EKOSOK beynəlxalq iqtisadi və sosial problemləri müzakirə etmək və
müvafiq tövsiyələr işləyib hazırlamaq üçün mərkəzi forum rolunu oynayır.
O, iqtisadi, sosial, mədəni, təhsil, səhiyyə və yanaşı sahələrdə beynəlxalq
məsələlərə aid tədqiqatlar və məruzələr edir və ya istənilən belə məsələlərə
aid Baş Məclisə, Birləşmiş Millətlərin Üzvlərinə və maraqlı ixtisaslaşmış
təsisatlara tövsiyələr edir. Baş Məclisə təqdim etmək üçün konvensiya
layihələri hazırlayır, beynəlxalq konfranslar çağırır.
EKOSOK-un
ən mühüm səlahiyyətlərindən biri BMT-nin
ixtisaslaşmış təsisatlarının fəaliyyətini əlaqələndirməkdən biridir. EKOSOK
bu təşkilatlarla xüsusi sazişlərə girir, onlarla məsləhətləşmələr apanr və
tövsiyələr edir, onlardan müntəzəm məruzələr alır.
EKOSOK iqtisadi və sosial sahələrdə və insan hüquqlarına dəstək
vermək üçün komissiyalar təsis edir. Hazırda onun 9 funksional komissiyası
vardır: Statistika komissiyası, Sosial inkişaf üzrə komissiya, Əhali və
inkişaf üzrə komissiya. Qadınların vəziyyəti üzrə komissiya,
Cinayətkarlığın qarşısının alınması və cinayət ədalət mühakiməsi üzrə
komissiya, Narkotik vasitələr üzrə komissiya, Elm və texnologiya üzrə
komissiya. Davamlı inkişaf üzrə komissiya, Meşələr üzrə BMT Forumu.
Bundan əlavə, köməkçi orqan kimi EKOSOK-un 5 regional komissiyası
vardır: Afrika üzrə İqtisadi komissiya, Asiya və Sakit okean üzrə İqtisadi və
sosial komissiya, Avropa iqtisadi komissiyası, Latın Amerikası və Karib
hövzəsi üzrə İqtisadi komissiya və Qərbi Asiya üzrə İqtisadi və sosial
komissiya.
EKOSOK öz səlahiyyətləri çərçivəsində olan məsələlərlə məşğul olan
qeyri-hökumət təşkilatlan ilə məsləhətləşmələr apanr.
EKOSOK BMT-yə üzv olan hər hansı dövləti, həmin dövlət üçün
xüsusi maraq kəsb edən istənilən məsələnin müzakirəsində iştirak etməyə
(səsvermə hüququ olmadan) dəvət edir. EKOSOK- un hər üzvü bir səsə
malikdir. Onun qərarları iştirak edən və səs verən üzvlərin səs çoxluğu ilə
qəbul olunur.
Qəyyumluq Şurası BMT Nizamnaməsində fonnal qalsa da, artıq
fəaliyyət göstərmir. O, beynəlxalq qəyyumluq sisteminə daxil olan
ərazilərin siyasi, iqtisadi və sosial tərəqqisinə, onların özünüidarəyə və
müstəqilliyə doğru inkişafına dəstək venuək üçün
129
yaradılmışdı. Şuranın fəaliyyəti dövründə 11 qəyyumluq altında olan
ərazinin hamısı müstəqillik qazanmışdır (Qana, Somali, Kamerun, Toqo,
Ruanda, Burundi, Tanzaniya, Samoa, Nauru, Papua- Yeni Qvineya və
Palua). 1994-cü ildə axırıncı belə ərazi kimi Paluanın BMT-yə üzv qəbul
edilməsi vo Qəyyumluq haqqında Sazişin qüvvədə olma müddətinin
bitməsi ilə Qəyyumluq Şurası öz vəzifəsini tam yerinə yetirmişdir. Həmin il
qəbul olunmuş qərara görə. Qəyyumluq Şurası gələcəkdə yalnız vəziyyət
tələb etdikdə, yığışa bilər.
Beynəlxalq Məhkəmə Birləşmiş Millətlər Təşkilatının əsas məhkəmə
orqanıdır. O, BM'f Nizamnaməsinə əlavə olunan və onun ayrılmaz tərkib
hissəsini təşkil edən Statuta uyğun olaraq fəaliyyət göstərir. Beynəlxalq
Məhkəmə dövlətlər arasındakı mübahisələri həll edir və hüquqi məsələlər
üzrə məsləhət xarakterli rəylər çıxarır. Hər bir dövlət tərəf kimi çıxış etdiyi
işdə Beynəlxalq Məhkəmənin qərarına əməl etməlidir.
BMT-nin bütün üzvləri
ipso facto
Beynəlxalq Məhkəmənin
Statutunun iştirakçılarıdır. BMT-nin üzvü olmayan dövlət Təhlükəsizlik
Şurasının tövsiyəsi əsasında Baş Məclis tərəfindən müəyyən olunan
şərtlərlə. Beynəlxalq Məhkəmənin Statutunun iştirakçısı ola bilər.
Beynəlxalq Məhkəməyə 15 hakim daxildir; onlar Baş Məclis və
Təhlükəsizlik Şurası tərəfindən seçilir. Məhkəmənin yerləşdiyi yer
Niderlandın Haaqa şəhəridir.
BMT Katibliyinin başlıca vəzifəsi bütün Təşkilatın normal fəaliyyətini
təmin etməkdən ibarətdir.
Katiblik Baş Katibdən və Təşkilat üçün tələb olunan ştatdan ibarətdir
(Nizamnamənin 97-ci maddəsi). Baş Katib tərəfindən Baş Məclisin
müəyyən etdiyi qaydalara əsasən təyin olunan Katibliyin işçiləri beynəlxalq
vəzifəli şəxslər hesab olunur. Katibliyin əməkdaşlarını işə qəbul edərkən
əsas tələblər kimi onlann yüksək iş qabiliyyəti səviyyəsi, səlahiyyətliliyi və
təmizliyi ön plana çəkilir. Heyətin mümkün qədər geniş coğrafi əsasda
seçilməsinin vacibliyinə lazımi diqqət yetirilməlidir. Öz vəzifələrini icra
edərkən Baş Katib və Katibliyin əməkdaşlan hər hansı hökumətdən və ya
BMT üçün kənar olan hər hansı digər orqandan göstəriş istəyə və ya ala
bilməzlər.
130
BMT-nin hər bir Üzvü Baş Katibin və Katibliyin əməkdaşlannın
vəzifələrinin sırf beynəlxalq xarakterinə hönnət etməli və onlara öz
vəzifələrini yerinə yetirərkən heç bir təsir göstərməməlidir.
BMT-nin Baş Katibi Təşkilatın baş inzibati vəzifəli şəxsidir. O,
Təhlükəsizlik Şurasının tövsiyəsi əsasında Baş Məclis tərəfindən 5 illik
müddətə təyin olunur. O, əsasən icra-sərəncam funksi- yalannı yerinə
yetirir.
İndiyə qədər aşağıdakı şəxslər BMT-nin Baş katibi olmuşlar: Trüq- ve
Li (Norveç) - 1945-1953; Daq Hammerşcld (İsveç) - 1953-1961; U Tan
(Birma) - 1961-1971; Kurt Valdhaym (Avstriya) - 1971-1981; Xavyer Peres
de Kuelyar (Peru) - 1982-1991; Butros Butros Qali (Misir) - 1992-1996,
Kofi Annan (Qana) - 1997-2006; Ban Ki-mun (Cənubi Koreya) - 2007-ci il
yanvann 1-dən (2011-ci ilin iyununda yenidən bu vəzifəyə seçilmişdir).
Baş Katib Baş Məclisin, Təhlükəsizlik Şurasının və İqtisadi və Sosial
Şuranın bütün iclaslarında fəaliyyət göstərir və bu orqanlar tərəfindən ona
həvalə olunan digər funksiyaları icra edir. O, Təşkilatın işi barədə Baş
Məclisə illik məruzə təqdim edir.
Baş Katibin mühüm səlahiyyətlərindən biri ondan ibarətdir ki,
0
,
beynəlxalq sülhün və təhlükəsizliyin qorunub saxlanmasına qorxu törədə
bilən istənilən məsələni Təhlükəsizlik Şurasının nəzərinə çatdıra bilər. Baş
Katib beynəlxalq mübahisələrin və situasiyaların nizamlanmasında mühüm
rol oynayır.
8.
BMT-nin ixtisaslaşmış təsisatları
BMT-nin ixtisaslaşmış təsisatları - beynəlxalq əməkdaşlığın bu və
ya digər konkret sahəsində (iqtisadi^ sosial, mədəni, təhsil, səhiyyə və s.)
fəaliyyət həyata keçirən. Birləşmiş Millətlər Təşkilatı üə əlaqəsi olan
universal xarakterli beynəlxalq hökumətlərarası təşkilatlardır.
İxtisaslaşmış təsisatların BMT ilə əlaqəsi BMT-nin əsas orqanlann-
dan biri olan EKOSOK vasitəsilə həyata keçirilir. EKOSOK: ixtisaslaşmış
təsisatlarla saziş bağlayır, məsləhətləşmələr aparmaq və tövsiyələr vermək
yolu ilə ixtisaslaşmış təsisatlann fəaliyyətinin ümumi koordina-
131
Dostları ilə paylaş: |