57
"Sahil" gömrük postu konsorsiumun üzvü olan şirkətlərin idxal-ixrac əməliyyatlarının gömrük
rəsmiləşdirilməsini həyata keçirir. Azərbaycan Beynəlxalq Əməliyyat Şirkətinin Xəzər dənizində Azəri-Çıraq-
Günəş neft yataqlarının tikintisinin sürətləndirilməsinə və neft kontraktları ətrafında digər invesitisiya
qoyuluşları üzrə fəaliyyətlərə əlverişli şəraitin yaradılması məqsədilə bu sahə üzrə aparılan idxal-ixrac
əməliyyatlarının gömrük rəsmiləşdirilməsi üçün "Yeni Sahil" gömrük postu yaradılmışdır.
Neft və neft məhsullarının, eləcə də enerji daşıyıcılarının gömrük rəsmiləşdirilməsinin səmərəliliyinin
artırılması və keyfiyyətcə yeni səviyyəyə qaldırılması, bu növ malların ixracına daha da əlverişli şərait
yaradılması məqsədi ilə enerji daşıyıcıları üzrə gömrük rəsmiləşdirilməsi və gömrük nəzarətini həyata keçirən
"Enerji gömrükxanası"nın yaradılması ilə bağlı müvafiq təkliflər irəli sürülmüş və həmin gömrük idarənin
yaradılmasında texniki təşkilatı işlər həyata keçirilmişdir.
Aksizli malların gömrük rəsmiləşdirilməsinin həyata keçirilməsi üçün Aksiz Gömrük İdarəsi,
avtomobillərin gömrük rəsmiləşdirilməsinin həyata keçirilməsi üçün Avtonəqliyyat Gömruk İdarəsi
yaradılmışdı.
Bütün yaradılmış struktur bölmələrinin texniki-təşkilati əsaslarının müəyyən edilməsi üzrə GNTBİ
tərəfindən müvafiq tədbirlər həyata keçirilmişdir.
Beynəlxalq əməkdaşlığın genişləndirilməsi və Azərbaycan gömrük xidmətinin beynəlxal arenada
layiqli yerin tutması üçün GNTBİ tərəfindən məqsədyönlü tədbirlər həyata keçirilir.
Xarici ölkələrdə keçirilən beynəlxalq tədbirlərdə o cümlədən Ümumdünya Gömrük Təşkilatının, MDB
iştirakçı dövlətlərin Gömrük Xidməti Rəhbərləri Şurasının, İqtisadi Əməkdaşlıq Təşkilatının (İƏT), Qara Dəniz
İqtisadi Əməkdaşlıq Təşkilatının (QDİƏT), Asiya İnkişaf Bankı tərəfindən maliyyələşdirilən Asiya Regional
İqtisadi Əməkdaşlıq Proqrammı çərçivəsində Gömrük Əməkdaşlıq Komitəsinin, Atom Enercisi üzrə Beynəlxalq
Agentliyin, Demokratiya və İqtisadi Əməkdaşlıq naminə Təşkilat-GUAM-ın iclaslarında, BMT-nin Avropa üzrə
İqtisadi Komissiyasının Nəqliyyatla bağlı Gömrük Məsələləri üzrə İşçi Qrupunun (WP30), və BYD İnzibati
Komitəsinin sessiyalarında müzakirə edilən məsələr üzrə aidiyyatı qaydada işlər görülmüş və eyni zamanda
həmin təşkilatların bir sıra tədbirlərində Baş İdarənin əməkdaşları iştirak etmişlər.
2002-cü ilin noyabr ayında BYD Konvensiyası İcra Şurasının 20-ci iclasının Bakı şəhərində
keçirilməsi zamanı, 16-18 may 2005-ci il tarixlərində İqtisadi Əməkdaşlıq Təşkilatı (İƏT) üzv dövlətlərinin
Gömrük İdarələri Rəhbərləri Şurasının 4-cü iclasının Bakı şəhərində keçirilməsi zamanı, 12-13 iyul 2005-ci il
tarixlərində GUAM-ın Ticarət və Nəql etməyə Yardım (TNY) layihəsi üzrə Rəhbəredici Komitəsinin üçüncü
iclasının Bakıda keçirilməsi zamanı Baş İdarə bu tədbirlərin təşkil olunmasında və keçirilməsində yaxından
iştirak etmişdir.
Baş İdarənin rəisi Birləşmiş Millətlər Təşkilatının Avropa üzrə İqtisadi Komissiyasının BYD İcraiyyə
Şurasının 2003-2004-cü illərdə üzvü olmuş, 2006-cı ildə isə BYD kitabçaları istifadə etməklə Beynəlxalq yük
daşımaları haqqında Gömrük Konvensiyasının İnzibati Komitəsinin sədri vəzifəsinə seçilmişdir.
Azərbaycanın gömrük sistemində gömrük brokeri institutunun yaradılması ilə əlaqədar DGK-nın
Tədris Mərkəzində gömrük rəsmiləşdirilməsi üzrə mütəxəssislər üçün bir neçə dəfə hazırlıq kursları təşkil
edilmiş və keçirilmiş, kursları bitirmiş və test imtahanını müvəffəqiyyətlə vermiş mütəxəssislərə ixtisas
attestatları verilmişdir. Bundan sonra DGK-ya müraciət etmiş müəssisə və şirkətlərin ərizələrinə baxılaraq
şirkət, müəssisə və təşkilata gömrük brokeri fəaliyyətinin həyata keçirilməsi üçün lisenziyalar verilmişdir. Eyni
zamanda gömrük anbarlarının, müvəqqəti saxlanc anbarının təsis edilməsi üçün DGK-ya daxil olmuş
müraciətlərə Baş İdarə tərəfindən baxılaraq müvafiq qaydada lisenziyalar verilmişdir.
Dövlət Gömrük Komitəsi Sədrinin 30.08.2000-ci il tarixli, 058 saylı əmri ilə təsdiq edilmiş
"Azərbaycan Respublikasında BYD (Beynəlxalq yük daşımaları) kitabçası tətbiq edilməklə daşıyıcıların
beynəlxalq yük daşımalarına buraxılması qaydaları haqqında" Əsasnamənin tələblərinə uyğun olaraq idarə
tərəfindən bir çox sayda hüquqi və fiziki şəxslərə BYD kitabçası tətbiq edilməklə beynəlxalq yük daşımalarını
həyata keçirmək üçün müvafiq qaydada icazələr hazırlanıb verilmişdir.
Dövlət Gömrük komitəsinin narkotiklərə və gömrük hüquqpozmalarına qarşı mübarizə sahəsində
gördüyü işləri şərh etmədən bütün məlumatları diaqramlar və cədvəllər şəklində təqdim edirik. Bütün bunları
həyata keçirmək üçün Komitə sədri tərəfindən hər cür şərait yaradılmış, maddi-texniki təchizat dünya
standartları səviyyəsində təşkil olunmuş, kinoloji xidmət yaradılmış və lazımi kadrlar hazırlanmışdır.
Diaqramlardakı məlumatlar 1993-2005-ci illəri əhatə edir. 2006-cı ilin yekun rəqəmləri olmadığı üçün həmin
ilin nəticələrini nəzərə almamışıq. Lakin bu rəqəmlər heə nəyi dəyişməyəcək, çünki görülən işlər göz
qabağındadır. Eyni zamanda 1993-94-cü illərin məlumatlarını qəsdən veririk ki, Sizlər müqayisəli şəkildə həmin
illərlə 1995-ci ildən sonrakı illəri müqayisə edə biləsininz. İrəliləyşlər o qədər qabarıqdır ki, əlavə şərhə ehtiyac
qalmır.
DGK-da informasiya sistemlərinin, informasiya texnologiyalarının və onların təminat vasitələrinin
tətbiqi sahəsində aşağıdakı işlər görülmüşdür:
58
XX əsrin son onilliyində və XXI əsrin əvvəllərində informasiya və kommunikasiya texnologiyaları
cəmiyyətin inkişafına təsir göstərən əsas amillərdən birinə çevrilmişdir. İnformasiya və kommunikasiya
texnologiyalarının dövlət strukturlarını və vətəndaş cəmiyyəti institutlarını, iqtisadi və sosial sahələri əhatə
etməsini nəzərə alaraq Dövlət Gömrük Komitəsi bu sahədə əldə olunmuş nəticələri inkişaf etdirmək və gömrük
işinin təşkilində informasiya texnologiyalarının geniş tətbiqini təmin etmək əzmindədir.
21 oktyabr 2005-ci il tarixində Azərbaycan Respublikası Prezidenti tərəfindən təsdiq olunmuş
"Azərbaycan Respublikası rabitə və informasiya texnologiyalarının inkişafı üzrə Dövlət proqramına (Elektron
Azərbaycan)" və Azərbaycan Respublikasının İnkişafı Naminə İnformasiya və Kommunikasiya Texnologiyaları
üzrə Milli Strategiyaya müvafiq olaraq Dövlət Gömrük Komitəsində Azərbaycan Respublikası gömrük
xidmətinin vahid avtomatlaşdırılmış informasiya sisteminin yaradılması haqqında Fəaliyyət Proqramına uyğun
olaraq müvafiq işlər aparılır və bu sahədə müxtəlif nailiyyətlər əldə olunmuşdur.
Gömrük orqanlarının vahid qlobal korporativ şəbəkəsinin genişləndirilməsi və inkişaf etdirilməsi,
gömrük rəsmiləşdirməsi və nəzarətinin avtomatlaşdırılmış sisteminin sənaye istismarının təmin edilməsi, müasir
texniki qurğuların tətbiqi ilə gömrük sərhədini keçən mal və nəqliyyat vasitələrinə nəzarət avtomatlaşdırılmış
sisteminin yaradılması, gömrük anbarlarında və terminallarında malların uçotu, saxlanması və hərəkəti
prosesinin avtomatlaşdırılması, gömrük orqanları tərəfindən müəyyən olunmuş hüquqpozmaların uçotu və
nəzarətinin avtomatlaşdırılmış sisteminin tətbiqi və İstifadədə olan informasiya-texniki və proqram təminatı
vasitələrinin yeniləşdirilməsi(modernləşdirilməsi) məsələləri mühüm əhəmiyyət kəsb edir.
Dövlət Gömrük Komitəsinin qlobal korporativ şəbəkəsi hazırda Xəzər Dənizində Azərbaycan
Respublikasının Mənafeyini Mühafizə idarəsi istisna olmaqla bütün gömrük orqanlarını əhatə edir. Şəbəkə öz
quruluşuna görə dörd əsas hissədən ibarətdir:
1) Peyk vasitəsi ilə təşkil olunmuş şəbəkə;
2) Aztelekom istehsalat birliyindən icarəyə götürülmüş optik lifli rabitəsi əsasında təşkil olunmuş
şəbəkə;
3) Xüsusi tezliklə işləyən radioantennalarla qurulmuş şəbəkə;
4) İSDN tipli şəbəkə.
Azərbaycan Respublikasının gömrük orqanlarında fəaliyyətdə olan qlobal korporativ şəbəkənin
funksional sxemi aşağıakı kimidir: