DÜNYA ƏDƏBİYYATI KLASSİKLƏRİ
Zavallı Esmeralda əllərilə üzünü örtdü, naməlum adam isə qayığı
sahilə doğru sürərək var qüvvəsilə avar çəkməyə başladı. Bizim filo-
sof isə keçini qucaqlayaraq nəsə düşünür və yavaş-yavaş qaraçı
qızdan aralanmağa çalışırdı. Qaraçı qız isə ondan başqa kimsəsi
olmadığından ona daha möhkəm sığınmağa çalışırdı.
Qərarsızlıq Qrenquara açıq-aşkar əziyyət verirdi. O düşünürdü ki,
“ozamankı qanunlara görə”, ələ keçsə, keçini də asacaqlar. Onun
zavallı Caliyə yaman yazığı gəlirdi. Onun fikrincə, bu iki məxluqu
xilas etmək təkbaşına onunçün çox ağır olar; hesab edirdi ki, bu
vəzifəni bölüşdürmək daha yaxşıdır; hər halda, onun yoldaşı
məmnuniyyətlə qaraçı qızı xilas etmək vəzifəsini öz öhdəsinə alar,
keçini isə bura buraxar. Qrenquarın daxilnidə böyük mübarizə
gedirdi: İliadadakı Yupiter kimi o da gah qaraçı qızın, gah da keçinin
tərəfinə keçirdi. Yaşarmış gözlərini sırayla onlara dikərək dişləri
arasında mırıldanırdı: “Axı mən onların ikisini də xilas edə bil-
mərəm!”
Qayığın qəflətən silkələnməsi onların sahilə çatdığını xəbər
verdi. Qədim şəhərdəki qorxunc gurultu və səs-küy davam edirdi.
Naməlum adam qızın qayıqdan çıxmasına yardım etmək üçün ona
yaxınlaşdı; lakin qaraçı qız onu itələyərək Qrenquarın əlindən
yapışdı; Qrenquar keçi ilə məşğul olduğundan, demək olar ki, onu
itələyən kimi oldu. Bunu görən qız heç bir kömək olmadan qayıqdan
sahilə tullandı. Qız o qədər çaşmışdı ki, nə etdiyini, haraya getdiyini
özü belə bilmirdi. Bir müddət hərəkətsiz dayandı və mənasız-mənasız
suyun axmasına baxdı. Bir azdan özünə gəldikdə sahildə naməlum
adamla tək qaldığını gördü: çox güman ki, Qrenquar onun çaşqın-
lığından istifadə edərək, Ot limanı yaxınlığındakı məhəllənin dar
döngələrində keçisiylə bərabər yoxa çıxmışdı.
Biçarə qaraçı qız bu adamla tək qaldığını görüb diksindi. O
bağırmaq, Qrenquarı çağırmaq istədi, lakin, sanki, dili tutulmuşdu.
Heç bir söz deyə bilmədi. Birdən naməlum adamın əlinin əlinə toxun-
duğunu hiss etdi; bu, qüvvətli və soyuq bir əl idi. Qız daha da şiddətlə
titrədi, rəngi Ayın solğun işığı kimi ağardı. Ancaq naməlum adam
hələ də susurdu. O, qızın əlindən yapışaraq iri addımlarla Qrev
meydanına doğru addımladı. Qız dumanlı şəkildə alın yazısının, tale-
yin qarşısıalınmaz qüvvə olduğunu hiss etdi. O, iradəsini itirmişdi,
yüyürə-yüyürə iri və sürətli addımlarla irəliləyən naməlum adamın
772
downloaded from KitabYurdu.org
dalınca gedir, onu sürükləməsinə yol verirdi. Buralarda çayın sahili
yoxuş idi; amma o, üzüaşağı getdiyini zənn edirdi.
O, ətrafa boylandı; kimsə görünmürdü; sahilboyu kimsəsiz və
boş idi. Gurultunu eşidib işıqlanmış Qədim şəhər tərəfdə adam
olduğunu hiss etdi; Qədim şəhərlə onun arasında yalnız Senanın bir
qolu vardı, oradan onun qulağına “Ölüm, qaraçı qıza ölüm!” - səsləri
gəlirdi. Parisin qalan hissəsi onun ətrafında nəhəng və qaranlıq kölgə
kimi uzanmışdı.
Naməlum adam dinib-danışmadan onu sürətlə arxasınca sürük-
ləyirdi. Qız getdiyi yerləri tanımırdı. İşıqlı bir pəncərənin yanından
keçərkən, özünü toplayaraq bərkdən qışqırdı.
-
Kömək edin!
Pəncərədə dayanmış köynəkli bir adam əlində şamdan başını
çıxarıb mənasız baxışlarla sahil boyunu gözdən keçirirdi; bu adam
nəsə dedi; lakin qız bu sözləri eşitmədi. Sonra pəncərə örtüldü. Bu,
son ümid işartısıydı, o da söndü.
Qara paltarlı heç bir söz demədi, yalnız bərk-bərk onun əlindən
yapışaraq addımlarını yeyinlətdi. Artıq qız müqavimət göstərmir,
müti bir qul kimi onun ardınca gedirdi. Ara-sıra özünü toplayaraq,
nəfəsi təngnəfəs halda və həyəcanından titrəyərək soruşurdu: “Siz
kimsiniz? Siz kimsiniz?” - Lakin o cavab vermirdi.
Onlar sahil boyu ilə gedərək, nəhayət, böyük bir meydana çat-
dılar. Bu zaman ay buludların arasından göründü: bura Qrev meydanı
idi. Meydanın ortasında böyük qara xaça bənzəyən bir şey görünürdü:
bu dar ağacı idi. Qız dar ağacını tanıdı və haraya gətirildiyini anladı.
Adam dayandı, üzünü ona çevirib başlığını qaldırdı.
-
Ay! - Qız yerində donaraq qışqırdı! - Mən bilirdim ki, bu, yenə
də odur!
Bu, doğrudan da, keşiş idi. O, kölgə kimi görünürdü. Ay işığının
xüsusiyyəti belədir, bütün predmetləri kölgəyə bənzədir.
-
Qulaq as! - o dedi. Qız onun çoxdan bəri eşitmədiyi qorxunc
səsini eşitcək titrədi. - O, həyəcanından qırıq-qırıq və nəfəsi təngi-
yərək davam etdi: - Mənə qulaq as... Biz gəlib çatdıq. Mən səninlə
danışmalıyam... Bura Qrev meydanıdır... Biz, hər halda, bir qərara
gəlməliyik... Tale bizi bir-birimizdən asılı etmişdir... Mən sənin həya-
tına hakiməm, sən də mənim ruhuma... Bu yer tənha və qaranlıqdır;
773
downloaded from KitabYurdu.org
DÜNYA ƏDƏBİYYATI KLASSİKLƏRİ
burada bizi kimsə görüb eşidə bilməz. Mənə qulaq as! Mən sənə bunu
söyləməliyəm... Əwəla, mənim yanımda Febin adını çəkmə (bu
sözləri deyərkən yerində dayana bilməyən adam kimi oyan- buyana
gəzir, qızı dalınca sürükləyirdi), mənim yanımda onun adını çəkmə.
Onun adını çəksən, nə edəcəyimi özüm belə bilmirəm, yalnız onu
bilirəm ki, bu çox dəhşətli bir şey olacaq.
Bu sözləri deyəndən sonra tarazlığına yenidən qovuşmuş cisim
kimi hərəkətsiz dayandı. Lakin onun sözlərində yenə də dərin həyə-
can vardı. Səsi getdikcə daha da boğuqlaşırdı.
-
üzünü məndən çevirmə və söylədiklərimə qulaq as. Bu, ciddi
bir məsələdir... Əwəla, məsələ belədir... And içirəm ki, bu, qətiyyən
gülməli deyildir... Mən nədən danışırdım?.. Hə, yadıma düşdü! Par-
lamentin qərarına görə, sən edam edilməlisən. Mən səni onlardan
xilas etdim... Ancaq onlar səni təqib edirlər. Bax!
O, əlini Qədim şəhərə doğru uzatdı; həqiqətən, orada axtarışlar
davam edirdi. Hay-haray getdikcə yaxınlaşırdı. Qrev meydanının
qarşısında şəhər məhkəməsi müavininin evinin qülləsi işıqlandırıl-
mışdı; pəncərələrdən düşən işıqda o biri tərəfdəki sahil boyunda
əliməşəlli əsgərlərin qaçışdığı görünürdü. Əsgərlər yüyürə-yüyürə
bağırırdılar: “Hanı qaraçı qız? Hanı qaraçı qız? Qaraçı qıza ölüm!”
-
Görürsən, onlar səni axtarırlar, mən yalan söyləmirəm. Mən
səni sevirəm... Sus, mənə nifrət etdiyini söyləmək istəyirsənsə, sus,
heç bir söz demə... Mən bu sözü bir daha eşitmək istəmirəm. Mən
səni ölümdən xilas etmişəm... Qoy sözümü qurtarım: mən səni
həmişəlik xilas edə bilərəm. Bununçün artıq hər şey hazırdır. Artıq
hər şey səndən asılıdır: sən necə arzu etsən, elə də olacaq.
Bu zaman birdən-birə susdu, sonra yenidən davam etdi:
-
Yox, səninlə başqa dildə danışmaq lazımdır. - Sonra onu arxa-
sınca sürükləyərək dar ağacına doğru addımladı, barmağını dar
ağacına tuşlayaraq soyuq-soyuq dedi: - Özün seç! Ya o, ya mən!
Qız onun əllərindən çıxıb dar ağacının altına yıxıldı və bu qor-
xunc, məşum dirəyi qucaqladı. Sonra öz qəşəng başını azca yana
əyərək çəp-çəp keşişin üzünə baxdı. O, xaç qarşısında diz çökmüş
Məryəmə bənzəyirdi. Keşiş barmağını heykəl kimi dar ağacına doğru
uzadıb hərəkətsiz dayanmışdı.
Nəhayət, qaraçı qız dedi:
-
Dar ağacı məni sizdən daha az qorxudur.
774
downloaded from KitabYurdu.org
Dostları ilə paylaş: |