104
təmiz (xalis), şərti – təmiz məhsul, emalın normativ dəyəri
göstəriciləri aiddirlər.
Ümumi məhsul göstəricisi sənaye – istehsal fəaliyyə-
tinin son nəticəsini özündə əks etdirir.
Zavod metodu ilə hesablanan ümumi məhsul göstəri-
cisinə kənara buraxmaq üçün istehsal olunan və özünün
ehtiyaclarına istehlak olunan məmulat, yarımfabrikat, sə-
naye xarakterli xidmətlər və bir də bitməmiş istehsal qalı-
ğının dəyərləri daxil edilir.
Əmtəəlik məhsula ümumi məhsulun o hissəsi daxil
edilir ki, onlar kənar üçün istehsal olunur (və ya xidmət
göstərilir) və təsərrüfat dövriyyəsinə təyinat alır. Başqa
sözlə, əmtəəlik məhsula müəssisənin özünün ehtiyacları
üçün istehsal olunmuş məhsulların və habelə bitməmiş is-
tehsal qalığının dəyərləri daxil edilmir.
Realizə olunmuş məhsulun tərkibinə bağlanmış kont-
raktlar əsasında istehlakçılara göndərilmiş və haqqı ödə-
nilmiş sənaye məhsullarının dəyəri daxil edilir.
Əgər əmtəəlik məhsul müxtəlif istehlakçıların ehti-
yaclarını ödəmək təyinatı almış sənaye məhsullarının də-
yərindən ibarətdirsə, realizə edilmiş məhsul isə artıq onla-
rın (istehlakçıların) təsərrüfat dövriyyəsinə daxil olunmuş
sənaye məhsullarının dəyərindən ibarət olur.
Planlaşdırma praktikasında tətbiq olunan həcm gös-
təricilərindən biri də təmiz (xalis) məhsul göstəricidir.
Xalis məhsul ümumi məhsulun dəyərilə onun isteh-
salına sərf olunmuş maddi məsrəflərin fərqi kimi hesabla-
nır və o yeni yaradılmış, əlavə edilmiş dəyərə ekvivalent
olan göstəricidir.
105
FƏSİL 5. MÜƏSSİSƏNİN KADRLARI, ƏMƏK
MƏHSULDARLIĞI VƏ ƏMƏK HAQQI
5.1. Kadrların peşə hazırlığı və onun əhəmiyyəti.
Müəssisənin kadrlarının tərkibi və təsnifatı
İstehsal proseslərini həyata keçirmək üçün əsas amil
kimi iş qüvvəsi çıxış edir. Müasir zamanda iş qüvvəsinə
daha böyük tələblər qoyulur. Elmi-texniki tərəqqinin
sürətli inkişafı nəticəsində yüksək ixtisaslı kadrlara olan
tələbat gün gündən artır, çünki buraxılan və istifadə
olunan istehsal vəsaitlərindən yalnız yüksək ixtisas və
xüsusi texniki hazırlığa malik olan kadrlar səmərəli istifa-
də edə bilərlər. İstehsalın mexanikləşdirilmə və avtomat-
laşdırma səviyyəsinin yüksəldiyi bir şəraitdə işçilərin
mədəni-texniki və peşə-ixtisas səviyyəsinə tələb də kəskin
surətdə artır. İşçilərin əməyi öz məzmununa və xarakterinə
görə yüksək səviyyədə olmalıdır və onlar daha mürəkkəb
işləri yerinə yetirməlidirlər. Bu da kadrların hazırlanması-
na və onların ixtisasların daimi artırılmasına xüsusi diqqət
yetirməsini zəruri edir. Peşə-ixtisas əmək bölgüsü daha
mürəkkəb işləri sadə işlərdən fərqləndirməyə imkan verir
və özünü kadrların peşə-ixtisas və tarif dərəcələri üzrə böl-
güsündə büruzə verir. Odur ki, peşə-ixtisas üzrə əmək böl-
güsü dərinləşdikcə yeni peşələr və ixtisaslar əmələ gəlir.
Hər hansı bir müəssisənin istehsal proqramı yerinə
yetirmək üçün zəruri sayda işçilər tələb olunur, onların
dəqiq tərkibdə və hazırlığa malik olması vacibdir.
Müasir dövrdə, əmək bölgüsü, yeni istehsal növləri-
nin meydana gəlməsi və elmi-texniki tərəqqinin yeni nai-
liyyətlərinin istehsala getdikcə daha geniş tətbiqi yeni
106
peşələr və onların daxilində ixtisasların yaranmasına səbəb
olur. İstehsalın inkişafı və tərəqqisi fəhlə nəinki hər hansı
bir işi yaxşı yerinə yetirməyi bacarmalıdır, eyni zamanda
o, maşın və avadanlıqların konstruksiyasını, istifadə etdiyi
xammal və materialların fiziki-kimyəvi xassələrini və is-
tehsal texnologiyasını dərindən bilməlidir. Peşə və ixtisas-
ların mənimsənilməsində işçilərin peşə qabiliyyəti mühüm
rol oynayır. Peşə qabiliyyəti insanın müəyyən əmək fəa-
liyyətini xarakterizə edir. Peşə qabiliyyəti insanda həyat-
da, fəaliyyətdə qazanılır, yəni peşə qabiliyyəti mühüm rol
oynayır. Peşə qabiliyyəti insanda həyatda, fəaliyyətdə qa-
zanılır, yəni peşə qabiliyyəti bilik, bacarıq və vərdişlərlə
əlaqədardır. Ona görə də insanın mədəni-texniki səviyyə-
sinə təsir edən amillər, eyni zamanda onların peşə qabiliy-
yətinin artmasına da təsir edir.
Müasir sənaye müəssisələrində kadrlardan səmərəli
istifadə olunmasında və onların hazırlanmasına olan tələ-
batın minimuma endirilməsində peşələrin qovuşması xü-
susi əhəmiyyətini kəsb edir. Peşələrin qovuşması dedikdə,
eyni işçi (fəhlə) tərəfindən müxtəlif növ peşə hazırlığı
tələb edən işlərin yerinə yetirilməsi nəzərdə tutulur. Peşə-
lərin qovuşması imkan verir ki, işçi tərkibində və ya özü-
nün köməkçisi ilə eyni zamanda bir çox dəzgahda işləsin.
Müəssisənin kadrları, ilk əvvəl, istehsal heyəti (əsas
fəaliyyət heyəti) və qeyri – istehsal heyəti (qeyri-əsas fəa-
liyyət heyətli) kimi qruplaşdırılır. İkinci qrupa mənzil-
kommunal təsərrüfatının, uşaq bağçalarının, səhiyyə və
yardımçı təsərrüfatlarının işçiləri aiddir.
İstehsal heyəti icra etdikləri funksiyaların xarakterinə
görə fəhlələr, mühəndis-texniki işçilər, qulluqçular, kiçik
107
xidmətedici heyət, şagirdlər və mühafizə işçiləri kateqori-
yalarına bölünürlər.
İstehsal heyətin əsas tərkib hissəsi olan fəhlələr qru-
pun bilavasitə məhsul yaradılmasında iştirak edən və ha-
belə istehsal prosesinin normal təmin edən işçilər aid olu-
nurlar.
İcra etdikləri işin xarakterindəki fərqlərə görə fəhlə-
lər kateqoriyasını 4 əsas qrupa bölmək olar:
-
texnoloji prosesdə iştirak edən, əmək predmetini
emal etmək yolu ilə bilavasitə hazır məhsula çevirən fəh-
lələr. Lakin bunlardan əlavə, avtomatlaşdırılmış istehsal-
larda fəhlə-nizamlayıcılar da bu qrupa daxil edilirlər, çün-
ki onlar avadanlıqların normal işini təmin edirlər;
-
xammal, material və hazır məhsulun yarımfabrikat-
ların daşınması, anbarlaşdırılması və qorunması ilə məşğul
olan fəhlələr;
-
əsas fondların təmiri, istehsal avadanlıqlarının pro-
filaktikasını həyata keçirən təmin üçün hissə və tərtibatlar
istehsal edən fəhlələr;
-
hazır məhsulun keyfiyyətinə nəzarət işini icra edən
fəhlələr.
Birinci qrupa daxil olan fəhlələr əsas, digər qruplara
aid edilənlər isə köməkçi fəhlələr hesab olunurlar.
Mühəndis-texniki mütəxəssis və rəhbər işçilər kate-
qoriyasına istehsala texniki rəhbərlik funksiyasını həyata
keçirən kadrlar aid olunurlar. Əqli əmək nümayəndələri
olan bu kateqoriya işçilər istehsala rəhbərlik və onun təş-
kilinin konstruktor, texnoloji, təşkilati-texniki və sırf isteh-
sal müəssisələri ilə məşğul olurlar. Bu kateqoriya işçilərə
müəssisənin rəhbərliyi, baş mütəxəssislər, texniklər, usta-
lar və s. daxil edilir.
Dostları ilə paylaş: |