165
IV FƏSİL
QAN DÖVRANI
Ürəyin fiziologiyası: Qan insanda və heyvanlarda
ürəyin fəaliyyəti nəticəsində ürək-damar sistemində
fasiləsiz hərəkət edərək öz funksiyalarını yerinə yetirir.
Ürək döş qəfəsində ağciyərlərin arasında soldan sağa
assimmetrik vəziyyətdə yerləşir. Ürək daxili qişa –
endokard, orta – miokard, xarici – epikarddan təşkil olub,
ürək kisəsi-perikardın içərisində yerləşir. Perikardın
daxilində ürək mayesi yerləşir. Bu maye ürəyi sürtünmə və
zədələrdən qoruyur.
Ürəyin əzələ qişası onun hər yerində bərabər
qalınlıqda olmur.
Məməli heyvanlar və insan ürəyi 4 kameralı olub, 2
qulaqcıq və 2 mədəcikdən ibarətdir. Sağ qulaqcıqla sağ
mədəcik arasında üç, sol qulaqcıqla sol mədəcik arasında
isə iki taylı qapaqlar yerləşir.
Aypara qapaqlar sol mədəciklə aorta arasında və
sağ mədəciklə ağciyərlər arasında yerləşirlər. Onlar
damarlara tərəf açılırlar. Qapaqlar qanın bir istiqamətdə
axmasına şərait yaradır.
Ürəyin daxilində onun aparıcı sistemi yerləşir. Sağ
qulaqcığın arxa divarında sinir və əzələ hüceyrələrindən
əmələ gəlmiş Sinus düyünü yerləşir. Bu düyünlə əlaqəsi
olan ikinci düyün sağ qulaqcıqla mədəcik arasında yerləşir
ki, buna atrioventrikulyar və ya Aşoff-Tavar düyünü
deyilir. Bu düyündən qulaqcıqlarla mədəciklərarası
arakəsmədə yerləşən və mədəciklərin əzələ qişasını əhatə
edən Purkina liflərini əmələ gətirən Hiss dəstəsi vardır.
Ürək yığıldığı zaman təzyiq yaradır, ürəyin yığıl-
166
masına sistola, boşalmasına isə diastola deyilir. Normal
fəaliyyət zamanı ürək dəqiqədə 70-75 dəfə döyünür.
Ürəyin bir döyünməsi 0,8 saniyə, o cümlədən qu-
laqcıqların sistolası 0,5 saniyə, mədəciklərin sistolası 0,3
saniyə və pauza 0,4 saniyə davam edir.
Şəkil 97. Böyük və kiçik qan dövranı.
Fizioloji təcrübələrin obyekti kimi qurbağa istifadə
olunur. Ürəyin fiziologiyası qurbağa ürəyi üzərində
öyrənilir. Qurbağa ürəyi üç kameralı olub, iki qulaqcıq və
bir mədəcikdən ibarətdir. Qan damarları ürəkdən çıxır və
ürəkdə qurtarır. Mədəcikdən çıxan qan damarlarına
arteriya, ürəyə gələn qan damarlarına vena deyilir.
Qan dövranı iki cür olur: böyük və kiçik. Böyük
qan dövranı sol mədəcikdən aorta ilə başlayıb, bədənin hər
tərəfinə yayılır.
Maddələr və qazlar mübadiləsindən sonra hüceyrə
və toxumalarda arterial qan venoz qana çevrildikdən sonra
167
aşağı və yuxarı boş venalar vasitəsilə əvvəlcə ürəyin sağ
qulaqcığına, oradan isə sağ mədəciyə dolur. Buradan
ağciyər arteriyası ilə kiçik qan dövranı başlayaraq
ağciyərlərə daxil olur.
Ağciyərlərdə qazlar mübadiləsi zamanı CO
2
xaricə
verilir, qan isə oksigenlə zənginləşir, nəticədə venoz qan
arterial qana çevrilir və dörd ağciyər venası vasitəsilə sol
qulaqcığa tökülür.
Qan damarlarındakı təzyiqlər fərqi sayəsində qan
arteriyalardan venalara doğru fasiləsiz axır.
47 saylı iş. Qurbağa ürəyi fəaliyyətinin müşahidəsi və
qrafik qeydi
Ürək fəaliyyətli üzvlərdən olub, yuxarıda qeyd
olunduğu kimi mühüm vəzifə daşıyır. Ürək fəaliyyətini
müşahidə etmək və qeydə almaq (kardioqrafiya) üçün
adətən qurbağa üzərində təcrübə aparılır. Qurbağanın ürəyi
2 qulaqcıqdan, bir mədəcikdən və venoz cibdən ibarətdir.
Buna müvafiq olaraq, qurbağa ürəyi döyünməsinə
qulaqcıqların sistola və diastolası, mədəciyin sistola və
diastolası və pauzadan əlavə, venoz cibin sistola və
diastolası aid edilir.
Qurbağanın döş qəfəsini açdıqda, ürək fəaliyyətini
adi gözlə də görmək mümkündür. Lakin ürək fəaliyyətinin
ayrı-ayrı fazalarını müşahidə etmək üçün ürək fəaliyyətini
yazmaq üsulundan istifadə edilir. Bu zaman ürəyi ürək
fəaliyyətini yazan kardioqrafla birləşdirib, kimoqraf
vasitəsilə kağız üzərində yazılır. Alınan yazını
kardioqramma, yazmaq prosesinə isə kardioqrafiya deyilir.
168
Şəkil 98. Qurbağanın ürək fəaliyyətinin qrafik qeydi:
1-rıçaq; 2-serfin.
Şəkil 99. Qurbağada kardioqrafiya. Kimoqraf:
1-Engelman lingi; 2-yazı qələmi; 3-baraban;
4-elektromaqnilt vaxt qeydedicisi; 5-kimoqraf;
6-saat mexanizmi; 7-disk; 8-serfin.
Lazım olan material və avadanlıqlar: qurbağa, man-
tar lövhə, pinset, qayçı, sancaqlar, iynə, sap, soyuqqanlılar
üçün fizioloji məhlul, kimoqraf, kadiroqraf, pambıq.
169
İşin gedişi: Qurbağa ürəyinin fəaliyyətini yazmaq
üçün döş
qəfəsini açmazdan əvvəl onu
hərəkətsizləşdirirlər. Bunun üçün efir, xloroform və s.
maddələrdən və ya mərkəzi sinir sisteminin pozulması
üsulundan istifadə edirlər.
Qurbağanı hərəkətsizləşdirmək üçün xloroform və
ya efirlə isladılmış pambığı içərisində qurbağa olan
kalpakın içərisinə qoyurlar. Bir neçə dəqiqədən sonra
qurbağa hərəkətsizləşmiş olur.
Mərkəzi sinir sistemini pozmaqdan ötrü sol ələ
alınmış qurbağanın başını sərbəst buraxıb, sağ əllə ənsə
dəliyinə iynə batırıb, əvvəl baş, sonra isə onurğa beyni
pozulur. Belə qurbağanı cərrahi stola bərkidib, cərrahi
pinset ilə döş nahiyəsinin dərisini yuxarı qaldırıb iti qayçı
vasitəsilə kəsib atırlar. Sonra pinsetlə döş sümüyünün
xəncərvarı çıxıntısından tutub qaldırmaqla üçbucaq
şəklində həmin nahiyənin sümük və əzələlərini kəsirlər.
Ürəyi ürək kisəsindən ayırmaq üçün, kisəni ürəyin zirvəsi
tərəfdən pinsetlə tutulur, bir qədər qaldırıb kəsilir və ürək
kisədən azad edilir. Bu zaman ürəyin fəaliyyəti aydın
nəzərə çarpır. Ürək fəaliyyətini qeyd etmək üçün
Engelmanın kardioqrafından istifadə edilir. Bu cihaz metal
ştativdən və ona keçirilmiş ikiqollu lingdən ibarətdir. Ling
öz oxu ətrafında hərəkət edir. Lingin uzun qoluna xüsusi
elastik yazıcı birləşdirilir. Yazıcı 45
0
bucaq altında
kimoqrafın silindirinə toxundurulur.
Lingin
qısa qoluna keçirilmiş və sapla bağlanmış
serfini diastola zamanı ürəyin zirvəsinə keçirilir və
kimoqraf üzərində izlər buraxır.
170
Şəkil 100. Qurbağa ürəyinin kardioqramması:
a-qulaqcıqların sistolası; b-mədəciyin sistolası;
d-mədəciyin diastolası; v-ümumi pauza.
Qeyd etdiyimiz kimi, kimoqrafın hisli kağızı
üzərində alınan
əyriyə kardioqramma deyilir.
Kardioqrammada kiçik və böyük dişlər görünür. Kiçik
dişlər qulaqcıqların, böyük dişlər mədəciklərin fəaliyyətini
əks etdirir.
48 saylı iş. Ürək fəaliyyətinin avtomatizmi
Bədəndən ayrılmış və sinir əlaqəsi kəsilmiş ürəyin
xaricdən heç bir təsir olmadan öz-özünə təqəllüs etməsinə
ürək avtomatizmi (yunanca autos-özü) deyilir. Başqa
hüceyrə və toxumalara nisbətən ürək əzələlərində bu
hadisə daha yüksək dərəcədə inkişaf etmişdir. Bədəndən
ayrılmış qurbağa ürəyini Ringer məhlulunda saxladıqda, o
bədəndən xaricdə saatlarla işləyir. Bu məqsədlə bədəndən
ayrılmış qurbağa ürəyini Ştraube üsulu ilə, yəni aortasın-
dan mədəciyə doğru kanyula keçirib, kanyuladan Ringer
məhlulu buraxdıqda o fəaliyyətini davam etdirir. İstiqanlı
heyvanların bədənindən ayrılmış ürəyindən Langerdorf
Dostları ilə paylaş: |