71
İlk mərhələdə köhnə təsərrüfat üsulunun tam demontacı və yeni struktura
transformasiyanın reallaşması-2002-2010-cu illər;
İkinci mərhələdə səhmləşmənin, bazar prinsiplərinin əsaslı bərqərar olması ilə keçid
iqtisadiyyatının əks etdirən əlamətlərin tam təcridi-2010-2015-ci illər;
Üçüncü dövlətin əsas nəzarət paketinin digər səhmdarlara verilməsilə yeni islahat
mərhələsinə hazırlıq-2015-2020-ci illər.
İslahatların strategiya və taktikasının müəyyən edilməsində strateji planda nəyi və nələri
həll etməliyik; operativ və taktiki addımlar nədən ibarət olacaqdır; mənfi və müsbət cəhətlərin
saldosu nə qədərdir, kimi suallarla qarşılaşma vardır.
Strateji istiqamət səmərəlilik, rentabellik və
mümkün istehsal və iqtisadi artım vəhdətində nəzərə alınmalıdır. Biz tədqiqatımızda nisbətən
çox olaraq quruda neftqazçıxarma kompleksində mövcud vəziyyəti əks etdirən materiallar yığımı
şəraitində burdakı durumu səciyyələndirən cəhətləri canlandırmışıq. Bununla belə, çox zaman
önə çəkilməyən istehsal strukturu, idarəetmə reciminin mahiyyətini də açıqlamağa təşəbbüs
edəcəyik.
Keçmiş planlı iqtisadiyyatda olduğu kimi, hasilat tapşırıqları digər göstəricilərin bazasını
təşkil edir. Respublika İİN, YEN, ARDNŞ, QNQÇİB-nin təqdim və israr etdiyi göstəricilər
əsasında son illər ərzində formalaşmış, sabitləşmiş mümkün
daxili qiymətlər, büdcə tələblərində
əks olunaraq neft iqtisadiyyatının sonrakı sektorları-nəql, emal təchizat və satışda müvafiq sıxıcı
rentabelliliyə uyğun maya dəyəri parametrlərinin təyinatına zəmin olur. Digər iqtisadi ünsürlər
isə fiskal və maliyyə-kredit siyasətinin elementləri üzrə müəyyənləşir. Neft sektorunda mövcud
«status-kvo»nu saxlamağa cəhd edən «komandir və komanditlər»in müəyyənləşdirdiyi bir
həqiqət də vardır ki, əlaqələndirici mərkəzi icra orqanlarında onların «mətbəxin»in sirrinə vaqif
olanlar yox həddədir. Müəyyən proteksiya əsasında təyinat almış təsərrüfat rəhbərləri, funksional
dövriyyənin mühüm «dispetçerləri» öz postlarında qalmanı yalnız kəmiyyət kateqoriyasına
əsaslanan plan tapşırıqlarının davamlı yerinə yetirilməsi ilə mühafizə edirlər. Belə şəraitdə
əməyin motivasiyası deqradasiyaya uğrayır, təşəbbüskarlıq, təşkilatçılıq, qənaətçilik
əhəmiyyətini itirir. Diqqətə gətirilən fəaliyyət əsasən aşağıdakı istiqamətlərlə şərtlənir:
loyallıq;
plan tapşırıqlarının və büdcə öhdəliklərinin
mütləq yerinə yetirilməsi;
təsərrüfat sabitliyi və kollektiv həmrəylik.
Şübhəsiz ki, belə şərait mühafizəkarlıq meyllərini gücləndirir, təşəbbüs imkanlarını
gödəldir, kadr professionalizminə ciddi təsir edir və bütün mütərəqqi dəyişikliklərin qarşısını
alır. Növbəti mərhələlərdə də postlarını qorumaq məqsədilə ehtiyat üsul kimi əsas aparıcı heyət
rəhbərləri artıq dəbə düşmüş elmi rütbə əldə etməyə meyl edirlər. Bu axında həqiqi istedadların
elmi fanatizi də istisna olunmur. Sovetlər İttifaqında da oxşar təzahürlər olmuşdur. Lakin fərq
ondan ibarət idi ki, əksər hallarda elmi rütbə vəzifə ierarxiyasının yüksək postuna yiyələnməzdən
əvvəl və ya çox nadir məqamlarda yüksək entuziazmla fəth edilirdi.
Plan ovqatlı, inzibatçı stilistikalı köhnə rəhbərlik hər cəhtlə mövqeyini möhkəmləndirməyə
səfərbərdir. Bu isə ona əsas verir ki, islahatların daxildən güc alması imkanları olduqca
kiçilmişdir. Müvafiq qurumlardan kənarda isə xarici təsirlər o qədər də ciddi deyildir. Hər hansı
islahat tədbiri və normativlərin dəyişilməsi isə büdcə təxsisatlarının yenidən baxılmasına gətirir.
Bu isə çox ciddi məsuliyyət tələb edən mürəkkəb işdir. Göründüyü kimi indiki reallıqlar istehsal
artımını maraqlı etməyən, konservatizmi yaşadan elementlərlə zəngindir.
Təcrübi məlum
reallıqlara istinadən tərəqqinin cilovlanmayan mübarizəsində mühafizəkarlıq, ehkamçı təzahürlər
obyektiv qanunların məntiqinə müvafiq sarsılacaq, inkişaf yeni pilləyə yüksələcəkdir.
İtalyan filosofu C.Vikonun və görkəmli rus iqtisadçı alimi N.D.Kondratyevin
uzun dalğalar nəzəriyyəsinə, bu kimi inkişaf haqqında təlimlərə, inkarı inkar
qanununun mahiyyətinə vardıqda, yeni mərhələnin labüdlüyünün özü inkarsız olur.
İnkişafın mahiyyətinə əsaslansaq, bir tsikldə başlanğıj nöqtə tezis-birinci inkar,
antitezis-ikinci inkar, sinte- üçüncü inkar kimi qəbul edilirsə, yəqinlik belə bir nəticə
verir ki, köhnə istismar sahələrində hasilatı həyata keçirən komplekslərində inkişaf
72
antitezislə sintez aralığındadır. Məqsəd isə bu dövriyyəni məqbul çevrədə
qapatmaqdan ibarətdir.
Biz son 10 il ərzində neftqazçıxarmada görülən islahat işlərinin reklamasiya etmək
fikrindən uzağıq. Lakin qətiyyətlə demək olar ki, bu islahat tədbirləri elmi məntiqə əsaslanmadan
fundamental, sistemli olmamış, müəyyən məqamlarda anturac, şirma xüsusiyyətini büruzə
vermişdir. Bu baxış ona əsaslanır ki, atılan addımlar, görülən tədbirlər köklü dəyişikliklərə
gətirməmişdir. Hər hansı bir dəyişiklik «iş yerlərini və işçiləri ixtisar etmədən» aparılmalıdır
devizinə əsaslanmışdır. Sabit işçi kütləsinin saxlanmasına yönələn bu istiqamət isə müəyyən
sahələrdə «ölü canlar»ı stimullaşdırmışdır. Bazarın prinsipləri işçi kütləsinin istehsalın
proporsiyalarına sərt mütənasiblikləri şərtləndirir. İstehsalat birliyində izafi işçi sayı tələblərdən
4-5 dəfə yüksəkdir. İşçi sayını mülayimləşdirmək hesabına məvaciblərin 5-6 dəfə yüksəltmək
mümkündür. İlkin islahat mərhələsi üçün kompleksdə orta əmək haqqını 1,5-2
milyon manata
qədər yüksəltmək ehtimalı böyükdür. 2001-ci il respublika prezidentinin sərəncamlarına görə,
neft sektorunda bir çox xidmət-servis təşkilatlarında özəlləşmə reallığa çevrilmişdir.
Neftqazçıxarmada ixtisarlar MM-nin təsisatında da gizli və açıq müşahidə olunmuşdur. Belə
təzahürlər daha qabarıq «Muradxan»lı mədənlərini istismar edən «Remko» şirkətinin apardığı
islahatlarda özünü göstərir. «Ballastdan» qurtulmaq üçün işçilərə müəyyən miqdarda əlavə
müavinətlər verməklə, şirkət onların işdən getməsinə nail olmuşdur. İxtisassız işçilər ilk növbədə
belə təkliflərə razılığını vermişlər. Lakin sonda istehsalat uğursuzluğu ilə üzləşən yeni təsisat,
ləğvinə qərar vermişdir. Əlbəttə, bu üsul təqdir edilmir. Fikrimizcə ixtisar aparmanın özünün
iqtisadi əsası və sosial təminatı olmalıdır. Məlumdur ki, bazar müstəvisinə keçidin ötən 10 ili
ərzində köhnə istismar komplekslərində «seleksiya» və «təbii seçmə» ilə işçi sayını kifayət qədər
azaltmaq imkanları olmuşdur.
Fontan üsullu istismarın bitdiyi mexaniki istismarın sərtləşdiyi indiki məqamda işçi
qüvvəsinin səyləri daha yüksək qiymətləndirilməlidir. Burada ixtisaslı işçinin
daha çox səmərə
gətirən kadrın məvacibinin artırılması da mühüm şərtdir. Əlbəttə, işçi sayının azalması, müəyyən
intensivliyin saxlanılmasına çağırış edir. Belə vəziyyət isə səmərəliliyin artırılması ilə
kompensasiya edilməlidir. Məlum həqiqətdir ki, intensivlik səviyyəsindən asılı olaraq iqtisadi
səmərə xərclərlə məhsul arasındakı fərqdə təyinatını tapır. İslahatlar prosesində bu iqtisadi
gerçəklik də nəzərdə qaçırılmamalıdır. Burada böyük fransız iqtisadçısı C.B.Seyin «təklif özü
tələb doğurur» qanunu diqqəti cəlb edir. Bu qanuna əsaslanaraq qətiyyətlə qalıq neftini
çıxarmağa səfərbər olmalıyıq. Neft təklifi isə hələ ki, həmişə tələblidir.
İslahat prosesi müxtəlif ekzogen və endogen təsirlərdən təjrid olunmamışdır. Məhz buna
görə də, islahat proqramı müxtəlif mühafizə indikatorları ilə təjhiz edilməlidir.
Neft prosesinin
hər üç mühüm sferasına-işləmə, istismar və neftin hazırlanmasına deformasiya sirayət etmişdir.
İstehsal xərcləri aspektində hər üç sfera xərc tutumunda ciddi fərq dəyişkənliklərinə uğramışdır.
Yataqların işləmə sistemi buradakı quyu düzümü, onların miqdar sayı və digər standartlar
mənəvi eroziyaya uğramışdır. Bütün bunların isə qeyd olunduğu kimi, yalnız geniş islahat işləri
ilə həllini tapmaq mümkündür.
Apardığımız təhlil işini yekunlaşdıraraq quruda neftqazçıxarma kompleksində reabilitasiya
prosesinin aparılmasını, istehsal artımını və səmərəliliyini, təminatını, konkret olaraq bir neçə
müddəada qruplaşdırmaq mümkündür. Eyniyyət və fərq ayrılığına baxmayaraq, bu təsnifat
olduqca ümumidir.
Fikrimizcə, quruda neftqazçıxarma kompleksində islahatların yeni
mərhələsində reabilitasiya prosesinin aparılmasını, istehsal artımını və səmərəliliyin təminatını
konkret olaraq aşağıdakı strateji prioritetləri əhatə etməlidir.
I İnformasiyon təminat
ehtiyatların bir daha dəqiqləşməsi;
bütün vəsaitlərin, əmlakın, bitməmiş istehsalın, borcların və digər aktivlərin geniş
inventarizasiyası;
beynəlxalq bazardakı meylləri, dünya neft industriyası, aparıcı şirkətlərinin
təcrübəsi, durumu və ümumi inkişaf ssenarisinin öyrənilməsi.