CÜMHURİYYƏTİN TƏHLÜKƏSİZLİK ORQANLARI (1918-1920)
31
adlanan bu təşkilat əhali arasında qorxu və hüquqsuzluq atmosferi
yaratsa da, qısa bir müddətdən sonra özünü doğrultmadığına görə
ləğv olundu.
24
Rusiyada Dekabristlər hərəkatının gücləndiyi dövrdə - 1825-ci ildə I
Nikolay
(1825-1855) imperiya dəftərxanası nəzdində yeni siyasi polisin
III şöbəsini yaratdı. Cəmi 16 nəfərdən ibarət olan bu şöbə ictimai fikrin
inkişafına nəzarət edir və inqilabi ideyaların genişlənməsinə imkan
vermirdi. Əməkdaşları ağ əlcək və göy yapıncı geyən həmin şöbənin
informatorlar şəbəkəsi və jandarm korpusu var idi. Jandarm korpusu
dövlət təhlükəsizliyini qoruyurdu. I Nikolayın ölümündən sonra bu
aparatın əməkdaşlarının sayı 24-ə çatdırıldı. Yarıtmaz fəaliyyətinə görə
1880-ci ildə III şöbə buraxıldı. Onun yerinə “Dövlət polis departamenti”
yaradıldı. 1883-cü ildə isə adı dəyişdirilərək “Polis departamenti”
adlandırıldı və dövlətin təhlükəsizliyini qorumaq funksiyası ona həvalə
edildi. Sonralar isə Polis departamenti “Mühafizə”
(“Oxranka”) sistemi
adlandırıldı. “Mühafizə” xarici diplomatik kodları və şifrləri açan ilk
kəşfiyyat xidməti oldu. II Nikolayın hakimiyyəti dövründə diplomatik
poçtun tutulması, açılması və şifrinin oxunması sahəsində Rusiya aparıcı
yer tuturdu. Birinci Dünya müharibəsinə qədər Almaniya, İngiltərə və
ABŞ-ın belə xidməti yox idi.
25
Bu sahədə Rusiyanın yeganə rəqibi Fransa idi. Fransa “Syurte”
xidməti diplomatik poçtun açılması ilə məşğul olurdu. XIX əsrin
əvvəlində Fransada Napoleon Bonapart ilk növbədə məktubları
prelustrasiya etmək üçün məxfi xidmət yaratmışdı.
Diplomatik poçtun gizli açılması və yoxlanılması get-gedə daha da
genişləndi. Hətta Böyük Britaniyada bu xidməti həyata keçirən idarə
də təsis edildi. Orada London polisinin tərkibində daxili və xarici
terrorçularla mübarizə üçün xüsusi şöbə yaradılmışdı.
26
Rus xarici kəşfiyyatı ümumən zəif təşkil olunsa da, gələcəkdə sovet
kəşfiyyatı üçün bünövrə rolunu oynadı. Fevral inqilabından sonra
bolşeviklərin əlinə keçən “Mühafizə” xidmətinin arxivləri açılarkən
məlum oldu ki, Rusiya Sosial Demokrat Fəhlə Partiyasına onlar öz
agentlərini hələ 1903-cü ildən etibarən daxil etmişdilər. Göründüyü
24 Yenə orada.
25 Черняк Е.Б. Пять столетий тайной войны. М., 1991.
26 Полмер Н., Аллен Т. Энциклопедия шпионажа. М., 1997.
CÜMHURİYYƏTİN TƏHLÜKƏSİZLİK ORQANLARI (1918-1920)
32
kimi, təhlükəsizlik orqanları getdikcə daha da təkmilləşir və öz
funksiyalarını müəyyənləşdirirdilər.
1917-ci il dekabrın 20-də sovet xüsusi xidmət orqanı olan
Ümumrusiya Fövqəladə Komissiyası
(ÜFK) yaradıldı. 1991-ci ilə
qədər müxtəlif adlar altında fəaliyyət göstərən bu qurum 6 may 1991-ci
ildən Ümumittifaq Respublikaları statuslu RSFSR Dövlət Təhlükəsizlik
Komitəsi, 1991-ci il noyabrın 26-dan isə RSFSR Federal Təhlükəsizlik
Agentliyi adlanmağa başlandı.
27
Bu qurum 1991-ci il dekabrın 3-də
Respublikalararası Təhlükəsizlik Xidməti və Mərkəzi Kəşfiyyat Xidməti
(hazırda Rusiya Federasiyası Xarici Kəşfiyyat Xidməti) adlandırıldı.
1992-ci il yanvarın 24-də Federal Təhlükəsizlik Agentliyinin və
Respublikalararası Təhlükəsizlik Xidmətinin bazası əsasında Rusiya
Federasiyasının Təhlükəsizlik Nazirliyi yaradıldı. 1993-cü il dekabrın 21-
də Rusiya Federasiyasının Təhlükəsizlik Nazirliyi ləğv edildi. Bu xüsusi
xidmət orqanı Rusiya Federasiyasının Federal Əks-kəşfiyyat Xidməti
adlanmağa başladı.
Hazırda Rusiyada aşağıdakı xüsusi xidmət orqanları fəaliyyət
göstərir:
-
Xarici Kəşfiyyat Xidməti (XKX),
-
Federal Təhlükəsizlik Xidməti,
-
Baş Kəşfiyyat İdarəsi,
-
Hökumət Rabitəsi Federal Agentliyi,
-
Federal Sərhəd Xidməti.
Dünyada bir çox xüsusi xidmət orqanları mövcuddur. Onlardan
biri də İran İslam Respublikasının təhlükəsizlik orqanlarıdır. İranda ilk
kəşfiyyat və əks-kəşfiyyat xidməti XX əsrin əvvəllərində – 1905-1911-
ci illərdə yaranmağa və formalaşmağa başlamışdır. İranda baş verən
inqilablar və üsyanlar burada xüsusi xidmət orqanlarının inkişafına,
kadr potensialının genişləndirilməsinə təkan verdi. 1922-ci ildə İran
ordusunun tərkibində hərbi və siyasi məlumatlar toplayan “II şöbə”,
1927-ci ildə Xarici İşlər Nazirliyinin tərkibində “Məlumat bürosu”,
bir qədər sonra isə Daxili İşlər Nazirliyinin tərkibində “Xarici şöbə”
yaradıldı. Bu şöbənin əsas məqsədi diplomatik nümayəndəliklər və
əcnəbilər üzrə iş aparmaqdan ibarət idi.
27 Воронцов С.А. Спецслужбы России. Ростов-на-Дону, 2006, с. 394.
CÜMHURİYYƏTİN TƏHLÜKƏSİZLİK ORQANLARI (1918-1920)
33
İkinci Dünya müharibəsinin əvvəllərində İranın bəzi xüsusi
xidmət orqanları öz fəaliyyətlərini dayandırsalar da, 1942-ci ildə
onlar öz fəaliyyətlərini yenidən bərpa etdilər. 1956-cı ildə İranın
İnformasiya Nazirliyi – SAVAK
(Saziman-e amniyyat-e və ettelat-e
Keşfər) yaradıldı. 1979-cu il fevralın 5-də bu qurumun buraxılması
barədə qərar qəbul edildi. Buna baxmayaraq, SAVAK-ın bəzi struktur
bölmələri fəaliyyətini davam etdirirdi. Həmin ilin iyununda SAVAK-
ın və gizli şiə təşkilatının bazası əsasında İran İslam Respublikasının
– islam rejiminin maraqlarının təminatçısı olan SAVAMA
(Saziman-e
amniyyat-e və ettelat-e millət-e İran) yaradıldı. 1980-ci ildə SAVAMA-
nın adı dəyişdirildi və Baş nazir yanında “Təhqiqatlar və Məlumat
İdarəsi” adlandırıldı. İslam inqilabından sonra bu rejimin müdafiəçisi
kimi 1979-cu ilin may ayında İslam İnqilab Keşikçiləri Korpusu
(İİKK,
farsca SEPAH) yaradıldı. Bu qurum İslam İnqilab Şurasına tabe edildi.
Hazırda İranda aşağıdakı xüsusi xidmət orqanları mövcuddur:
-
İnformasiya Nazirliyi,
-
Birləşmiş Xüsusi Əməliyyatlar Komitəsi,
-
Kəşfiyyat və Təhlükəsizlik Nazirliyi,
-
İslam İnqilab Keşikçiləri Korpusu,
-
Hərbi kəşfiyyat.
Bu qurumların hər birinin müvafiq struktur bölmələri vardır.
Deyilənlərdən aydın görünür ki, dövlət meydana gəldikdən və
müəyyən inkişaf yolu keçdikdən sonra təhlükəsizlik problemi dövlət
rəhbərlərinin daima diqqət mərkəzində olmuşdur.
Qeyd olunduğu kimi, zəngin irsə malik olan Azərbaycanın
xüsusi xidmət orqanlarının tarixi də çox qədim dövrlərdən başlayır.
Tarixi faktlar göstərir ki, istər Manna, Atropatena, Albaniya,
Atabəylər, Səfəvilər, istərsə də xanlıqlar dövründə təhlükəsizlik
məsələsi hökmdarların daim diqqət mərkəzində olmuşdur. Lakin
ilk demokratik dövlət olan AXC dövründə belə bir qurum rəsmi
dövlət qərarı ilə yaradılmışdı. Bütövlükdə Azərbaycanın xüsusi
xidmət orqanları üç tarixi mərhələdən keçmişdir:
Birinci mərhələ
AXC dövrünü (1918-1920),
ikinci mərhələ sovet dövrünü (1920-
1991),
üçüncü mərhələ isə müstəqil Azərbaycan Respublikası
dövrünü əhatə edir.
Dostları ilə paylaş: |