81
qo‘mondoni hisoblangan.
Qirollik kapelanlari davlatning devonxona ishlarini yuritganlar.
Ingliz-sakslar qirollarining armiyasi drujinachilar va xalq lashkarlari (fyrd) dan
tuzilgan.
Buyuk Alfred armiyada islohotlar o‘tkazgan.
Ingliz-sakslarda asosiy ma’muriy-hududiy birlik
graflik (shire)
bo‘lgan. Taxminan o‘sha vaqtda
mamlakat hududi, asosan harbiy maqsadlarda
32 ta katta graflikka (okrugga) bo‘lingan edi. Grafliklar tepasida e
ldormenlar
turgan. Eldormenlar qirol tomonidan vitanlar bilan kelishib, mahalliy feodallar
orasidan tayinlanardi. Eldormen va uning uyi qirollik himoyasi osti-da edi.
Eldormen asosan graflik yig‘iniga va uning qurolli kuchlariga rah-barlik
qilardi. Grafliklardagi sud jarimalarining bir qismi eldormenlarga xizmat vazifalarini ado etganligi uchun mukofot
tariqasida kelib tushardi. Eldormenlar faqat qirol va grafliklar manfaatlarining rasman ifoda etuvchi vakillari bo‘lishgan.
Shu sababli ingliz-sakslar qirollari grafliklarga o‘zlari-ning
shaxsiy vakillari - sheriflarini
53
tayinlab qo‘ya boshladilar.
Sheriflar dastlab faqat qirol xazinasi foydasiga pul yig‘ish
bilan shug‘ullanardilar. X asrdan boshlab, qirol
hokimiyatining kuchayishi bilan sheriflar eldormen-larning birinchi yordamchilariga aylantirilganlar va graflikni
boshqarish-ning asosiy iplarini o‘z qo‘llariga olganlar.
Graflikdagi muhim organ
graflik yig‘ini
- folkmot
bo‘lgan. U X asr oxiridan boshlab sherif tomonidan bir yilda ikki marta chaqirilib turgan. Folkmot tarkibiga eldormen,
sherif, graflikning yepiskopi, barcha yer egalari va har bir qishloq jamoasidan oqsoqol, ruhoniy va to‘rttadan
aholining
hurmatga loyiq kishisi kirgan. Grafliklar yig‘inlarida asosan muhim mahalliy ishlar, jinoiy va fuqarolik sud ishlari
ko‘rib hal qilingan.
Ingliz-sakslar davlatlaridagi grafliklar yuzliklarga bo‘lingan. Yuzlik tepasida
yuzboshi turgan. Yuzboshi
yuzlik yig‘inida saylab qo‘yilgan. Yuzlik yig‘inlari (yuzboshilar majlislari) oyda bir marta to‘plangan. Ular-da oqsoqol,
ruhoniy, har bir qishloq jamoasidan to‘rttadan eng hurmatli dehqonlar va okrugning barcha yer egalari ishtirok etgan.
Yuzliklar yig‘inlarida jinoiy va fuqarolik masalalari bo‘yicha sud ishlari ko‘rib hal qilingan.
Ingliz-sakslar davlatining eng quyi zvenodagi ma’muriy-hududiy
birligi qishloq (tun) jamoasi bo‘lgan.
Jamoa yig‘ini
- galimot qishloq-ning yuqori organi edi. Jamoa tepasida saylab qo‘yiladigan q
ishloq oqsoqoli
(tungerefa) turgan.
Politsiyalik maqsadlarida jamoa o‘
nta tomorqaga - oilaga bo‘lingan. Jinoyat sodir
etilgan hollarda ana shu
o‘nta tomorqa a’zolariga jinoyatchini ushlab, hokimiyatga topshirish majburiyati yuklangan.
Ingliz-sakslar davlatlari yashagan davrda
shaharlar vujudga keldi. Shaharlar asosan qirollik yerlarida
joylashgan edi.
Shaharlar va portlar o‘zlarining xalq yig‘inlariga ega bo‘lganlar.
O‘nliklar, yuzliklar va grafliklar aniq o‘rnatilgan ierarxiya (bosqich-ma-bosqich bo‘ysunish) tizimi asosida
tashkil etilmagan edi.
Biroq, grafliklarda sherif lavozimining ta’sis etilishi shuni ko‘rsatadiki, ingliz-sakslar
davridayoq joylarda
markazlashtirilgan byurokratik boshqaruv, qirolga hisob beradigan va qirol buyruqlari asosida harakat qiladigan ma’-
muriy okruglarning mansabdor shaxslar tomonidan bosh-qarilishi joriy qilina boshlagan.
Ingliz-sakslar davrida ko‘p jinoiy va fuqarolik ishlari grafliklar va
yuzliklarning yig‘inlarida ko‘rib, hal qilingan.
Ingliz-sakslar qirollari tomonidan o‘z feodallariga berilgan immunitet
yorliqlari yer egalariga qaram dehqonlar ustidan keng sud hokimiyatini berar edi.
Davlatda oliy sud qirol sudi bo‘lgan.
Sud hokimiyatining yer egalari va qirol chinovniklari qo‘lida to‘planishi natijasida sudlar
krepostnoylashtirilgan dehqonlar ommasiga qarshi kurash quroliga aylantirilgan edi.
3. Angliyada markazlashgan senorlik monarxiyasi
(XI-XII asrlar)
Angliyaning Vilgelm boshchiligida normandlar tomonidan istilo qilinishi (1066
yil) ingliz jamiyati feodallashuvining chuqurlashishiga olib kelgan.
Normand istilosidan keyin Angliya feodal xo‘jaligining asosini manor tashkil
etgan.
Manor - alohida feodalning yer egaliklari yig‘indisi
bo‘lgan.
Manordagi dehqon
o‘z lordi tomonidan sud qilinib, uning ahvoli manordagi urf-odatlar bilan belgilangan.
Yuzliklar sudining yarmidan ko‘pi manor sudlariga - feodallarning xususiy kuriyalariga aylantirilgan. Shular bilan bir
qatorda, Vilgelm Fotix o‘z mavqei va ingliz siyosiy an’analaridan foydalanib, davlatni markazlashtirish va qirol
hokimiyatini mustahkamlash siyosatini olib borgan.
Soliq siyosatini muvaffaqiyatli olib borish va mamlakat aholisining ijtimoiy tarkibini aniqlash maqsadida 1086
yilda mamlakatdagi barcha yer-lar va aholi ro‘yxatga olingan. Ro‘yxatga olish natijasida tuzilgan
varaqa-lar xalq
orasida
"Dahshatli sud kitobi" deb atalgan. Qirol xazinasi yer egaligining hajmi to‘g‘risida endi aniq ma’lumotlarga
ega ekan, aholi ro‘y-xati hukumatga "Daniya puli" deb atalgan eski yer solig‘ini ko‘paytirilgan miqyosda undirish
53
«Sherif» so`zi ikki so`z: gerefa («oqsoqol») va shir (ingliz – sakcha graflik nomi) – «shayr» - «gerefa»
so`zlarining qo`shilishidan kelib chiqqan.
Armiya
Hokimiyat va
boshqaruvning
mahalliy
Sud
hokimiyati
Ijtimoiy
tuzum