199
Aortal stenozun dərəcəsi artdıqca sol mədəcik divarında gərginlik artır, bununla birlikdə miokardın
oksigenə olan tələbatı da artır, miokardın işemiyası yaranır. Miokard işemiyasının yaranmasında daha bir
neçə səbəb var, bunlar sol mədəcikdə diastolik təzyiqin artması, miokard perfuziyasının azalması, sol mədəcik
divarında yaranmış yüksək gərginliklə əlaqədar oksigenə olan tələbatın və onun təchizatı arasında olan
uyğunsuzluqdur
2
.
Gedişi:
Aortal stenoz xroniki, proqressivləşən xəstəlikdir.
1)
Latent dövr. Aortal stenoz uzun müddət asimptomatik keçir. Asimptomatik stenoz zamanı ölüm az rast
gəlinir, hətta ciddi stenoz zamanı il ərzində qəfləti ölüm 1%-dən çox deyil
1
. Latent dövrün müddəti
müxtəlifdir, stenozun etiologiyasından, yaşdan, risk faktorlarından (ateroskleroz, siqaret və s.),
zədələnmənin dərəcəsindən və s. asılıdır. Simptomların yaranma vaxtını öncədən təxmin etmək
mümkün olmadığından xəstələrə mütəmadi müayinələrdən keçməyi və simptomlar yaranan kimi
həkimə müraciət etməli olduqlarını bildirmək lazımdır.
2)
Simptomatik dövr. Simptomların inkişafından sonra protezləşmə icra olunmazsa, qəfləti ölüm faizi
kəskin artır. Sağqalım faizi 5 ildə 15-50%-dir
1
. Stenokardiya inkişaf edərsə, cərrahi müalicəsiz xəstələr
5
il ərzində, bayılma olduqda 3 il ərzində, ürək çatışmazlığı inkişaf etdikdə 2 il ərzində ölürlər
2
. Ciddi
aortal stenoz zamanı qəfləti ölüm arterial
hipotoniya, ritm pozğunluqları, sol mədəciyin hipertrofiyası
və sistolik disfunksiyası nəticəsində baş verir.
Simptomların başlanğıcı anadangəlmə və revmatizmal aortal stenoz xəstələrində 50-60 yaşlara,
degenerativ kalsifik aortal stenoz xəstələrində 70-90 yaşlara təsadüf edir.
Klinika:
Şikayətlərin yaranması əməliyyat qərarının
tez verilməsi üçün göstərişdir, çünki simptomlar başladıqdan
sonra xəstəliyin proqnozu pisdir.
1)
Stenokardiya - oksigenə tələbatla onun təchizatı arasındakı uyğunsuzluqla əlaqədardır. Bundan başqa
stənokardiya yanaşı ÜİX ilə də əlaqədar ola bilər, belə ki, ÜİX aortal stenozu çox vaxt müşayət edir.
Stenokardiya aortal stenozlu xəstələrin ⅔-də rast gəlinir
3
, ÜİX zamanı rast gəlinən stenokardiya
ağrılarına çox bənzəyir, belə ki, hərəkət zamanı artır, istirahət zamanı azalır.
2)
bayılma.- Aortal stenozda periferik müqavimətin azalmasına (fiziki hərəkət zamanı,
vazodilatasyonların qəbulu zamanı) müvafiq olaraq ürək atımı arta bilmir, yaranan hipotoniya
bayılmaönü vəziyyət, bayılma, hətta ölümə gətirib cıxara bilər. Bundan başqa, bayılmaların səbəbi
200
mədəcik və mədəciküstü aritmiyalar, kalsifikasiyanın qapaqdan ürəyin keçirici sisteminə keçməsi ilə
əlaqədar atrioventrikulyar bloklar da
ola bilər
2,3
.
3)
ürək çatışmazlığı- stenoz zamanı inkişaf edən sistolik və diastolik disfunksiya ilə əlaqədar meydana
çıxır, fiziki gərginlik zamanı təngnəfəslik, ortopnoe, paroksizmal nokturnal dispnoe kimi təzahür edir.
Ciddi aortal stenoz zamanı ürək atımı nisbətən yaxşı qorunduğundan uzun illər boyu yorğunluq,
halsızlıq, periferik sianoz kimi əlamətlər xəstəliyin gec mərhələlərinə qədər özünü göstərmir.
Bunlardan başqa, zədələnmiş qapaq taylarında infeksion endokardit vegetasiyaları inkişaf edə bilər ki,
bu hal yaşlıların degenerativ, kalsifik qapaqlarından daha çox gənclərin qapaq deformasiyası zamanı
rast gəlinir. Qalınlaşmış bikuspid qapaqlarda yaranan mikrotromblar tranzitor işemik həmlə və ya
insulta səbəb ola bilər. Kalsifik qapaqlar həmçinin kalsium embolizasiyasına səbəb ola bilər
2
.
Fiziki müayinə:
1)
Nəbz-aortal stenoz zamanı pulsus parvus et tardus xarakterli (yavaş yüksələn və kiçik nəbz) nəbz
müşahidə edilir. Stenozun gec mərhələlərində sistolik və nəbz təzyiqi azalmış olur, lakin stenozu
müşayət edən aortal çatışmazlıq olduqda və/və ya yaşlılarda damarların elastikliyini itirməsi
nəticəsində sistolik təzyiq və nəbz təzyiqi yüksək qala bilər
2,3
.
2)
Palpasiya - sol mədəciyin hipertrofiyası və boşluqların ölçülərinin normal olması zamanı ürək vurğusu
uzunmüddətli olur, lakin yayılmış olmur. İkinci qabırğaarası sahədə sağ tərəfdə sistolik titrəmə
palpasiya oluna bilər.
3)
Auskultasiya - Aortal stenoz zamanı eşidilən klassik küy mezosistolik küydür, döş sümüyünün
yuxarısında sağ tərəfdə eşidilir, bu küy boyun damarlarına ötürülür.
Stenoz nə qədər ciddi olarsa, küy
bir o qədər uzunmüddətli olur. Küyün yüksəkliyi stenozun ağırlığına uyğun olmaya bilər. Stenoz
zamanı I ton dəyişmir, stenozun dərəcəsi irəlilədikcə II ton zəifləyir, sonda tamamilə itir. II tonun
itməsi aortal stenozun spesifik əlamətidir,
lakin sensitiv əlamət deyil
1
. Daralmış aortal dəlikdən qanın
qovulma müddətinin artması ilə əlaqədar II tonun paradoksal parçalanması qeyd olunur
2
. Stenoz küyü
adətən atım həcmini artıran oturma hərəkəti zamanı şiddətlənir, Valsalva manevrası
və ayaqda durma
zamanı isə küy azalır
3
. Bikuspid aortal qapağın stenozu zamanı sistolik küydən əlavə qapağın açılma
səsi də eşidilir.
Sol mədəciyin çatışmazlığı inkişaf etdikdə və atım həcmi azaldıqda aortal stenozun sistolik
üfürümü zəifləyir, bəzi hallarda tamamilə itir. Həmçinin III tonun yaranması sol mədəciyin sistolik
funksiyasının yaranmasının xəbərçisidir. IV tonun eşidilməsi də tez-tez rast gəlinir, sol mədəciyin
elastikliyinin(gövşəkliyi) azalması zamanı ilə əlaqədardır.