103
mübahisəlidir. QNQÇİB sistemində MM-lərə verilən xüsusi
status milli müəssisələrin
diskriminasiyasına gətirir və qeyd olunduğu kimi, heç bir iqtisadi möcüzə ilə müşayiət olunmur.
1870-ci ildə Qərbi Pensilvaniyada Jon Rokfeller neft industriyası tarixində kəşfiyyatı
həyata keçirən ilk müştərək müəssisəni təşkil etməklə birgə əməkdaşlığa əsaslanan korporativ
idarəçiliyin təməlini qoydu. Sonrakı mərhələdə MM-lər neft iqtisadiyyatının digər
bölmələrinin də əhatə edərək daha geniş miqyas aldı. Xarici kapitallı müştərək müəsissələrin
hasilatın pay bölgüsü və sadə payçılıq əsaslı iki sistemaltında müvafiq formaları mövcuddur.
Müasir mərhələdə iri istehsalat təşkilatları elmi-texniki tərəqqini, texnoloji yeniləşməni
həyata keçirməkdə müştərək fəaliyyətdən bir vasitə kimi istifadə edirlər. Belə əməkdaşlıq orta
müddətləri əhatə etməklə çox da geniş parametrli olmur. Qeyd olunduğu kimi, müəssisələr
forma etibarilə beynəlxalq təcrübədə yetərli dərəcədə müxtəlifdirlər. Neftqazçıxarma
müəssisələrinin real bazar şəraitində normal işləməsinin təminatında da bu müxtəlifliyə
istinad etmək olar.
Quruda fəaliyyət göstərən ilk MM-də xarici tərəfi kiçik tacirlər-debitantlar, kvazi qurumlar
təmsil edirdisə, indi neft profilli TMK-ların iştirakı ilə yeni tipli MM-lər yaradılmışdır. İlkin
təşkil edilən MM-lərdə xarici investorlar köhnə istismar sahələrində hasilatın yüksəlməsinə
sərmayə qoyuluşunda passivlik
nümayiş etdirməklə fərqlənir, kompanyon tərəflə strateji
yönümdə iş birliyi qurmada ləng meyl göstərirdilər. Yaranmış MM-lər arasında ümümi oxşarlıq,
bənzərlik sezilir. Fəaliyyət hesabatlarının statistikasına nəzər yetirdikdə, onların fəaliyyətinin
joşğun və yüksək məhsul verimliliyi diqqəti cəlb etmir. Burada gizli bir apatiya-süstlük daha çox
sezilir. MM strategiyasına keçid təqdir olunan addım olsa da, onların fəaliyyətlərinin təsis
müqavilələrinə uyğun
icra mexanizmləri, burada çalışan işçilərin xüsusi sosial təminatlılığı
yüksəkdə dayanmır. Köhnə ictimai dəyərlərin dağılması yeni səmərəli sistemin təşkil
edilməməsi-anomiya təzahürü gənc sektorlar olan MM-lərdə yer alan cəhətlərlə zəngindir.
Respublikada bazar iqtisadiyyatı formalaşmaqda davam etsə də, mərkəzi planlı sistemdən
qurtulmada hələ çox işlərin görülməsinə ehtiyac vardır.
Son ötmüş 10 il ərzində Quruda neftqazçıxarma kompleksində qeyd olunduğu kimi, 8
MM yaradılmışdır. Onlardan ilki «Azərpetoyl» Sovetlər İtttifaqı vaxtı təsis edilmişdir. Məlum
səbəblər üzündən «Azərpetoyl» MM bir qədər sonra 1992-ci ilin mart ayından tam fəaliyyətə
başlamışdır. Kəlaməddin və Mişovdağ yataqlarının istismarını nəzərdə tutan «Azərpetoyl»un
fəaliyyəti 40 illik müddət üçün nəzərdə tutulmuşdu (
paylar bərabər-50% həcmindədir). 2000-ci
ildə «Azərpetoyl» MM ABŞ-la Azərbaycan arasında
müqaviləyə görə, yenidən təşkil edilərək
əməliyyat şirkətinə çevrilmişdir. Əsas səhmlər paketi ABŞ-a məxsusdur. İndi MM «Qarasu» ƏŞ
adlanır.
İkinci MM «Anşad-Petrol» keçmiş «Neftçalaneft» NQÇİ-nin bazası əsasında yaradılmış,
«Neftçala» və «Xıllı» yataqlarını əhatə etməklə 1 mart 1994-cü ildən fəaliyyət göstərən
Azərbaycan-Türkiyə müştərək müəssisəsidir. (
Paylar 51%-ARDNŞ, 49%-Türkiyənin «Atil
Doqan Petrol» şirkəti).
Üçüncü MM «Azgerneft» 1994-cü ilin noyabrında «Balaxanıneft» NQÇİ-nin 7-ci
neftqazçıxarma mədəni bazasında təşkil edilmişdir. (
Paylar ARDNŞ-40%, Almaniyanın
«Qrunvald İnterneşnl» LTD-60%, 25 illik müddətində).
Dördüncü xüsusi statuslu MM «Prodakşin şerrinq» prinsipinə əsaslanan BMB OYL İNK-
Azərbaycan-ABŞ müştərək müəssisəsi 1994-cü ildə yaradılmışdır. Müştərək müəssisənin
fəaliyyət zonası sahəsi 909,5 kv.km olan «Qaradağ», «Umbakı» və «Korgöz» yataqları
olmuşdur. Qeyri səmərəli fəaliyyəti müəssisənin 2000-ci ildə bağlanması ilə nəticələnmişdir.
Beşinci MM 1997-ci ilin sentyabrında «Şirvanneft» NQÇİ-nin bazası əsasında yaradılmış
Böyük Britaniya «İnterneyşnl Treyder» firması-Azərbaycan məhdud məsuliyyətli müştərək
müəssisəsidir və «Şirvan OYL MMM» adlanır.
Altıncı Kürsəngi-Qarabağlı yatağı üzrə Salyanneft NQÇİ-nin bazasında yaradılmış «Salyan
Oyl» MM-dir. (
Paylar ARDNŞ 50%, ABŞ Hess Delta 20%, Frontera 30%). Müqavilə 15.12.98
tarixində imzalanmış və Milli Məclis tərəfindən 22.04.99 tarixində retifikasiya edilmişdir.
104
«Muradxanlı» yataqlarının istismarını nəzərdə tutan yeddinci MM Britaniyanın «Remko»
şirkəti ilə bağlanmış neft müqaviləsi əsasında təşkil edilən «Muradxanlı»
Ko müştərək
müəssisəsidir. «Muradxanlı», «Cəfərli» və «Zərdab» neft yataqlarının daxil olduğu blokun
reabilitasiyası, kəşfiyyatı, işlənməsi və hasilatının pay bölgüsü haqqında ARDNŞ ilə Ramko
Enerji (
Muradxanlı) Limited, (
Ramko) və ARDNŞ-in Ortaq Neft Şirkəti (ONŞ) arasında saziş
21.06.1998-ci ildə imzalanmışdır (
Paylar hərəyə 50%). Qazmada uğursuzluqlarla əlaqədar
olaraq Muradxanlı Ko 2001-ci ildən fəaliyyətini tam dayandırmış, müəssisə yenidən QNQÇİB-
nin sərəncamına Muradxanlı İriləşmiş Mədəni kimi daxil olmuşdur.
Qobustan MM «Cənubi-Qərbi Qobustan» blokuna daxil olan («
Şıxzərgərli», «Şeytanud»,
«Bürgüt», «Donquzduq», «Nardaran», «İlxıçı», «Qərbi Hacıvəli», «Sundi», «Şərqi-Hacıvəli»,
«Turağay», «Kənizədağ», «Qərbi-Duvannı», «Duvannı», «Solaxay» və «Daşgil» yataqları) üç
sahənin kəşfiyyatı və işlənilməsini əhatə edir. Müqavilə 02.06.98-ci ildə imzalanıb. Tərəflər
ARDNŞ ilə Komonvels Qobustan limited
(«Komonvels»), Yunion
Texas Qobustan Limited
(«Yunion Texas») və ARDNŞ-in Ortaq Neft Şirkəti (
ONŞ) (Paylar ARDNŞ 20%, Yunion Texas
40%, Komonvels 40%) Milli Məclis 13.12.98-ci il tarixdə müqaviləni ratifikasiya etmişir.
Qobustan MM hələli tam olaraq fəaliyyətə başlamamışdır.
Hazırda rəsmi olaraq 6 mövcud MM-dən 5-i fəaliyyətini davam etdirir. Göründüyü kimi,
xarici sərmayədarlar buraya geniş miqyaslı investisiya qoyulmasında ehtiyatlılıq nümayiş
etdirirlər. BMV Oyl İNK və «Muradxanlı» Ko bağlanması buna bir qədər əyani misaldır.
MM-lərin müqavilə özəlliklərində olduqca eksklüziv madələr vardır. Burada offaşor
vergiqoyma, mübahisələrin Avropa məhkəmələrində baxılması və çoxlu konsperativ olan
elementlər nəzərə çarpır. Müqavilələrə şamil edilən fiskal tələblər respublika
vergi məcəlləsinin
müvafiq maddələrindən də yüksəkdə dayanır. Ümumilikdə götürdükdə onların statusları ana yasa
səviyysi qədər yüksəkdir.
Mütəxəssislərin fikrincə, müştərək müəssisələrin yaradılmasında tələsikliyə,
perspektivlərin düzgün müəyyən olunmamasına, xarici tərəfin üstünlüyünə daha çox yer
verilmişdir. Belə ki, neft-qaz hasilatının sutkalıq norması aşağı həcmdə planlaşdırılmış, dəqiq
nəzarət sistemi nəzərdə tutulmamışdır. Daha sonra bu müəssisələrin yerləşdiyi ərazidə əvvəlki
neftqazçıxarma təşkilatına mənsub olan əsas vəsaitlərin çox hissəsi balansa verilməmişdir. Bu
müəssisələr yaradılan zaman xarici investorların hesabına neft-qaz hasilatının artırılması əsas
prioritet kimi, nəzərdə tutulsa da, hələlik belə tərəqqiyə real nail olunmamışdır.
Bazarda müəssisə quruculuğunun təsərrüfat yoldaşlılığı və cəmiyyəti, şəxslərin kapitalının
birləşməsi, tam etibara əsaslanan komandit yoldaşlıq,
məhdud məsuliyyətli, əlavə məsuliyyətli
müəssisələr və digər səhmdar cəmiyyət formaları nəzərdən keçirilə bilər. İqtisadi-coğrafi, texniki
mühit isə yüksək manevirli müəssisə seçimini şərtləndirir. Dünya təcrübəsində neftqazçıxarmada
qeyd olunduğu kimi daha çox rast gəlinən səhmdar cəmiyyətidir. Səhmdar əməkdaşlıq milli
neftqazçıxarma sənayesi üçün də etibarlı forma kimi qəbul edilə bilər. QNQÇİB-də ilk
mərhələdə bu baxımdan milli sahibkar kapitalına əsaslanan səhmdar cəmiyyətin konyuktura
üçun gələn açıq və ya qapalı formasının seçilməsi məqsədə müvafiqdir. Belə yanaşma prioritetlik
səhmdar cəmiyyətin əsasən neftçi kollektivlərinin bazası əsasında formalaşmasına verilməlidir.
Bu xətt iqtisadi artımla yanaşı, eyni zamanda məşğullulq baxımından da effektivlilik gətirərək
həmin kollektivlərin uzun müddət NQÇİ-lərdə sahibliyini təmin etmiş olar. Sonrakı mərhələdə
daha açıq tipli quruluş da nəzərdən keçirilə bilər.
Məlumdur ki, Azərbaycanda sovet hakimiyyətinin qurulmasına qədər neftqazçıxarma
sənayesi ayrı-ayrı şəxslərin, sahibkarların, SC-lərin sərəncamında olmuşdur. Onların idarə
edilməsi də yaxşı təəssüratlarla zəngindir. Şübhəsiz ki, belə fəaliyyət neftin fontanlarının
yüksəlməsi zəmanəsinə təsadüf etmişdir. İndi isə mənzərə xeyli dəyişmişdir. Yenidən mədənləri
ilkin sahiblərinə qaytarmaq-reversiyaya baş vurmaq məqbul sayıla bilməz. İllər çox ötmüşdür.
Bununla belə, yeni milli neft sahibkarlarının formalaşdırılması da virtual məsələ olmamalıdır.
Müəssisənin ilk əlaməti kimi onun müstəqilliyi çıxış edir.
Lakin məlumdur ki,
nefqazçıxarmada müəssisələr, xüsusən NQÇİ-lər istehsalat birliyinin struktur vahidləri olmaqla