83
qalxmışdır. Bu dinamikanı təhlilçilər yetərli dərəcədə neftin qiyməti ilə bağlayırlar.
Qeyd olunur
ki, əgər sənaye daha yaxşı texnologiyaları yaratmaq və bilikləri müntəzəm təkmilləşdirmək
iqtidarından çıxarsa, tikintisi başa çatan quyuların da sayı azalmaya meyl edər. Bu göstəricilər
göstərir ki, hər hansı qazma layihəsi tam sona çatmaq imkanında olmur. Digər tərəfdən, hər
qazılan quyuda tapılan neft-qaz heç də onun istismar quyusuna çevriləcəyini əsaslandırmır.
Burada təyinedici faktor iqtisadidir. Əgər qazılan quyunun neft-qaz verməsi kommersiya
baxımından səmərəliliyinin təsdiqini alarsa, onun istismarı da reallaşacaqdır. Əks halda belə
quyunu uğursuz adlandıracaqlar. Üçölçülü seysmik göstəricilərin
təhlilinin üfiqi və maili
qazmaya uzlaşdırılması ümumi qazma riskinin mülayimləşdirilməsinə yardım edir. Bu isə öz
növbəsində xeyli dərəcədə axtarış-kəşfiyyat quyularının tikintisinin başa çatması faizini artırır.
Praktiki olaraq bu göstərici 1990-cı illərdə 25%-dən 45%-ə yüksəlmişdir.
Respublikamızda müstəqillik bərpa edildikdən sonra köhnə istismar sahələrində qazmada
müvəffəqiyyətlər əldə olunmamış və o, hər il enməyə məruz qalmışdır. Şübhəsiz ki, bu azalma
ittifaqın dağılması ərəfəsindən kəskinləşmişdir. Bununla belə, yeni iqtisadi sistemə keçidin ilk
illərində aparılan qeyri-adekvat texniki-iqtisadi siyasət də prosesə öz təsirini göstərmişdir. Neft-
qaz sərvətlərinin hasilatında kəşfiyyat qazmasının templəri daha sürətli enməyə məruz qalmışdır.
Qazma işinin həcminin azalmasına rəğmən ixtisaslı qazmaçı kollektivlərini itirməmək məqsədi
ilə onları geoloji məlumatlara uyğun olaraq köhnə və ləğv edilmiş quyular da sınaq
işlərinə və
eyni zamanda müəyyən istismar kəmərlərinə ehtiyacla əlaqədar istismara yararsız quyulardan
boruların çıxarılmasına cəlb etmişlər.
Qazmanın mövcud problemlərini yalnız maliyyə məsələləri ilə əlaqələndirmək səhv olardı.
Bizim qənaətimizcə böhranlı vəziyyətə münasibət və qayğı aspektində dəyərləndirmək daha
düzgündür. Bir tərəfdən vəsait çatışmamazlığı və ya lay təzyiqini artırmaq xüsusiyyətli
strategiya, digər tərəfdən isə ikinci dərəcəli sahələrə daha çox xərclərin yönəldilməsi, məsrəflərin
qeyri-qənaətbəxş bölgüsü daha çox qazmaya təsir edir. Belə ki, təkcə sosial tikintidə hər il artan
maliyyə vəsaitlərini qazma işinə tətbiq etmək daha çox faydalılıq gətirərdi. Bunun şərhi çox sadə
və aydındır. Qazmaya məsrəf edilən vəsait hasilat artımına təsir edərək mənfəəti yüksəltmiş olar.
Bu da öz növbəsində təkrar investisiya şəklində sosial sahəni və tikintini
daha geniş həcmdə
stimullaşdırır.
Qazma prosesi bir çox texniki-iqtisadi göstəricilər və amillər-iqlim şəraiti, dərinlik miqyası,
suxurların bərkliyi, istehsal fondlarından, işçi qüvvəsindən rasional istifadə və digər spesifik
şərtlərlə xarakterizə olunur. Müasir qazmanı dərin qatlara nüfuz edən texniki-texnoloji üstün
təchizatlı, ritmik recimli sistemlər formalaşdırır. Artan quyu dərinliyi əmək tutumunun normativ
həddini, qeyri-məhsuldar vaxt sərfini, eyni zamanda əks istiqamətdə kommersiya
sürətinin
templərində azalma meyllərini yüksəldir və fondverimi göstəricisinə əhəmiyyətli təsir edir.
Dərinlik bu amillərə istinadən, yüksək kapitaltutumu hesabına qət edilir. Qazma prosesi
neftqazçıxarma sənayesinin əsas tərkib hissəsi kimi istehsalın səmərəliliyinin yüksəldilməsində
həlledici mövqe tutur. Kapital və əmək tutumu ilə fərqlənən qazma prosesi istehsalın bütün
tərəfləri ilə qanunauyğun tərzdə, sıx kompleks qarşılıqlı əlaqəlilik münasibətlərində ərsəyə yetir.
Bu spesifik cəhətlərin obyektiv qiymətləndirilməsi metodoloji toplumda tədqiqini və tətbiqini
tapmalıdır. Nəzərə alınmalıdır ki, köhnə istismar sahələrində qazma prosesinin səmərəli təşkili
iqtisadi artımın təminatında çox mühüm yer tutur.
5.5. Qazma sektorunun modernizasiya problemi
Neftqazçıxarmanın inkişafında mühüm proseslərə təsiredici aspektlərindən, çətin və
mürəkkəb istiqamətlərindən biri qazma işlərinin ahəngdar aparılması, buraya əsaslı vəsait
qoyuluşunun artırılması ilə bağlıdır. Qazma işlərinin dinamikası ilə neft-qaz istehsalı arasında
simbioz birlik də bu məntiqdən irəli gəlir. Qazma işlərinin keyfiyyətini, sürət tempinin
yüksəldilməsi, müvafiq potensialdan səmərəli istifadə bu gün də həllini gözləyən prioritet
84
sahələrdəndir. Məsələnin həlli, həm də neft sənayesinin ümdə problemləri ilə sıx təmasda,
qarşılıqlı əlaqədə, çözülməlidi.
QNQÇİB-də vurğulandığı kimi qazma prosesi son dərəcə səngimişdir.
Vəsait
çatışmamazlığı, texnoloji gerilik hasilatın stabil saxlanılmasında qazma işi ilə deyl, digər texniki-
profilaktik tədbirlərlə aparılmadadır. Lakin başlıca tədbirdən kənar nə qədər ikinci və üçüncü
dərəcəli tədbirlərə əl atılsa da səmərə miqyası qazmanın məhsuldarlığı qədər olmayacaqdır.
Hasilat artımı neft istismar edən dünyanın 95 neft ölkəsində də eyni məntiqlə əldə edilir.
Aşağıdakı Cədvəldə 1996-2001-ci illərdə quruda neftqazçıxarma kompleksində qazmadan
istismara verilən quyu sayı və onlardan alınan neft hasilatı verilmişdir.
Cədvəl 13
1996-2001-ci illərdə QNQÇİB-yə qazmadan istismara verilən
quyu sayı və onlardan alınan neftin kəmiyyət miqdarı
Plan
Fakt
İllər
Quyu sayı
Hasil edilən neft
(ton)
Quyu sayı
Hasil edilən neft
(ton)
1996
66 49534 36 10637
1997
61 62265 43 24894
1998
65 63945 37 20277
1999
54 52498 30 12872
2000
41 26250 31 10266
2001
45 33420 33 29872
Cədvələ istinadən müqayisə üçün qeyd etməliyik ki, azalan quyu sayı və ondan alınan
hasilat payı əvvəlki 10 ilə nisbətdə 5-6 və bəzən də 7-8 dəfə geri qalır. Bununla belə, qazanın
neftin hasilat miqdarına təsir gücü aşkar görünür.
Faktiki materialların təhlili göstərir ki, istehsal fondlarının digər elementlərinin fiziki
aşınma səviyyəsi, mənəvi köhnəliliyi yüksək hədlidir. Böyük fondtutumlu sahədə ƏİF-lərin aktiv
hissəsi belə konservasiya vəziyyətindədir. Maliyyə-təchizat,
texnoloji problemlər, qazma
strategiyasının qəti müəyyən edilməməsi neftqazçıxarma müəssisələrində qazmaya olan marağı
səngimişdir. Xüsusən qeyd olunduğu kimi, quru sahələrində qazma hesabına artım əvəzinə daha
çox köhnə quyuların bərpasına meyl güclənir.
Hasilatın azalması qazmada əksini tapdığından onlar arasındakı enmə tempinin fərqi də
müxtəlif olmuşdur. Köhnə dəniz yataqlarında sabitliyin xeyli müddət davamlılığı buradakı
qazma prosesində azalan templərin quru sahələrindəki enmə prosesinə nisbətdə üstün etmişdir.
İndi komulyativ toplumda dəniz və quruda 125 qazma qurğusundan 80-i fəaliyyət göstərir ki, bu
da yüksək göstərici deyildir. Dəniz istismar sahələrində quruya nisbətdə qazma templəri enməyə
daha az məruz qalsa da, ötən mərhələlərlə müqayisədə onu optimal dəyərləndirmək olmaz. Belə
ki, 1990-cı ildə burada qazma 224 min metrdən azalaraq 1996-cı ildə 65 min metrə enmişdir.
Kəşfiyyat qazmasında isə müvafiq olaraq dəyişkənlik 41 mindən 39 minə meyl etmişdir.
Tikintisi başa çatan quyu həcmi ilə nəzərdən keçirilən müddət ərzində 2 dəfə azalmışdır. Qazma
prosesinin, avadanlıq və qurğularının saxlanılmasında, istismarında müəyyən təsərrüfatsızlığın
aradan qaldırılması dövlət mənafelərini, ciddi mülkiyyətçiliyi
ifadə edən möhkəm nəzarət
təminatlı geniş inventarizasiya prosesinin aparılmasını zəruri edir. Məhz belə strateji yanaşma
potensial imkanların natural və dəyər ölçüsündə dəqiq və aşkar texniki-iqtisadi gücünü
müəyyənləşdirməyə zəmin olar.
Köhnə dəniz yataqlarının istismarına cəlb edilmiş Qazma İşləri İdarələrinin NQÇİ-lərə
müvafiqliyi də quru sahələrinə nisbətdə özünü qoruyub saxlamışdır. Son on il ərzində QNQÇİB-
də bir neçə Qİİ və ya bu profilli idarə ləğv edilmişdir. İndi burada fəaliyyət göstərən 7 müvafiq
təşkilatın səmərəli fəaliyyətini əks etdirən heç bir texniki-iqtisadi göstərici haqqında pozitiv fikir
yürüdülə bilməz. Son 3-4 il ərzində hər il orta hesabla 0,14 milyon ton sənaye əhəmiyyətli neft
ehtiyatını nəzərdə tutan axtarış kəşfiyyat işləri üzrə qazma planının
1
/
3
hissəsini yerinə yetirmək