25
kelgan
Manu qonunlari
39
qadimgi hind qonunchiligi tarixida alohida o`rin tutadi. Bu kodeks o`z tuzilishiga ko`ra 12 ta
bob, 2685 ta moddadan iborat.
Huquq manbalari ichida yozma yodgorliklar juda katta ahamiyatga ega bo`lsada, qadimgi Hindistonda
odat
huquqi ham muhim o`rin tutganligini aytib o`tish kerak. Hatto dxarmashastralarda urf-odatlarga ko`plab havolalar
uchrab turadi.
Bundan tashqari qadimgi hind huquqi rivojlanishining turli bosqichlarida
podsholarning ediktlari - amr-
buyruqlari huquqning muhim manbaini tashkil etgan.
Manu qonunlarida mulk va unga egalik qilish o`rtasidagi farq ajratib ko`rsatilgan,
xususiy mulkni qo`riqlashga katta e’tibor berilgan. Qonunlarda mulk huquqi quyidagi
hollarda: meros olish, hadya yoki topib olish, sotib olish,
egallab olish, sudxo`rlik, biror ishni
bajarish yo`li bilan, shuningdek hayr-ehson tariqasida olish bilan kelib chiqishi mumkinligi
ko`rsatilgan.
Qonunlarda mulkchilikning asosiy turi - yerga alohida e’tibor berilgan.
Yerlar egalik shakllariga qarab quyidagi turlarga bo`lingan: podshoga qarashli, jamoalarga qarashli va xususiy
egalikdagi yerlar. Begona mulkni qonunsiz egallab olganlarga nisbatan katta jarima solingan, birovning yerini egallab
olgan esa o`g`ri deb e’lon qilingan.
Fuqarolik huquqining majburiyatlarga oid munosabatlari Manu qonunlarida
ancha batafsil ishlab chiqilgan. Qonunlarda asosan shartnomalardan kelib chiqadigan
majburiyatlar haqida gapiriladi. Shartnomalarning qarz, oldi-sotdi, saqlab turish,
ijara va
boshqa turlari mavjud bo`lgan. Manu qonunlari, ayniqsa,
qarz shartnomasiga katta e’tibor bergan.
Qadimgi
Hindistonda tovar-pul munosabatlarining nisbatan kuchsiz rivojlanishi
oldi-sotdi shartnomalarining ba’zi
o`zgaruvchanligida o`z aksini topgan. Qadimgi dxarmashastralarga binoan oldi-sotdi shartnomalarini xohlagan vaqtda
bekor qilish mumkin bo`lgan. Manu qonunlari bo`yicha esa oldi-sotdi shartnomasini bekor qilish uchun o`n kun muddat
belgilab qo`yilgan edi. Artxashastrada esa hayvonlarni sotish haqidagi bitimlarni bir yarim oy ichida, odamlarni sotish
haqidagi bitimlarni bir yil ichida bekor qilish mumkinligi belgilangan (Art., III, 15 (17,18).
Mauriylar
davrida erkin yollanma ishchilar (karmakarlar) mehnatidan keng foydalanilgan. Shu bois Manu
qonunlarida bunday turdagi shartnomalarga alohida e’tibor berilgan. Yollanma ishchilar ko`proq shudralardan iborat
bo`lgan. Manu qonunlarida
hadya shartnomasi haqida ham ma’lumotlar mavjud.
Qonunlarda shartnomalarning alohida turlari tartibga solinishi bilan bir qatorda ularning barchasi uchun
umumiy bo`lgan tamoyillar ham o`rnatilgan.
Manu qonunlari
zarar yetkazishdan kelib chiqadigan majburiyatlarga
ham alohida o`rin ajratgan.
Qadimgi Hindiston uchun katta patriarxal oila
xarakterlidir. Oilada er to`la hukmron bo`lgan. Xotin o`z eri va bolalarining
qaramog`ida bo`lgan. Nikoh mulkiy bitim hisoblanib, uning natijasida er o`ziga
xotin sotib olgan va xotin erning mulkiga aylangan. Nikoh
yoshida ham juda katta
farq o`rnatilgan. Erkaklar 24 yoshdan, ayollar 8 yoshdan boshlab nikohga kirishi mumkinligi belgilangan.
Garchi Manu qonunlari er va xotinni o`lgunlaricha o`zaro sadoqatli bo`lishlarini e’lon qilsada, er bir nechta
xotinga ega bo`lishi, xotini bilan xohlagan vaqtda ajralishi mumkin edi.
Oilada ota bolalar ustidan ham kuchli hukmronlikka ega bo`lgan.
Oilada barcha mol-mulklar uning umumiy boyligi hisoblangan, lekin oila boshlig`i
tomonidan idora etilgan. Meros barcha o`g`illar o`rtasida teng taqsimlangan yoki katta o`g`il
qo`lida qolib, u oila boshlig`iga aylangan va boshqa oila a’zolariga homiylik qilgan. Qizlar
merosdan chetlashtirilganlar, lekin aka-ukalar o`z ulushlaridan 1/4 qismini ularga sepsidirg`a sifatida ajratishlari lozim
edi.
Huquqiy yodgorliklarda jinoyatlarning davlatga qarshi qaratilgan,
shaxsga qarshi
qaratilgan, mulkka hamda oilaga qarshi qaratilgan turlariga bag`ishlangan ko`pgina
me’yorlar mavjud.
Manu qonunlarida birinchi navbatda
davlatga qarshi qaratilgan jinoyatlarga
alohida e’tibor berilgan. Davlat va ijtimoiy tuzumga qarshi har qanday suiqasd uchun
o`lim jazosi belgilangan.
Shaxsga va oilaga qarshi qaratilgan jinoyatlar qonunlarda ancha batafsil bayon qilingan.
Manu qonunlari shaxsga nisbatan har qanday zo`rlikni qattiq qoralaydi. Shaxsga qarshi qaratilgan jinoyatlarga
avvalo odam o`ldirish va tan jarohati yetkazish jinoyatlari kirgan.
Manu qonunlarida oilaviy munosabatlarni mustahkamlashga qaratilgan anchagina moddalar mavjud.
Qonunlar er-xotinning xiyonati uchun, ayollarning nomusiga tajovuz uchun qattiq jazolar o`rnatgan.
Er-xotinning har
qanday ko`rinishdagi xiyonati: birovning xotini bilan yashirincha suhbatlashish, xizmatini qilish, u bilan o`ynashish,
uning kiyimiga tegish va boshqalar uchun Artxashastralarda ko`rsatilganidek o`lim jazosi nazarda tutilgan. Birinchi
marta o`g`rilik uchun o`g`rining - ikkita barmog`i, ikkinchi martasida - qo`li va oyog`i kesilgan, uchinchi martasida
o`limga mahkum etilgan.
39
Bu qonunlarning paydo bo`lish vaqti hali to`liq aniqlanmagan. Ko`pgina olimlar ularni miloddan avvalgi II asr va
milodning II asri oraligida paydo bo`lganligini kursatadilar. Qarang: Istoriya gosudarstva i prava zarubejnix stran. 4.1.
(pod red. Qoashennikovoy N.A. i prof. Jidkova O.A.) M., 1998, 72-bet; Vseobshaya istoriya gosudarstva i prava:
Uchebnik (pod red. prof. K.I.Batira) M., 1998, 42-bet. Bizningcha shu fikr haqiqatga yaqin.
Mulk
huquqi
Majburiyatlar
Nikoh-oila
munosabatlari
Meros
Jinoyat va
jazo