75
demokratikliyi səciyyələndirir. Mühüm operativ qərarların
tez qəbulunda rəhbərliyin
müstəqilliyi, səhmdarların məhdud məsuliyyət ilə cəmiyyətlərinin öhdəliklərinə müştərək
cavabdehliyi səhmdar təşkilata xas olan cəhətlərdəndir. Empirik tədqiqatlar və müşahidələr
göstərir ki, irimiqyaslı təşkilatların səmərəli fəaliyyəti struktur mükəmməlliyindən, mütəşəkkil
təşkilatçılıqdan xeyli asılıdır. Ən uğurlu biznes forması belə özünün mütləq müsbət keyfiyyəti ilə
yanaşı mənfi çalarlardan da azad deyildir. Lakin bazar quruluşlu təşkilatlarda struktur
mütəşəkkilliyi istehsal münasibətlərinə daha çox uyğunluğu ilə fərqlənir. Miqyaslı təşkilatın
resurs bazası yetərli olduqda buradakı səmərəliliyi artırmaq üçün maliyyə qaynağının, potensial
investorun cəlb edilməsi xüsusi reklamlar tələb etmir.
Məlumdur ki, mütərəqqi texnoloji
yeniliklərin daşıyıcıları nisbətən böyük təşkilatlardır. Bu baxımdan belə təşkilatlarda səmərəliliyi
artırmaq üçün mütərəqqi texnologiyalara əsaslanan investisiyaların cəlb edilməsi problematik
deyildir.
Milli neft-qaz kompleksinin köhnə yataqları əhatə edən strukturu planlı təsərrüfat
sistemindən miras qalmışdır. Yeni iqtisadi sistemə keçidin 10 ili ötsə də burada əsaslı struktur
dəyişiklikləri aparılmışdır. Təsərrüfat subyektlərinin məzmunu, quruluşu, istehsalat birliklərində
mərkəzi aparatın forması, ittifaqda mövcud olmuş strukturdan o qədər də,
köklü fərqlərə malik
deyildir. Bazar təcrübəsi göstərir ki, böyük və kiçikliyindən asılı olmayaraq neft-qaz hasilatını
təmin edən heç bir müasir şirkətdə müvafiq qurumlar mövcud deyildir.
Biz köhnə istismar sahələrində restruktizasiya, struktur islahatları təhlil etmədə burada
mövcud olan birliklərin keçid zamanında rəsmi statuslarına, onların nizamnamə hüquqlarına
nəzər yetirməyimizə ehtiyac vardır. Qeyd etdiyimiz kimi, Sovetlər İttifaqının zamanı vahid
qurum halında formalaşan bu komplekslərdə tarixi gerçəkliklərə müvafiq müntəzəm struktur
islahatları aparılmışdır. Şübhəsiz ki, belə islahatlar rəsmi nizamnamə dəyişiklikləri ilə müşayiət
olunmuşdur. «Azneft» İB-də yeni istehsal artımını təmin etmək üçün 1980-ci illərin sonunda
özünümaliyyələşdirmə və tam təsərrüfat hesabına keçidə qərar
verilmiş və beləliklə də,
islahatlara müvafiq olaraq 1988-ci ildə burada yeni nizamnamə təsdiq edilmişdir. Təsərrüfat
hesabı prinsipləri ilə özünüidarəetməyə əsaslanan, 34 struktur bölməni əhatə edən təşkilat neft-
qaz hasilatı ilə yanaşı, həm də onun yenidən istehsalı, kəşfiyyat-axtarış işləri, ayrı-ayrı maşın və
avadanlıq növləri, xalq təsərrüfatı istehlakı malları istehsalı və əhaliyə pullu xidmətlər daxildir.
Mərkəzi demokratizmə əsaslanan idarəetmə sistemi müstəqil özəlliklərlə baş direktoru seçki
əsasında beşillik müddətdə rəhbərliyə gətirir. Əlbəttə rəhbərliyin məsuliyyət sferasının genişliyi,
öhdəliklər, hüquq və səlahiyyətlər nizamnamə əsasları, onun işdən azad olunmasını o, qədər də
problemli etmir.
Müstəqilliyə qovuşduqdan sonra «Azneft» İB kimi dənizdəki müvafiq qurumun da ölkə
qanunlarına uyğunlaşdırılması üzrə tədbirlər görülmüşdür. Öncə bu qurumlar vahid struktur
halında birləşsələr də, 1994-cü ildən ayrılaraq ayrıca istehsal
birlikləri kimi fəaliyyətə
başlamışlar. Yeni təşkil edilən İB-lər Sovetlər İttifaqında mövcud olmuş adlanışları itirmiş,
müvafiq olaraq quru və dəniz istehsalat komplekslərinə çevrilmişlər. YEN-in yaradılması ilə
əlaqədar daxili strukturların yeni amalqamasiyası prosesi aparılır, neftayırma və neftqazçıxarma
birliklərinin qovuşdurulması strateji xətti kimi nəzərdən keçirilir. Daha çox QNQÇİB-nin qeyri-
rentabelli fəaliyyəti üzərində qurulan debatlar onun iflas təşkilat kimi, dramatik konteksdə «olum
və ölüm» məsələsini həllinə yönəlmişdir. Bizim üçün doğma olan bu təşkilatın 1990-cı illərin
əvvələrində olduğu kimi, yenidən başqa bir təşkilatın içində «əridilməsi» və ya mobil olmayan
çox kiçik hissələrə parçalanması yolverilməzdir. Azərbaycan neftinin beşiyi «Azneft»
təşkilatının hələ ən azı bir əsr yaşamağa tam maddi və mənəvi haqqı vardır. Birləşən təşkilatların
yeni aktivlərinin əvvəlkindən yüksək olacağı təqdirdə bu birləşmələrin sineqerik effekti yaxşı
nəticəliyi ilə fərqlənəcəyi belə sual altındadır. Hər bir birləşmənin iqtisadi, elmi məntiqlə
əsaslanan fundamenti olmalıdır.
Ötən əsrin 90-cı illərində neftin dünya bazarındakı qiymət böhranı bir çox ənənəvi lider
neft kompaniyalarının birləşməsinə səbəb oldu. Müvafiq birləşmələrə son dərəcə düşünülüb,
proqramlaşdırılmış strategiya və taktika hakim kəsildi. Digər tərəfdən bu birləşmələri də təkcə
76
qiymət fəsadları ilə bağlamaq düzgün olmazdı.
Göründüyü kimi, neftin qiyməti tezliklə yenidən
artaraq məjrasından çıxdı. Bu isə əks proseslərlə kampaniyaların ayrılmaları ilə müşayiət
olunmadı. Yüksək xərc tələbli yeni ərazilərin mənimsənilməsində aparıcı mövqedə çıxış edən
nəhəng neft TMK-larının birləşməsində
qeyd olunduğu kimi, daha uzunmüddətli elmi-iqtisadi
əsaslandırılmış strateji planlar durur. Təcrübi reallıq belədir ki, tarixən hər bir birləşmədə strateji
məntiqli kommersiya əsasları olmuşdur. Bununla belə, müvafiq birləşmələrlə yanaşı şirkətlər
alyansı da inkişaf dövrünü yaşamışdır.
Şirkətlər alyansı üç tarixi mərhələni əhatə edir:
o
köhnə ittifaqlar-tarixi ənənəyə əsaslanır.
o
ikinci dalğalı alyanslar-daha mütəşəkkil biznesə
və idarəetmə
mexanizmlərinə əsaslanır.
o
şəbəkəli alyanslar-partnyorların sayı, ərazi müxtəlifliyi texnoloji həlqənin
mürəkkəbliyi ilə fərqlənir və daha mükəmməl menecer hazırlığı tələb edir.
Hər üç alyans növü zəmanəmizdə paralel inkişaf tapsa da daha çox strateji
alyanslar adlanan ikinci və üçüncü növ alyanslar mütərəqqi hesab edilir.
QNQÇİB-də 28.01.94-cü ildə ARDNŞ-nin əmri əsasında 10.02.94 tarixində yeni
nizamnamə qəbul edilmişdir. ARDNŞ nizamnaməsi isə bu qeydiyyatdan xeyli sonra 1994-cü ilin
5 aprelində qəbul etmişdir. «Azneft» İB-nin mövcud olmuş nizamnaməsində səmərəlilik xüsusi
olaraq istiqamətləndirilmənin daha çox, fəaliyyətin minimal xərclər hesabına təmin olunması
üstün götürülmüşdür. Bir cəhəti də vurğulanmalıdır ki, nizamnaməsinə görə QNQÇİB-də özünün
inkişafını uzunmüdətli proqnozları rəhbər tutaraq planlaşdırır. Digər məqam isə ondan ibarətdir
ki, yeni nizamnamə nisbəti geniş yazılmış və səmərəlilik məsuliyyətləri ilə xeyli
zənginləşdirilmişdir. ARDNŞ-nin prezidenti tərəfindən təyinat alan baş direktor nizamnamədə
qəti qeyd olunduğu kimi, tək idarəçilik prinsipi əsasında işin düzgün təşkili üçün ARDNŞ-nin və
əmək kollektivinin qarşısında məsuliyyət daşıyır. Şərh olunan bu nizamnamə fraqmentləri hüquq
və vəzifələrin qanuni təsbitini işıqlandırır. Lakin onun keyfiyyətli və hüquqi standartlı tərtibatı
isə başqa bir mövzunun söhbətidir. Nizamnamədəkindən fərqli olaraq İB-də idarəetmədə köhnə
meyarlara əsaslanan plan təsərrüfat ovqatlı forma mövcuddur. Uzun müddət rotasiya olunmayan
idarəetmə aparatı özünün sistemaltı məmur lobbisini və mühafizəkar direktorlar korpusunu
yaratmışdır. Belə vəziyyət isə özü-özluyündə idarəetməni və struktur islahatlarının
təkmilləşməsini o qədər də sürətli etmir. Xüsusi bir cəhəti isə onunla izah edilir ki, demokratik
azad bazar prinsiplərini təcəssüm etdirən bazar strukturlu mexanizmlər nizamnamədə təsdiqini
almamış və bu keyfiyyət özü də bazar islahatlarının aparılmasında maraqları gödəltmişdir.
5.2. Köhnə istismar sahələrində struktur islahatlarınn aparılmasının zəruriliyi
Tarixin möhtəşəm istehsal planları epoxası sona çatmışdır. Keçid iqtisadiyyatının Polşa
bənzərli MDB variantı özünün radikal müqəddəm- «şok terapiyası» mərhələsini də arxada
qoymuşdur. Şərqi Avropanın postsosialist sistemi ölkələri artıq keçid dövrünü tamamlayaraq
Avropa Şurası, NATO və digər beynəlxalq strukturlara inteqrasiya olunmuş, daha çeviklər isə
Avropa Birliyinin qapıları astanasında qərar tutmuşlar. Bu ölkələr fərqli islahat strategiyası qəbul
etmiş və uğurla liderliyi ələ almışlar.
Sovet çoxkollektivlilik ənənələri əsasında formalaşan respublikanın sənaye kompleksləri
özünün miqyaslılığı ilə fərqlənmişlər. Böyük ölkədə hər hansı bir istehsal qurumu üçün 500-
1000 nəfərlik işçi heyəti orta standart kimi qəbul edilmişdir. İndi bazar prinsiplərinə keçiddə belə
çoxşaxəlilik mürəkkəb komplekslərin birbaşa özəl əllərə verilməsini xeyli çətinliklərə məruz
qoyur. Mürəkkəblik müsbət aspektdə «parçala, hökm sür» prinsipini də bəzən uğursuz edir.
Bununla belə, oxşar istehsal sahələrini parçalayıb müstəqil rəqabət konturlu təşkilatlara
çevrilməsi imkanları da hələ ki, tükənməmişdir. Postindustrial cəmiyyətin
məziyyətlərindən biri