Fərhad Mehdiyev
22
yətlərinin icrası və məhkəmə funksiyasının yerinə yetirilməsini mübahis ə tərəfi
olmayan və mübahisə tərəflərindən tamamilə müstəqil olan orqanlar həyata ke-
çirməlidir. Bu cəhətdən idarəetmə orqanlarının hüquqi mübahisələri həll etmə
fəaliyyəti bu fəaliyyətin sırf mahiyyətlərinə baxaraq məhkəmə funksiyası kimi
qiymətləndirilə bilməz. Çünki idarəetmə orqanları Konstitusiyanın müstəqil məh-
kəmələr üçün nəzərdə tutduğu xüsusiyyətlərin heç birinə sahib deyillər, üstəlik,
özləri həll etdikləri mübahisələrin tərəfi olurlar. Yaxarıdakı misalımıza qayıtsaq
görərik ki, inzibati cəza təyin edən idarəetmə orqanı mübahisənin tərəfidir.
Məhkəmə funksiyasının müəyyən edilməsi və idarəetmə fəaliyyətindən fərq-
ləndirilməsində maddi meyar təkbaşına yetərli olmadığına görə, burada da
orqanik-formal meyarı tətbiq etməliyik. Orqanik meyara görə, məhkəmə fəaliy-
yəti müstəqil məhkəmələrin hüquqi mübahisələri və başqa iddiaları tərəf tutma -
dan və qərəzsiz həll etmə fəaliyyətidir. Müstəqillik və tərəfsizlik məhkəmə
funksiyasını həyata keçirən orqanının əsas xüsusiyyətlərindən biridir, bunu tə -
min etmək üçün xüsusi prosessual qaydalar (mühakimə üsulları) nəzərdə tutulur
(forma meyarı). Məhkəmə hüquqi mübahisələri və başqa iddiaları qəti şəkildə,
yəni əksi iddia oluna bilməyən şəkildə həll edən dövlət funksiyasıdır. İdarəetmə
orqanlarının hüquqi mübahisələri həll edən qərarları isə qəti olmur və onlardan
məhkəməyə şikayət vermək olar. İdarəetmə orqanları qərarlarını həm geri götü -
rə bilər, həm də ləğv edə bilərlər. Məhkəmə isə mahiyyətcə işi həll edən qərar -
larını ləğv edə bilməz, yuxarı məhkəməyə şikayət və ya protest müddəti keçibsə
də, əlavə kassasiya şikayəti xaricində məhkəmə qərarı ləğv edilmir.
Məhkəmə funksiyasını müstəqil məhkəmələrin hüquqi mübahisələri və başqa
iddiaları prosessual qaydada, qəti olaraq həll etmə fəaliyyəti kimi götürsək, belə
sual yaranacaq - çəkişməsiz məhkəmə prosesi ilə bağlı işlərin vəziyyəti necə
olacaq? Həqiqətən çəkişməsiz işlərdə mübahisə olmur. Məsələn, bəzi ölkəl ərdə
(Türkiyə kimi) vətəndaşın soyadı yaşadığı yer üzrə məhkəmə qərarı ilə
dəyişdirilir.
32
Yaxud da məhkəmənin qəyyum təyin etməsi kimi fəaliyyəti müba-
hisənin həll edilməsi kimi qiymətləndirilə bilməz. O halda bu fəaliyyət məhkəmə
fəaliyyəti sayılmamalıdırmı? Funksional mənada bu cür fəaliyyət, əslində, inzibati
fəaliyyətdir.
33
Lakin bu cür işlər də məhkəmə prosesi qaydasında həll olunduğuna
görə, bu işlərin həllinin mühakimə fəaliyyəti sayılması daha düzgündür.
34
3. İcra hakimiyyəti və inzibati fəaliyyət
Nəzəri fikrə görə, idarəetmə fəaliyyəti (inzibati fəaliyyət) dövlətin qanunveri-
32
Ad və soyadların dəyişdirilməsi administrativ fəaliyyət olduğu üçün, ölkəmizdə bunu VVADQ
orqanları həyata keçirir. Lakin onların qərarlarından məhkəməyə ş ikayət verilə bilər.
33
Gözübüyük, Tan, Cilt 1, s.8.
34
Günday, s.12.
İnzibati hüquq
23
cilik və məhkəmə funksiyaları xaricində qalan funksiyadır, dövlətin qanunvericilik
və məhkəmə fəaliyyətlərindən ayrı, cəmiyyət üçün icra edilən bütün fəaliyyətlər
idarəetmə fəaliyyəti sayılır.
35
Göründüyü kimi, bu fikir icra hakimiyyəti funksiyası
ilə inzibati fəaliyyət arasında fərq qoymur. Bu fikir əsasən düzdür, lakin ali icra
hakimiyyəti orqanlarının siyasi fəaliyyəti də var. Halbuki siyasi fəaliyyət
idarəetmə fəaliyyəti (inzibati fəaliyyət) sayılmır.
36
Belə olan halda, idarəetmə/inzibati fəaliyyətə qanunvericilik və məhkəmə
fəaliyyəti ilə icra hakimiyyəti orqanlarının sırf siyasi növlü fəaliy-yətləri
xaricində, dövlətin və cəmiyyətin daimi ehtiyaclarını ödəmək məqsədi ilə icra
edilən fəaliyyət kimi tərif vermək mümkündür. İ nzibati fəaliyyəti təkcə idarə-
etmə orqanları həyata keçirm ir; qanunvericilik və məhkəmə orqanlarının da
maddi/funksional mənada administrativ fəaliyyəti icra etdikləri hallar ola bilər.
İİHQ-un 2-ci maddəsində bəzi anlayışların tərifi verilib. Orada “inzibati
icraat” anlayışı vardır, onu hardasa “inzibati fəaliyyət” ilə bənzər mənalarda
işlədiblər. Lakin bu Qanunda olan inzibati icraat, nisbətən daha dar məna kəsb
edir. Qanunun 2-ci maddəsinə görə, inzibati icraat - maraqlı şəxslərin müraciəti
əsasında və ya İO-ların öz təşəbbüsü ilə inzibati aktın qəbul u - icrası -
dəyişdirilməsi - ləğv edilməsi, habelə inzibati şikayətlər lə bağlı həyata keçirilən
fəaliyyətdir. Tərif məhdudlaşdırıcı deyildir və əsasən də tərkib hissələrini ortaya
qoymur. Bununla belə, inzibati fəaliyyətin, yəni idarəetmə funksiyasının,
aşağıdakı xüsusiyyətlərini göstərmək olar:
1) inzibati fəaliyyəti, bir qayda olaraq, dövlət idarəetmə orqanları həyata keçirir;
2) inzibati fəaliyyətin predmeti daimi və nizamlı olaraq icra edilən “ictimai
xidmət”dir;
37
3) inzibati fəaliyyətin məqsədi həmişə “ictim ai maraq və mənfəətdir («public
interest»);
4) inzibati fəaliyyətin vasitələri inzibati hüquqi aktlar və hərəkətlərdir;
5) inzibati fəaliyyət idarəetmə orqanlarının (administrasiyanın) “dövlət hegemon -
luğu və gücündən” istifadə etmək səlahiyyətini tanıyır ;
6) inzibati fəaliyyətə, bir qayda olaraq, ümumi hüququn sahəsi olan inzibati
idarəetmə hüququnun qaydaları tətbiq edilməlidir.
38
35
Jellinek W. Verwaltungsrecht. 3 Aufl. 1931, s.6. Müəllif administrativ fәaliyyәtə “Dövlәt və ya
hakimiyyət gücünü tətbiq edən hər hansı qurumun qanunvericilik vә ədalət məhkəməsi xaricindəki
fәaliyyәti” kimi tərif verir.
36
Козырин, Штатина, Зеленцов, с. 29.
37
Mühafizə fəaliyyəti də inzibati fəaliyyətin predmetinin ayrılmaz hissəsidi r.
38
Akyılmaz, Sezginer, s.35.
Dostları ilə paylaş: |