61
istifadə də fərqlənir. İslahat prosesinin empirik reallıqları təşkilatlanmada sınanmış metodlardan
istifadə etməni qarşıya qoyur. Burada daha çox hadisələrin hissəvi və tamlı formada
öyrənilməsini nəzərdə tutan analiz və sintez metodu fərqli mövqeydə dayanır.
Analiz və sintezin
uzlaşması sistemli kompleks yanaşmanın təsərrüfat həyatına münasibətini əks etdirir.
XIX əsrdə iqtisadiyyat tutqun elm sayılırdı. İqtisadiyyat çox vaxt elə siyasi iqtisad adlanır.
İqtisadiyyatın elmi məzmun alması prosesi Avropa müstəvisində orta əsrlərdən
start götürür. İngilis Ulyam Petti (1623-1687) siyasi statistikanın yaradıcısı
iqtisadiyyatın Kolombu adlanır. İlkin kapital yığımının qanunauyğunluqlarını
öyrənən iqtisadi təlim- italyanca sətri mənası tacir anlamını verən merkantalizm
iqtisadi münasibətlərin dövlət tənzimlənməsi tərəfgirliyindən çıxış edir.
Məhdudiyyətlərlə müşayiət olunan merkantalizmə Fransada daha çox riayət
olunmuşdur. İqtisadi nəzəriyyənin genolojı şəcərəsi öz kökünü digər istiqamətdə
Fransua Kene (1694-1774) simasında fiziokratlar adlanan fransız iqtisadçılarının
yeni iqtisadi məktəbin yaranması ilə tapır. F.Kene ilk makroiqtisadi modelin
yaradıcısı kimi, fiziokratlar və merkantalistlərdən fərqli olaraq özünü iqtisadçı
adlandıran ilk alim olaraq iqtisadi tədqiqatı tədavül sferasından istehsala gətirərək
kapitalist istehsal sisteminin elmi təhlilinin əsasını yaratmışdır. Hər iki mərhələdən
bəhrələnən şotland Adam Smit (1723-1790) iqtisad elmində inqilab edərək, klassik
siyasi iqtisadın təməlini qoymuşdur. David Rikardo (1772-1823), Tomas Maltusun
(1766-1834) simasında şəcərə sağ və sol qollara ayrılmışdır. Rikardo təlimi sonradan
həm marksist, həm də neoklassik nəzəriyyənin təməlində dayanmışdır. Maltusdan isə
Kenenin nəzəriyyəsi qidalanmışdır. Bu şəcərə yenidən müasir iqtisadi nəzəriyyə
sosialist iqtisadiyyatı və keçid iqtisadiyyatı əlaqəsində yaxınlıq əldə etmişdir.
İqtisadi göstəricilərin tədqiqat obyektinin quruluşunu ifadə edən modelləşmənin praktiki
vəzifəsi iqtisadi situasiyanın proqnoz və analizini, gerçəkləşmə planını ilə bağlıdır. Modelləşmə
iqtisadi islahat proqramının hazırlanmasının təməlini təşkil edir. Bu baxımdan modelləşmə və
iqtisadi model anlamının nəzəri və təcrübi formalarının mənimsənilməsi
islahat prosesində
əhəmiyyət kəsb edən məsələlərdəndir. Model, nümunə, qeyri-real analoq predmetin, prosesin və
hadisənin görnüşününü əks etdirərək nəzəri-tədqiqi və tətbiqi kateqoriyalara bölünür. Modellərin
bölüşdürücü, adaptiv, immitasiyon, makroekonomik, mikroiqtisadi, matrissa, riyazi və qrafik
formaları mövcuddur. Statitistik vəziyyəti xarakterizə edənlər statistik, inkişafı tərənnüm edənlər
dinamik, bir və ya bir neçə riyazi ifadə ilə iqtisadi prosesi və hadisəni
ifadə edənlər riyazi-
iqtisadi modellər adlanır. İqtisadiyyatda düzbucaqlı formada rəqəmli Cədvəl və riyazi vektor,
sütunlu matrissa, real dünyanı dəyişən, təşkilatı situasiyaların qarşılılıqlı rabitəsinin riyazi
görünüşünü verən imitasiyon modellərdən daha çox istifadə olunur. İri və orta həcmli
müəssisənin fəaliyyətinin imitasiya və analizi üçün sahələr arası balansın karkası, təsərrüfat
hesabı, iqtisadi-statistik modellərin tətbiqi daha geniş yayılmışdır. Quruda yerləşən
neftqazçıxarma kompleksi iri təsərrüfat kateqoriyasına daxil olduğundan burada aparılan
islahatlar prosesində yuxarıda nəzərdən keçirilən iqtisadi modellərin hər birindən istifadə etmə
imkanlarının meydanı genişdir. Bizim tədqiqat obyektində də bu modellərin müəyyən hissəsini
tətbiqi ifadəsini tapmışdır.
İqtisadi təhlil obyekti sosial-siyasi «konteksti» və iqtisadi «teksti» vəhdətində hərəkətlilik
əldə edir. Bazar açıq və çoxölçülü mühitə çevrilir. Bütün bunlar elm qarşısında bazar,
dövlət və
fərdin qarşılıqlı münasibətinin yenidən dərkini şərtləndirir. Sistemli təkamül nəzəriyyəsi kimi
sinergetika riyazi çevrədə mükəmməllik əldə etmişdir. İqtisadiyyatda elə onun tətbiqi qeyd
olunduğu kimi klassik və institusional nəzəriyyələrin nailiyyətlərini birləşdirən əlavə metodoloji
axtarışlar tələb edir.
Yeniləşmə, islahat tədbirlərinə praqmatik yanaşma ilə yanaşı tədqiqatda institusional
transformasiya onun zəruriliyi və əhəmiyyəti də təhlil edilir.
62
Amerikan köklü və mənşəli institusionalizm son illərdə Rusiya iqtisad elmində
dərin yer almışdır. Rusiyalı alimlər hazırda bu sahədə xeyli qabağa getmişlər.
İnstitusionalizmə müasir mərhələdə postsosialist transformasiyasının nəzəri mənbəyi
kimi də baxılır. O, iqtisadi təfəkkür və düşüncəni istiqamətləndirir. Burada iqtisadi
qərarların qəbulunda-institutlar, dövlət, qanunçuluq, ictimai təşkilatlar, strukturlar,
ənənə və sair iqtisadi, qeyri-iqtisadi xarakterli təsisatlar mühüm rol oynayaraq,
iqtisadi münasibətlər şəbəkəsində əhəmiyyətini nümayiş etdirir. İqtisadi
münasibətlərin subyektlərini, şəxsi maraqlarını öyrənməyə etiraz edən
institusionalizm ictimai motivlərə, insanların davranışlarına üz tutur və bazarın
avtomatik tənzimlənməsi konsepsiyasını tənqid edir. Keçid iqtisadiyyatında
institusionalizm özəlləşdirmədə, sahibkarlıqda, maliyyə sənaye qruplarının
yaradılmasında və biznesin digər sahələrində istifadə edilir.
Polşa «şok terapiyasının» müəllifi L.Balseroviç postsosialist keçidini institusional
dinamikanın xüsusi hadisəsi hesab edir. İqtisadi gerçəkliklərə institusional yanaşma böyük
faktiki materialın tədqiqinə,
o cümlədən, mülkiyyət dəyişiklikləri ilə yanaşı, yeni strukturların
yaradılması, mikrosəviyyədə professional və sosial qrupların hərəkət və motivlərini təhlil etməyə
imkan verir. Rusiyalı alim V.A.Kryukov özünün «Neft-qaz sektorunun institusional strukturu:
transformasiyanın problem və istiqamətləri»
12
əsərində qeyd edir ki, neft-qaz sektorunda
institusional strukturların dinamikası iqtisadi institutların aşkarladığı meyllərə və
qanunauyğunluqlara cavab verir. Yeni institusional gerçəkliklər istehsal xərclərinə təsir edərək
daha az məsrəfli təsərrüfat əlaqələri yaradır. Uzun tarixi yol keçərək, institusionalizm müasir
mərhələdə ənənəvi müxtəlifliyi ilə texnoloji baza əsasında yanaşmada daha çox texnoloji
determinizmlə fərqlənən neoinstitusionalizm intişar tapır.
İqtisad elmi yeni epoxial mərhələnin, iqtisadi sinergetikanın astanasındadır. XX əsrin
sonlarında elmdə formalaşan postqeyri-klassik paradiqma mürəkkəb sistemlərin özünütəşkil
nəzəriyyəsi-sinergetikaya ictimai elmlərin artan marağı müşahidə olunmuşdur. Özütəşkil
prinsiplərinə əsaslanan mürəkkəb açıq sistemlərin təkamül nəzəriyyəsi
sinergetikada ehtiva
olunur. Qeyri-xətti elm sinergetika analizi deyil, sintezi ehtivə edir. İndi iqtisadiyyatda məhdud
resursların optimal bölgüsünü ifadə edən klassik xətti yanaşma mühiti kimi baxışın özü də
məhdudlaşmış, çağdaş zamanda neoklassik və institusional yanaşmanın imkanları tükənmişdir.
Müasir dunyada iqtisadi siyasətlə praktikanı birləşdirən təhlil metodologiyasının dəyişkənliyini
tələb edən yeni körpü kimi sinergetika çıxış edir. Səbəb-nəticə əlaqəli xətti modeli qeyri-xətti
yanaşmalar əvəzləyir. Burada iqtisadiyyat özünü təşkil prinsiplərinə əsaslanan təkamül sistemli
vəziyyətdə dayanan mürəkkəb struktur sahələr və avtonom sektorlu şəbəkə kimi qəbul edilir.
Obyektiv kortəbii primatı subyektiv primat, istehsal
, real kapital primatını maliyyə kapitalı
əvəzləyir.
XX əsrin sonlarında elmdə qeyyri-səlis çoxluqlar nəzəriyyəsi yer aldı. Yeni elmi
metodologiyanın arxitektorları sırasında baş memar kimi Azərbaycan əsilli məhşur
alim Lütvi-Zadə dayandı. Qeyri-klassik və qeyri-səlis elmi metodologiyanın ən
mühüm xüsusiyyəti, mürəkkəb sistemlərdə müşahidəedici subyektin önə çəkilməsi və
vəhdətdə çatması amilidir. Qeyri-səlis çoxluqlar nəzəriyyəsinə görə, cəmiyyət,
subyektlər, hadisələr, münasibətlər, qarşılıqlı təsirlər və prinsiplər çoxluğu ilə
səciyyələnən bir çoxluqdur. Qeyri-səlis səlis və dəqiq düsturu müəyyən edir.
İslahatlar prosesində simmetrizm və xaotizm prinsip və reallıqları da nəzərə alınmalıdır.
Hərəkətin qaydalılığı və ya qaydasızlığı digər anlamda xaotikliyinin dərəcəsi spektr düzümünün
bərabər ölçülülüyü ilə mühakimə oluna bilər. Bu xarakteristika tipoloji entropiyanın əsasında
12
Крюков В.А. «Институциональная структуры нефти-газ добивающего сектора: проблемы и
направлении трансформации». Вопросы экономики. 2001. №3. səh. 98