173
Döyünən ürəkdə AKŞ əməliyyatı zamanı sağ plevranın açılması məsləhət görülür. Bu
zaman ürəyin sağ plevral sahəyə doğru yer dəyişməsi nəticəsində ürək sağa dönür və zirvəsi
yuxarı qalxır. Ürəyin bu vəziyyətinin iki əsas texniki üstünlüyü vardır.
1.
Ürəyin yan, aşağı və arxa divarlarına daha rahat şəkildə müdaxilə edilməsini təmin
edir.
2.
Sol mədəciyin daha rahat işləməsini təmin edərək əməliyyat zamanı hemodinamikanın
stabil qalmasına kömək edir.
DÜ AKŞ zamanı koronar arteriyaların əldə olunması üçün iki əsas metoddan istifadə
edilir.
1.
Perikard asma
tikişləri
2.
Apikal vakum alətləri
Müxtəlif koronar damarlara rahat çıxış əldə etmək üçün perikardın fərqli nöqtələrinə
qoyulmuş tikişlərin çəkilib fiksə edilməsi çox faydalıdır. Bundan başqa ön divardakı
damarlarda rahat işləmək üçün ürəyin altına qatlanmış cərrahi tənzif və ya içərisinə ilıq maye
doldurulmuş cərrahi əlcək istifadə edilə bilər. Zirvəyə qoyulmuş vakum alətləri isə ürəyin
aşağı – arxa səthindəki damarlara cərrahi yanaşma əldə etmək üçün tətbiq olunur.
Miokardın işemiyadan qorunması və ürəyin mexaniki və farmakoloji
stabilləşdirilməsi
DÜ AKŞ zamanı distal anastomozların icra edilməsi üçün hədəf damarın olduğu sahənin
yerli immobilizasiyasına ehtiyac yaranır. Bunu icra edərkən miokardın işemiyadan qorunması
və ürək fiziologiyasının optimal səviyyəsi təmin edilməlidir. Bütün bunlar bir sıra farmakoloji
və mexaniki müdaxilələrin hesabına həyata keçirilir.
Farmakoloji müdaxilə zamanı qarşıya qoyulan məqsədlər aşağıdakılardır:
1.
Ürəyin farmakoloji immobilizasiyasını təmin etmək
2.
Miokardın oksigen ehtiyacını azaltmaq
3.
İşemiyaya dözümlülüyünü artırmaq
4.
Kəskin işemiya və infarktın qarşısını almaq
Əməliyyat zamanı tac damarların xaricdən sıxılaraq qanaxmanın kəsilməsi miokardda
ciddi zədələnmələrə gətirib çıxara bilər . Xüsusilə total okluziyanın olmadığı damarlarda qan
axınının müvəqqəti də olsa kəsilməsi miokardda ciddi zədələnmə törədə bilər. Toxumalarda
zərərli
metabolizm
məhsullarının
toplanması reperfuziya zədələnməsinin əsas
səbəblərindəndir.
Miokardın oksigen ehtiyacını azaltmaq üçün yığılma gücünü, sürətini, bədən
temperaturunu 1-2 dərəcə aşağı salmaq və anesteziyanı dərinləşdirmək lazımdır . Bu məqsədlə
esmalol kimi qısa müddətli təsir edən beta-blokatorların infuziya şəklində verilməsi ən optimal
variantdır. Son illərdə bu əməliyyatlar zamanı miokard perfuziyasının qorunması üçün
intrakoronar şuntlardan istifadə edilir.
Farmakoloji immobilizasiya təmin etmək üçün ürək vurğularının sayının dəqiqədə 40-
50-yə qədər azaldaraq bradikardiya yaratmaq lazımdır. Xüsusi hallarda isə qısa müddətli
asistoliya yaratmaq ehtiyacı ola bilər. Bu məqsədlə bolus adenozinin İ.V tətbiqindən istifadə
etməklə qısa müddətli (5-15san-lik) asistoliyalar əldə etmək olar. Bu yolla əməliyyat
müddətində anastomozun çətinlik yaradan bölgələrində 8-10 dəfəyə qədər qısa müdətli
asistoliyalardan istifadə etmək olar.
Ürəyin (hədəf miokard sahəsinin) mexaniki stabilizasiyası üçün mənfi təzyiqlə vakum
yaradan və ya yerli təzyiq tətbiq edən alətlərdən istifadə olunur.
174
Sol torakotomiya ilə DÜ AKŞ
Sol torakotomiya ilə DÜ AKŞ – birincili şuntlama əməliyyatlarında tətbiq oluna bilsədə,
xüsusilə təkrari koronar cərrahi əməliyyatlarında aktualdır
. Bu metodlatəkrar sternotomiya
aparmadan, mediastinal yapışıqlıqlar, aorta və birinci əməliyyatda qoyulmuş işləyən qreftlər
zədələnmədən əməliyyat aparmaq mümkündür. Bundan başqa, döş sümüyünün bitişməməsi
və mediastinit riskinin olmaması , yara sağalması və normal fiziki aktivliyə dönmə müddətinin
qısalması yolu ilə də torakotomik DÜ AKŞ-nin üstünlükləri vardır.
Təcili vəziyyətlərdə femoral kanulyasiya ehtiyacı nəzərdə tutularaq femoral bölgə hazır
olmalıdır. Təkrari əməliyyatlarda əsasən VSM və mil arteriyası istifadə olunaraq, distalı
sabitləşdiricilərin köməyi ilə tac damarlara, proksimalı isə enən aortaya və ya körpücükaltı
arteriyaya anastomoz edilir. Beləliklə, bu metod təkrari koronar şuntlama əməliyyatlarında
ölüm və ağırlaşma faizlərinin azaldılması baxımından ciddi üstünlüklərə malikdir.
MİD CAB – RCL proseduru
Bu metod xəncərəbənzər çıxıntının üzərindən başlayaraq sol qabırğa qövsünə doğru
paralel kəsiklə aparılır.
Ürək-ağciyər aparatının istifadəsi riski yüksək olan xəstələr, təkrari əməliyyat, stent
restenozu, PTKA mümkün olmadıqda və ya uğursuz olduqda RCL proseduru icra oluna bilər.
Bu metodla ön mədəciklərarası arteriya və sağ koronar arteriya ilə daxili döş arteriyası arasında
anastomoz icra edilir. Ön mədəciklərarası arteriyanın ölçüsü 2 mm-dən böyük olduqda, geniş
qabırğaarası sahəli döş qəfəsinə sahib olan insanlarda təkrari əməliyyatlarda icra edilə bilər.
Təcili , hemodinamik qeyri-stabil xəstələrdə, koronar arteriyaların ölçüsü 1,5 mm-dən kiçik
olduqda, diffuz kalsifik koronar arteriyalı xəstələrdə, intramiokardial ön mədəciklərarası
arteriyaya sahib olan xəstələrdə, piylənməsi olan xəstələrdə əks göstərişdir. Bu metodla icra
olunan xəstələrin klassik əməliyyatlara nisbətən birsıra üstünlükləri vardır:
- süni ürək-ağciyər aparatı istifadə olunmur;
- əməliyyat müddəti daha qısadır;
- klassik xəstələrdə sağalma müddəti 3-6 həftə olduğu halda, bu xəstələrdə 1-2 həftədir;
- əməliyyatdan sonra ağrıya
daha az rast gəlinir;
- kosmetik baxımdan daha effektivdir.
Ədəbiyyat siyahısı
1.
Kolessov VI. Mammary artery-coronary artery anastomosisas method of treatment for angina pectoris.
JThorac Cardiovasc Surg, 1967;54:535-44.
2.
Benetti FJ, Ballester C. Use of thoracoscopy and a minimal thoracotomy, in mammary-coronary bypass
to left anterior descending artery, without extractorporeal circulation: Experience in 2 cases. J Cardiovasc
Surg 1995; 36:159-61.
3.
Subramanian V, Stelzer P. Clinical experience with minimally invasive coronary artery bypass
grafting(CABG).
Eur J Cardiothorac Surg, 1996;10:1058-63.
4.
Calafiore AM, Di Giammarco G, Teodori G, et al. Leftanterior descending coronary artery grafting via
left anterior small thoracotomy without cardiopulmonary bypass.
Ann Thorac Surg, 1996;61:1658-65.
5.
Shenip H, Mack MJ, LeeAGL. A survey on minimally invasive coronary artery bypass grafting. Ann
Thorac Surg, 1997;64:110-5.
6.
Andrew MJ, Baker RA, Kneebone AC, Knight JL. Neuropsychological dysfunction after minimally