91
Bir neçə randomizə olunmuştədqiqatvə metaanalizlər göstərmişdir ki, erkən, rutin
fibrinolizis sonrası angioqrafiya və ardından PKM ilə müalicədə “müşahidə gözləmə”
strategiyasından fərqli olaraq (hansı ki, angioqrafiya və revaskulyarizasiya spontan və ya
provakasiya olunan ağır işemiya və ya sol mədəcik disfunksiyası olan xəstələrdə icra edilir)
təkrari infarkt və rekurrent işemiya dərəcəsində azalma olmuşdur. Erkən, fibrinolizis
sonrası rutin PKM-də fayda, istənməyən hadisələrin (insult və ya böyük qanaxma)
yoxluğunda görüldü. Son dörd tədqiqata əsasən trombolizis və angioqrafiyanın arasında
hər birində gecikmə 2-6 saat olmuşdur, uğurlu lizis sonrası vaxt məhdudiyyəti 3-24 saat
tövsiyə olundu. Uğursuz fibrinoliz hallarında və ya reokluziya, ST seqment elevasiyalı
təkrari infarkt əlamətləri olanda xəstə təcili koronar angioqrafiya və PKM olmalıdır.
Simptomların başlanmasından 24-48 saat sonra da ağrısız və hemodinamikası stabil
olan xəstələr erkən koronar angioqrafiya və PKM-dən fayda görə bilər. Kəskin miokard
infarktından bir neçə gün sonra daxil olan xəstələrdə təkrari angina və ya qalıq işemiya
əlamətləri olduqda və non-invaziv görüntüləmə üsulu ilə miokardda böyük canlı toxuma
olarsa – okluziya olan infarktlı arteriya revaskulyarizasiya üçün düşünülə bilər. Stabil
xəstələrdə miokard infarktından sonra infarkta səbəb olan arteriyanın okluziyasında gec
icra olunan PKM dərman terapiyasından üstün olmamışdır.
3.6. Koronar şuntlama əməliyyatı
STEMİ-li xəstələrdə PKM üçün uyğun anatomik arteriya olmadıqda, infarktla əlaqəli
arteriyanın aşkar bilindiyi xəstələrdə AKŞ edilə bilər. Geniş miokard sahəsinin infarktında
infarkt arteriyasının açıq olması cərrahi komandaya transfer üçün vaxt təmin edir. Bunu
kardiogen şokda olan xəstələrdə əgər PKM üçün uyğun koronar anatomiya
yoxdursa və ya
müdaxilə zamanı mexaniki ağırlaşmalar olarsa nəzərə almaq lazımdır.
AKŞ az hallarda istifadə olunur və uğursuz PKM olan, koronar anatomiyası PKM
üçün uyğun olmayan və PKM sonrası refrakter simptomları olan STEMİ xəstələrində
faydası bəlli deyil. Bu halların çoxunda cərrahi reperfuziya icra etmək üçün vaxt uzun
olacaq və bu vəziyyətdə cərrahiyyə ilə bağlı risklər yüksəkdir.
Davamlı ağrı və hemodinamik dəyişiklik olmayanda 3-5 günlük gözləmə periodu ən
uyğun variantdır. Çox damar xəstəliyi olan xəstələrdə, səbəb arteriyada birincili PKM və
ya ikincili PKM (fibrinolizdən sonra) olanlarda, risk dərəcəsi müəyyən edilməlidir və sonda
ürək komandasının müzakirəsi ilə PKM və ya cərrahi revaskulyarizasiya qərarlaş-
dırılmalıdır.
4. Ürək çatışmazlığı və kardiogen şokda olan xəstələrdə
revaskulyarizasiya
4.1. Xroniki ürək çatışmazlığı