Dasturiy mahsulotlar va axborot texnologiyalari texnologik
-bob. Istiqbolli startap-loyihalarni ko‘rib chiqish va tanlab olish tartibi
Yüklə 0,6 Mb. Pdf görüntüsü
|
| 6-bob. Istiqbolli startap-loyihalarni ko‘rib chiqish va tanlab olish tartibi
31. Direksiya startap-loyihalarni tanlab olish va moliyalashtirish jarayonini ushbu Nizomga 3-ilovaga muvofiq sxema bo„yicha tashkil etadi. 32. Axborot texnologiyalari, shuningdek, ilg„or axborot texnologiyalarini moliya texnologiyalari, elektron tijorat, elektron ta‟lim, qishloq xo„jaligi, biotexnologiya, oziq-ovqat sanoati, tibbiyot, logistika sohalariga joriy etish, raqamli texnologiyalarni ishlab chiqarishga integratsiya qilish va boshqalar Texnopark rezidentlari tomonidan startap-loyihalarni amalga oshirish doirasida ustuvor yo„nalishlar hisoblanadi. 33. Saralashda ishtirok etish uchun ariza beruvchi — startap-loyiha tashabbuskori Direksiyaga (shaxsan o„zi kelib, pochta aloqasi orqali, elektron pochta orqali yoki Direksiyaning rasmiy veb-sayti orqali) ushbu Nizomga 4-ilovaga muvofiq hujjatlarni taqdim etadi. Ariza beruvchi taqdim qilgan hujjatlardagi ma‟lumotlarning ishonchliligi uchun javob beradi. 34. Ariza beruvchi tomonidan taqdim etilgan hujjatlarning zarur hujjatlar ro„yxatiga muvofiqligini, shuningdek, ularning ushbu Nizomning 45-bandida belgilangan mezonlarga muvofiqligini ko„rib chiqish va o„rganish maqsadida Texnoparkda inkubatsiya va akseleratsiya dasturlariga qabul qilish uchun istiqbolli startap-loyihalarni ko„rib chiqish va baholash bo„yicha Maslahat kengashi tashkil etiladi. Startap-loyihalar bo„yicha qabul qilingan buyurtmanomalarni ko„rib chiqish 20 ish kuni mobaynida amalga oshiriladi. Inkubatsiya yoki akseleratsiya dasturiga qabul qilish bo„yicha qaror Kengash tomonidan qabul qilinadi. 35. Direksiya startap-loyihani inkubatsiya yoki akseleratsiya dasturiga qabul qilish yoki rad etish to„g„risida uzil-kesil qarorga kelish maqsadida ariza beruvchini o„z startap-loyihasi taqdimotini o„tkazish uchun taklif qilish huquqiga ega. 36. Kengash ariza beruvchi tomonidan taqdim etilgan hujjatlarning 4-ilovada ko„rsatilgan zarur hujjatlarga muvofiqligini o„rganib chiqadi va tahlil qiladi hamda ushbu Nizomning 45- bandida ko„rsatilgan mezonlarga muvofiqligi bo„yicha tanlovni amalga oshiradi. 37. Kengash o„rganib chiqish natijalariga ko„ra startap-loyihani inkubatsiya yoki akseleratsiya dasturiga qabul qilish yoki rad etish haqida kollegial qarorni qabul qiladi. 38. Kengash qarori bayonnoma bilan rasmiylashtiriladi hamda Kengashning raisi va kotibi tomonidan imzolanadi. 39. Startap-loyihani qabul qilish rad etilganda Direksiya Kengash qaroriga asosan rad etilish asoslari keltirilgan yozma xabarni ariza beruvchiga jo„natadi. 40. Startap-loyihani qabul qilish to„g„risida qaror qabul qilingan taqdirda Direksiya bilan startap-loyiha tashabbuskori o„rtasida Direksiya tomonidan belgilangan muddatlarda startap- loyihaning inkubatsiya yoki akseleratsiya dasturida ishtirok etishi bo„yicha bitim tuziladi. 41. Akseleratsiya dasturidan o„tgan startap-loyihalarni o„z vaqtida ko„rib chiqish va o„rganish, keyinchalik moliyalashtirish hamda yuqori malakali mentorlarni tanlab olish maqsadida O„zbekiston Respublikasi Axborot texnologiyalari va kommunikatsiyalarini rivojlantirish vazirligida startap-loyihalarni ko„rib chiqish, baholash va mentorlarni tanlash bo„yicha Ekspert komissiyasi tuziladi. 42. Direksiya akseleratsiya dasturlari yakuniga ko„ra keyinchalik moliyalashtirish uchun mahsulotlar (xizmatlar) namoyishini (namoyish kunini) tashkil qiladi. Namoyish yakunlariga ko„ra moliyalashtirish uchun ariza tayyorlanadi va Ekspert komissiyasiga yuboriladi. 43. Ekspert komissiyasi namoyish o„tkazilgandan keyin 7 ish kuni mobaynida loyihalarni ushbu Nizomning 45-bandida ko„rsatilgan mezonlarga muvofiq saralash uchun ko„rib chiqadi. 44. Kelgusida ishtirok etish va moliyalashtirish uchun tavsiya etilgan startap-loyihalar Ekspert komissiyasi qarori qabul qilingandan keyin 3 ish kuni mobaynida O„zbekiston Respublikasi Axborot texnologiyalari va kommunikatsiyalarini rivojlantirish vaziri yoki uning Ekspert komissiyasi faoliyati uchun mas‟ul o„rinbosari imzosi bilan Jamg„armaga moliyaviy mablag„larni ajratish uchun xat bilan yuboriladi. Bunda Jamg„arma, Direksiya va startap-loyiha tashabbuskori o„rtasida 5 ish kuni mobaynida startap-loyihani moliyalashtirish va qo„llab-quvvatlash shartlari to„g„risida shartnoma tuziladi. Yüklə 0,6 Mb. Dostları ilə paylaş:
|