192
Müxtəlif səbəblərdən olan mitral çatmamazlıqda ilk əvvəl mitral qapaq boş ürəkdə iki
ədəd ucu qırmağa bənzər alətlə müayinə edilir. Bu zaman taylarda olan ,xorda və papillar
əzələlərdə olan problemlər aşkarlanır və qapaq çatmamazlığının səbəbi dəqiqləşdirilir sonra
isə təmirdə istifadə olunan çeşidli metodikalardan birinə qərar verilir.Daha sonra isə təmir
əməliyyatının uzun ömürlülüyünü təmin etməkdən ötrü əsas mərhələlərdən olan mitral
anulusun stabilləşdirilməsi məqsədilə xüsusi həlqə ölçümləri ilə hansı ölçüdə protez həlqə
qoyulacağı ölçülür və implantasiya olunur.Qapaq təmiri əməliyyatına başlamadan öncə
bizim də xüsusilə diqqət etdiyimiz 3 ana prinsip diqqət mərkəzində olmalıdır.
1.Qapağın bütün seqmentlərinin normal hərəkətini qorumaq və ya təmin etmək.
2.tayların kopatasiyası üçün geniş 7-8 mm məsafə təmin edilməsi
3.mitral qapaq həlqəsinin rekonstruksiyası və ya stabilizasiyası
Normal hərəkətliliyi qorumaq üçün patoloji toxumaların - qopmuş toxumaların
kəsilməsi və ya dekalsifikasiya icra oluna bilər.
Protez Həlqə tətbiqi ilə anuloplastika
Təmir əməliyyatlarında qapağı müayinə edərkən ilk olaraq qapağın funksiyasının hansı
səbəbdən pozulması önəmlidir. Əgər müayinə zamanı qapaqda tip 1 pozulma aşkar edilərsə
xəstəyə mitral həlqənin rekonstruksiyası məsləhətdir.Bu zaman əsas mərhələlərindən biri
həlqə anuloplastikadır . Anuloplastika günümüzdə geniş miqdarda tətbiq olunur ki,bu zaman
mitral qapaq sahəsini dəqiq ölçülür və uyğun ölçüdə həlqə tətbiqi ilə qanın axını üçün yetərli
mitral qapaq sahəsi bərpa olunur. Protez həlqə qapaq sahəsindən başqa anulusun formasını da
stabilləşdirir ki , belecə də tayların qatlanma ehtimalını və ola biləcək darlıq ehtimallarını da
aradan qaldırır. Mitral Ring 2/0 etibond tikişlər istifadəsilə implantasiya edilir ki, bu zaman
tikişlər mitral tayların anulusa birləşmə yerinin 1-2 mm xaricində fibroz anulusdan olmaqla
2 mm dərinlikdə, 7-8mm məsafədə olmaqla keçilir .Tikişlər əvvəlcə həlqənin anterior , sonra
posterior hissəsindən keçilir burada da tikiçləri kecerkən anulustan geniş həlqədən isə nisbətən
yaxın keçmək məsləhətdir.Sonra isə həlqə anulusa oturdularaq düyünlər tamamlanır.
Mitral Prolaps Təmiri
Adətən tip 2 funksional pozulmalar mitral qapağın prolapsında , tayın xordalarının
qopması və ya uzanması zamanı meydana cıxırlar.Anterior və posterior tayların hər
ikisinin ayrı ayrılıqda da prolaps etməsi mümkündür ki, buna uyğun olaraq da müxtəlif
təmir üsulları mövcuddur . Bu zaman qopmuş xorda tayın prolabə olmuş seqmenti ilə qopan
və ya uzanan hissəsi dörd bucaqlı və ya üçbucaqlı şəklində kəsilir və yerdə qalan hissə 5/0
prolen tikişlə tək –tək keçməklə plikasiya olunur.Ardından da protez ring yerleşdirilir.
Başqa bir texnikada isə xordası qopan bölgə sadəcə plikasiya olunur və lefletin ucu qonşu
ikincili xordaya bərkidilir.İkincili xordalara tikilməklədə koaptasiya zamanı yaranmış
prolaps və nəticədə ortaya cıxmış mitral çatmamazlıq ortadan qaldırılmış olur.
Anterior leflet prolapsusu sadəcə xorda qopması ilə də baş verə bilər ki , bu zaman
süni xorda köçürülməsi məsləhətdir. Bu zaman qopan xorda yerinə 5/0 və ya 6/0 PTFE-
tikiş(süni xorda) istifadə olunur. Bir və ya bir neçə xorda köçürülə bilər . Bunun üçün tikişlər
əvvəlcə xordanın qopduğu papilyar əzələdən keçilir ,tikişlərin hər iki tərəfində kiçik plejit
olur ki , bu yavaşca düyünlənir , sonra xordalar paraşüt saplarına bənzər şəkildə lefletin
sərbəst kənarından keçilir. Süni xordanı papailyar əzələyə bərkidərkən diqqət etmək
lazımdır , düyün sərt sıxılarsa əzələ işemiyası baş verə bilər.Ardından xorda uzunluğu xüsusi
193
alət- xətkeşlə ölçülür və düyünlənərək fiksasiya olunur , qapaq çatmamazlığı test edilir və
nəticə qənaətbəxş olarsa əməliyyat uyğun ölçüdə protez rıng implantasiyası ilə
yekunlaşdırılır.
Mitral qapaq taylarının genişlədilməsi.
Bəzən xəstələrdə tip-3 funksional qapaq çatmamazlığı qeyd olunur ki, səbəbi olaraq
leflet toxumasının büzülməsi və ya dəlinməsi aşkar olunur. Bu zaman cərrahi metod olaraq
büzülmüş lefletdə koaptasiya zamanı yetərli səth yaranmadığından tayın perikard toxuması
ilə genişlədilməsi tətbiq edilə bilər. Araşdırmalarda bu cür xəstələrin 80%- də
çatmamazlığın itməsi və ya ciddi azalması qeyd olunmuşdur. Etiologiyasına baxdıqda daha
çox - revmatizmal 65% , bacterial endokardit- 17%, anadangəlmə - 8% ,ventrikulyar fibroz
- 4.5% və travma tik- 1.5% mənşəli olduğu görülür.
Qapaq toxumasının artırılması ciddi mitral çatmamazlığı olan xəstələrdə yaxşı nəticə verir.
Bunun üçün əvvəlcə zədəli tayın sərbəst kənarı qarşı taya uyğun şəkildə asılır və bu zaman
tayın sərbəst kənarında gərilmə olmamasına diqqət etmək lazımdır .Bu zaman lefletdə hər
hansı bir hissə büzülmə səbəbilə gərgin olduğu aşkarlanır bu hissəyə aypara şəklində kəsik
icra olunur .Təkrarən hər iki tayın sərbəst kənarı uyğunlaşdırıldıqda defektli bölgənin ölçüsü
ortaya çıxar ki , buraya da perikard yama 5/0 prolen tikişlə tikilir.Qapaq taylarının dəlinməsi
zamanı da eyni texnika icra olunur. Bu metodla aparılan təmir zamanı uzun dönəm nəticələri
5 ildə 90 %, 10 ildə 69 % olaraq bildirilmiştir.
Taylarda olan hərəkət məhdudluğunun bərpası
Qapaq xəstəliklərində daha çox tip-3 funksional pozulmalarda taylarda olan sərbəst
hərəkət məhdudluğu ortaya cıxa bilir.Mitral qapağın cərrahi anatomiyasına uyğun olaraq
Leflet hərəkətlərini məhdudlaşdıran patoloji halları aşağıdakı kimi qruplaşdırmaq olar .
1) Komisurlarda yapışma
2) Lefletdə qalınlaşma
3) Xordalarda qalınlaşma
4) Xordalarda yapışmalardır.
Eyni zamanda bu cür patologiyalar mitral qapaqda çatmamazlıqla bərabər qapaq darlığına
da səbəb ola bilirlər. Cərrahi olaraq bu patologiyaları aradan qaldırmaq üçün müxtəlif açıq
və ya qapalı texnikalar tətbiq oluna bilər.
Komissurotomiya : Mitral qapaqda komissura dedikdə adətən ön və arxa tayların
kənarlarının bitişdiyi yerdə seqmentin -tayların toxumasından daha kontrastlı və çuxur
şəklində olması ilə fərqlənir .Bəzən bu işarələr olmazsa,
o zaman nisbi olaraq komissur hər iki tayı əksinə çəkməklə bir çökəklik ortaya cıxar ki , bura
komissur adlandırılır. Mitral qapaq sahəsi nəzərə alınmaqla bu bitişiklik mitral qapaq
annulusa 3 mm məsafə qalana qədər neştər ilə taylar bir birindən ayrılaraq komissurotomiya
icra olunur.
Dostları ilə paylaş: |