CÜMHURİYYƏTİN TƏHLÜKƏSİZLİK ORQANLARI (1918-1920)
65
mücadiləsinin xatirələri” kitabında belə bir təşkilatın yaradılmasının
səbəblərini aşağıdakı kimi izah edirdi:
“Əksinqilabla Mübarizə
Təşkilatının yaradılmasına səbəb cümhuriyyətimizin ilk illərində
çar generalı Denikinin mütəmadi olaraq bizi təhdid etməsi, tez-
tez hüquqlarımızı zorlaması və müxtəlif hadisələr törətməsi
olmuşdur. Ona görə də hökumətimiz Əksinqilabla Mübarizə
Təşkilatının layihəsini hazırlayıb parlamentə təqdim etdi. Layihə
məclisdə böyük səs çoxluğu ilə qəbul olundu”.
65
Daha sonra Nağı
bəy Şeyxzamanlı göstərirdi ki, bolşeviklər Qafqazda general Denikin
ordusunu darmadağın etdikdən sonra artıq bizim üçün ağqvardiyaçı
təhlükəsi qalmamışdı. Ancaq Denikinin yerinə arxasını Rusiyanın
mərkəzi olan Moskvaya dayayan bolşeviklər
kimi bir təhlükəli qüvvə
də var idi. Artıq biz də fəaliyyətimizi bolşeviklər əleyhinə çevirmişdik.
Əslində bolşevizmlə mübarizə bu tarixdən çox-çox əvvəl başlanmışdı.
Təşkilatın fəaliyyətinin birinci ayında aparatda 19 nəfər çalışırdı.
Onların 3-ü baş agent, 16-sı isə agent vəzifəsini tuturdu. Bir qədər
sonra ƏMT-nin əməliyyat heyəti 27 nəfərə çatdı. Onlardan 2 nəfəri baş
agent, 25 nəfəri isə agent vəzifəsini tutdu. Eyni zamanda, Bakıda ƏMT-
nin 8 rayon bölməsi yaradıldı
66
və təşkilatın strukturu formalaşdırıldı.
ƏMT-nin Əsasnaməsinə uyğun olaraq Azərbaycan dövlətçiliyinə
qarşı təxribat və terror aksiyaları keçirmək cəhdlərində, dövlət
əhəmiyyətli
obyektlərə, eləcə də hakimiyyətə qarşı silahlı müqavimət
göstərməkdə, casusluqda və s. şübhəli bilinən şəxslərin həbsi zamanı
yerli polis və əlaqədar orqanların nümayəndələri də dəvət olunurdu.
Həbs olunanlar haqqında qərarın surəti cəzaçəkmə yerinə, prokurora,
dairə məhkəməsinə və Bakı rayonunun general-qubernatoruna
göndərilirdi. Həbs olunanların cinayəti sübuta yetirilməyəndə onlar
bir aydan gec olmayaraq azad edilməli idi. Zərurət yarandıqda bu
müddət yalnız general-qubernatorun göstərişi ilə üç aya qədər uzadıla
bilərdi. Lakin həbs olunan şəxs 24 saatdan gec olmayaraq Əks-
kəşfiyyat bölməsinin rəisi və ya onun köməkçisinin yanına gətirilməli
idi. Əgər həbs olunan şəxs uzaqda olardısa, bu vaxt ƏMT rəislərinin
yanına gətirilməsi üçün yerli şəraitə
uyğun olan müddətə qədər
65 Şeyxzamanlı N. Azərbaycanın istiqlal mücadiləsinin xatirələri. İstanbul, 1964, s. 86.
66 Qoca E. Azərbaycanın təhlükəsizlik və xüsusi xidmət orqanları (1918-1920). Bakı, 2000, s. 68.
CÜMHURİYYƏTİN TƏHLÜKƏSİZLİK ORQANLARI (1918-1920)
66
uzadıla bilərdi.
67
Əks-kəşfiyyat bölməsinin rəisi və ya onun köməkçisi tutulan şəxsin
gətirilməsindən 24 saatdan gec olmayaraq məhbusu dindirməli, onun
həbsdən azad olunması və ya saxlanılması barədə qərar qəbul etməli
və ya aidiyyəti qurumlar qarşısında vəsatətin qaldırılmasına nail olmalı
idi.
ƏMT-nin başlıca vəzifələri əsasən aşağıdakılardan ibarət idi:
-
dövlət quruluşunun devrilməsinə yönəlmiş, əhali arasında şifahi
və ya mətbuat vasitəsilə hökumətə zidd təşviqat aparan şəxslərin müəyyən
edilməsi;
-
hökumətin fəaliyyəti və hərbi hissələrin əməliyyatlarına, milli
təhlükəsizliyə dair yalan məlumat və şaiyələr yayanların, əhalinin ayrı-
ayrı sinifləri arasında milli münaqişələr yaradanların aşkarlanması;
-
hakimiyyət dairələrinin xüsusi icazəsi olmadan təşkil edilmiş,
siyasi xarakter daşıyan hər cür toplantı və iclasların təşkilatçılarının
müəyyən edilməsi;
-
hər növdən olan odlu silah, döyüş sursatı və partlayıcı maddələrin
anbar və gizli saxlanma yerlərinin aşkar olunması;
-
şübhəli şəxsləri ilkin həbs etmək hüququna malik olması və s.
ƏMT-nin kadr tərkibi müxtəlif partiya və millətlərin
nümayəndələrindən ibarət idi. Belə ki,
“təşkilatda çalışacaq
şəxslərin üçdə ikisi “Müsavat” firqəsindən, üçdə biri isə sosialist
“Hümmət” Partiyasından olmalı idi. Təşkilatın sədri müsavatçı,
müavini isə “Hümmət” Partiyasından olmalı idi”
68
.
ƏMT-yə xidmətə əvvəlcə partiya prinsipinə – “Müsavat” və
“Hümmət” partiyalarının təqdimatlarına görə, sonralar isə namizədləri
şəxsi
keyfiyyətlərinə, vətənə sədaqətinə, intellektual düşüncə tərzinə
görə qəbul edirdilər. İlk vaxtlar “Müsavat” əks-kəşfiyyatına bolşevik
partiyasından da daxil olanlar var idi. Bolşeviklərin Mərkəzi Komitəsi
(MK) ƏMT-nin işindən xəbərdar olmaq, orada gedən prosesləri
dərindən izləmək məqsədi ilə təşkilatda işləmək üçün bir sıra
partiya üzvlərinin və ya onlara yaxın
olan şəxslərin namizədliyini
irəli sürmüşdü. AXC əks- kəşfiyyatçılarının çoxu, bir qayda olaraq,
67 Qasımov C. Əksinqilabla Mübarizə Təşkilatı və siyasi repressiya. Bakı, 1997, s. 108-109.
68 Nağı Şeyxzamanlının xatirələri. Bakı, 1997, s. 172
CÜMHURİYYƏTİN TƏHLÜKƏSİZLİK ORQANLARI (1918-1920)
67
Əksinqilabla Mübarizə
Təşkilatının blankı
“Müsavat” Partiyasına sədaqətli adamlar idilər. Onlar iş prosesində
öz təyinatlarını tamamilə doğrultdular. AK(b)P MK-dan olan
yoldaşlarının hər bir hərəkətinə göz qoyur və bu məqsədlə hər
bolşevikə bir əks-kəşfiyyatçı “Müsavat” üzvü təhkim edirdilər… AK
(b) P MK-nın gizli qərarı ilə “Müsavat “əks-kəşfiyyatına 17 nəfər daxil
oldu. Əks- kəşfiyyatda hümmətçi bolşevikləri tək, müsavatçıları isə
cüt rəqəmlə nömrələyirdilər.
69
Yeri
gəlmişkən qeyd edək ki,
ƏMT-yə qəbul zamanı əməkdaşlar
xüsusi yoxlamadan keçmədən
(çox
vaxt hər hansı bir şəxsin təqdimatı
və ya zəmanəti kifayət edirdi –
C.Q.)
işə götürülürdü. Məsələn, işə
götürülməsi ilə əlaqədar Mirzəbaba
Sadıqov tərəfindən yazılmış
xahişnamənin üzərində ƏMT-nin
rəisi N.Şeyxzamanlı belə bir dərkənar
qoymuşdu:
“1919-cu il sentyabrın
10-dan işə götürülsün”. Maraqlıdır
ki, həmin dərkənarda konkret
olaraq gün göstərilir və elə həmin gün də namizədi işə götürürdülər.
Əmrdə oxuyuruq:
“Mirzəbaba Sadıqov 10 sentyabr 1919-cu ildən
Əksinqilabla Mübarizə Təşkilatının agenti təyin edilsin”.
70
ƏMT-nin əməliyyat heyəti ştata uyğun
olaraq agent və baş agent
vəzifələrindən ibarət idi. Araşdırmaların məntiqi nəticəsi kimi deyə
bilərik ki, ƏMT-nin fəaliyyət göstərdiyi 1919-cu il iyunun 11-dən 1920-
ci il martın 6-dək olan dövrdə təşkilatda yüzdən çox əməkdaş olmuşdu.
Azərbaycanın milli təhlükəsizliyini müdafiə edən bu təşkilatda 6-7
millətin nümayəndəsi işləyirdi. Təəccüblüdür ki, Azərbaycanın
bütün dövlət strukturlarına, hətta Milli Məclisə soxulmağı bacaran
ermənilərin təhlükəsizlik orqanlarında nümayəndələri yox idi.
DMK-nın sədri Nəsib bəy Yusifbəylinin əmri ilə ƏMT-nin ilk
rəisi “Müsavat” Partiyası və AXC parlamentinin üzvü Məmmədbağır
69 Cəfərov M. ADR-in xüsusi xidmət orqanları. Bakı, 1997. s.17.
70 DTX-nin arxivi. M.Sadıqovun istintaq qovluğu, PR- 39509.