Downloaded from KitabYurdu org
Yüklə 3,61 Mb. Pdf görüntüsü
|
353
xristian mütəfəkkirlərə də böyük təsiri olub. XX əsrdə bu danimarkalı filosofdan təsirlənərək böyük bir Ekzistensializm fəlsəfəsi meydana gəlib və geniş yayılıb. Sofi saatına baxdı. Yeddiyə qalıb. Qaçmalıyam. Yoxsa anam narahat olacaq. Fəlsəfə müəlliminə əl yelləyib qaçdı, qayığa mindi və gölə çıxdı. Marks
...Avropada bir kabus dolaşır... Hilde çarpayısından qalxıb körpüyə baxan pəncərənin yanına getdi. Şənbə gününü Sofinin ad günü macərasını oxumaqla keçirmişdi. Ondan bir gün əvvəl isə öz ad günüydü. Atası dünən kitabı “Sofinin ad günü”nədək oxumuş olacağını sanmışdısa, yanılırdı. Dünən bütün günü oxusa da. Amma atası bundan sonra bir ad günü təbriki qaldığını deməklə haqlı idi. Albertoyla Sofinin “Happy birthday to you!” mahnısını oxuduqlarını nəzərdə tuturdu yəqin. Hilde buna görə bir az utanmışdı. Və Sofi fəlsəfə şənliyini düz atasının Livandan dönəcəyi günə salmışdı. Hilde bu gün nə atasının, nə də özünün ağlına gəlməyəcək çox vacib bir şey olacağını bilirdi. Amma ən azı bu məlum idi ki, atası Bjerkliyə gəlməzdən əvvəl həyatının şokunu yaşayacaqdı. Hilde Albertoyla Sofiyə ən azı bunu borclu idi. Axı ondan kömək istəmişdilər... Anası hələ qayıq tərsanəsində idi. Hilde aşağı düşüb telefonun yanına getdi və Kopenhagendəki Anna və Oleyə zəng etdi. - Anna Kvamsdal. - Salam, Anna! Mənəm Hilde. - A, salam, salam! Nə yaxşı, zəng etdin. Lillesandda nə var, nə yox? - Sağlığın. Tətildəyik... Atamın Livandan qayıtmasına da bir həftə qalıb. Təsəvvür edirəm, necə sevinirsən. Əlbəttə, çox sevinirəm. Elə buna görə də zəng etmişəm. -Aha?
- Atam ayın 23-ü şənbə günü saat 5 ərəfəsində sizin hava limanında enəcək. Həmin günlər Kopenhagendə olacaqsız yəqin. downloaded from KitabYurdu.org
354
-Aha? - Sizdən bir şey xahiş edəcəkdim. - Təbii, de, eləyək. - Amma... mmm... əslində bu, bir az xüsusi məsələdi... - Çox maraqlıdı, nədi o elə? Hilde bunun ardınca hər şeydən - qovluqdan, Alberto və Sofidən danışdı. Gülməkdən bir-birlərinin sözünü kəsə-kəsə danışdılar və telefonu yerinə qoyanda Hildenin planı həyata keçməyə başladı. Amma özünün də etməli olduğu bəzi məsələlər var idi. Hələ ki, çox da tələsmirdi... Həmin axşamı anasıyla keçirdi. Maşınla Kristiansanda gedib filmə baxdılar. Dünən əməlli-başlı keçirmədikləri ad gününün əvəzini çıxdılar. Kjevik hava limanı yaxınlığında yol ayrıcından keçərkən Hilde üçün planı artıq bütün xırdalıqlarına qədər aydın idi. Gecə yatmazdan əvvəl qovluqdan bir neçə səhifə də oxudu.
*** Sofi sürünə-sürünə kolluqdan keçəndə saat 8-ə qalırdı. Anası girişdəki güllərlə məşğul idi. - Hardan çıxdın sən? - anası soruşdu. - Çəpədən keçdim. - Çəpərdən? - Çəpərin o biri üzündə cığır var, bilmirsən? - Bəs hardaydın ki sən? Neçənci dəfədi axşam yeməyindən əvvəl evə gəlmirsən, xəbər də vermirsən! Anası ayağa qalxıb Sofiyə baxırdı. - Yenə bu filosofla idin? - Bəli. Onun da meşədə gəzməkdən xoşu gəlir, demişdim axı. - Şənliyə gələcək, yox? - Gələcək, özü də məmnuniyyətlə. - Mən də məmnuniyyətlə günləri sayıram, Sofi. Görəsən, anası bunu lağla demişdimi? Təminat olsun deyə, Sofi: - Yaxşı ki, Coannanın anasıyla atasını da çağırmışam. Yoxsa bir az downloaded from KitabYurdu.org
355
qəribə çıxardı. - Hmmm.... amma nə olur-olsun, bu Albertoyla ikilikdə danışacağam. - İstəsən, mənim otağımda danışarsan. Əminəm ki, ondan xoşun gələcək. - Yadıma indi düşdü. Sənə yenə məktub var. - Eləmi?
- Məktubda “BMT batalyonu” möhürü, markası var. - Onda Albertonun qardaşındandı. - Bəsdi, Sofi! Sofinin başı saat kimi işləməyə başladı. Birdən ağlına əla bir yalan gəldi. Sanki gözəgörünməz bir qüvvə ona kömək edirdi. - Albertoya nadir markalar yığdığımı demişdim, yəqin o da bunu qardaşına deyib. Bəs qardaş hansı gün üçündü!? Bu cavab anasını sakitləşdirdi. Səsinin tonu bir az yumşaldı: - Yeməyin soyuducudadı. - Bəs məktub hardadı? - Soyuducunun üstündə. Sofi içəri girdi, məktubu götürüb otağına getdi. 15.6.1990 tarixində möhürlənmişdi. Zərfi açdı və içində kiçik bir yazı olduğunu gördü: “Nədəndir bu məqsədsiz yaradılış Yox olacaqsa bir gün hər yaradılmış?” Sofi bu sualın cavabını bilmirdi. Yemək üçün aşağı düşməzdən əvvəl bunu da son vaxtlar əldə etdiyi o biri əşyaların olduğu şkafa qoydu. Vaxtı çatanda bu sualın da cavabını biləcəkdi. Ertəsi gün Coanna gəldi. Bir az badminton oynayandan sonra şənliyin xırdalıqlarını müzakirə etmək üçün bir kənara çəkildilər. Şənliyin ahəngi düşməsin deyə, bir neçə sürpriz hazırlamalı idilər. Anası evə gələndə hələ də şənlikdən danışırdılar. Anası tez-tez “Nəyin bahasına olur olsun, narahat olmayın” deyirdi. Özü də ciddi deyirdi! Axır həftələrin intensiv fəlsəfə dərslərindən sonra Sofinin yenidən “bu dünyaya qayıtması” üçün anası bu şənliyi zəruri sayırdı. O axşam şənlik üçün necə tort bişiriləcəyindən yapon fənərlərinə, downloaded from KitabYurdu.org Yüklə 3,61 Mb. Dostları ilə paylaş:
|