Dünya əDƏBİyyati klassiKLƏRİ
Yüklə 6,79 Mb. Pdf görüntüsü
|
O biri tayını tap Və anan səni bağrına basacaq. Münzəvi qadın bir anda hər iki ayaqqabını tutuşdurdu, üzərindəki yazını oxuyan kimi üzünü barmaqlığa dayayaraq qeyri-adi sevincələ qışqırdı: -
Qızım mənim! Qızım! -
Ana! - Qaraçı qız cavab verdi. Bu səhnəni təsvir etməkdə qələm acizdir. Onları qalın divarla dəmir barmaqlıqlar bir-birindən ayırırdı. -
Ah, lənətə gəlsin bu divarı! Qızımı görürəm, ancaq qucaqlaya bilmirəm! Heç olmasa, əlini mənə ver! Əllərini! Gənc qız barmaqlığın arasından əlini anasına uzatdı; münzəvi qadın onun əlinə sanlaraq bərk-bərk dodaqlanna sıxdı. Bədəni uçunur, tir-tir titrəyirdi. Onun sağ olduğunu yalnız hıçqırmağından bilmək olardı. Göz yaşları gecə yağan leysan yağışı kimi axırdı. Zavallı ana on beş ildən bəri qaranlıq və dibsiz qəlbinə damla-damla yığılan göz yaşlarını istəkli balasının əlləri üzərinə axıdırdı. Birdən dikəldi, uzun və ağarmış saçlarını geriyə atdı və heç bir söz söyləmədən dişi pələng kimi pəncərəsindəki dəmir barmaqlığı əllləriylə silkələməyə başladı. Ancaq barmaqlıq möhkəm idi. Bunu görən qadın daxmasının küncündə yastıq əvəzinə istifadə etdiyi iri daşı götürüb müdhiş qüwəylə barmaqlığa çırpdı. Dəmirin bir parçası sındı, ətrafa qığılcımlar saçıldı. Daşı ikinci dəfə vuranda bir dəmir də qırıldı. Sonra ikiəlli yapışaraq bəzi dəmirləri əydi, bəzilərini də yerindən çıxardı. Bəzən elə anlar olur ki, zəif bir qadının əli qeyri- adi qüvvəyə malik olur. Bunlan etmək heç bir dəqiqə də çəkmədi. Sonra qızının belindən yapışaraq hücrəsinə çəkdi. -
Bura gəl! Mən səni xilas edəcəyəm! - dedi. Qızını içəri saldıqdan sonra ehtiyatla yerə qoydu, sonra körpə uşaq kimi yenə qucağına aldı və sevincindən dəli kimi qışqıra-qışqıra, gülə-gülə, öpə-öpə, göz yaşları tökə-tökə kiçik daxmanın içində oyan- buyana vurnuxmağa başladı. -
Qızım, mənim qızım! - o deyirdi, - mən öz qızımı tapdım! Budur mənim qızım! Mərhəmətli Tanrı qızımı özümə qaytardı! Ey! Hamınız buraya gəlin, mənim qızımı görmək istəyirsiniz? Ya həzrəit- İsa,
781 downloaded from KitabYurdu.org DÜNYA ƏDƏBİYYATI KLASSİKLƏRİ
mənim qızım necə də gözəldir! Yarəb, balamı gözəl bir qız edib qay- tarmaq üçün məni tam on beş il gözlətdin. Demək, qaraçılar qızımı yeməyibmiş! Bəs bunu söyləyən kim idi?.. Qızım, məni öp! Bu qara- çılar nə qədər mərhəmətlidir! Mən onları nə qədər sevirəm! Bu sənsən, qızım! Demək, sən buradan keçərkən ürəyim hər dəfə boş yerə döyünmürmüş. Mən də bunu nifrət zənn edirdim, Aqnesacığım, məni əfv et, əfv et məni! Sən məni çox kinli zənn edirdin, eləmi? Halbuki mən səni sevirəm! Bəs sənin qoynundakı xal hanı, hanı sənin xalın! Onu mənə göstərsənə! Hə, budur, budur! Ah, sən nə qədər gözəlsən! Bu iri gözləri mən sənə bəxş etmişəm, gözəlim!.. Məni öp! Mən səni sevirəm! Artıq başqa anaların uşaqları var, yoxdur, bunun mənim üçün heç bir fərqi yoxdur. Nə işim var onlarla, qoy onlar gəlib görsünlər ki, mənim qızım budur! Bu, onun boynu, bu, onun gözləri, bu, onun saçları, bu, onun əlləridir! Yer üzündə ondan gözəl məxluq varmı!? Mən əminəm ki, onu sevənlər, ona pərəstiş edənlər çox olacaq! Mən on beş il göz yaşı tökmüşəm. Bütün gözəlliyim solub gedib və nəhayət, yenidən onda çiçək açıb. Öp məni, qızım! O, qızına saysız-hesabsız çılğın sözlər pıçıldadı, bu sözlərdə onun qəlbinin bütün kədəri, sevinci, həyəcanları ifadə olunurdu. O, gənc qızın üst-başını elə kökə salmışdı ki, qız bundan utanırdı. Onun ipək saçlarını əliylə oxşayır, alnını, gözlərini, əllərini, ayaqlarını öpürdü və bütün bunlar qadının qəlbini qürurla doldururdu. Gənc qız ona mane olmur və yalnız hərdənbir sakitcə, hədsiz mehribanlıqla təkrar edirdi: -
-
Görürsən, qızım, - münzəvi qadın sözlərini öpüşlərlə kəsərək deyirdi, - görürsən, mən səni lap çox sevəcəyəm. Biz buradan uzaqlara gedəcəyik. Biz çox xoşbəxt olacağıq. Vətənimizdə, Reyms şəhərində bizim mirasımız qalmışdır. Reymsi xatırlayırsan, eləmi? Ah, sən bunu necə xatırlaya bilərsən! O zaman sən lap balaca idin! Dörd aylıq ikən nə qədər qəşəng olduğunu bilsəydin, sənin o qədər incə ayaqların vardı ki, hətta Epernədən onlara baxmağa gələrdilər. Halbuki, Epernə yeddi mil uzaqlıqdadır. Bizim öz evimiz olacaq, öz tarlamız olacaq. Mən səni öz yatağımda yatırdacağam. İlahi! Pərvərdigara! Kim buna inana bilər? Mən öz qızımı tapdım! -
Anacan! - Nəhayət, gənc qız həyəcanına üstün gələrək dedi, - demək, qaraçı mənə doğru fal açıbmış. Bizim dəstəmizdə mərhə 782 downloaded from KitabYurdu.org mətli bir qaraçı vardı, mənə dayə kimi baxırdı, keçən il öldü; bu kisəciyi də mənim boynuma o asmışdı. Həmişə mənə deyərdi: “Bax bu kisəciyi yaxşı qoru, o, sənin sərvətindir, cavahirindir, bu, sənə ananı axtarıb tapmağa kömək edəcək. Sən ananı köksündə gəzdi- rirsən”. Görürsən, o, doğru fal açıbmış! Münzəvi qadın qızını yenə qucaqladı və dedi: -
Vətənimizə qayıdanda sənin ayaqqabılarını balaca İsa heykəlinin ayaqlanna geyindirmək üçün kilsəyə bağışlayarıq. Biz həzrəti-Mər- yəmin göstərdiyi bu möcüzənin əvəzini çıxmaq üçün əlimizdən gələni etməliyik! Sənin nə qədər məlahətli səsin var! Sən danışarkən mən, sanki, gözəl musiqiyə qulaq asıram. Ah, aman yarəb! Mən öz qızımı tapdım! İnana bilmirəm! Necə oldu ki, mən sevincimdən ölmədim! O, yenə əl çalmağa və gülməyə başladı. -
Biz çox xoşbəxt olacağıq! Bu zaman gənc qız çox güman ki, kilsə tərəfdən yaxınlaşan və getdikcə sahil boyunda eşidilməyə başlayan at ayaqları tappıltısı və silah səsi eşitdi. O, həyəcanlanaraq anasının qucağına cumdu. -
Münzəvi qadın sapsarı saraldı. -
Aman Allah!.. Sən nə danışırsan! - dedi. - Lap yadımdan çıx- mışdı: səni təqib edirlər! Sən nə etmisən ki? -
məhkum ediblər! -
Ölümə? - Qudula bağırdı və sarsıldı. - Ölümə! - o təkrar etdi və diqqətlə qızının üzünə baxmağa başladı. -
gəlirlər. Bu dar ağacı mənim üçün hazırlanmışdır! Məni xilas et! Məni xilas et! Onlar yaxınlaşırlar. Məni xilas et! Münzəvi qadın bir müddət daş kimi hərəkətsiz qaldı; sonra, sanki, şübhə edirmiş kimi başını yırğaladı və birdən əvvəlki vəhşi qəhqəhəsilə gülərək bağırdı: -
Yox, yox! Sən nə danışırsan! Belə ola bilməz! Heç mümkün- dürmü ki, mən səni bircə dəqiqəliyinə tapmaq üçün on beş il göz- ləyim, ola bilərmi ki, mənim qızım artıq böyüdükdən, gözəl bir qız olduqdan sonra mənimlə danışarkən, məni sevərkən onu məndən ayırsınlar! Mümkündürmü ki, onlar mənim qızımı gözlərimin önündə, 783
downloaded from KitabYurdu.org Yüklə 6,79 Mb. Dostları ilə paylaş:
|