-Kələkidən dönəndən sonra Demokratik Konqresdəki və AXCP-dəki durumdan, qüvvələr
nisbətindən yetərincə tanıĢ ola bilmisinizmi? Demkonqresin gələcəyini necə görürsünüz?
-Mən Bakıya qayıdan kimi həm AXCP-nin, həm də Demkonqresin iĢiylə daha yaxından tanıĢ
oldum. Gördüm ki, AXCP-nin içərisində müəyyən kiçik qruplar, narazılıqlar var və bunu
aradan götürdüm - onlar artıq yoxdur.
Tez-tez deyirdilər ki, AXCP parçalanacaq. Mən bilirdim ki, parçalanmayacaq; sadəcə, fikir
ayrılıqları müəyyən ziddiyyətlər yaratmıĢdı. Mən bu ziddiyyətləri aradan götürdüm, fikir
ayrılıqlarısa hələ də qalır, bu da demokratiyanın tələbidir - hər partiyanın daxilində fikir
çəkiĢmələri olmalıdır. Əgər fikir dartıĢmalarına imkan verməsək onda bizim partiya da
quruyacaq, adlarını çəkmədiyim bəzi təĢkilatlara çevriləcək, bizsə bunu istəmirik, çünki
inkiĢafımızda maraqlıyıq.
Demkonqresdə də belədir. Orada səsvermə konsensusa əsaslanır - heç kim heç kimə təsir
edə bilməz, bir nəfər səs verməsə təklif keçmir, qərar qəbul olunmur. Məhz demokratik
prinsiplər əsasında qurulduğuna görə də Demkonqres yaĢayır və fəaliyyət göstərir.
Mən bu təĢkilatda struktur dəyiĢiklikləri etməyi düĢünürdüm ki, qərarları daha çevik Ģəkildə
qəbul edək. Ancaq hələ hamı buna razı deyil; görünür, müəyyən vaxt lazımdır ki, inandıraq,
təlqin edək, mövqelərimizi yaxınlaĢdıraq. Əminəm ki, Demkonqresdə müxalifətin uğurlu
fəaliyyətinə gözəl Ģərait yaranacaq və avtoritarizmlə dəyanətlə çarpıĢmağa gücümüz olacaq.
-Demkonqresin yaradılması Sizin ideyanızdır?
-Bəli, mənim ideyamdır. Ancaq mən onun adını əvvəlcə "Demokratik Konqres" yox,
Hindistandakı kimi "Milli Konqres" düĢünürdüm - o da klassik Xalq Cəbhəsinin bir formasıdır.
"Milli Konqres" adını təklif edənlər də oldu, ancaq mən fikirləĢdim ki, o getdikcə öz ətrafına
baĢqa partiyaları da toplayacaq (artıq 3-4 partiyadan deyirdilər ki, ora gəlmək istəyirik), ona
görə "Demokratik Konqres" adlanmasını təklif etdim.
-QarĢıdan AXCP-nin növbəti qurultayı gəlir. Sizcə, o, Azərbaycandakı demokratik hərəkata nə
verəcək?
-Elə partiyalar var ki, qurultaylarını 6 saata qurtarırlar, bizimkisə 2 gün davam edəcək. Biz bir
daha göstərəcəyik ki, Azərbaycanda AXCP adlı necə demokratik bir partiya var. Orada ciddi
və açıq Ģəkildə mübahisələr aparılacaq. Tam demokratik seçki keçiriləcək, kimi istəsələr onu
sədr seçəcəklər. Biz cəmiyyətə, əvvəlki qurultaylarımızda olduğu kimi, yenə bir demokratiya
nümunəsi göstərəcəyik.
Baxın, YAP partiya adı daĢıyır, amma keçmiĢ kommunist partiyasından heç nəylə fərqlənmir;
onun özəklərinin rəhbərləri rayonların icra baĢçılarına, iri müəssisələrin baĢçılarısa öz
tabeliyindəki təĢkilatlara xüsusi sifariĢ verirlər ki, rayonda, yaxud müəssisədə iĢləyənlərin
hamısı YAP-a girsinlər, girməsə iĢdən çıxaracağıq. Buna görə də ona ucdantutma "abunə"
gedir. Bu, partiya deyil - bu, insanları zorla, döyə-döyə, məsələn, bir stadiona yığmaq kimi
Ģeydir. Partiya olaraq YAP-ın qurumları arasında birlik yoxdur, orada böyük təfriqələr yaĢanır.
Bu partiya yalnız bir adama bağlıdır - Heydər Əliyevə. Sabah o, hakimiyyətdən uzaqlaĢan kimi
partiya da dağılacaq. Belə partiya yaĢaya bilməz, çünki o, Əliyevin yuxarıdan qurduğu
avtoritar sistemdir. Ancaq AXCP özünün qurultaylarıyla cəmiyyətin demokratikləĢməsinə,
ictimai Ģüura əsaslı təsir edir. O, sözün əsl mənasında demokratiya institutudur. Ġnanıram ki,
qarĢıdakı prezident seçkilərində də AXCP bir daha öz qüdrətini göstərəcək, xarici ölkələrdə də
onun nüfuzu artacaq.
"Biz bu sərtliklə getsəydik daha düzgün hərəkət etmiĢ olardıq, ancaq təəssüf ki,
mövqeyimizi yumĢaltdıq"
-AXC(P)-nin idarəetməsində bir sıra mərhələlər olub: Ġdarə Heyəti, Ġcraiyyə Komitəsi, Ali
Məclisin Rəyasət Heyəti. Ġstərdim ki, bunları səciyyələndirəsiniz və qarĢıdakı qurultayda
idarəetmədə yenilik olub-olmayacağını açıqlayasınız.
-Xalq Cəbhəsində üç elə qurum olub. Ġdarə Heyəti çox ağır Ģəraitdə iĢləyirdi - bizə qarĢı hər
yerdən təzyiqlər vardı. QarĢımızdakı vəzifə də ağırdı - Azərbaycan xalqının hərəkatını təĢkil
etməliydik, xalqı meydanlara yığmalıydıq. Hakimiyyətdəki amansız kommunist qüvvələrinə
qarĢı çox mərdliklə mübarizə aparırdıq, xalqın gücünü bir yerə toplaya bilirdik. Bu məhz
ozamankı Ġdarə Heyətinin əməyinin nəticəsiydi. Əlbəttə, Məclisin də fəaliyyətini danmırıq - o
da gərəkli qərarlar çıxarmaqda həmiĢə düzgün hərəkət edirdi.
O zaman bizi tənqid edirdilər ki, hadisələrin dalınca sürünürsünüz. Amma indi Siz "Meydan: 4
il 4 ay" kitabınızda yazırsınız ki, Azərbaycan Xalq Cəbhəsi o vaxt hadisələrin önündə gedirdi
və xalqı arxasınca aparırdı. Bəli, sonra elə bir zaman gəldi ki, bu böyüklükdə qüvvə birgə
yaĢaya bilmədi. Mən o vaxt da dedim ki, AXC uzun zaman vahid qüvvə halında qalarsa
kommunist partiyasının tayı olar; belə mövcudluq demokratiyaya ziddir. Dedim ki, çox
çəkməyəcək, Xalq Cəbhəsinin içərisindən yeni partiyalar çıxacaq (plüralizmin əsas xətti
budur), bu partiyalar inkiĢaf edəcək və Azərbaycanın ağır vaxtında onlar birləĢib klassik Xalq
Cəbhəsi yaradacaq. Ġndi Demokratik Konqres həmin klassik Xalq Cəbhəsinin bir növüdür.
Yenə sualınızın cavabına qayıdıram. AXC Ġcraiyyə Komitəsininsə vəziyyəti həm yüngüldü, həm
də ağır.
Biz hakimiyyətə gəlməzdən azacıq öncə Ġdarə Heyətinin yerində Ġcraiyyə Komitəsi yarandı.
Cəbhənin bütün yetkin qüvvələri hakimiyyət qurumlarında iĢə getdi, Ġcraiyyə Komitəsi də, Ali
Məclis də zəiflədi (ancaq buna baxmayaraq, vəzifəlilərin bir hissəsi Məclisin üzvü olaraq
qaldı). Mənsə sədr olsam da birbaĢa Cəbhənin iĢiylə məĢğul ola bilmirdim; sadəcə olaraq,
Ġcrakomun sədriylə bir neçə dəfə görüĢdüm, vəssalam. Çox vaxt (elə indi də) tənqidlər
eĢidirəm ki, icrakomun sədri Tofiq Seyidov və baĢqaları düzgün iĢləməyib. Ancaq o, zamanına
görə düzgün iĢləmiĢdi - gücü ora qədərdi.
Ġcraiyyə Komitəsi iĢləyəndə biz hakimiyyətdəydik və ona təzyiq yoxdu; bundan yaxĢı
faydalanmaq olardı, lakin, təəssüf ki, bunu edə bilmədi. Biz adamları Cəbhəyə total Ģəkildə
yazdırmaq istəmirdik. Ġcraiyyə Komitəsi deyirdi ki, Cəbhəyə girməkçün kütləvi halda ərizə
yazırlar. Mən bildirdim ki, onlar ideyaya gəlmirlər - Cəbhəyə yalnız vəzifə almaq vasitəsi kimi
baxırlar.
Dostları ilə paylaş: |