201
Diaqnostika:
EKQ- Stenoz zamanı rast gəlinən əsas EKQ dəyişikliyi sol mədəcik hipertrofiyasıdır, bu əlamət
xəstələrin təxminən 85%-də görülür
2,3
. EKQ voltajıyla obstruksiya arasında korrelyasiya olmaya bilər, bu
uyğunluq daha çox gənc xəstələrdə rast gəlinir. QRS voltajının yüksək olduğu aparmalarda T dalğa
inversiyası, ST seqmentinin depressiyasına çox rast gəlinir. Aortal stenoz xəstələrinin EKQ-də 0.2mV-dan
çox ST seqment depressiyası ciddi sol mədəcik hipertrofiyası haqqında məlumat verir
2
. Bundan başqa ciddi
izolə aortal stenoz xəstələrinin 80%-də sol qulaqcığın böyüməsinə uyğun EKQ dəyişiklikləri müşahidə edilir
3
.
Atrial fibrilyasiya aortal stenoz nadir və xəstəliyin gec mərhələlərində rast gəlinən EKQ dəyişikliyidir.
Qapaqlarda inkişaf edən kalsifikasiyanın keçirici sistemə sirayəti ilə əlaqədar müxtəlif atrio-ventrikulyar və
intraventrikulyar bloklara səbəb olur.
Rentgen müayinəsi - kritik aortal stenozda belə ürəyin konfiqurasiyası norma daxilində ola bilər. Aortal
çatışmazlıq və ya sol mədəcik çatışmazlığı olmadığı müddətcə radioloji müayinədə nəzərəçarpan dəyişiklik
olmur. Çox vaxt qalxan aortanın poststenotik dilatasiyasına rast gəlinir. Nəzərəçarpan aortal dilatasiya
bikuspid qapaq və ya yanaşı aortal çatışmazlıq zamanı daha çox müşahidə edilə bilər.
Exokardioqrafiya - aortal stenozun diaqnozunun qoyulmasında əsas müayinə metodudur, xəstələrin
təqibində, stenoz dərəcəsinin dəyərləndirilməsi, cərrahi müalicənin vaxtının qərar verilməsində müstəsna
əhəmiyyətə malikdir. ExoKQ müayinənin qapaq taylarının sayı, quruluşu, hərəkəti, sol mədəciyin sistolik
funksiyası, divar qalınlğının təyini, yanaşı qapaq xəstəliklərini müəyyən etməkdə böyük rolu var. Həmçinin
Doppler müayinə vasitəsilə sol mədəcik-aorta təzyiq qradiyentinin hesablanması, effektiv aortal qapaq
dəliyinin sahəsi də hesablanaraq stenoz dərəcəsi müəyyən oluna bilər. 3D görüntüləmənin qapaqların
quruluşu, hərəkətinin təyinində, stenozun ağırlıq dərəcəsinin müəyyən edilməsində getdikcə rolu artmaqdadır.
ExoKQ göstəricilərinə əsasən aortal stenozun ağırlıq dərəcəsi.
Ağırlıq
dərəcəsi
Aortal
qapaq sahəsi, Sm2
Orta qradiyent, mm.c.süt.
Normal
2.0-4.0
0
Yüngül
stenoz
>1.5
0-20
Orta stenoz
1.0-1.5
20-40
202
Ciddi stenoz
<1.0
40-50
Kritik stenoz
<0.75
>50
Exokardioqrafik alınan mədəcik-aorta təzyiq qradiyentləri sol ürək kateterizasiyası ilə alınan rəqəmlərlə
uyğun olur və çox zaman kateterizasiyaya ehtiyac olmur.
Sol mədəcik disfunksiyası və aşağı ürək atımı olan xəstələrdə aortal stenozun ciddiliyini təyin etmək, aortal
stenozun həqiqi və ya yalançı olduöunu müəyyən etmək üçün Dobutaminli Stress Exokardioqrafiya zamanı
hemodinamik göstəricilərin dəyişikliklərin böyük əhəmiyyəti vardır. Yalançı aortal stenoz - sol mədəcik
disfunksiyası zamanı mədəciklərin yığılmasının kifayət qədər olmaması nəticəsində aorta qapaqları tam
açılmır və bu da ciddi aortal stenoz təsəvvürünü yaradır. Bu vəziyyəti, yəni həqiqi və yalançı aortal stenozu
differensə etmək üçün Dobutaminli Exokardioqrafik müayinədən istifadə edilir. Həqiqi stenozda dobutamin
infuziyası zamanı ürək atımının artması tarnsklapan qradiyentinin artması ilə müşahidə olunur, yalançı
stenozda isə qradiyent artmır, aorta qapağının sahəsi nəzərəçarpan dərəcədə artır (0.3 sm
2
-dən çox).
ExoKQ müayinə xəstələrin təqibində müəyyən aralıqlarla təkrar olunmalıdır, belə ki, ağır stenoz zamanı hər
il, orta stenoz zamanı 2 ildən bir, yüngül stenoz zamanı isə hər 5 ildən bir təkrar olunmalıdır
2
. Aortal stenoz
zamanı Dopplerlə əldə edilən qradiyentlərin hər il 4-8 mm. c. süt. artdığı, qapaq sahəsinin isə hər il 0.2-0.3
sm
2
azaldığı göstərilmişdir.
Transezofageal Exokardioqrafiya(TEE) - aortal stenozun ciddilik dərəcəsinin müəyyən olunmasında az
yardımçıdır, belə ki, kalsifikasiyaya uğramış qapaqların planimetriyasını hesablamaq çətin olur. Lakin son
zamanlarda stenozun müalicəsində istifadə edilən TAQİ-nin artan rolu ilə əlaqədar
TEE müayinə metodunun
da əhəmiyyəti artmışdır. TEE anulus diametrinin dəyərləndirilməsi və TAQİ prosedurunun gedişatına
nəzarətdə böyük əhəmiyyətə malikdir.
Stress test - simptomatik xəstələrdə əks-göstərişdir, bununla belə stress testin özünəməxsus üstünlükləri
vardır. Stress test asimptomatik fiziki aktiv xəstələrdə simptomların üzə çıxarılması, ciddi stenozlu
asimptomatik xəstələrin proqnozunun müəyyən olunmasında əhəmiyyətlidir. Fiziki aktiv şəxslərdə Stress test
zamanı simptomların yaranması yaxın 12 ay ərzində simptomların inkişaf edəcəyinə dəlalət edir
3
. Test zamanı
qan təzyiqinin anormal dəyişiklikləri və ST seqment depressiyası aşağı proqnostik əhəmiyyətə malikdir.
Kompüter Tomoqrafiya(KT) - qapaq sahəsinin ölçülməsi, proqnoza təsir edən koronar kalsifikasiyanın
müəyyən olunmasında əhəmiyyətli ola bilər. KT də TAQİ-dən öncə aorta kökünün ölçülməsi, kalsifikasiyanın
müəyyən olunması, qapaq sayları, qalxan aorta haqqında dəyərli məlumatlar verir.
Kateterizasiya və angioqrafiya. Kateterizasiya - əvvəllər ən yaxşı müayinə metodu sayılırdı, lakin indiki
dövrdə bu müayinə metodunu çox vaxt ExoKQ tamamilə əvəz edir. Həmçinin ciddi aortal stenoz zamanı