Davlat va huquq asoslari

SHHTga a’zo davlatlar xaritasi
To‘laqonli a’zolar Kuzatuvchilar Muloqot sheriklari

Savol va topshiriqlar

1. 
   Tashqi siyosatni yuritish nima uchun davlatning asosiy vazifalaridan biri hisoblanadi?
   
2. 
   Nizolarni tinch yoʻl bilan hal qilishning ahamiyati nimada deb oʻylaysiz?
   
3. 
   BMT nizomida belgilab qoʻyilgan tashqi siyosat tamoyillari davlatlar rivojlanishiga qanday ta’sir koʻrsatmoqda?
   
4. 
   Davlatimiz tashqi siyosiy faoliyatini qaysi sohalarda koʻproq yoʻlga qoʻyishi lozim deb hisoblaysiz?
   

Mustaqil ish uchun topshiriq

Shartli davlat tuzing va uni nomlang. Davlatingizning tashqi siyosat tamoyillarini ishlab chiqing. O‘zbekistonning tashqi siyosat tamoyillaridan qaysilarini o‘z davlatingiz tashqi siyosatiga kiritgan boʻlardingiz va yana qanday tamoyillarni qo‘shardingiz? Shuningdek, davlatingizni qanday xalqaro tashkilotlarga a’zo qilgan boʻlar edingiz? Nima uchun?

114

@edurtm_uz

32. 
    DARS. OʻZBEKISTON RESPUBLIKASI FUQAROLIGI
    

Hech kim hech qachon unutmasligi kerak: qanchalik qiyin boʻlmasin, qancha mablagʻ va imkoniyat talab etilmasin, Oʻzbekistonning birorta fuqarosi oʻz holiga tashlab qoʻyilmaydi.
Shavkat Mirziyoyev

Siz bilib olasiz

Oʻzbekiston Respublikasi fuqaroligiga ega boʻlish. Fuqarolikni yoʻqotishning huquqiy asoslari.

Fuqaroligi boʻlmagan shaxslarning huquqlari.


OʻZBEKISTON RESPUBLIKASI FUQAROLIGIGA EGA BOʻLISH
Xalqaro hamjamiyatda fuqarolik masalasi juda katta ahamiyat kasb etadi. Chunki bir davlat aholisi va chet elliklar o‘rtasidagi farq aynan ularning qaysi davlat fuqarosi ekaniga bog‘liq. Jismoniy shaxslar qayerda bo‘lmasin, deyarli har doim o‘z fuqaroliklari mansub bo‘lgan davlat bilan uzviy aloqadordir.