buluda, həm də əjdahaya ―buka‖ deyilmişdir. Yəni ―buka‖ ifadəsi həm ―bulud‖,
həm də ―əjdaha‖ sözünün sinonimi idi. Üstəlik də bulud mənasındakı ―buka‖ ilə
əjdaha mənasındakı ―buka‖omonim sözlər idi.
İndi isə üçüncü elementə keçək və hər üç elementi birlikdə ―oxumağa‖
çalışaq. İlk öncə qeyd etmək lazımdır ki, qədim türk dilində ―qoyun‖ sözünün
―koy‖ və ―ud‖ kimi sinonimləri olmuşdur. Bu sinonimlərdən ―ud‖ eyni zamanda
―udmaq‖ felinin kökü olan ―ud‖ kəlməsi ilə omonimdir. Deməli, buradakı ―qoç‖
işarəsi ilə ―ud‖ kəlməsi yazılmış və bu kəlmə udmaq mənasında işlənmişdir. Odur
ki, xalcadakı ideoqrafik yazı belə oxunmalıdır: Buka, yəni bulud və ya əjdaha
günəşi uddu.
Bu baxımdan başqa bir Azərbaycan xalçası da özündə çox maraqlı bir
mifoloji informasiya daşımaqdadır. Söhbət Nyu - Yorkda Berq Andonyanın şəxsi
kolleksiyasında saxlanılan XlX əsrə aid bir Quba xalçasından gedir.
Minilliklər boyu nəsildən nəslə ötürülərək dövrümüzədək ulaşmış bu
motivi bizim üçün maraqlı edən xalçada, sxematik şəkildə də olsa, əllərini yuxarı
qaldırmış bir qadın təsvirinin boğaz nayihəsini bəzəyən ağac təsviri ilə birlikdə əks
edilməsidir ki, bu da Eneolt dövrünə aid olan, qarın nahiyələrində ağac təsvir
edilən, Umay ilahəsini təmsil edən heykəlciklərlə eyni semantik məna yükünü
daşımasıdır.
Xalçadakı ilahənin qarnı iki kameralı təsvir edilmişdir. Bunda məqsəd bir
yandan onun hamilə olduğunu diqqətə çatdırmaq, digər yandan diqqəti buna
çəkərək söhbətin Umaydan getdiyini vurğulamaqdır. Çünki, artıq qeyd etdiyimiz
kimi qədim türk dilində qadın bətninə ―umay‖ deyilirdi. Ən maraqlı cəhətlərdən
biri isə odur ki, bu təsvirdə ağac ilahənin qarın nahiyəsində deyil, boğaz
nayihəsində təsvir edilmişdir. Bunun da səbəbini bilmək üçün qədim türk dilindəki
omonimlər sistemindən xəbərdar olmaq lazımdır.
Qədim türk dilində ―boğaz‖ kəlməsi təkcə insan bədəninin gövdəsini başla
birləşdirən hissəsinə deməmişlər, eyni zamanda bu kəlmə ilə hamiləliyi də ifadə
emişlər. Bu gün də Azərbaycan türkcəsində hamiləlik mənasında ―boğaz‖ kəlməsi
işlənməkdədir. Eyni kəlmə əski türk yazılı abidələrində daha məhsuldar olmuşdur.
Məsələn, ―Oğuznamə‖nin uyğur variantında bu kəlməyə ―töl boğaz‖ söz birləşməsi
şəklində rast gəlirik:
“TÖL BOĞAZ BULDĠ, KÜNLERDEN SONQ, KECƏLƏRDƏN SONQ
YARUDĠ.”(O,DÖL BOĞAZ OLDU, GÜNLƏR, GECƏLƏR SONRA YÜKÜNÜ
YERƏ QOYDU.)
Bu xalçada diqqəti çəkən daha bir maraqlı məqam Umay ilahəsini ətrafını
22 çiçəyə bənzər elementin bəzəməsidir. Çox güman ki, bu, 22 oğuz boyuna
işarədir. Məsələ burasındadır ki, oğuz boylarının sayını 24 kimi qeyd edən
Yazıçıoğlu Əlidən fərqli olaraq Mahmud Kaşğarlı onların sayını 22 göstərmişdir.
Bir vaxtlar Macarıstanın paytaxtı Budapeşt şəhərindəki əntiq mallar
mağazasında saxlanılan və haqqında Azərbaycan elmi ictimaiyyətinə sənətşünas
alim Rasim Əfəndi tərəfindən məlumat verilən, XlX əsrdə toxunmuş Şirvan
xalçasında da oğuz boylarına işarə edilməkdədir. Beləki bu xalçanın üzərindəki 3
romba bənzəyən 8 bucaqlı fiqurlardan ən altdakında 24 qarmaqvari işarə gözə
dəyir. Ola bilsin ki, bunlar 24 oğuz boyunu təmsil edir.
Diqqəti ən çox cəlb edən isə xalçanın alt tərəfindəki simmetrik şəkildə iki
dəfə təkrarlanan 3 oxdur. Görünür bu oxlar, haqqında ―Oğuznamə‖də söz açılan
üçoxları təmsil edir. ―Oğuznamə‖də deyilir:
"Oğuz Kağanın yanında ağ saqqallı, ağ saçlı bir kiĢi vardı. Xeyirxah,
müdrik bir kiĢi idi, yuxu yozan, qeybdən xəbər verəndi. Onun adı Uluğ Türük idi.
Günlərin bir günü o, yuxuda bir qızıl yayla üç gümüĢ ox gödü. Bu qızıl yay
gündoğandan günbatanacan uzanmıĢdı, üç gümüĢ ox isə quzeyə tərəf
qanadlanmıĢdı. Oyandıqdan sonra Uluq Türük yuxuda gördüklərini Oğuz kağana
bildirdi. Söylədi:
-Ay Kağanım, sənin ömrün olsun uzun! Ay Kağanım, qoy ədalət olsun sənə
qanun! Göy Tanrı mənə yuxumda bildirdi. Qoy yuxum çin olsun! Aldığın torpağı
sənin uruğuna versin!
Oğuz Kağan Uluq Türükün sözünü bəyəndi, öyüdünü dinlədi, öyüdünü
tutub əməl elədi. Sonra sabah olunca, böyük qardaĢları, kiçik qardaĢları
çağırtdırıb gətirtdi. Onlara belə söylədi:
-Könlüm ov istəyir. Qocalıqdan yox məndə daha taqət. Gün, Ay, Ulduz, siz
gündoğana tərəf gedin, Göy, Dağ, Dəniz, siz də günbatana tərəf gedin.
Bundan sonra üçü gündoğana, üçü də günbatana doğru getdi. Gün, Ay,
Ulduz çoxlu vəhĢi heyvan, çoxlu quĢ ovlayıb, sonra yoldan qızıl bir yay tapdılar.
Yayı götürüb, atalarının yanına gəldilər. Oğuz Kağan sevindi, güldü, onu üç
hissəyə böldü. Dedi:
-Ay böyük qardaĢlar, yay sizin olsun. Oxları göylərə atın!
Bundan sonra Göy, Dağ, Dəniz çoxlu vəhĢi heyvan, çoxlu quĢ ovlayıb,
sonra yoldan üç gümüĢ ox tapdılar. Götürdülər, atalarına verdilər.
Oğuz Kağan sevindi, güldü, oxları hər üçünün arasında bölüĢdürdü. Belə
söylədi:
-Ay kiçik qardaĢlar, oxlar sizin olsun. Yay oxu atdı. Sizlər olun oxlar tək.”
Dastandan belə məlum olur ki, Oğuz Kağan yayı verdiyi oğullarının nəslini
Bozoklar, oxları verdiyi oğullarının nəslini isə Üçoklar adlandırmışdır. Deməli,
sözügedən Quba xalçası üçok, yəni üçox tayfasının yaratdığı çeşnilərdəndir.
Anadoluda geniş yayılmış 24 xanalı türkmən - oğuz xalılarındakı xanaların
sayı da 24 oğuz boyunu ifadə etməkdədir. Firidun Ağasıoğlu deyir: