DÜNYA ƏDƏBİYYATI KLASSİKLƏRİ
II
AĞ PALTARLI GÖZƏL MƏXLÜQ
Kvazimodo Esmeraldanı gizlətdiyi otağı boş gördükdə gənc qızı
müdafiə etdiyi müddətdə onun qaçırıldığını anladı. O, saçlarını yola-
raq heyrətdən və qüssədən ayaqlarını yerə döyməyə başladı. Sonra
qaraçı qızı axtara-axtara kilsəni ələk-vələk etdi. O, vəhşi səslər çıxa-
raraq fəryad edir və sarı saçlarını yolub məbədin döşəməsinə tökürdü.
Həmin dəqiqədə qaraçını axtaran kral nişançıları da artıq qələbə
çalaraq kilsəyə daxil olurdular. Kvazimodo kar olduğundan və heç bir
şey anlamadığından qızın düşmənləri bunlar deyil, quldurlar
olduğunu zənn edərək onlara yardım etməyə başladı. O, Tristanla
birlikdə kilsənin ən gizli künclərini dolaşdı, bütün gizli qapıları ona
açdı. Zavallı qız kilsədə olsaydı, şübhəsiz, onu təslim edəcəkdi.
Nəhayət, Tristan axtarmaqdan yoruldu - halbuki o, öz ovundan
belə asanlıqla əl çəkən adam deyildi - Kvazimodo axtarışlarına davam
etdi. O, iyirmi dəfə, yüz dəfə kilsəni oyan-buyana dolaşdı, yuxarı
çıxdı, aşağı endi, yüyürdü, çağırdı, bağırdı hər bir yeri iylədi,
araşdırdı, başını hər bir deşiyə soxdu, hər yeri məşəllə işıqlandırdı,
dəli kimi vurnuxdu. Öz dişisini itirmiş erkək bu qədər qəzəblə və
bərkdən nərildəyə bilməzdi.
Nəhayət, qızın kilsədə olmadığını, oğurlandığını anladıqdan
sonra yavaş-yavaş zəng qülləsinə gedən pilləkənlə yuxarı çıxmağa
başladı. Bu, həmin pilləkən idi ki, qızı xilas etdiyi birinci gün onu
böyük bir təntənə, sevinc və heyrətlə dırmaşmışdı. İndi isə həmin
yerdən keçərkən başını aşağı salaraq nəfəs almır, səsini çıxarmırdı.
Kilsə yenə boş və tənha, sakit və lal olmuşdu. Kral nişançıları
cadugəri şəhərdə axtarmaq üçün kilsədən çıxdılar. Kvazimodo bir az
əvvəl içərisində gurultu qopan böyük məbəddə tək qaldıqdan sonra
qaraçı qızı bir neçə həftə qanadı altına aldığı hücrəyə getdi.
Qapıya yaxınlaşanda birdən-birə gənc qızı orada tapacağını zənn
etdi. Qalereyanın yanından dönüb keçəndə sıx budaqlar altında
qurulmuş quş yuvası kimi hündür qübbənin altında gizlənmiş girdə
pəncərəli, alçaq qapılı, kiçicik otağı gördükdə zavallının ürəyi bərk-
bərk döyünməyə başladı. Yıxılmamaq üçün sütunların birinə
796
downloaded from KitabYurdu.org
söykəndi. O, qızın öz daxmasına qayıtdığını, mərhəmətli bir mələyin,
bəlkə də, onu yenə geriyə qaytardığını, hücrə olduqca sakit, təhlü-
kəsiz və yaraşıqlı olduğundan, qaraçı qızın bayıra çıxmadığını zənn
etdi. Bu şirin arzu və xəyalını puç etməməkçün artıq irəliyə bir addım
belə atmaq istəmədi. Öz-özünə dedi: “Hə, bəlkə də, yatıb, ya da dua
edir. Ona mane olmayım”.
Nəhayət, ürəklənərək yavaşca qapıya yaxınlaşdı, baxdı və içəri
girdi: kimsə yox idi; daxma əwəlkitək bomboş idi. Zavallı yavaş-
yavaş daxmanı gəzdi, qızın qorxusundan döşəyin altına girə biləcəyini
zənn edərək onu qaldırdı, başını yırğaladı və məyus-məyus dayandı.
Sonra qəzəbindən əlindəki məşəli yerə atıb tapdaladı, heç bir söz
söyləmədən, fəryad qoparmadan başını divara çırpdı və huşunu itirib
yerə yıxıldı. Bir qədər sonra özünə gəldikdə yatağın üzərinə atıldı,
çırpınmağa, bir az əvvəl gənc qızın başını qoyduğu və hələ də isti
olan balışı çılğıncasına öpməyə başladı. Sonra ölü kimi hərəkətsiz
qaldı. Bir neçə dəqiqə də keçdi. Ayağa sıçradı, tər içində boğula-
boğula, gözü oynaya-oynaya zəng toxmağı kimi özünü divara çırp-
mağa başladı. O, başını divara vuraraq ölmək istəyirdi. Nəhayət,
ikinci dəfə taqətsiz halda yerə yıxıldı; sonra dizin-dizin sürünərək
daxmadan çıxdı, süst və çaşqın halda qapının qarşısında çömbəldi.
O, bir saatdan artıq bu vəziyyətdə qaldı. Gözünü boş daxmanın
içinə dikmişdi. Heç bir hərəkət etmirdi. Onun görünüşü uşağının boş
beşiyi ilə tabutu arasında oturmuş anadan daha ələmli və dalğın idi. O
heç bir söz demirdi; yalnız ara-sıra bütün vücudu hıçqırıqlarının
şiddətindən sarsılırdı. Səssiz şimşək parıltısı kimi bu hıçqırıqlar da
yaşsız idi.
Görünür, məhz bu anda, öz kədərli dalğınlığıyla məsələnin
kökünü axtararkən, qaraçı qızı kimin oğurladığını düşünərkən birdən
baş keşişi xatırladı. O, zəng qülləsi qapısının açarının yalnız Klodda
olduğunu yadına saldı. Klodun gecə vaxtı gənc qıza etdiyi təcavüzləri
də xatırladı. Birinci təcavüzdə Kvazimodo ona yardım etmiş,
ikincisində isə mane olmuşdu. O, saysız-hesabsız başqa şeylər də
xatırladı və az sonra qaraçı qızı yalnız baş keşişin oğurladığına zərrə
qədər şübhəsi qalmadı. Lakin o, Kloda o qədər dərin hörmət
bəsləyirdi, bu adamı o qədər çox sevirdi, ona qarşı olan sədaqət,
təşəkkür və minnətdarlıq duyğuları qəlbində o qədər dərin kök sal-
mışdı ki, qısqanclıq və ələm bir dəqiqədə bu kökləri dartıb qopara
797
downloaded from KitabYurdu.org
DÜNYA ƏDƏBİYYATI KLASSİKLƏRİ
bilməmişdi. Bunu başqası etsəydi, ona qarşı dəhşətli kin və qəzəb hiss
edərdi, Klod Frolloya gəlincə, o yalnız ağrı və ələm hiss etdi.
Artıq hava işıqlaşırdı. Məbədin üst balkonunda, qalereyanın
dönəcəyində ona doğru gələn bir adam gördü. O, dərhal bu adamı
tanıdı: baş keşiş idi.
Klod önünə baxmadan aramla şimal qülləsinə doğru gedirdi,
üzünü Sena çayının sağ sahilinə doğru çevirmişdi, uzaqda nəyisə
görməyə çalışırmış kimi başını qaldırmışdı. Bəzən bayquş da bir
səmtə uçduğu halda, başqa səmtə baxır. Baş keşiş Kvazimodonun
başının üstündən keçdiyi halda onu görməmişdi.
Qozbel mat qalmışdı. Baş keşiş şimal qülləsinin qapısından daxil
oldu. Bu, həmin qüllə idi ki, buradan şəhər idarəsi görünürdü.
Kvazimodo ayağa durub baş keşişin ardınca getdi. Lakin Klodun fikri
başqa yerdə olduğundan arxasınca gələn zəngçalanın addım səslərini
eşitmədi.
Notr-Dam kilsəsinin zəng qülləsindən Paris şəhəri, xüsusən də
ozamankı Paris doğmaqda olan yay günəşinin ilk şəfəqləri altında
olduqca ehtişamlı və gözəl görünürdü. O gün göy üzü aydın və təmiz
idi. Gecikmiş bir neçə ulduz yenicə sönürdü. Yalnız şərqdə, parlaq
üfüqlərdə hələ də bir ulduz parlayırdı. Günəş bir az sonra doğacaqdı.
Artıq Paris oyanmağa başlamışdı. Şərq tərəfdə açıq və təmiz havada
minlərcə evin damı görünürdü. Zəng qülləsinin nəhəng kölgəsi
damdan-dama, böyük şəhərin bir tərəfindən o biri tərəfinə düşürdü.
Bəzi məhəllələrdə gurultu eşidilməyə başlamışdı. O tərəfdən zəng
səsi, bu tərəfdən çəkic, araba səsi gəlirdi. Bəzi qara damların üzərində
ağ tüstü görünürdü. Körpülərə, adalara çırpılan çay dairə və xətlər
şəklində hissələrə bölünmüşdü. Şəhərin kənarında, istehkamların
arxasında dumanlı şəkildə vadilər, zərif dağlar, təpələr görünürdü.
Yarıoyanmış şəhərdən cürbəcür səslər eşidilirdi. Sərin səhər mehi
dağların və təpələrin üzərinə sərilmiş dumandan bir neçə bulud
qoparıb qərbə doğru qovalayırdı.
Kilsə meydanında əllərində süd bardaqları tutmuş bir neçə arvad
dayanmışdı. Onlar heyrətlə gecə vaxtı böyük kilsə qapısında əmələ
gəlmiş sınıqları və zədələri, deşiklərdə donmuş iki qurğuşun axınını
bir-birinə göstərirdilər. Gurultulu gecə səhnəsindən şəhərə qalan
yalnız bu idi. Kvazimodonun qüllələrin arasında yandırmış olduğu
ocaq artıq sönmüşdü. Tristan isə meydanı təmizləməyi əmr
798
downloaded from KitabYurdu.org
Dostları ilə paylaş: |