73
II Normativ-hüquqi baza
real bazar prinsiplərinə müvafiq hüquqi bazanın təkmilləşdirilməsi və
möhkəmləndirilməsi;
dəyişkənliyə, manevrliyə, davamlı inkişafa qarantlar verən müvafiq status və
səlahiyyətlərin əldə edilməsi və təminatı.
III Normativlərin təyinatı
iqtisadi-texniki və insani resursların qiymətləndirilməsi və yerləşdirilməsi;
istehsal gücünün müəyyən edilməsi;
yaxın və uzunmüddətli perspektiv üçün hasilat tempinin təyinatı;
istehsal faktorlarının, maya dəyəri komponentlərinin,
müvafiq məsrəf
elementlərinin proporsiyalarının, norma və normativlərinin standartlaşdırılması;
ayrı-ayrı yataqlar üzrə neft və qazın istehsal xərclərinin optimal elastik diapazonda
təyinatı və diferensasiyası
IV Texnoloji modernizasiya
texnoloji yeniləşmə, çevik amortizasiya siyasətinin aparılması;
qazma strategiyasının müəyyənləşdirilməsi;
neft
istehsalını böyük dövriyyədə təmin edən yeni infrastrukturun
formalaşdırılması;
istehsal prosesinin innovasiyon nailiyyətlər konteksində rekonstruksiyası;
V Menenjment strategiyası
struktur islahatları;
yeni idarəetmə şəbəkəsinin formalaşdırılması;
əməyin rasional təşkili, personalının
vəzifə
və öhdəliklərinin qəti
müəyyənləşdirilməsi, intizam sisteminin möhkəmləndirilməsi və erqonomik
təminat;
istehsalın prosesinin monitorinqi, daxili audit və çevik nəzarət sisteminin təşkili.
VI Maliyyə dayanaqlılığı
investisiya strategiyasının işlənməsi;
xarici bazarlara birbaşa çıxışın lisenziyalaşdırılması;
ödənişqabiliyyətinin artırılması
və möhkəmləndirilməsi, hesablaşmalarda
akkreditiv sisteminə keçid;
ödəməmələri tərid edən mexanizmlərin işlənməsi, vaxtı keçmiş borcların
restruktizasiyası;
vergi tətilləri və vergi imtiyazlarının əldə edilməsi;
səmərəli
uçot siyasəti;
fondyaratma sisteminə keçid, yığım, istehlak və ehtiyat fondların təşkili.
VII İnteqrasiya və sosial səmərəlilik
səhmdar əməkdaşlığın tətbiqi və genişləndirilməsi;
biznesin inkişafı və kommersiyalaşma;
marginal strukturlarda milli sahibkarların cəlb edilməsi ilə pilot müəssisələrinin
təşkili, lisenziya-konsessiya sisteminin tətbiqi,
səmərəli servis xidmətinin təşkili;
sosial təminatların
yüksəldilməsi;
ekoloji intizamın və təhlükəsizliyin möhkəmləndirilməsi.
Qlobal axın, inteqrasiyon proseslər, insan cəmiyyətinin tərəqqisi, empirik nailiyyətlər
dəyişikliklərin avanqardında gedərək islahatların səhv düzümünü daim korrektə edəcək və
təkmilləşməyə məruz qoyacaqdır. Bazar iqtisadiyyatı öz möhtəşəm tələbini ən ucqar istehsal
münasibətlərinə yetirəcəkdir. İslahatların sürəti dəyişdirici axını, keçid zamanın ömür
gödəkliyini təmin edəcəyi istinasız reallıqdır. Amalların gerçəkləşməsi səy və iradəmizin islahat
meylinə köklənməsindən keçir.
74
V FƏSİL
SAHƏDƏ STRUKTUR İSLAHATLARI VƏ İDARƏETMƏNİN
TƏKMİLLƏŞMƏSİ PROBLEMLƏRİ
5.1. Tarixi ekskurs: quruda neftqazçixarma kompleksinin müasir
strukturunun təşəkkül səlnaməsi
İnkişaf tarixində çox nəsil dəyişikliklərinə uğramış quruda neftqazçıxarma kompleksini
təcəssüm etdirən təşkilatın özünün də təbəllüdatlara olduqca böyük ehtiyacı vardır. Bir cəhəti
qeyd etməliyik ki, təkcə Sovetlər İttifaqı zamanı quruda hasiledici kompleks uzun müddət
«Azneft» adı ilə yaddaşlara hopmuş nəhəng istehsal qurumu kimi, çoxlu struktur islahatlarına
məruz qalmışdır. Azneftkombinat, Azərneftkomitə, Azneft, adları ilə müxtəlif
dövrlərdə həm
yerli və həm də mərkəzi icra orqanlarına-SSRİ Ağır Sənaye Nazirliyi, SSRİ Neft Sənayesi
Nazirliyi, SSRİ Ali Xalq Təsərrüfat Şurası, Azərbaycan Xalq Komissarlar Soveti, Azərbaycan
Xalq Təsərrüfatı Şurası, Azərbaycan Neft Sənayesi Nazirliyi və sair bu kimi tabeçilik
məqamlarında çoxsaylı struktur formalarda çıxış etmişdir. İndi böyük kapital və torpaqtutumlu
kompleksin bazar prinsipləri əsasında optimal strukturunun müəyyən edilməsi məqamı yetişmiş
və bu proses bəlkə bir qədər də gecikmişdir.
Uzun illər özünün ayrıca emal zavodlarına, magistral nəqletmə sistemlərinə malik olan
müvafiq istehsal kompleksinin yeni əsasda təşkilatlanması, konsolidasiyası olduqca vacibdir.
Neftlə bağlı amallarının fərqinə baxmayaraq islahat prosesinə yönələn baxış bucaqlarının bir
məxrəc altında birləşməsi bütün zaman hədlərini aşmışdır. Hadisələrin statistik və dinamik
inkişafından çıxış edərək kvazi-mini profilaktik tədbirlərdən ayırmaqla, daha ölçülü-biçimli,
unifikasiya edilmiş, milli mənafelərə uyğun
gələn sistemli, geniş islahatlar prosesinin
aparılmasına səfərbər olunmalıyıq.
Struktur dəyişiklikləri məşğulluğun da strukturunda analoji meyli stimullaşdırır. İstənilən
struktur islahatları iş yerlərinin də düzümünə yeni ştrixlər gətirir. Radikal dəyişikliklər isə çox
vaxt struktur böhranı ilə nəticələnir, deqradasiya proseslərinə yol açır. Lakin düşünülmüş, elmi
əsaslandırılmış struktur transformasiyası effektli təşkilatlanmanı formalaşdırır. Fikrimizcə yeni
yaradılacaq qurumun strukturu aşağıdakı tələblərin reallaşmasını təmin etməlidir:
elmi-texniki siyasətinin əsas istiqamətlərini, strateji inkişafı təmin edən prioritet
vəzifələri;
iqtisadi artımın və istehsal səmərəliliyinin yeni texnologiyalar əsasında yüksəlişini;
istehsalın yeni sektorlarının
inkişaf etdirilməsini;
idarəetmə sisteminin təkmilləşdirilməsini;
maliyyə dayanaqlığının möhkəmləndirilməsini.
Struktur islahatlarının geniş miqyaslı aparılmasına bir çox hadisələr öz təsirini göstərir.
Bazarın avtonom fəaliyyətini təşkil edə bilməməyimiz, təsərrüfat subyektlərini nisbi qiymətlər və
mənfəətin maksimallaşmasından doğan qərarlarla idarə edilməsi transformasiya imkanlarımıza
təsir etmişdir. Nə qədər ki, bazar iqtisadiyyatı tam gücü ilə cəmiyyətimizdə öz möhkəm yerini
tapmamışdır, keçid dövrü yaşayacaq və bütün mənfi proseslər bizə postkeçid iqtisadiyyatına
girişimizə qarşı əngələ çevriləcəkdir.
Neftqazçıxarma sənayesində istehsalın səmərəli təşkilində struktur islahatlarına rəğmən
hasilatın rentabelliyi, 1 ton neftin hansı ölçülü istehsal faktorlarına müqabilliyi
də təyin
edilməlidir. İstehsal xərclərinin rasionallığı müvəffəq əmək bölgüsündən də asılılığı diqqətdən
yayınmamalıdır. Təcrübədən məlumdur ki, irimiqyaslı istehsal komplekslərində səmərəliliyin
artırılması faktorlarının şəbəkəsi olduqca genişdir. Bu baxımdan maliyyə resurslarının yetərliliyi
möhkəm intizamlı idarəetmə və nəzarətin vəhdətində onu daha da mütəşəkkil edir. Dayanaqlı
təşkilatlanma strukturu qeyd etdiyimiz kimi möhkəm əsasda səhmdar əməkdaşlığa istinad edir.
Özünün üstün cəhətləri ilə fərqli xüsusiyyətə malik səhmdar sistemin leytmotivini onun