DÜNYA
ƏDƏBİYYATI KLASSİKLƏRİ
ananın gözləri qarşısında öldürsünlər! Yox, ola bilməz! Belə şey
mümkün deyil! Tanrı buna yol verməz!
Bu zaman, deyəsən, atlılar dayandılar, bir səs eşidildi:
-
Cənab Tristan, buraya! Keşiş deyir ki, biz onu Siçan yuvasının
yaxınlığında tapacağıq.
Sonra yenə at ayaqlarının tappıltısı eşidildi.
-
Qaç, yavrum, xilas ol! - Münzəvi qadın həyəcanla qışqırdı, -
mən hamısını xatırladım. Sən haqlısan: səni ölüm gözləyir, Ah!
Dəhşət! Lənətlər olsun! Özünü xilas et!
Qadın başını pəncərədən çıxardı və diridən çox ölüyə bənzəyən
qızının əlini əsə-əsə sıxaraq qırıq-qırıq və məyus-məyus dedi:
-
Yox, dayan, yerindən tərpənmə! Ətrafda əsgərlər var! Sən
buradan çıxa bilməzsən. Çox işıqlıqdır!
Qurumuş gözləri alışıb-yanırdı. Bir qədər susdu, iri addımlarla
hücrədə var-gəl etdi. Arabir dayanaraq başından bir çəngə ağ tük
qoparır, dişləriylə gəmirirdi.
Birdən dedi:
-
Yaxınlaşırlar! Mən onları söhbətə tutaram. Bu küncdə gizlən.
Onlar səni görməzlər. Mən onlara deyərəm ki, sən əlimdən çıxıb
qaçdın!
O, indiyə qədər qızını qucağında gəzdirirdi, indi isə onu daxma-
nın bir küncünə qoydu; bu künc küçədən görünmürdü. Qızı yerə qoy-
duqdan sonra onun əllərini, ayaqlarını, paltarını uzun və dağınıq
saçlarıyla örtdü. Qarşısına bir kasa və böyük daş qoydu, sanki, dax-
madakı kasa və daş onu gizlədəcəkdi. Bu hazırlıqları görəndən sonra
bir qədər sakit oldu və diz çökərək ibadət etməyə başladı. Artıq işıq-
laşırdı. Ancaq Siçan yuvası qaranlıq idi.
Bu zaman mağaranın yaxınlığında keşişin səsi eşidildi.
-
Buraya, kapitan Feb de Şatoper, buraya! - O bağıraraq deyirdi.
Esmeralda onun səsini və bu adı eşidər-eşitməz qısıldığı küncdə
hərəkətə gəldi.
-
Yerindən tərpənmə! - Qudula onun qulağına pıçıldadı.
Bu sözü yenicə söyləmişdi ki, insan səsləri, silah gurultusu və nal
tappıltısı Siçan yuvasının lap yaxınlığında eşidilməyə başladı.
Ana cəld ayağa durdu və pəncərənin qabağını tutdu. O, Qrev
meydanında düzülmüş piyada və atlı əsgərləri gördü, əsgərlərin rəisi
atından düşüb ona yaxınlaşdı.
784
downloaded from KitabYurdu.org
-
Ey qan, - qaba səslə dedi, - biz cadugəri axtanrıq, o, dar ağa-
cından asılmalıdır. Bizə dedilər ki, sən onu tutmusan.
Yazıq ana mümkün qədər laqeyd görünməyə çalışaraq cavab
verdi:
-
Mən sizin nə danışdığınızı başa düşmürəm.
-
Lənət şeytana! Bəs bu dəli keşiş nə boş-boş çərənləyirdi?
- zabit bağırdı. - Keşiş necə oldu?
-
Zati-dövlətləri, - əsgərlərdən biri cavab verdi. - O yoxa çıxıb.
-
Yaxşı, qarı, yalan danışma, - kapitan dedi. - Sənə cadugərin
qarovulunu çəkməyini tapşırmışlar. Sən onu nə etdin?
Münzəvi qadın şübhə oyatmamaq üçün inkar etmək istəmədi,
odur ki səmimi, ancaq narazı halda cavab verdi:
-
Əgər siz bir az bundan əvvəl mənim yanıma qoyulan gənc
qızı soruşursunuzsa, o, mənim əlimi dişlədi, mən də onu buraxmaq
məcburiyyətində qaldım. Bundan başqa heç nə bilmirəm. İndi isə
məni rahat buraxın.
-
Yalan danışma, qoca qarğa, - Dəstə rəisi əsəbi halda dedi.
-Mənə Adamayovuşmaz Tristan deyərlər, özüm də kralın kirvəsi-
yəm. Eşidirsən? - Sonra Qrev meydanını nəzərdən keçirərək əlavə
etdi: - Yanılmıramsa, bu ad buradakılara çox gözəl tanışdır.
-
Siz adamayovuşmaz iblis də olsanız, mənimçün fərqi yoxdur,
mənim sizə söyləyəcək başqa sözüm yoxdur. Mən sizdən heç qorx-
muram da, - bir qədər ümidlənmiş Qudula dedi.
-
Lənət şeytana, axmaq qadın! - Tristan bağırdı. - Demək,
cadugər qaçmışdır! Bəs hansı tərəfə getdi?
O, sakitcə cavab verdi:
-
Yanılmıramsa, Qoyunlar küçəsinə doğru getdi.
Tristan üzünü döndərib dəstəyə yola düşmək əmri verdi. Mün-
zəvi qadın azad nəfəs aldı.
-
Zati-aliləri, - birdən nişançılardan biri dedi, - bu qoca küpəgi-
rəndən soruşun görək, onun pəncərəsinin dəmirləri nə üçün əyilib?
Bu sual zavallı ananın qəlbini qorxuya saldı, ancaq yenə də
özünü itirməyərək dedi:
-
Onlar çoxdan sınıb.
-
Yalan deyir, - nişançı cavab verdi, - dünən bu dəmirlər imana
çağıran xaç şəklində sağ-salamat idi.
Tristan münzəvi qadına çəp-çəp baxıb dedi:
-
Sən nəyisə qarışdırırsan, qan.
785
downloaded from KitabYurdu.org
DÜNYA ƏDƏBİYYATI KLASSİKLƏRİ
Zavallı qadın hər şeyin onun soyuqqanlılığından asılı olduğunu
hiss edib həddindən artıq qorxmasına baxmayaraq, güldü. Yalnız
analar buna qadirdir.
-
Ay-hay, - o dedi. - Deyəsən, bu adam sərxoşdur. Bir il bundan
qabaq daş yüklənmiş araba buradan keçərkən pəncərəyə toxunaraq
barmaqlığı sındırmışdı. O vaxt ona ağzıma gələni dedim.
-
Doğru deyir, - nişançılardan biri söhbətə qarışaraq dedi,
-
mən də buna şahidəm.
Qəribədir ki, həmişə hər yerdə hər şeyi görən adamlar tapılır.
Nişançının gözlənilmədən şahidlik etməsi bu dəhşətli sorğu-sual
əsnasında uçurumu ülgücün iti ağzı qədər keçən münzəvi qadını
ürəkləndirdi.
Lakin o, durmadan ümiddən ümidsizliyə keçməyə məhkum olun-
-
Əgər bu barmaqlığı araba sındırıbsa, onda dəmirlər eşiyə əyil-
miş olardı, halbuki onlar içəriyə əyilmişdir, - birinci nişançı dedi.
Tristan əsgərə dedi:
-
Oho! Sən lap müstəntiq Şatle kimi xəfiyyə imişsən ki! Yaxşı,
qarı, buna nə deyirsən?
-
Allaha and olsun ki, barmaqlığı araba sındırmışdır, - həyəca-
nından titrəyən Qudula qışqırdı, - siz özünüz bunu əsgərlərinizdən
birinin dilindən eşitdiniz. Bir də ki qaraçı qızın buna nə dəxli var?
-Yaxşı! - Tristan donquldandı.
-
Yalandır, - rəisinin tərifindən daha da qızışmış əsgər qışqırdı,
-
pəncərə təzəcə sınmışdır.
Tristan başını yırğaladı. Qudula sapsarı saraldı.
-
Deyirsiniz, araba buradan nə vaxt keçib?
-
Vallah, yaxşı yadımda deyil: iki həftə, yoxsa bir ay bundan
qabaq.
-
Əvvəl deyirdi ki, bir il bundan qabaq sınıb.
-
Bax bu çox şübhəlidir, - Tristan dedi.
-
Monsenyor, - qadın içəri baxacaqlarından qorxduğundan pən-
cərənin qarşısında dayanıb başını bayıra çıxararaq qorxa-qorxa dedi, -
and içirəm ki, bu pəncərəni araba sındırmışdır. Bütün cənnətdəki
mələklərə and içirəm. Qoy mən ömürlük lənətə düçar olum, yalan
danışıramsa, Allah məni parça-parça etsin.
-
Amma sən çox ürəkdən and içirsən, - Tristan cəllad baxışla-
rıyla onu süzərək dedi.
786
downloaded from KitabYurdu.org
Dostları ilə paylaş: |