki,
“Mən “Müsavat” əks-kəşfiyyatında
işləyərkən müxtəlif tapşırıqları yerinə yetirmişəm, həbs olunan
bolşeviklərin azad olunmasına kömək etmişəm. M.Musəvidən
başqa, Həmid Sultanov, Viktor Naneyşvili, İ.Dövlətov və başqaları
ilə əlaqə saxlamışam”
87
.
85 Nağı Şeyxzamanlının xatirələri. Bakı, 1997, s. 181.
86 Bağırov M. Müzəffər Nərimanov (biblioqrafik oçerk). Bakı, 1965, s. 6.
87 AR SPİHDA, f.1, siy. 8, v. 3-6.
Dostları ilə paylaş: |