Mövzumuz baxımından Timərə (Teymərə) yazısı da böyük maraq
doğurmaqdadırlar. Son Tunc-Erkən Dəmir dövrünə aid olan Nüvədi yazısından
fərqli olaraq, Gəmiqaya təsvirlərinin həmyaşıdı olan və Erkən Tunc dövrünə aid
olan
bu yazı üzərində baş sındırmış iranlı arxeoloqlar belə bir fikir söyləmişlər ki,
guya o, protoelam yazsının indiyə qədər elmə məlum olmayan yeni variantıdır.
Əski türk-run əlifbası ilə az-çox tanış olan istənilən şəxs bunun belə olmadığını,
yazıdakı işarələrin Orxon-Yenisey abidələrindən tanıdığımız işarələrin tam eyni
olduğunu görə bilər. Yəni fars alimləri bu yazı nümunəsini miladdan öncə 2300 il
əvvələ aid Elam həndəsi fiqurlu əlifba kimi qələmə verməyə çalışsalar da, fakt
budur ki, buradaki yazı bütünlüklə qədim türk əlifbası ilə asanlıqla oxuna
bilən qısa bir mətnidir və o türkcədir. Yazı üç sətirdən ibarətdir. Birinci sətirdə
sağdan sola ―ç‖ və ―m‖ hərfləri, ikinci sətirdə ―lt‖, ―n‖ və ―lt‖ hərfləri, üçüncü
sətirdə isə ―y‖ və ―t‖ hərfləri açıq-aydın oxunur.
Nəzərə almaq lazımdır ki, ilk fonetik əlifbalarda sait səslər göstərilmirdi.
Oxuduğumuz bu yazı da eyni qəbildəndir. Mətnə çatışmayan sait səsləri əlavə
etsək, aşağıdakı cümlənin yazıldığını görə bilərik:
“Eçim (əmim) Altuniltə (şəxs adı) yiti (öldü)” .
Məlumat üçün bildirək ki, bu cümlədə yer alan ―eçi‖ (eçü, içü, içi) və ―yiti‖
(yeti) kəlmələri eyni forma və anlamlarda Orxon-Yenisey abidələrində
də məhsuldar olublar. Həmin sözlərdən birincisi Kül Tigin abidəsinin şərq
tərəfinin 1, 5, 6, 13, 16, 17, 19, 24, 26, 31, şimal tərəfinin 3 –cü sətirlərində, Bilgə
Xaqan abidəsinin şimal tərəfinin 9-cu sətrində, Ongin abidəsinin 1 və 4-cü
sətirlərində, eləcə də Yenisey abidələrinin bir çoxunda, ikincisi isə Ongin
abidəsinin ön tərəfinin 1 və 3-cü sətirlərində, Kül Tigin abidəsinin şərq tərəfinin 7
və 27-ci sətirlərində, Moyoncor abidəsinin 17-ci sətrində işlənmişdir.
―Altuniltə‖ adına gəlincə, qeyd etməliyik ki, əski türklərdə ―altun‖
kəlməsinin iştirakı ilə düzəldilmiş çox sayda ad mövcud olmuşdur. Bu baxımdan
Altun Tamğan Tarkan, Altuntay Sanun, Altun Bilgə, Altun Tamğa və s. Adlarını
göstərmək olar.
Güney Azərbaycandan üzə çıxarılan erkən Kür-Araz mədəniyyəti
nümunələrini (Yanıq Təpə, Göy Təpə) araşdıran iranlı tədqiqatçı Ç. Barneyinin
fikrincə, artıq Erkən Tunc dövründə Azərbaycanın və qonşu ərazilərin əhalisi yazı
ilə tanış idilər və bu məqsədlə taxta lövhələrdən istifadə edirdilər. Timərə
(Teymərə) yazısı sübut edir ki, yerli əhali yazılarını qaya üzərində də həkk edirmiş.
Timərə (Teymərə) yazısının önəmi ondadır ki, burada damğadan fonetik
işarəyə keçidin ən ilkin forması qorunub saxlanmışdır və fonetik səsləri ifadə edən
və sonradan türk-run əlifbasında özünə möhkəm yer tutan işarələrin, demək olar ki,
hamısı bu və ya digər türk boyunun damğasıdır. Burada ―m‖ səsini ifadə edən,
dairədən aşağı doğru uzanan üç xətt parçası formasında olan damğaya daha qədim
dövrlərə aid Qobustan qayaüstü təsvirlərində çox sıx-sıx rast gəlinir. Bu isə həmin
damğanı daşıyan boyun Timərəyə məhz Azərbaycan ərazisindən köç etdiyini sübut
edir.
Həmin işarənin yanında yer alan, ―ç‖ səsini ifadə edən və quruluşuna görə,
qaz ayağını xatırladan damğa isə 24 oğuz boyundan biri olan salurların damğasını
xatırladır.
―LT‖ diftonqunu ifadə edən və iki dəfə təkrarlanan işarə isə qayı boyunun
damğasının tam özüdür.
―Y‖ səsini ifadə edən damğa isə Altay türklərinin mayman boyunun
damğasıdır və onlar bu damğanı ―çorqo‖ (boru) adlandırırlar.
Altay boylarından todoş və kerqillərin ―toskuur‖ (ləyən) adlandırdıqları
damğa da buna çox yaxındır.
Bu fakt bir çox Altay boylarının bu gün yaşadıqları ərazilərə məhz
Azərbaycan və ətraf ərazilərdən köçdüyünü, Altay, Qobi və Çinə Tunc
mədəniyyətini, o cümlədən at minmək vərdişini, metal tökmə, araba qayırmaq,
xalçaçılıq sənətlərini və s. məhz onların apardığını sübut etməkdədir.
Timərədə (Teymərədə) rast gəlinən oğuz boylarına məxsus damğalar isə
babalarımızın bu ərazilərin ən qədim avtoxton sahibləri olduğunun, buralarda ən
azı Erkən Tunc dövründən məskun olduqlarının və dünya sivilizasiyasında önəmli
mərhəllərdən biri olan Kür-Ataz mədəniyyətinin yaradıcıları qismində çıxış
etdiklərinin təkzibedilmz sübutudur.
Məlumat üçün bildirək ki, Erkən Tunc dövrünə aid bütün bu oğuz
damğalarını üzə çıxaran şəxs yorulmaz tədqiqatçı, milliyyətcə fars olan
Mohəmməd Naserferddir. Lakin o, qədim türk mədəniyyəti ilə tanış olmadığından
bu işarə və yazıların protoelam yazıları olduğunu zənn etmiş, İran ərazisində
bulunan qayaüstü təsvirlərə həsr etdiyi 3 cildlik kitabında da oğuz və türk
damğalarından protoelam yazısı kimi bəhs etmişdir.
Lakin tərəfimizdən
ona türk
damğaları haqqında məlumat verilməsindən sonra səhvini anlamış, protoelam
yazıları kimi bəhs etdiyi işarələrin türk-oğuz damğaları olduğunu təsdiq edərək,
onlara Bəlucistandan tutmuş Kürdüstana, Fars körfəsindən Türkmənsəhraya qədər
İranın hər bir yerində rast gəlindiyini bəyan etmişdir.
Mohəmməd Naserferd
Timərədən tapılan türk damğası. Altay türklərinin “aya” (yay) adlandrdıqları bu
damğanı yitas boyuna məxsus soylardan biri daşımışdır