244
birləşməsidi. Başqa sözlə, bu inancı dərhal silib atmaq, ona
inanmaqdan vaz keçmək lazımdı. Bütün fikir və inanclarımızı beləcə
bir-bir nəzərdən keçirməliyik. Kitabları da həmçinin. Yum bunun
səbəbini belə açıqlayır: “Əlimizdə tutduğumuz kitaba baxıb özümüzə
sual verməliyik: bu kitab böyüklük, say kimi konkret bilik ehtiva
edirmi? Xeyr. Fakt və
mövcudata dair təcrübi bir bilik ehtiva edirmi? Xeyr. Onda onu
yandırın, çünki belə kitab boş sözçülük və yanılmalardan ibarətdi!»
-
Çox kəskin qoyub məsələni!
- Amma bütün bunlardan kənarda, dünya mövcud olmağa davam
edir, Sofi. Həmişəkindən daha canlı, daha təravətli.
Yum şüurda fikirlərin hələ əmələ gəlmədiyi vaxtlara, uşaqların dünyanı
qavramaq şəklinə qayıtmaq istəyir. İndiyədək nəzərdən keçirdiyimiz
filosofların öz dünyalarına qapanaraq yaşadıqlarını, səni isə ən çox
gerçək dünyanın maraqlandırdığını demişdin, elə deyilmi?
-
Bəli, təxminən elə demişdim.
- Yum da eyni şeyi deyirdi. Amma gəl onun fikirlərinə bir az da
yaxından baxaq.
-
Baxaq.
- Yum insanın iki cür qavrama tərzinin olduğunu deyirdi: təəssüratlar
və fikirlər.
«Təəssürat» xarici gerçəkliyin ani qavranılmasıdı. «Fikir» isə belə
bir təəssüratı yenidən anmaqdı.
-
Bir neçə misal ver, zəhmət deyilsə.
- Əgər isti sobaya əlini vurub yandırsan, o an səndə bir “təəssürat”
yaranır. Qısa bir müddətdən sonra əlini yandırdığın yadına düşür. Yum
buna “fikir” deyir. “Təəssüratla “fikir” arasında fərq təəssüratın onu
xatırlayan fikirdən daha güclü, daha canlı olmasındadı. Hiss orijinal,
fikir isə bunun inikası, yaxud xəfif təqlididi. Çünki “təəssürat” şüurdakı
fikrin əsl səbəbidi.
-
Aydındı.
- Bundan sonra Yum “təəssürat” və “fikrin” həm sadə, həm də
mürəkkəb ola biləcəyini deyir. Lokkdan danışanda alma misalı
downloaded from KitabYurdu.org
245
çəkmişdik. Almanın birbaşa qavranılması belə bir mürəkkəb
təəssüratdı. Şüurdakı alma qavrayışı mürəkkəb fikirdi.
-
Sözünü kəsirəm, amma bu vacibdir ki?
- Vacib? Necə belə sual verə bilərsən? Əlbəttə, vacibdi. Filosoflar
zaman-zaman bir çox psevdoproblemlərlə məşğul
olmuş ola bilərlər, amma bu, bizi mühakimə qurmaqdan
çəkindirməməlidi. Yum Dekartla fikir prosesini lap başdan qurmaq
lazım olduğu məsələsində həmfikir idi.
-
Yaxşı, sualımı geri götürürəm.
- Oldu. Yumun vurğuladığı məsələ bəzən gerçəklikdə belə olmadığı
halda “fikirləri ağlımızda birləşdirə bilməyimizdi; yanlış fikirlər,
təbiətdə mövcud olmayan şeylər haqda fikirlər belə yaranır. Artıq
mələklər misalını çəkmişik. Yadındadırsa, əvvəlki söhbətlərimizdə
«qoysah»dan da söz açmışdıq. Mifologiyadakı qanadlı at Peqasos da
buna misal ola bilər. Bütün bu misallarda şüurumuzun onu götürüb
bununla, bunu götürüb onunla, qanadları bir təəssüratdan, atı başqa
təəssüratdan götürüb bir-birilə istədiyi kimi birləşdirdiyini qəbul
etməliyik. Bütün bu parçalar bir vaxtlar hiss edilib və “təəssürat”
şəklində fikir teatrına daxil edilib. Şüur isə bunları istədiyi şəkildə
götürüb birləşdirib, beləcə, saxta “fikirlər”, yaxud qavrayışlar yaradıb.
- Başa düşdüm. Artıq bunun vacib olduğunu da başa düşürəm.
- Əla! Yəni Yum hər bir anlayışı götürüb gerçəklikdə qarşılığının
olub olmadığını araşdırırdı. «Bu fikir hansı təəssüratdan qaynaqlanır?”-
deyə soruşurdu. Bu zaman hər şeydən əvvəl mürəkkəb bir anlayışın
hansı “bəsit fikirlərin birləşməsi” olduğunu tapmalı idi. Beləcə, insan
qavrayışını xırdalamaqdan ötrü bir üsul yaratmışdı. Məqsədi
fikirlərimizə, anlayışlarımıza bir nizam gətirmək idi.
-
Yenə misal ver, zəhmət olmasa.
- Yumun yaşadığı dövrdə “cənnət”, “Yeni Qüds” haqda fikirlər, bu
fikirlərlə yaşayan insanlar çox idi. Yadındadırmı, Dekart “hər hansı bir
şey insan ağlı üçün nə qədər aydındırsa, o şeyin gerçəklikdə mövcud
olması ehtimalı da o qədər çoxdur”, - deyirdi.
-
Dediyim kimi, yaddaşım pis deyil.
downloaded from KitabYurdu.org
246
- Bir az düşünsək, görərik ki, “cənnət” mürəkkəb anlayışdı. Yəni
çoxlu sayda sadə fikirlərin birləşməsidi. “Cənnət” - “mirvari qapılar”,
“qızıl yollar,” “mələklər” və sairlə doludu. Əslində “mirvari qapılar”,
“qızıl yollar”, “mələklər” də mürəkkəb anlayışlardı və tərkib
hissələrinə ayrıla bilər. Cənnət
anlayışımızı “mirvari”, “qızıl”, “küçə”, “qapı”, “ağ geyim”,
“qanad” kimi sadə anlayışlara ayırandan sonra özümüzə sual verə
bilərik ki, bu bəsit təəssüratları yaşamışıq, ya yox.
- Və buna “bəli” cavabı verərik. Amma biz bütün bu “sadə
təəssüratları” götürüb xəyali bir şey yaradacaq qədər birləşdirmişik.
- Haqlısan, bəli. Biz insanların ən yaxşı etdikləri işlərdən biri xəyal
qurmaq və kəsib yapışdırmaqdı! Lakin Yumun xüsusi vurğuladığı
məqam bütün bu xəyali şeyləri əmələ gətirən elementlərin bu və ya
digər şəkildə şüurumuza “sadə təəssüratlar” şəklində girməsidi.
Ömründə “qızıl” görməmiş adam qızıl yollar xəyalı da qurmaz.
- Yum çox ağıllı adam olub. Bəs Tanrının mövcudluğuna dair açıq-
aydın fikri olduğunu deyən Dekart necə olsun?
- Yum bu məsələyə də münasibət bildirib. Tanrını sonsuz “ağıllı,
müdrik və yaxşı varlıq” saydığımızı əsas götürsək, Tanrının bu üç
xüsusiyyətin birləşdiyi “mürəkkəb fikir” olduğunu deyə bilərik. Ağıl,
müdriklik, yaxşılıq kimi xüsusiyyətləri heç vaxt yaşamasaydıq, belə bir
Tanrı anlayışımız da olmazdı.
Tanrını “sərt, amma ədalətli Ata” kimi görürük. Bu da “sərtlik”,
“ədalət” və “ata”dan əmələ gələn birləşmiş bir anlayışdı. Yumdan sonra
yaşamış bir çox din tənqidçilərinin fikrincə, bu, uşaq vaxtı öz atamızı
qavramağımıza bənzəyir. Ata fikrinin “cənnətdəki ata” fikrinə gətirib
çıxardığı deyilib.
- Ola bilsin ki, bu doğrudu. Amma mən Tanrının məhz insan olmalı
olduğunu qəbul etmirəm. Anam bəzən bərabərlik naminə Tanrıya,
Tanrıça deyir.
- Hər halda Yum hiss üzvlərilə müşahidəsi mümkün olmayan hər cür
fikir və anlayışa qarşı çıxırdı. Onun məqsədi “metafizik düşüncəyə
hakim olan, onu nüfuzdan salan bütün bu mənasız boşboğazlığı aradan
downloaded from KitabYurdu.org
Dostları ilə paylaş: |