58
Tədris planı tədris fənlərinin siyahısını, öyrənilən hər bir fənnə bütövlükdə
və onun hər bir mərhələsinə ayrılan vaxtı, başqa tərəfdən təhsilin məzmununda
məktəbin bilavasitə əsaslandığı prioritetləri müəyyənləşdirir, digər tərəfdən onun
həyata keçirilməsi üçün zəmin yaradır.
Tədris planının vəzifəsi şagirdlərin hərtərəfli inkişafını
təmin etmək, onları
Vətənin müdafiəsinə və əməyə hazırlamaqdır. Odur ki, tam orta təhsil
məktəbinin, peşə-texniki məktəblərinin tədris planında sosial-iqtisadi yönümlü
tədris fənləri (həyat bilgisi, Azərbaycan tarixi, İnsan
və cəmiyyət, Azərbaycan
Respublikası Konstitutsiyası, iqtisadi biliklərin əsasları və; s.); humanitar
yönümlü fənlər (Azərbaycan dili, xarici dil, ədəbiyyat, musiqi, təsviri incəsənət
və s.); təbiət-riyaziyyat fənləri (riyaziyyat, kimya, biologiya, coğrafıya və s.),
həmçinin fiziki tərbiyə, texnologiya fənləri salınır.
Tədris planında tədris fənlərinin uzlaşdırılması diqqət mərkəzində dayanır,
məktəblilərin hərtərəfli inkişafı, zəruri bacarıq və vərdişlərin formalaşdırılması,
ümumtəhsil hazırlığı təmin olunur.
Tədris planlarının təkmilləşdirilməsi cəmiyyətin
sosial sifarişi nəzərə
alınmaqla aparılır. Məcburi fənlərlə yanaşı tədris planında fakultativ məşğələlərə
ayrılan vaxt (saatlar) da göstərilir.
Tam orta təhsil pilləsinin tədris planları əlavə və dəyişikliklərlə birlikdə hər
il kitabça şəklində, yaxud «Azərbaycan müəllimi» qəzeti vasitəsilə bütün
məktəblərə çatdırılır (Ali və orta ixtisas məktəblərinin tədris planları
əvvəlki
illərdən fərqli olaraq bir neçə ildir ki, tədris müəssisələrinin özləri tərəfindən
hazırlanır. Təhsil Nazirliyinin təsdiqinə verilir). Ümumtəhsil məktəblərinin
tədris planlarında tədris olunacaq fənlərin siyahısı,
illik və həftəlik saatlar
verilməklə yanaşı, tədris planına dair qeydlər də öz əksini tapır. Aydınlıq üçün
«2009-2010-cu tədris ili üçün tədris planına dair qeydlər»in bəzi bəndlərinə
nəzər salaq: «5. XI siniflərdə fakultativ, fərdi və qrup məşğələlərinə ayrılmış
saatlardan dərs cədvəlinə daxil edilməklə 1 saatı fızika, 1 saatı coğrafıya
fənninin tədrisinə verilir; 10. Fakultativ məşğələ qrupları şagirdlərin sayı 8
nəfərdən az olmamaq
şərti ilə komplektləşdirilir; 12. Dərs ili 32 tədris
59
həftəsindən ibarətdir. Dərs məşğələləri bütün tam orta təhsil səviyyəsində, bir
qayda olaraq sentyabrın 15-də başlayıb, mayın 31-də başa çatır. Dərs ili iki
yarımilə bölünür: - Birinci yarımil - 15 sentyabr-29 dekabr; ikinci yarımil - 06
yanvar-31 may; 13. Dərs ili ərzində aşağıdakı tətillər müəyyən edilir: - 6 gün
payız tətili (12-17 noyabr); -7 gün qış tətili (30 dekabr-05 yanvar); - 8 gün yaz
tətili (1 6-23 mart).
Bazis tədris planı dövlət standartının
tərkib hissəsi, əsas dövlət normativ
sənədi olaraq, ümumi orta təhsilin dövlət normasını əks etdirir ki, bu da
məktəblilərin təhsilinin qurulmasına, məzmununa
və səviyyəsinə verilən
tələbləri müəyyənləşdirir. Bazis tədris planı məktəbin maliyyələşdirilməsi üçün
tip tədris planının işlənib hazırlanması üçün əsas olur.
Tədris planının tərtibinə aşağıdakı tələblər verilir: 1. Fənləri onların
arasındakı əlaqəyə və məktəblilərin səviyyəsinə uyğun şəkildə əks etdirilməsi,
sonrakı fənn üçün baza yaradan əvvəl verilir, nisbətən çətin fənlər yuxarı
siniflərdə tədris olunur. 2. Fənlər arasındakı nisbətə diqqət yetirilməsi (elmlərdən
bir qisminə, məsələn, təbiət elmlərinə üstünlük vermək və başqa qismini arxa plana
çəkmək olmaz; 3. Şagirdlərin yaş xüsusiyyətləri diqqət mərkəzində dayanmalı; 4.
Fənlərin tədrisində ardıcıllığa əməl olunmalı; 5.
Milli tərbiyə ənənələrinin
nəzərə alınması; 6. Təhsilin məzmunundakı vahidlik və varislik gözlənilməlidir;
7. Hər bir fənnə (sinifdən-sinfə keçdikcə) verilən yer, ardıcıllıq və s.-in
gözlənilməsi.
Dostları ilə paylaş: