229
O da mənəm.
Deməli, sən bir an qarnı ağrıyan, o biri an düşünən əhval- ruhiyyədə
olan insansan. Eləcə də Spinoza hesab edirdi ki, bütün maddi şeylər və
ətrafımızda baş verənlər Tanrı və ya təbiətin bir ifadəsidi. Yəni
düşündüyümüz bütün fikirlər həm də
Tanrının və ya təbiətin fikirləridi. Çünki hər şey Birdi. Yalnız bir Tanrı,
bir təbiət və ya bir Substansiya var.
Amma, qulaq as, mən nə isə düşünəndə düşünən mənəm. Hərəkət
edəndə də bunu mən özüm edirəm. Sən Tanrını niyə bura qarışdırırsan?
Xoşum gəldi. Yaxşı, amma sən kimsən? Sən Sofi Amundsensən,
eyni zamanda özündən çox-çox böyük bir şeyin ifadəsisən. İstəsən deyə
bilərsən ki, sən düşünürsən, sən hərəkət edirsən, amma sənin fikirlərini
təbiətin düşündüyünü, sənin vasitənlə hərəkət edənin təbiət olduğunu
inkar edə bilməzsən. Hər şey məsələyə baxmaq üçün hansı linzanı
götürməkdən asılıdı.
Deyirsən ki, özüm qərar verə bilmərəm?
Həm hə, həm də yox. Baş barmağını istədiyin cür tərpədə bilərsən.
Lakin barmağın yalnız öz təbiətinə uyğun hərəkət edəcək. O, sənin
barmağından tullanıb otağın ortasında rəqs edə bliməz. Eynilə sənin də
bütövün içində öz yerin var, mənim balam. Sən Sofisən, lakin eyni
zamanda Tanrı bədənində barmaqsan.
Deməli, elədiyim hər şey haqda Tanrı qərar qəbul edir?
Yaxud təbiət, yaxud təbiət qanunları. Spinoza inanırdı ki, Tanrı - və
ya təbiət qanunları - baş verən hər şeyin daxili səbəbidir. Tanrı yalnız
və yalnız təbiət qanunları vasitəsilə danışdığından, o xarici səbəb deyil.
Deyəsən, fərqi görə bilmirəm.
Tanrı əlindəki kuklanın iplərini çəkərək onu oynadan, bununla da
hər şeyi idarə edən biri deyil. Kuklaçı kuklaları kənardan idarə edir və
buna görə də kuklaların hərəkətinin xarici səbəbidi. Lakin Tanrı
dünyanı bu üsulla idarə etmir. Tanrı təbiəti təbiət qanunlarıyla idarə
edir. Deməli, Tanrı və ya təbiət baş verən hər şeyin “daxili səbəbidi”.
Bu o deməkdi ki, maddi aləmdə hər şey zərurətdən baş verir.
Spinozanın maddi və ya təbii aləmə dair determinist baxışı vardı.
downloaded from KitabYurdu.org
230
Deyəsən, belə bir şey demişdin.
Stoikləri xatırladın yəqin. Onlar da hər şeyin zərurətdən baş
verdiyini deyirdilər. Buna görə də hər bir vəziyyəti “stoik təmkini” ilə
qarşılamaq vacib idi. İnsan öz hislərinin əsiri
olmamalıdı. Qısaca, desək, Spinozanın etikası da bunu deyirdi.
Aydın oldu, amma hələ də Spinozanın özümün özüm haqda qərar
sahibi olmadığım haqda fikrini qəbul etmirəm.
Yaxşı, gəl otuz min il əvvəl Daş dövründə yaşamış balaca oğlanın
yanına qayıdaq. O, böyüyəndə vəhşi heyvanlara ox atıb, bir qadını
sevib, o qadın uşaqlarının anası olub və böyük ehtimal ki, qəbilə
tanrılarına ibadət edib. Səncə, bütün bunlara o özü qərar verib?
Bilmirəm.
Afrikadakı hər hansı şiri təsəvvürünə gətir. Səncə, yırtıcı heyvan
olmağı o özü seçib? Belə qərar verdiyi üçün axsaq antilopa hücum edir?
Bunun əvəzinə fikirləşib vegeterian olmağı seçə bilərdimi?
Yox, şir öz təbiətinə sadiqdi.
Yəni, təbiət qanunlarına! Eləcə də sən, Sofi. Çünki sən də təbiətin
bir parçasısan. Sən əlbəttə, etiraz edərək Dekartı müdafiə edə bilərsən
ki, şir heyvandı, azad iradə qabiliyyəti olan insan başqa, o başqa. Lakin
ağlayan, qışqıran bir körpəni
təsəvvür elə. Ona süd vermirlərsə, barmağını sorur. Bu körpənin azad
iradəsi var?
Yox.
Uşaq nə vaxt azad iradəyə malik olur onda? İki yaşında qaçmağa
başlayır, gördüyü hər şeyə barmağını uzadır. Üç yaşında o qədər mız-
mız edir ki, anasını bezdirir. Dörd yaşında qəfildən qaranlıqdan
qorxmağa başlayır. Azadlıq haradadı, Sofi?
Bilmirəm.
On beş yaşı olanda güzgünün qarşısında oturub üz- gözünü
bəzəməyi məşq edir. Onun şəxsi qərarlar verdiyi, nə istəsə onu etdiyi
yaş budurmu?
Aydın oldu.
Sonuncu sualım var. Böyük bir bağda iki eyni boyda ağac var, bunlar
downloaded from KitabYurdu.org
231
böyüməkdədi. Biri güntutardadı, gübrəsi və suyu boldu. O biri ağac
gübrəsiz və kölgədədi. Səncə, hansı ağac daha böyük olacaq? Hansı
daha çox meyvə verəcək?
Əlbəttə ki, şəraiti yaxşı olan ağac.
Spinozaya görə, bu ağac azaddı. Çünki anadangəlmə qabiliyyətlərini
inkişaf etdirməkdən ötrü tam azadlığı var. Lakin bu, alma ağacıdısa,
ərik və ya gavalı gətirməyəcək. Eyni şey biz insanlara da aiddi.
Məsələn, siyasi şəraitimizə görə, inkişafdan qala bilərik. Kənar şərtlər
bizi məhdudlaşdıra bilər. Yalnız daxili qabiliyyətlərimizi azad inkişaf
etdirə biləndə azad varlıq ola bilərik. Lakin biz də Reyn vadisində daş
dövründə yaşamış oğlan, Afrikadakı şir, bağdakı alma ağacı kimi
daxilimizdəki potensiallar və xarici imkanlarımızla müəyyən olunuruq.
Çox yaxşı, mən təslim oluram.
Spinoza vurğulayır ki, tamamilə “öz-özünün səbəbi” olan, sonsuz
azadlıqla hərəkət edə bilən bir varlıq var. Yalnız Tanrı və ya təbiət belə
bir azad və “təsadüfdən asılı olmayan” proseslərin ifadəsi ola bilər.
İnsan xarici təzyiqlərin altında qalmadan yaşamaq üçün azadlığa can
atmalıdı, lakin o, heç zaman “azad iradə” əldə etməyəcək. Biz
maddənin atribut tərzi olan bədənimizdə baş verən heç nəyi idarə edə
bilmərik. Fikirlərimizi də özümüz “seçmirik”. Buna görə də insanın
“azad
iradə”si yoxdu, sanki ruhumuz mexaniki bir bədənə pərçimlənib.
Bunu başa düşmək çətindi.
Spinoza deyirdi ki, ehtiraslarımız, ambisiyalarımız, şəhvətimiz bizi
əsl xoşbəxtlik və harmoniyaya çatmağa qoymur, lakin hər şeyin
zərurətdən baş verdiyini dərk etsəydik, intuitiv olaraq təbiəti bir tam
kimi qavrayardıq. O zaman hər şeyin bir-birilə bağlı olduğu, hər şeyin
əslində bir olduğu büllur təmizliyilə gözümüzə görünərdi. Başa
düşməliyik ki, hər şey əlaqəlidi, hər şey Birdi. Məqsəd hər şeyi tam
şəkildə qavraya bilməkdi. Yalnız bu yolla biz əsl xoşbəxtliyə,
məmnunluğa çata bilərik. Buna Spinoza “sub specie aeternitatus”
deyirdi.
Yəni?
downloaded from KitabYurdu.org
Dostları ilə paylaş: |