67
yeniləşməyə, səmərəliliyi artırmağa praktiki imkanları olmur. Belə sərt
vəziyyət bütün iqtisadi
həlqəni-habelə uçot prosesini deformasiyaya uğradır, renovasiyanı imkansız edir, təşkilatlara
tətbiq edilən fiksal təyinatlar, vergi sistemi isə onun iqtisadi gücünü zəiflədir. Büdcəyə ödəniləsi
təxsisatların isə müəyyən hissəsi ilbəil keçici olaraq qalır.
Neftə və neft məhsullarına tətbiq edilən daxili qiymətlər də maliyyə sefarasının
dayanaqlılığında əks olunur. Daxili qiymətlər dövlət sektoru müəssisələri üçün daha səmərəlidir
və çox ehtimal ki, həm də zəruridir. Onun bazar prinsipli iqtisadiyyata tam şəkildə tətbiq
edilməsi nə qədər effektli ola bilər? Burada vurğulanan bir cəhət yaddan çıxarılmamalıdır ki, neft
diskont meylli əmtəədir. O, ödənişini gözləmədə səbirli deyildir. İndi dünya neft bazarlarında
BNB-də forvard, fyuçers əməliyyatlarının gündəlik reallığa çevrildiyi məqamda daxili bazarda
onun sərt qiymətli satışı məqbul hesab edilə bilməz. Digər tərəfdən, opponentlər daxili iqtisadi
reallığın dünya standartlarına qeyri-müvafiqliyinə işarə etməklə enerjidaşıyıcıların
respublika
daxilində satış qiymətlərinin mülayim olduğunu əsaslandıra bilərlər. Lakin mövcud bu təzadlı
sabitliklə razılaşmaq olmur. Daxili bazardakı qiymətlər reallığı əks etdirmir. Müqayisə üçün heç
bir təbii neft-qaz resursları olmayan qonşu Ermənistanda daxili qiymətlərdə müəyyən
kiçikölçülülük buna misal ola bilər.
Sovetlər İttifaqının dağılması ilə əlaqədar köhnə neft yataqlarında istismarı həyata keçirən
istehsalat birliklərində, xüsusən də, qurudakı kompleksdə böhranlı vəziyyət bütün guşələrə
siyarət etdiyi kimi, normal strukturun pozulması, dağılması elmi interpretasiyada destruksiyası
da baş vermişdir. Böhranlı vəziyyət İttifaqın bütün neft sənayesinin müxtəlif səviyyədə əhatə
etsə də, bir çox periferik istehsalat qurumları ehtiyat potensialına və ucuz istehsal xərclərinə
rəğmən öz mümkün səmərəliliyini qoruyub saxlamışdır.
Məlumdur ki, XX əsrin 50-ci illərindən
başlayaraq Azərbaycanın qurudakı neft yataqları yeni perspektivli yataqların istismara verilməsi
müqabilində öz əvvəlki sanbalını və əhəmiyyətini itirmişdir. Analoji proses 1990-cı illərdə
Xəzərin köhnə neft yataqlarını da əhatə etmişdir. Belə vəziyyət Azərbaycan neftqazçıxarma
sənayesini qütübləşlənmə, daha dəqiq isə böyük və kiçik, təzə və köhnə, mərkəzi və əyalət
kateqoriyalı təsnifata məruz qoymuşdur. Tanınmış Polşa statistiki Mixail Koleski iqtisadiyyatı
mərkəzi və periferik sektora bölgüsü makroiqtisadiyyat konteksti ifadə etsə də, oxşar fərqlilik bu
gün Azərbaycanın neft sektorunda mərkəzi və əyalət təsnifatında daha çox nəzərə çarpır. Məcazlı
bənzətmədə indi offaşor zonada fəaliyyət göstərən beynəlxalq əməliyyat şirkətləri
daha böyük
maraqları ifadə etdiyi üçün «mərkəzi», köhnə istismar sahələri isə «əyalət» iqtisadiyyatı
statusuna mənsubluğunu diqqətə gətirir. Milli neft-qaz sektorunun bu ikili bölgülülüyünə rəğmən
biz islahatlar prosesini mümkün əlverişli şərait və şərtlər toplumunda optimum həlli imkanlarını
aramaqla həm də iqtisadiyyatda pauperizasiyanın cilovlanmasında neft amilindən səmərəli
istifadəni təmin etməliyik.
Real sektorda, o cümlədən, bizim tədqiqat obyektində praktiki transformasion nəticələri
mümkün edən islahatlar sistemi hələ tam təşəkkül tapmamışdır. Epiqon-təlqidçi, kosmetik və
simvolik bazar aksesuarları əsaslı dəyişikliklərə yol açmır. Bir sıra uyğun profilli iri istehsal,
təchizat komplekslərində müəyyən özəlləşmə, səhmləşmə aparılsa da,
onlar bazar tələblərinə
uyğun səmərəli iqtisadi təşkilatlanmanı tam və dolğun aspektdə təmin edə bilməmişlər. Bazar
prinsiplərinə müvafiq olmayan izafi məşğulluq, bahalı sosial infrastruktur və inhisarçı statusu bu
təşkilatların səmərəli fəaliyyətlərini məhdudlaşdıran amillərdəndir. Göründüyü kimi, dəyişkənlik
tələbində daha çox ehtiyacı olan struktur koservasiyası keçid mərhələsini davamlı edir.
1970-ci illər karbohidrogen erasının adamları üçün qeyzlənmiş həyəcan,
gərginlik və dayanaqlı bədbinliklə müşayiət olundu. Ötən iki dünya müharibəsinin
təcrübəsi belə bir nəticəni aydın etdi ki, demokratik institutların həyat qabiliyyətində
iqtisadi artım nə qədər böyük qüdrətə malikdir. 1973-cü ilə qədər neft
ixracatçılarının söylədikləri «Neft onların suverenitetini sıxışdırır», fikirini sonradan
böyük industrial ölkələr də ifadə etdilər.
Postsovet
ölkələrində olduğu kimi, Azərbaycanda da iqtisadi islahatlar beynəlxalq maliyyə
68
institutlarının məlum meyarları əsasında aparılır. Xarici tələblər əsasında aparılan, manevr
məhdudluğu ilə müşayiət olunan islahatların səmərəliliyi mübahisəli məsələdir. Qeyd olunduğu
kimi, oxşar təsərrüfat ukladlı ölkələrin təcrübəsi göstərir ki, bu formalı islahatlar sıçrayışlı,
pozitiv iqtisadi dirçəlişi təmin etmək qabiliyyətində deyil. Belə ki, 1990-cı illərdə aparılan
müvafiq yönümlü islahatlar Şərqi Avropa ölkələrində ÜDM-in 30%-i, MDB məkanında 60%
enməsinə səbəb olmuşdur. Bütün gücünü neft-qaz resurslarına səfərbər edən, Azərbaycanda da
analoji vəziyyət yaranmışdır. İndi ÜDM-nin adambaşına bölgüsünə görə, respublikamız keçmiş
İttifaq ölkələri arasında son 2-3 yeri bölüşdürür.
Azərbaycan iqtisadiyyatının əvvəllər 93%-i mərkəz tərəfindən idarə olunurdusa,
indi isə tam 100%-ini də özümüz idarə edirik. Respublikamızda dünya potensialının
1%-dən çoxu cəm olunmuşdur. Biz dünya əhalisinin 0,145%-ni təşkil etsək də, təbii
ehtiyatların bölgüsünda orta dünyəvi göstəricidən 10 dəfə çox yüksəkdəyik. Geostrateji
mövqeyi ilə iki qitənin qovşağında yerləşərək hər iki mədəniyyətin daşıyıcısı olmasına
baxmayaraq, Azərbaycana nisbi də olsa arxaik-ortodoksal Şərq ölkəsi kimi yanaşma
təzahürləri hələ də sezilir. Şühəsiz ki, belə meyl mütəşəkkil olmayan axıcı daxili
proseslərdən güc alır
.
Əlbəttə, bununla ölkədə aparılan islahatların nəticəliyinin heçə endirlməsinə işarət olunmur
Ədalət naminə qeyd olunmalıdır ki, respublikada inflyasiyanın müəyyən cilovlanması, pul
məzənnəsinin stabilliyi, büdcə kəsirinin mülayimləşdirilməsi və digər makroiqtisadi sabitliyə
gətirən ayrı-ayrı pozitiv əlamətlər, meyllər dəyərləndirilən cəhətlərdəndir. Bununla belə,
beynəlxalq maliyyə institutlarının respublika iqtisadiyyatına münasibəti daha fərqli yanaşmada
təzahür etmişdir. Şirnikləndirici, «xamlama» mərhələsindən sonra milli iqtisadiyyatın ənənəvi
texnoloji
mahiyyəti, iqtisadi strukturu ciddi nəzərə alınmadan üçüncü ölkələr üçün işlənmiş aşağı
standartlı müvafiq iqtisadi mexanizmlərlə tətbiqi daha çox nəzərə çarpmışdır. İqtisadiyyatı qlobal
təsir mexanizmləri ilə nəzarətə alma, müdaxilə, milli intellektualların təjridinə gətirmiş, daimi
asılılıq mühiti formalaşdırılmışdır. İnvestisiyaların 5-10%-i, bəzən bundan da iki dəfə artıq
olmaqla xarici konsultantların sərəncamına verilir. Prosesə yerli mütəxəssislər cəlb edilmir.
Əcaba uzun illər üç qitədə əksər neft rayonlarında mühəndis təlimi vermiş, dünya neft-qaz
elminin formalaşmasında fundamental xidmətləri olmuş respublika mütəxəssisləri müvafiq
profilli layihələrin işlənməsində nə qədər səriştəsiz ola bilərlər? Digər tərəfdən qeyd olunmalıdır
ki, bu ərəfədə yeni problemlər pul dövriyyəsindəki gərginlik, barter əyintiləri ilə müşayiət olunan
təsərrüfatçılıq, qeyri-ödənclərin
yüksək səviyyəsi, bürokratiya və korrupsiya, real sektorun
depressiyası, tədiyyə balansının mükəmməlsizliyi, artan xarici borclar, investisiyaları yalnız bir
sektorda yığımı və sair neqativ iqtisadi halları da yaranıb genişlənmişdir. Ənənəvi neft
istehsalçısı olan ölkədə ən sadə təchizat komponentləri indi idxal olunur. Daxili bazar xarici
istehsalçıların dərinləşən inhisarına düşmüşdür.
İttifaqın dağılması bütünlükdə Azərbaycan iqtisadiyyatı, o cümlədən, onun ayrı-ayrı
istehsal sferalarını keçmiş ümumi iqtisadi bazardan əvvəlki ölçülərdə istifadədən məhrum
etmişdir. İndi tam olmayan müəyyən qədər yeni əlaqələr şəbəkəsi yaranmışdır. Biz indiki
reallıqlar əsasında yeni təsərrüfat əlaqələrinin qurulmasına, digər mənada Sovetlər İttifaqı
dövründə olduğu kimi işgüzar şəbəkənin möhkəmləndirilməsində səylərimizi artırmalıyıq.
İslahatların aparılmasında əsas
cəhətlərdən biri maliyyə dayanıqlığının əldə edilməsi ilə
bağlıdır. Səmərəli ödəniş sisteminin yaradılması, kreditorlarla, xüsusən də büdcə ilə
hesablaşmalarının optimal sxem üzrə aparılması əsas konturagentlərlə operativ qarşılıqlı təmas,
iqtisadi alətlərindən rasional istifadə maliyyə möhkəmliyini gücləndirən şərtdir. Bu baxımdan
maliyyə və pul dövriyyəsində nizamlama istehsal sabitliyini təmin edəcək mühüm amil olaraq
qalır. Düşünülmüş mükəmməl kredit siyasəti isə yaranmış borcların mütəmadi azaldılmasına,
onun daha mülayim operativ tənzimlənməsinə şərait yaradacaqdır.
Sərt maliyyə və icra intizamı, istehsal xərclərinə nəzarət strukturu sadələşdirən və
məhsuldar edən
restruktizasiya prosesinin aparılması islahat tədbirlərinin önündə gedir.