Bunu eşidən keşiş yavaş-yavaş əlini yanına salaraq dərin kədərlə
yerə baxdı və dedi:
-
Bu daşlar dil açıb danışa bilsəydilər, onlar burada yer üzünün
ən bədbəxt adamının dayandığını söyləyərdilər.
O, yenə danışmağa başladı, tlzun və dağınıq saçlanna dolanaraq
dar ağacının qarşısında diz çökmüş gənc qız ona mane olmurdu; o isə
üzündəki zülmkar və qəddar bir ifadəylə kəskin təzad təşkil edən
yazıq və mehriban səslə deyirdi:
-
Mən sizi sevirəm, çılğıncasına sevirəm! Məgər məni qovuran
bu alovun bir qığılcımı belə zahirə çıxmırmı? Təəssüf! Mən gecə-
gündüz əzab və əziyyətlər içində çırpınıram! Məgər mən heç bir
mərhəmətə layiq deyiləm? Bu, böyük bir müsibətdir! Ah, mən nə
qədər böyük əzab çəkirəm! Mənim əzablarım mərhəmətə layiqdir!
Görürsünüz, mən artıq sizinlə mümkün qədər sakit danışmağa çalı-
şıram. Çox istərdim ki, siz də artıq məndən qorxmayasınız. Axı bir
kişi bir qadını sevdiyi üçün günahkar ola bilməz! Aman yarəb! Siz
yəni heç vaxt məni əfv etməyəcəksiniz? Həmişə mənə nifrət bəs-
ləyəcəksiniz? Elə isə, artıq hər şey bitdi! Bax, görürsünüz, məni qor-
xunc və kinli edən də budur! Siz mənim üzümə baxmaq belə istə-
mirsiz. Bəlkə də, mən danışdığım zaman siz tamamilə başqa şeylər
düşünürsünüz! Mən sizin qarşınızda - hər ikimizi udmağa hazır olan
əbədiyyətin qarşısında dayanmışam! Ancaq mənə o zabitdən
danışmayın! Of! Ayaqlarınıza düşüb yalvarsam, ayaqlarınızı yox,
onların tapdaladığı torpağı öpməyə başlasam, uşaq kimi hıçqıra-
hıçqıra ağlasam, səni sevdiyimi isbat üçün köksümdən sözlər deyil,
qəlbimi və ciyərimi qoparmağa başlasam, bunların heç bir mənası
olmayacaq? Amma mən əminəm ki, sizin mehriban və həssas bir
ruhunuz var, siz mülayim və nazlısınız, gözəllik, mərhəmət, şəfqət və
incəlik mücəssəməsisiniz! Heyhat, bəlkə də, siz yalnız mənə qarşı
kinli və zalımsınız! Görünür, mənim kədərli taleyim belədir!
O, üzünü əlləriylə qapadı. Gənc qız onun hıçqıra-hıçqıra ağla-
dığını eşidirdi. Qız onu ilk dəfə ağlayan görürdü. O ağlayarkən qızın
qarşısında diz çökdüyündən daha zavallı və yazıq görünürdü. Bir az
ağladıqdan sonra göz yaşlannı silərək sözünə davam etdi:
-
Yox, artıq mən söz tapa bilmirəm; halbuki sizə söyləyəcəklə-
rimi diqqətlə düşünmüşdüm. İndisə titrəməyə başlamışam, çaşıram,
dilim tutulmağa başlayır. Əgər mənə və özünüzə rəhm etməsəniz,
775
downloaded from KitabYurdu.org
DÜNYA ƏDƏBİYYATI KLASSİKLƏRİ
yerə yıxılacağam. Rəhm edin, mənə... Hər ikimizi məhv etməyin! Sizi
nə qədər sevdiyimi bilsəydiniz, hansı qəlbi rədd etdiyinizi anla-
saydınız! Ey mənim fəzilətim, haradasan, özüm özümü tanımıram.
Mən aliməm, amma öz elmimi ayaqlar altında tapdalayıram; mən
mehrab və məbəd xadimiyəm, ancaq öz Allahımı unutdum, ibadət
yerini şəhvət yuvasına çevirmək istədim. Bütün bunları səninçün
etdim, sehrkar qadın, hamısı sənin cəhənnəmə layiq olmağın üçündür!
Sən isə günahkarı rədd edirsən! Yox, mən sənə ürəyimdəkinin
hamısını söyləmədim, sən hər şeyi bilməlisən, ən qorxunc şeyi belə!
Son sözlərini deyərkən üzündə dəli adamlara xas ifadə göründü.
Bir dəqiqə susdu, sonra öz-özünə danışırmış kimi ucadan dedi:
-
Qatil, sən mənim qardaşıma nə etdin?
O, yenə susdu, sonra yenə davam etdi:
-
İlahi, mən ona nə etdim? Mən onu saxladım, bəslədim, tərbiyə
verdim, mən onu sevdim, səcdə etdim və nəhayət, öldürdüm!
Allahım, onun başını elə indicə mənim gözlərim qarşısında sənin
evinin daşlarına çırparaq əzdilər, bütün bunlar yalnız mənə görə oldu,
yalnız bu qadın üçün, yalnız onun üçün...
Onun baxışları vəhşiləşmişdi. Səsi getdikcə zəifləyirdi; bir neçə
dəfə dalbadal, uzun fasilələrlə, qeyri-iradi, son cingiltisini uzadan
zəng kimi təkrar etdi:
-
Onun günahı ucbatından... Onun günahı ucbatından...
Sonra dodaqlarının tərpənməsinə baxmayaraq, ağzından çıxan
heç bir söz aydın olmadı. Birdən dizləri büküldü, yerə çökdü, başını
dizlərinə dayayaraq hərəkətsiz dayandı.
Ayağını onun dizi altından çıxarmağa çalışan qızın hərəkəti onu
oyatdı. Əlini yavaş-yavaş batıq yanaqlarına toxundurdu, bir müddət
təəccüblə yaşarmış barmaqlarına baxdı.
-
Bu nədir, - dedi, - mən ağlayırdım! - Birdən üzünü qaraçı qıza
çevirərək son dərəcə həyəcanla dedi: - Təəssüf! Sən mənim göz
yaşlarıma rəhm etmədin! Yavrum, sən bilirsənmi, bu göz yaşları
qaynayan lavadır? Nifrət etdiyimiz insanın əzabları bizim üçün heç
bir şeydir. Əgər mən sənin qarşında can versəydim, sən gülərdin,
deyilmi? Amma mən... Mən sənin öldüyünü görmək istəməzdim!
Yalnız bir kəlmə! Yaxşı, məni sevdiyini söyləmə, bircə kəlməylə
söylə ki, səni xilas etməyimi arzu edirsən... və bu kifayətdir. Mən səni
xilas edəcəyəm. Amandır, vaxt keçir! Səni ən müqəddəs saydığın
şeyə
776
downloaded from KitabYurdu.org
and verirəm, bu dar ağacı kimi mənim daşa dönməyimi gözləmə!
Düşün, bizim taleyimiz sənin əlindədir, mən çılğınam, hər ikimizi
məhv etməyə hazıram. Ayaqlarımız altında böyük bir uçurum açıla
bilər və mən də sənin arxanca əbədi olaraq bu uçuruma düşərəm. Bir
kəlmə söylə! Yalnız bircə kəlmə! Xoş bir kəlmə!
Qız ona cavab vermək üçün dodaqlarını araladı. O, qızın bu yal-
varışlar qarşısında yumşalacağını və xoş bir söz söyləyəcəyini gözlə-
yərək onun qarşısında diz çökdü. Lakin qız:
-
Siz qatilsiniz! - dedi.
Keşiş çılğıncasına onu qucaqlayıb vəhşi qəhqəhəylə bağırdı:
-
Yaxşı, yaxşı! Mən qatiləm, ancaq sən yenə də mənim olacaq-
san. Sən mənim sənə qul olmağımı istəmədin, onda mən sənin ağan
olacağam. Sən mənim olacaqsan! Mən səni özümlə aparacağam. Sən
mənimlə gəlməyə məcbur olacaqsan, yoxsa səni ələ verərəm. Hə,
gözəlim, indi sən iki şeydən birini seçməyə məcbursan: ya ölməli, ya
da mənə - kafirə, qatilə təslim olmalısan! Həm də elə gecə təslim
olmalısan, eşidirsən? Tez ol, qərar ver! Axmaq qız, məni öp! Ya
məzar, ya da mənim yatağım!
Onun gözləri ehtiras və hiddətdən parlayırdı, dodaqları isə gənc
qızın boynunu öpürdü. Qız onun qolları arasında çapalayır, o isə qızı
vəhşi öpüşlərə qərq edirdi.
-
Məni dişləmə, vəhşi! - o bağınrdı. - Çirkin və murdar rahib!
Məni rahat burax, yoxsa sənin iyrənc çal saçlarını yolub sifətinə
çırparam.
Keşiş əvvəlcə qızardı, sonra sapsarı saraldı, onu buraxdı və pərt-
pərt onun üzünə baxmağa başladı. Qız qalib gəldiyini zənn edərək
davam etdi:
-
Sənə bir daha deyirəm, mən öz Febimi sevirəm, mən yalnız
onun olmaq istəyirəm, mənim Febim yaraşıqlıdır! Sən isə murdar və
qoca bir keşişsən! Rədd ol cəhənnəmə!
O, vücuduna qızarmış damğa basılan cani kimi vəhşi səslə
bağırdı.
-
Elə isə, öləcəksən! - Dişlərini qıcadaraq dedi və qıza elə dəh-
şətlə baxdı ki, o qaçıb gizlənmək istədi. Lakin keşiş onun qolundan
yapışıb silkələdi, yerə yıxdı, sonra isə əlindən tutub dalınca sürüyərək
sürətli addımlarla Roland qülləsinə doğru getdi.
Qülləyə çatdıqda yenidən üzünü qıza çevirib dedi:
-
Səndən son dəfə soruşuram, mənim olmaq istəyirsən?
777
downloaded from KitabYurdu.org
Dostları ilə paylaş: |