CÜMHURİYYƏTİN TƏHLÜKƏSİZLİK ORQANLARI (1918-1920)
37
I FƏSİL.
Azərbaycan Xalq Cümhuriyyətinin
təhlükəsizlik orqanlarının
yaradılması və fəaliyyəti
XX əsrdə Azərbaycan xalqı öz müstəqilliyini
iki dəfə elan etdi. Hər iki müstəqilliyə aparan yol
soyqrımından, qətliamdan keçdi. Birinciyə Mart,
ikinciyə isə 20 Yanvar qırğınından keçib gəldik.
CÜMHURİYYƏTİN TƏHLÜKƏSİZLİK ORQANLARI (1918-1920)
38
CÜMHURİYYƏTİN TƏHLÜKƏSİZLİK ORQANLARI (1918-1920)
39
I. 1. Cümhuriyyətin yaranması ərəfəsində Azərbaycanda
ictimai-siyasi vəziyyət
Birinci Dünya müharibəsinin əsas iştirakçılarından olan Rusiyada
sürətlə dərinləşən iqtisadi, siyasi və hərbi böhran, orduda artan fərarilik
Romanovlar sülaləsini müharibədən çıxmaq haqda düşünməyə vadar
etdi, rus-alman sövdələşməsi zərurətini yaratdı. İngiltərə kəşfiyyat
idarəsinin gizli danışıqlar haqqında məlumatı Böyük Britaniyanı
narahat etməyə bilməzdi. Çünki Rusiyanın müharibədən çıxması
Almaniyanı iki cəbhədə müharibədən xilas edər, hərbi qüvvələrini
şərq cəbhəsindən qərb cəbhəsinə çəkməklə İngiltərənin vəziyyətini
ağırlaşdırardı. İngiltərənin müharibədən çıxmamaq haqqında təklifi
II Nikolay tərəfindən rədd edildikdən sonra Romanovlar sülaləsinin
çürüyən daxili dayaqları ilə yanaşı beynəlxalq dəstəyi də itdi və
sülalənin devrilməsi qarşısıalınmaz
oldu. Beləliklə də, 1917-ci ilin fevral
hadisəsi Romanovlar sülaləsinin
hakimiyyətinə son qoydu. Millətlərin
öz müqəddəratını təyin etmələri
üçün əlverişli imkan yarandı.
Rusiyada ikihakimiyyətlilik
hökm sürməyə başladı. Müvəqqəti
hökumətin 6 mart 1917-ci il tarixli
müraciəti demokratik azadlıqlar vəd
edir, ölkədə yeni idarəetmə formasını
müəyyən etməli olan Müəssislər
Məclisinin çağırılmasını zəruri
edirdi. Fevral inqilabından sonra
Azərbaycanda milli azadlıq hərəkatı
da yeni mərhələyə daxil oldu. Bakıda
leqal fəaliyyətə başlayan “Müsavat”,
Gəncədə “Federalistlər”, İrəvanda “İrşad” və s. partiyalardan heç biri
milli-azadlıq hərəkatına rəhbərliyi bir əldə cəmləşdirmək gücündə
deyildi. Qüvvələrin birləşdirilməsi məqsədi ilə ictimai qruplar
arasında 29 mart 1917-ci il tarixdə yaradılmış Bakı Müsəlman
İctimai Təşkilatının Müvəqqəti Komitəsi
(sədr M.H.Hacınski, müavin
Məmmədəmin Rəsulzadə
CÜMHURİYYƏTİN TƏHLÜKƏSİZLİK ORQANLARI (1918-1920)
40
M.Ə.Rəsulzadə) xalqı ümummilli məqsədlər ətrafında cəmləşdirmək
uğrunda mübarizədə təşəbbüsü ələ aldı. Məhz Müvəqqəti Komitənin
qətiyyəti sayəsində çağırılmış Ümumqafqaz Müsəlmanlarının
Qurultayında demokratik düşüncə sahibləri Azərbaycan milli
azadlıq hərəkatının siyasi proqramının qəbul edilməsinə müvəffəq
oldular. Müsəlman xalqlarının, o cümlədən Azərbaycanın milli-
ərazi və idarəçilik maraqlarını təsbit edən həmin proqram 1-11 may
tarixlərində keçirilən Ümumrusiya Müsəlmanlarının I Qurultayında
daha da inkişaf etdirildi. M.Ə.Rəsulzadənin bu xüsusda 271 səsə qarşı
446 səslə qəbul edilən qətnaməsi Azərbaycan milli azadlıq hərəkatının
qələbəsi idi.
Müvəqqəti hökumətin beynəlxalq maraqlara xidmət edən
“müharibəni axıra qədər davam etdirmək” haqqında bəyanatı ölkədəki
böhranı daha da kəskinləşdirdi. O, bu bəyanat ilə xarici dayaqlarını
qoruyub saxlamağa çalışsa da, daxili siyasi-iqtisadi proseslərin
əsirinə çevrildi. Davam etməkdə olan Birinci Dünya müharibəsi isə
nəinki Rusiyada, eləcə də müharibəyə qoşulan dövlətlərin hamısında
böhranı gündən-günə dərinləşdirir və Rusiya iqtidarının məhvini
yaxınlaşdırırdı. 1917-ci ilin payızına qədərki müddətdə müharibənin
davam etdirilməsində maraqlı olan İngiltərə və Fransanın mövqeyində
də müharibəyə münasibətdə dəyişiklik yarandı. Vahid cəbhədə
müharibəyə can atan Almaniya isə Rusiyadakı siyasi proseslərə təsir
etmək, hətta maliyyə vəsaiti sərf etməkdən də çəkinmirdi. Daxili və
beynəlxalq amillərlə şərtlənən 1917-ci il Oktyabr hadisəsi ilə bütün
Rusiyada, o cümlədən Azərbaycanda ictimai-siyasi proseslər yeni
dövrə qədəm qoydu.
Beləliklə, “
1917-ci il inqilabı məhkum siniflərə hürriyyət,
məhkum millətlərə muxtariyyət verəcəkdi”
28
inamı özünü
doğrultmadı. 1917-ci il noyabrın 2-də S.Şaumyan başda olmaqla Bakı
Soveti yaradıldı. Bakı neftinə can atan bolşevik hakimiyyətinə qarşı
Tiflisdəki amerikan, ingilis və fransız nümayəndəlikləri Cənubi Qafqaz
idarəçiliyini bir araya gətirdilər. 1917-ci il noyabrın 14-də Zaqafqaziya
Komissarlığı təsis edildi.
1918-ci il fevralın 10-da Zaqafqaziya Komissarlığını Zaqafqaziya
Seymi əvəz etdi. Seymdə Cənubi Qafqazdan Ümumrusiya Müəssislər
28 Rəsulzadə M.Ə. Azərbaycan Cümhuriyyəti. Bakı, 1990, s. 26.
CÜMHURİYYƏTİN TƏHLÜKƏSİZLİK ORQANLARI (1918-1920)
41
Məclisinə seçilmiş siyasi partiyaların nümayəndələri təmsil
olunmuşdular. Bunlardan 32 nəfəri menşevik, 30 nəfəri “Müsavat”, 27
nəfəri daşnak və 19 nəfəri eser partiyasının nümayəndəsi idi. Müsəlman
ittihadçılar, gürcü milli demokratlar və sosialist federalistlər, menşevik
hümmətçilər də Seymdə təmsil olunmuşdular. Zaqafqaziya Seymində
Azərbaycandakı siyasi partiyaların 44 nümayəndəsi təmsil olunurdu.
Seymin ilk iclasında Rusiya hərbi hissələrinin Cənubi Qafqazdan
çıxarılması məsələsi irəli sürüldü.
Seymin nümayəndələri Cənubi Qafqazın ümumi mövqeyindən deyil,
yaranmış şəraitdə daha çox öz millətlərinin milli mənafelərin dən çıxış edir,
özlərinin müstəqilliyinin elan edilməsi barədə müzakirələr aparırdılar.
Brest müqaviləsindən sonra Cənubi Qafqazda yaranmış vəziyyətdən
istifadə edən erməni-rus hərbi birləşmələri Azərbaycan türklərinə qarşı
soyqırımına başladılar.
Mart qırğınlarına münasibətini bildirən N.Nərimanov ermənilərin
vəhşiliklərini belə xarakterizə edirdi: “
Müsəlman hətta bolşevik
olsaydı belə, ona aman vermirdilər. Daşnaklar deyirdilər: “Biz
heç bir bolşevik tanımırıq, təkcə elə müsəlman olmağı kifayətdir”.
Onlar kefi istədikləri adamı öldürür, evləri dağıdır, xaraba
qoyurdular… Bolşevizm bayrağı altında daşnaklar müsəlmanlara
qarşı hər cür vəhşiliyə yol verirdilər. Nəinki kişilərə, hətta hamilə
qadınlara da rəhm etmirdilər”.
29
Mart hadisələrindən dəhşətə gələn
M.Ə.Rəsulzadə 10 min günahsız müsəlmanın öldürüldüyünü yazır
30
və bu soyqırımı siyasətinin mahiyyətini “Unudulmuş faciə” adlı
məqaləsində belə qiymətləndirirdi:
“Həqiqətdir ki, martın 18-dən
20-nə qədər Bakı-türk demokratiyasının qafasında partladılan
toplar, müsəlmanlar haqqında görülən müzalim Azərbaycan
fikrini daşıyanı, muxtariyyat və istiqlal əqidəsi ilə pərvərdə olan
vücudları məhv etmək üçün idi”.
31
1918-ci ilin martında Bakıda erməni daşnak və bolşevik
qüvvələrinin törətdiyi qırğınlara Zaqafqaziya Seyminin erməni və
gürcü nümayəndələri biganəlik və etinasızlıq gös tər ərək bu faciələri
qiymətləndirmədilər. Ermənilərin törətdiyi bu vəhşiliklərə qiymət
verilməməsi Seymin müsəlman fraksiyasını narazı saldı və onların
29 Nərimanov N. Məqalələr və məktublar. M., 1925. s. 6.
30 Rəsulzadə M.Ə. Azərbaycan Cümhuriyyəti. Bakı, 1990, s. 33.
31 “İstiqlal” qəzeti, 31 mart 1919-cu il
Dostları ilə paylaş: |