179
Revmatizm zamanı xordanın fibroz və kalsifikasiyası
Papillyar əzələ anomaliyaları
Miokard infarktı zamanı papillyar əzələnin yırtılması
-tam (adətən ölümlə nəticələnir)
-natamam
Disfunksional papillyar əzələ
İsemiya (posteromedial papillyar əzələ birtəfəli qan təhcizatı səbəbi ilə (PDA şaxəsindən)
daha çox işemik zədələnməyə məruz qalır
İnfiltrativ proses:amiloidoz,sarkoidoz
Anadangəlmə:paraşut mitral qapaq
Patofiziologiyası
7
Mitral çatışmazlıqda sistola zamanı qanın bir hissəsi mitral qapaq tayları arasından sol
ventrikuldan sol atriuma geri qayıdır. Sol ventrikulun sistolik təzyiqi mitral çatışmazlıq
zamanı adətən normaldır. İzovolemik kotraksiya zamanı təzyiqdə ani artma müşahidə olunur.
Kəskin mitral çatışmazlıq zamanı sol atriumun təzyiqi çox yüksək rəqəmlərə qədər artır. Bu
zaman xəstədə ağciyər ödümi inkişaf edir. Xroniki mitral çatışmazlıq zamanı isə sol ölçü və
həcm genişlətmək qabiliyyətinin artması səbəbindən təzyiqdə çox böyük dəyişikliklər
müşahidə olunmur. Xroniki mitral çatışmazlıqlı bəzi xəstələrdə sol atrium çox böyük
ölçülərə qədər genişlənir, atrium divarları fibrozlaşır. Bu xəstələrdə sol atrium təzyiqi çox
aşağı rəqəmlərdə olur və zəif pulmonar hipertenziya inkişaf edir. Lakin bu xəstələrdə adətən
səyrici aritmiya müşahidə olunur. Sol atrium təzyiqinin xroniki olaraq artması ağciyər
venalarında durğunluğa səbəb olur. Ağciyər venalarından uzunmüddətli durğunluq əvvəlcə
ağciyər arteriyalarında spazma, daha gec dövrlərdə isə damar divarında remodellinqə səbəb
olur. Bunların son nəticəsi olaraq pulmonar hipertenziya inkişaf edir, ürəyin sağ boşluqları
böyüyür. Uzunmüddətli xroniki ciddi mitral çatışmazlıqda davamlı olaraq sol ventrikulun ön
yükünün artması sol ventrikulun diastola sonu təzyiqinin artmasına və son nəticə olaraq
ventrikulun genişlənməsinə səbəb olur.
Klinikası
8
Kəskin mitral çatışmazlıq zamanı anidən pulmonar kapillyar tıxama təzyiqi artdığıdan
ağciyərlərdə durğunluq və ağciyər ödemi inkişaf edir. Bu səbəbdən xəstələrdə ani
təngnəfəslik, ortopnoye vəziyyəti yaranır və çox hallarda kardiogen çok klinikası inkişaf
edir. Xroniki mitral çatışmazlıq adətən uzun illər asimptomatik qalır. Simptomlar inkişaf
etdikdə xəstələr fiziki yük zamanı yaranan təngnəfəslikdən şikayət edir. Daha irəli
mərhələrdə niktural dispnoye və ürək çatışmazlığının digər simptomları inkişaf edir.
180
Diaqnostikası
Elektrokardioqrafiya
Mitrak çatışmazlıqda EKQ dəyişiklikləri qeyri-spesifikdir. Adətən EKQ-də sol atriumun
böyüməsi və səyrici aritmiya (Şəkil 3) qeyd edilir. Daha irəli mərhələlərdə sol və sağ
mədəcik hipertrofiyası əlamətləri inkişaf edə bilər.
Şəkil3.Səyrici aritmiya.
Exokardioqrafiya
Exokardioqrafiya mitral çatışmazlığın diaqnostikası, ciddiliyinin müəyyən olunması, müalicə
növünün seçilməsi üçün əsas diaqnostik vasitədir. Mitral çatışmazlığın ciddiyyətini
exokardioqrafik olaraq müxtəlif üsullarla dəyərləndirmək mümkündür.
1. Vena kontrakta
Vena kontrakta rəngli dopller ilə müayinə etdikdə requrgitan axımın ən dar yerinin
ölçüsüdür. (Şəkil 4) Ölçünü daha dəqiq almaq üçün böyütmə modundan istifadə etmək olar.
Vena kontraktanın ölçülməsində kiçik səhvlər qapaq çatışmazlığının dərəcəsini müəyyən
etməkdə böyük səhvlərə səbəb ola bilər. Bu görə əgər ölçünü tam dəqiq almaq mümkün
deyilsə qapaq çatışmazlığının dərəcəsi digər üsullarla müəyyən olunmalıdır. Vena
kontraktanın daha dəqiq ölçülməsi 3D exokardioqrafiya ilə gələcəkdə mümkün olacaq. Lakin
hal hazırda temporal çözünürlüyün aşağı olması səbəbi ilə 3D exokardiqrafiya bu məqsədlə
geniş istifadə oluna bilmir. Vena kontraktanın ölçüsünə görə mitral qapaq çatışmazlğı
3dərəcəyə bölünür. (Cədvəl 1)
Cədvəl1. Vena kontraktaya görə mitral qapaq çatışmazlığının dərəcələndirilməsi.
Yüngül
Orta
Ciddi
<3mm
3-7mm
>7mm
181
Şəkil4.Vena contractanın ölçülməsi
2. PİSA (proximal isovelocity surface area) metodu
Requrgitan mənfəzə doğru qan axını sürətlənir
Rəngli dopplerdə aliasing velocitesi (siqnal tezliyinin qeyri-düzgün təyini) bütün
eritrositlərin hərəkət sürətinin eyni olduğu konturu göstərir (izovelosite)
Proksimal izovelosite (sürəti bərabər olan)konturun forması adətən yarımkürədir. Bu
səbəbdən bu yarımkürənin köndələn kəsik sahəsi 2n
2
-dır.
PİSA daha dəqiq olaraq apikal uzun ox və apikal 4-boşluq görübtülərində ölçülə bilir.
Böyütmə modu və dar sektordan istifadə olunur. Proksimal sahə yarımkürə formasında
olmadıqda PİSA-nın təyini çətinləşir. Bu səbəbdən PİSA ekssentrik axımlarla müqayisədə
mərkəzi axımlar üçün daha doğru nəticə verir. (Şəkil5)
PİSA metodu vasiitəsilə aşağıdakə göstəricilər ölçülə bilər:
1.PİSA radiusu:Mirtal çatışmazlıqda PİSA radiusunun <0.4 olası zəif, >1.0 olması ciddi
mitral çatışmazlığı göstərir
2.Ani requrgitan axımı
3.Effektiv requrgitan mənfəz sahəsini (EROA)(sistolada qapaq tayları arasında qalan və
requrgitasiyaya səbıb olan boşluğun mənfəzinin sahəsi) :mitral çatışmazlıq üçün EROA
birincili mitral çatışmazlıqda >40mm
2
, ikincili mitral çatışmazlıqda >20mm
2
olduqda
çatışmazlıq ciddi kimi dəyərləndirilir.
4.Requrgitan həcm:Birincili ciddi mitral çatışmazlıqda >60ml/vurğu, ikincili mitral
çatışmazlıqda >30ml/vurğu kimi dəyərləndirilir.
182
Şəkil 5.PİSA metodu
Mitral çatışmazlığı olan xəstəni exokardioqrafik olaraq müayinə etdikcə əlavə olaraq sol
atriumun ölçü və bədən səthi sahəsinə uyğun olaraq həcmi, sol mədəciyin atım fraksiyası,
son diastolik həcmi, pulmonar arterial sistolik təzyiq, pulmonar venalarda geri axım, davamlı
axım doppler (CW doppler) siqnalının anteroqrad və retroqrad intensivliyinin müqayisəsi
kimi göstəricilər təyin olunmalıdır.
Müalicəsi
Mitral çatışmazlıq dərman, perkutan və cərrahi müalicə üullarla müalicə olunur.
Kəskim mitral çatışmazlıq. Kəskin mitral çatışmazlıq inkişaf etmiş xəstələrdə sol ventrikulun
son yükünün azaldılması əsasə məqsəddir. Bunun üçün niroprussid və nitrqliserin istifadə
olunur. Kardiogen şok inkişaf etmiş hallarda intraaortik balon pompasının implantasiyası
göstərişdir. Kəskin mitral çatışmazlığı radikal müalicəsi cərrahi müdaxilədir.
Xroniki mitral çatışmazlıq. Yüngül-orta xroniki mitral çatışmazlıqlarda dərman müalicəsi
effektivliyi sübut olunmayıb. Sol mədəciyin disfunksiyasına bağlı ikincili ciddi mitral
çatışmazlıqda müalicəyə beta blokatorlar, son yükü azaldan basitələr, mineralokortikoid
reseptor antoqonistləri və diuretiklər daxil olmalıdır. Asimptomatik xroniki mitral
çatışmazlğın müalicəsində AÇF inhibitorlarə və spironolaktonun rolu sübut olunmayıb.
MitraKlip proseduru
Mirtaklip proseduru Alfieri əməliyyatına analoq olaraq perkutan yolla mitral qapaq taylarının
uc-ucua birləşdirilməsi üsuludur. Dünyada 2009-cu ildən bəri MitraKlip proseduru təcrübəsi
vardır. Kardiologiyaya artıq prosedurun uzunmüddətli nəticələri bəllidir.
3mm>
Dostları ilə paylaş: |