CÜMHURİYYƏTİN TƏHLÜKƏSİZLİK ORQANLARI (1918-1920)
28
-
casusun işlədiyi ölkənin dilini bilmək;
-
fəaliyyət göstərdiyi ölkənin tarixini və adət-ənənələrini bilmək;
-
səyahət təcrübəsinə malik olmaq;
-
məlumat almanın müxtəlif yollarını bilmək.
Bundan başqa, kəşfiyyatçıdan iti ağıl, hiyləgərlik, cəldlik,
düzlük, mənəvi təmizlik və s. şəxsi keyfiyyətlər də tələb olunurdu.
Kəşfiyyatçıların bir-birini tanımaması da əsas və ümdə şərtlərdən biri
idi.
Kəşfiyyat və əks-kəşfiyyat işi Səfəvilər dövründə özünün yeni
mərhələsinə qədəm qoydu. Təsadüfi deyildir ki, bəzi tədqiqatçı
alimlər “Səfəvilər dövlətinin gizli xidmət idarəsinin fəaliyyətini ÇK-
nın
(Fövqəladə Komissiya nəzərdə tutulur – C.Q.) işi ilə müqayisə
edirdilər”.
14
Belə müqayisə qüsurludur və təəssüf ki, tədqiqatçı həmin
gizli xidmət idarəsinin adını çəkmir. Fikrimizcə, həmin təhlükəsizlik
orqanı “Qorçi” təşkilatıdır. “Qorumaq, qoruyucu, qoruyan, mühafizə
edən” mənasında işlədilən
qorçi sözü XIV-XVIII əsrlərdə Azərbaycanda
xüsusi mühafizə dəstələrinin döyüşçüsü, saray və ya əyalət
qvardiyaçısı
(mühafizəçisi) anlamında işlədilib. Qorçi dəstələri əsasən
azərbaycanlılardan
(qızılbaşlardan, əfşarlardan və s.) təşkil olunurdu.
Əvvəlki illərlə müqayisədə XVI əsrin əvvəllərindən başlayaraq
qorçilərin səlahiyyətləri daha da artırıldı. Qorçilər qorçibaşlarına tabe
idi. Maraqlıdır ki,
“ümumdövlət qorçibaşlarından başqa ayrı-ayrı
əyalətlərin (bəylərbəyliklərin) və qızılbaş tayfalarının öz qorçibaşısı
var idi”.
15
XVI əsrdə
qorçibaşı vəzifəsinə təyin edilən qızılbaş əmirləri Səfəvilər
dövlətində ən mötəbər şəxslərdən biri hesab olunurdu. I Şah İsmayıl
hakimiyyətinin
(1501-1524) ilk illərində məşhur əmirlərdən Durmuş
xan Şamlu və Dədə bəy Zülqədər qorçibaşı olmuşlar. I Təhmasib
dövründə
(1524-1576) qorçibaşı mühüm dövlət vəzifəsi idi. Bu
zaman qorçibaşı vəzifəsinə əsasən əfşar tayfasından olan əmirlər təyin
edilirdi. Belə ki, I Təhmasibin ən məşhur qorçibaşısı Sevindik bəy
Əfşar idi. Qorçibaşı XVIII əsrə qədər yüksək hərbi vəzifə olmuşdur.
16
Qorçilərin özlərinə məxsus geyimləri də olmuşdur. Qorçilərin əsas
14 Solak-zadə M. Tarix. Bakı, 1992, s. 3.
15 Məmmədova Ş. “Xülasət ət-təvarix” Azərbaycan tarixinin mənbəyi kimi. Bakı, 1991, s. 51.
16 Musəvi T. Orta əsr Azərbaycan tarixinə dair fars dilində yazılmış sənədlər. Bakı, 1965.
CÜMHURİYYƏTİN TƏHLÜKƏSİZLİK ORQANLARI (1918-1920)
29
fərqləndirici əlamətləri uzun bığ saxlamaları idi. Onlar, adətən, qılınc,
balta, ox, xəncər və qalxanla silahlanırdılar. Ayrı-ayrı qorçi dəstələri
əsasən müəyyən bir tayfanın nümayəndələrindən təşkil edilir, onun və
ya ərazinin adı ilə adlanırdı
(məsələn, Naxçıvan qorçiləri, Şamlu qorçiləri,
Əfşar qorçiləri və s.). Səfəvilər dövründə müxtəlif vəzifə daşıyan qorçilər
(məsələn, ox və kaman qorçiləri, qılınc qorçiləri, hərəmxana qorçiləri və s.)
var idi.
17
Səfəvilərin ən etibar etdiyi mühafizə dəstəsi qorçilər idi. Ona görə
də, xüsusi şəxslərin mühafizəsi zamanı onlardan istifadə olunurdu.
Səfəvi hökmdarları ən təhlükəli cinayətkarların mühafizəsini də
qorçilərə tapşırırdılar. “
Osmanlı sultanı I Süleymanın oğlu Bayəzid
1559-cu ildə I Şah Təhmasib tərəfindən həbs edilib dövlətxananın
bir hücrəsində saxlanılırdı. Bu vaxt onun mühafizəsi bir dəstə
qorçiyə tapşırılmışdı”.
18
Təxribatçılarla, dini təfriqə yayanlarla, şiə, eləcə də sünni məzhəbini
uca tutaraq digəri əleyhinə əks-təbliğat aparanlarla, hər hansı bir
xəlifənin əleyhinə danışanlarla mübarizə aparmaq səlahiyyətləri də
qorçilərə həvalə edilmişdi. Belə ki, II Şah İsmayıl qorçi dəstəsinə
məscidə getmək və xəlifələr əleyhinə lənətlər yağdıran, dini təfriqələr
yayan müsəlmanları cəzalandırmaq əmri vermişdi. Məsciddə Əlinin
düşmənlərini əbədi lənətləyən dərvişlərdən biri qorçi dəstəsi
tərəfindən cəzalandırılmışdı. Bu metod əks tərəfə də tətbiq edilirdi.
Maraqlıdır ki, tayfalar arasında münaqişə salmağa çalışan və ya hər
hansı bir tayfanı təhqir edənlər arasında qorçibaşları olanda onların
özləri də cəzalandırılırdı. Belə ki, 1574-cü ildə qorçibaşı Əhməd bəy
əfşar tayfası əleyhinə kobud sözlər dediyi üçün tutulub “Ələmut”
qalasına salınmışdı.
19
Bu fakt təsdiq edir ki, qorçilərə səlahiyyətlər
verilsə də, səlahiyyət həddini aşmağa icazə verilmirdi.
Göründüyü kimi, artıq orta əsrlərdə kəşfiyyat və əks-kəşfiyyat işi
dövlətin qarşısında duran mühüm bir vəzifəyə çevrilmişdi. Həm də bu
proses yalnız Şərqdə deyil, dünyanın hər yerində gedirdi. Tədqiqatçı-
alim Y.B.Çernyak yazır ki, ingilis kralı VII Henrinin məxfi xidmətində
çalışan adamlar 4 qrupa bölünmüşdülər:
17 Azərbaycan SSR EA-nın Xəbərləri (tarix, fəlsəfə və hüquq seriyası). Bakı, 1966, № 4.
18 Məmmədova Ş. “Xülasət ət-təvarix” Azərbaycan tarixinin mənbəyi kimi. Bakı, 1991, s. 51.
19 Yenə orada, s. 50.
CÜMHURİYYƏTİN TƏHLÜKƏSİZLİK ORQANLARI (1918-1920)
30
Birinci qrup – gizli agentlər. Onlar, adətən, rezidentlər, yəni
cəmiyyətin nisbətən yüksək pilləsində duran adamlar idi.
İkinci qrup – informatorlar idi.
Üçüncü qrup – peşəkar kəşfiyyatçılardan ibarət idi. Onlar
sistematik olaraq müəyyən adamları izləməli və lazım olduqda onları
oğurlamalı idilər.
Dördüncü qrup – peşəkar casuslar idilər.
20
Kəşfiyyatın və əks-kəşfiyyatın funksiyaları şəraitdən asılı olaraq
tez-tez dəyişirdi. Dövlətlər arasında diplomatik və ticari əlaqələr
olmadıqda belə kəşfiyyatçılar sadəcə məxfi siyasi məlumat deyil, həm
də bu və ya digər ölkə haqqında coğrafi, iqtisadi məlumatlar əldə
etməyə çalışırdılar. O dövrlərdə kəşfiyyatçı səfir, konsul, tacir, səyyah,
jurnalist, coğrafiyaşünas-alim, etnoqraf və ya iqtisadçının öhdəsində
olan vəzifələri həyata keçirirdi.
21
XVI əsrdə xarici ölkələrdə daimi səfir saxlamaq sistemi yarandı.
Səfirliklər kəşfiyyatın, eyni zamanda əks-kəşfiyyatın mərkəzinə
çevrildi, həm daxili, həm də xarici təhdidlərin qarşısının alınmasında
mühüm rol oynadı. İngiltərə kraliçası I Yelizavetanın hakimiyyəti
illərində (1558-1603) xarici kəşfiyyata daha çox üstünlük verilirdi.
Onun yaratdığı təhlükəsizlik sistemi nəticəsində İngiltərə güclü
mərkəzləşmiş dövlətə çevrildi.
22
Rusiyada isə güclü mərkəzi hakimiyyət yaratmaq üçün 1565-
ci ildə Moskva knyazı İvan Qroznı tərəfindən “opriçnina” siyasəti
həyata keçirildi. “Opriçnik”lərin əsas missiyası hakimiyyətə qarşı
çıxanları nəzarət altında saxlamaq və zərərsizləşdirməkdən ibarət idi.
7 il əhalini xof və qorxu içərisində yaşadan “opriçnina” 1572-ci ildə
ləğv olundu. Qroznıdan sonrakı knyazların dövründə də təhlükəsizlik
orqanları yaradıldı. Ancaq tarix səhnəsində elə bir mühüm yer tuta
bilmədiklərindən tezliklə bağlandı.
23
Rusiyada siyasi cinayətkarlarla mübarizə aparan digər təşkilat XVII
əsrin sonunda I Pyotr tərəfindən yaradılmışdı. “Priobrajenski prikaz”
20 Черняк Е.Б. Пять столетий тайной войны. М., 1991.
21 Yenə orada
22 Полмер Н., Аллен Т.
Энциклопедия шпионажа. М., 1997.
23 Гордиевский Э. КГБ история внешнеполитических операций от Ленина до Горбачева. Нота Бене,
1992.
Dostları ilə paylaş: |