65
maliyyə tələblərinə müvafiq informasiyaların
işlənməsi, təşkilatçılıq, idarəetmə səriştəsi ilə
fərqlənməlidir.
Keçid iqtisadiyyatı ölkələrində neft-qaz sənayesində islahatlar müxtəlif variantda nəzərdən
keçirilir. Burada radikal özəlləşdirmədən daha epizodik və kosmetik dəyişkənliklərə qədər
vəziyyət nəzərə alınır. Keçid iqtisadiyyatında iri təşkilatın səmərəliliyi mövcud ənənəvi
istiqamətlə deyil, idarəetmə peşəkarlığı, menecmentin səviyyəsi və nəzarət bacarığı ilə ölçülür.
Tarixdən məlumdur ki, insanların yüksələn tələbləri, əldə olunmuş təcrübə və nailiyyətlər
ümumi vəhdətdə istehsalın kütləviliyini artırmasına zəmin olmuşdur. Toplanan biliklər fiziokrat
və merkantalist nəzəriyyəçilərin fəaliyyətinin ilk elmi əsaslı şərhinə yol açmışdır. Bu baxımdan
Marksın cəmiyyət tarixinin iqtisadi şərhi Qərb elmi təfəkkürünü zənginləşdirən
məqamlarındandır. Onun fikrincə məhz iqtisadi maraqlar hər şeyin əsasında
dayanaraq mövcud
dəyərləri təyin etmişlər.
İnkişaf tapan iqtisad elmi bütün mərhələlərdə son məqsədini insanların həyat
şəraitinin yaxşılaşdırılmasına səfərbər edərək iqtisadi qanunları, problemlərin təhlil və
tədqiqi əsasında öz predmetini formalaşdırır. Forma və məzmun müxtəlifliyinə
baxmayaraq, insan cəmiyyəti inkişafın bütün mərhələlərində fundamental iqtisadi
problemin həlli ilə qarşılaşmaqdadı. Hansı əmtəələri, necə və kim üçün istehsal etmək?
İqtisadiyyatın heç bir sferası bütün dövrlər üçün bu mühüm üç-hansı, nə qədər, kim
üçün olan strateji həlldən yan keçə bilməz.
Apardığımız tədqiqat işi də bu məntiqə əsaslanaraq öz axtarış və təhlil sektorunu
təşkilatlandırır. Bizim üçün ilk-hansıdır sualının konkret cavabı dəyişməz olan neft və qaz
resurslarıdır. Bununla belə, necə və kim üçün də suallar da cavablıdır. Lakin bu üç həlldə fərq
hansının dəyişməz,
necə və
nə cürün dəyişkən olmasındadır.
Məqsədimiz də məhz necəni
səmərəli rakusda dəyişdirmək, kim üçünün isə ənənəvi dövrün meydanını genişləndirməkdir.
Allahın bəxş etdiyi zəngin sərvətlərdən böyük asudəlik yaradacaq qədər dolğun, səmərəli
bəhrələnmə bizim istək və bacarığımızda əks olunacaqdır. Məsuliyyətli, məqsədyönlü, səmərəli
istifadədə aylı gecədən kam almaq qədər yaşayışımızı rövnəq edəcəkdir.
İqtisadi problemlərin həlli müxtəlif institusional strukturların təyin və tənzimləyici
mexanizmləri vasitəsilə reallaşır. Bu baxımdan ölkələrin industrial inkişafı iki cəhət xüsusunda-
istehsal vasitələri üzərində mülkiyyət və
iqtisadi fəaliyyətin idarəedilməsi koordinsiyası üzrə
müəyyənləşir. Sir deyil ki, insanların yüksək tələbləri müqabilində iqtisadi resurslar məhduddur.
İslahat prosesinin dərinləşməsi və genişlənməsi dövlətin apardığı iqtisadi siyasətin bir
hissəsini təşkil edir. Bir tərəfdən islahatlara əhəmiyyət vermə, digər tərəfdən isə onun gedişini
məhdudlaşdıran şərtləri təcrid etməmək ləyaqətli nəticəni almağa imkan vermir. Bu monist
xarakterli olmayan yanaşma öz-özlüyündə islahat prosesinin tam sürətli gedişinə mane olur. Belə
vəziyyət islahatlar prosesini ehtimal olunan maliyyə proporsialarının artımına, yaxud da, o qədər
milli mənafelərdə uzlaşmayan ayrı-ayrı kiçik xarici investorlara bağlayır. Bu baxımdan möhkəm
seçim və şərt kimi köhnə yataqların reabilitasiyasında xarici investisiya ilə daxili potensial
imkanlarının mövqe və bölgüsü qətiyyətlə müəyyən olunmalıdır.
Fikrimizcə, daxili islahat
tədbirləri real maliyyə dövriyyəsində böhranı tam dəf etmədə mütəşəkkil ola bilər. Sovet
tarixinin 70 ili ərzində heç bir xarici investora oriyentasiya etmədən köhnə istismar sahələri pis-
yaxşı özü maliyyələşdirmiş, ittifaq büdcəsini də yetərli təmin etmişdir. Sovet recimindəki neft
sənayesinin müqayisəli üstünlüyünə edilən aksent həm də onunla izah edilir ki, yeni situasiyada
biz əvvəlki dövrlərə nisbətdə üstünlük və artım əldə edə bilməmişik. İndi Xəzərdə böyük neft
effekti fonunda öz nizamı ilə addımlayan köhnə neft sektoruna genişmiqyaslı investisiyaların
cəlb edilməsi nəzəri baxımdan və eyni zamanda praktiki dəyərlənmədə münasib görünmür.
Bununla belə, dövlət optium mümkün əlverişli şətlərlə köhnə yataqlarda islahatların daxili
imkanlar və nisbi xarici investisiyalar hesabına irəliləyişinin kompleks həllini tapmalıdır.
66
4.4. İlkin istismar sahələrində iqtisadi islahatların təkmilləşməsinin prioritet
istiqamətləri
Tarixdə ilk dəfə olaraq Azərbaycan köhnə istismar sahələrində 1999-cu ildə 9 milyon
tondan aşağı 8,992 milyon ton neft hasil etdi. Bu enmə 22 dənizdə və 28 quruda istismar və
subasma quyularının tikintisinin başa çatmasına baxmayaraq baş vermişdir. 2002-ci ilin plan
tapşırıqlarının kiçilən həcmi isə stabillik limitinin də artıq tükəndiyinə nişan verir. Yaranmış
vəziyyət ona dəlalət edir ki, köhnə istismar sahələrində hasilat yenidən enməyə istiqamət
götürmüşdür. Təkcə bu faktla tədqiqat obyekti seçilən problemin aktuallığını və universallığını
təsbit olunmur, onun böhranlı vəziyyətinin müxtəlif təzahür formalarında təsdiqini verən zəngin
fakt və material toplumları da bunu əsaslandırır.
Neft sənayesinin ilkin istismar sahələrində hazırda hasilatı təmin edən komplekslərdə və
xüsusən də quruda yerləşən İB-də başlanan islahatların bir daha təkmilləşdirilməsi və
dərinləşməsi mərhələsinə başlama situasiyası yetişmiş, strukturun modernizasiyasını,
biznesin
mütərəqqi standartları əsasında yeni idarəetmə prinsiplərini bərqərar etmək, beynəlxalq uçot
standartlarına keçməklə təşkilatın investisiya cəlbediciliyini artırmaq, sosial strukturda islahatlar
aparmaq, xüsusi sosial fond təşkil etmək, mənzil-kommunal xidmət təşkilatlarını özəlləşdirmək
və ya bələdiyyə mülkiyyətinə vermək gərəkliyi yaranmışdır. Əməyin mühafizəsinin,
təhlükəsizlik tədbirlərinin ekoloji intizamının gücləndirilməsi də obyektiv zərurətə çevrilmişdir.
Köhnə istismar sahələrində islahatların aparılmasında resurs məhdudluğu investisiya
qıtlığında daha çox özünü göstərir. Məhz məhdud maliyyə imkanları islahatların genişmiqyaslı
aparılmasına maneəçilik törədir. Digər tərəfdən, qeyri-bazar strukturlu ənənəvi texnoloji istehsal
tsikli də maliyyə çevikliyinin əldə edilməsində əngəllər yaradır. Hasil edilən neft mütləq qaydada
hər ay planda nəzərdə tutulan
orta miqdarda, dövlətin müəyyən etdiyi qiymətlər və satış şərtləri
şəbəkəsində istehlakçısına çatdırılır. Respublikada formalaşmış neft industriyasının strukturu
belədir ki, hasil edilən neft kəmərlər vasitəsilə öz axınında MNKİB-yinə çatdırılır. Həmin
istehsalat birliyi neft dövriyyəsində sonrakı istehlakçıya neftin ötrülməsində aralıq təşkilat rolunu
oynayır. MNKİB-də qəbul etdilən neft çeşidlənərək emal zavodlarına, yaxud da satış üçün digər
alıcılara və əsasən də xarici bazarlara çıxarılır. Hasil edilən qazın isə yarıya qədəri öz profilində
alternativi olmayan qaz emalı zavoduna, digər hissəsi isə «Azəriqaznəql» təşkilatı vasitəsi ilə
istehlakçılara yönəldilir. Fakt ondan ibarətdir ki, köhnə istismar sahələrində hasil edən xam neft
və təbii qaz istehsalçıların iradəsindən asılı olmadan bu ənənəvi inhisarçı təşkilatlardan keçməli
olur. Texnoloji dövriyyənin təqdimatının geniş şərhi istehsal strukturunun maliyyə sistemini
formalaşdırması üçün əsas yaratdığı ilə izah olunur. Bu baxımdan hasilat çevrəsində pul
dövriyyəsinin ödəniş təminatı da həmin təşkilatların üzərinə düşür.
Neftin təsərrüfat tsklində sonrakı mərhələ də mövcuddur. Emal zavodları istehsal
etdiyi
çeşidli məhsulları neft üzrə əsasən «Azərnefttəchizat» İB-yə qaz üzrə isə «Azəriqaz» QSC və
Maye Qaz İstehsalat Birliyinə daha böyük həcmdə isə «Azərenerji» SC-nin enerji istehsal edən
təşkilatlarına verirlər. Bütün bu silsilədə mövcud ödənişlər maliyyə konteksində bazar
iqtisadiyatının tələbləri ciddi nəzərə alınmadan müəyyən destruktiv sistemdə cərayan edir.
Beləliklə, bu kaskad şəbəkədə olan təşkilatların dövriyyə vəsaitlərindən qismən məhrum olması
onların hər birində maliyyə problemini kəskinləşdirir. Son məhsulun əksər hissəsini əhali, fərdi
istehsalçılar və xarici alıcılar mənimsəyirlər. İstehlakçıların aşağı ödənişqabiliyyətliliyi
bütövlükdə ümumi maliyyə şəbəkəsinə sarsıdıcı zərbə vurur. Bu da öz növbəsində daha böyük
ağırlığı neft hasilatçılarına endirir. Beləliklə, yüksək tələbin olmasına baxmayaraq, hasil olunmuş
neft və qaz əmtəə kimi öz dəyərini ödənilməsini vaxtında təmin etmir.
Köhnə istismar sahələrində hasilatı həyata keçirən istehsalat birliklərinin fəaliyyətləri
planlı iqtisadiyyata müvafiq olaraq dövlətin tam və müstəsna sərəncamında
olduğundan onlar öz
məhsullarının xarici bazarlara çıxarmaq imkanlarından məhrumdurlar. Belə olan təqdirdə aydın
olur ki, dövlət apardığı sərt iqtisadi siyasəti ilə müvafiq təşkilatların manevrliliyini, iqtisadi
çevikliyini məhdudlaşdırmış olur. Özünün heç bir maliyyə resursu qalmayan birliklərin