Fərhad Mehdiyev
20
müəyyən olunur, bu fəaliyyətin icrasından yaranır. Bu səbəblə bir fəaliyyət
inzibati olaraq müəyyən edildikdə, ona inzibati (ümumi) hüquq qaydaları tətbiq
edilir və belə mübahisələrə inzibati məhkəmələrdə baxılmalıdır.
29
Funksional mənada idarəetmə, inzibati fəaliyyəti ifadə edir. Bu kitabda
“idarəetmə funskiyası (fəaliyyəti)” ilə “inzibati fəaliyyət” eyni mənalarda
işlədilir. İndi isə qanunvericilik, məhkəmə və inzibati fəaliyyət arasındakı fə rqə
toxunaq.
1. Qanunvericilik fəaliyyəti və inzibati fəaliyyət
Qanunvericilik funksiyasının nə olduğunu müəyyən etmək və idarəetmə fəaliy-
yətindən (inzibati fəaliyyətdən) fərqləndirmək üçün maddi (funksional) və orqanik
meyarlardan istifadə olunur.
Maddi (funksional) mənada qanunvericilik ümumi qayda qoyma, dəyişdir -
mə və ləğv etmə fəaliyyətidir. İ darəetmə funksiyası isə ümumi və mücərrəd
normaların müəyyən şəxs və hadisələrə tətbiq edilməsidir. Ancaq maddi meyar -
dan istifadə edərək qanunvericilik funksiyasını idarəetmə fəaliyyətindən ayır-
maq hər zaman mümkün olmur. Çünki qanunvericiliyin fərdi aktları və fəaliy -
yəti olduğu kimi, idarəetmə orqanları da ümumi qayda (norma) yaratma fəaliy -
yətini həyata keçirir.
Konstitusiyanın Milli Məclisin səlahiyyətlərini tənzimləyən 94 və 95-ci
maddələrini incələsək görərik ki, Milli Məclisin funksiyası təkcə ümumi qayda
qoyma, dəyişdirmə və ləğv etmə fəaliyyətlərindən ibarət deyil. Misal olaraq,
etimadsızlıq mexanizmi ilə NK-ya nəzarət etmək, fövqaladə və hərbi vəziyyətin
elan edilməsi qərarını təsdiqləmək, hakimlərin, yaxud millət vəkillərinin toxu -
nulmazlığına son vermək, şuralara üzv təyin etmək kimi qərarları ümumi qayda
qoyma fəaliyyəti deyil. Digər tərəfdən , Konstitusiya həm Prezidentin, həm də
NK-nın fərman və qərar şəklində ümumi qaydaqoyma səlahiyyətini tanıyır.
Lakin burada qarşımızda olan ümumi qaydaqoyma funksiyasının (fərman və
NK qərarları vasitəsilə) qanunların icrasını təmin etmək üçün həyata keçirildi -
yini unutmaq olmaz. Belə halda, Konstitusiyaya görə, qanunvericilik və idarə-
etmə orqanlarını bir -birindən rahatlıqla ayırd etmək mümkün olsa da, bu orqan -
ların fəaliyyətinin mahiyyətindən çıxış edərək qanunvericilik və idarə funksiya -
larını bir-birindən fərqləndirmək mümkün olmur.
Qanunvericilik və idarəetmə funksiyalarının ayırd edilməsində maddi me -
yar yetərsiz və əlverişsiz olduğundan, bu fərqləndirmədə orqanik meyardan da
istifadə etmək lazımdır. Ona görə də parlamentin ümumi qayda qoyma və qa -
29
Qanunvericilik buna istisna gətirə bilər. Məsələn İİHQ -a görə, inzibati xətaların icraatına həmin
qanun tətbiq olunmur.
İnzibati hüquq
21
nunvericilik siyasəti, habelə siyasi fəaliyyəti, idarəetmə fəaliyyəti daxilində
götürülə bilməz, bu fəaliyyətlər qanunvericilik funksiyası içində tədqiq edilmə -
lidir; idarəetmə orqanlarının da siyasi fəaliyyətinə daxil olmayan bütün fəaliy -
yətlərinə idarəetmə funksiyası daxilində baxılmalıdır.
Məsələn, Konstitusiyanın 95.11-ci maddəsi parlamentin həll etdiyi ümumi
qaydalar arasında ərazi quruluşunu göstərir. Halbuki ərazi quruluşunu (rayonların
sayını, sərhədlərini) müəyyən etmək tipik administrativ fəaliyyətdir.
30
96-cı mad-
dədə göstərilən “NK-nın etimad məsələsi” isə siyasi fəaliyyətdir.
2. Məhkəmə fəaliyyəti və inzibati fəaliyyət
Maddi mənada məhkəmə funksiyası hüquqi mübahisələrə və hüquq pozun-
tularına dair iddialara baxan və qərar çıxaran dövlət funksiyasıdır. Bu mənada
məhkəmə funksiyasının icra edilə bilməsi üçün hüququn pozulduğuna dair
iddia, bu iddianın araşdırılması və hüququn pozulduğu halda hüquq nizamını
yenidən bərpa etmək üçün sanksiya tətbiq edilməlidir. Məhkəmə funksiyası və
bu funksiyanı yerinə yetirən məhkəmə aktı bu üç mərhələdən keçir.
Ancaq qeyd olunmalıdır ki, maddi meyar həmişə məhkəmə funksiyasını
idarəetmə fəaliyyətindən fərqləndirməyə kifayət eləmir. Çünki bəzən adminis -
trasiya orqanları da hüquqi mübahisələri və başqa iddiaları həll edir. Məsələn,
idarəetmə orqanının bir şəxsə inzibati cə za verməsi üçün bundan əvvəl o şəxsin
inzibati xəta törətməsi, sonra isə bunun həlli və qərar çıxarılması zəruridir.
Dövlət Qulluğunu İdarəetməsi Şurası dövlət qulluqçularına verilən intizam
tənbeh tədbirlərini araşdırmalı, onları ləğv etməli, ya da qüvvəd ə saxlamalıdır.
Dolayısıyla, administrasiya da inzibati cəza verəndə maddi mənada məhkəmə
fəaliyyətini həyata keçirir.
31
Belə olan halda administrasiya da ədalət mühaki-
məsini həyata keçirirmi?
Təkcə maddi meyardan istifadə etsək görərik ki, administrasiya da hüquqi
mübahisələri və hüquq pozuntularına dair işləri həll edərkən mühakimə fəaliy-
yətini həyata keçirir. Amma Konstitusiya müddəalarından hərəkət etsək, yuxa -
rıdakı suala “yox” cavabını verməliyik. Çünki Konstitusiyanın 7-ci maddəsinə
görə, məhkəmə ha kimiyyətini müstəqil məhkəmələr həyata keçirir. Müstəqil
məhkəmənin nə olduğunu Konstitusiyanın 127 -ci maddəsi göstərir: hakimlər
ancaq qanunlara tabedirlər, məhkəmə icraatına müdaxilə edilməsi qadağandır,
heç bir orqan və şəxs məhkəməyə və hakimlərə təsir edə bilməz. Konstitusiyanın
128-ci maddəsi də hakimlərin toxunulmazlığı ilə bu müstəqilliyi qoruyur. Konsti -
tusiyanın bu müddəalarına əsasən demək olar ki, məhkəmə hakimiyyəti səlahiy -
30
Akyılmaz , Sezginer, s.34.
31
Günday Metin, İdare hukuku, İmaj Yayıncılık, Ankara, 1997, s.11.
Dostları ilə paylaş: |