Educational Research in Universal Sciences
ISSN: 2181-3515 VOLUME 2 | SPECIAL ISSUE 1 | 2023
https://t.me/Erus_uz Multidisciplinary Scientific Journal March, 2023
76
davolash uchun, hamda quvvat beruvchi, balg‘am ko‘chiruvchi va gijja haydovchi dori
sifatida foydalaniladi. Ilmiy tibbiyotda kovrak yelim-smolasi –
“assafetida”
nomi
bilan kukun, emulsiya va tindirma (nastoyka) holida og‘riq qoldiruvchi, balg‘am
ko‘chiruvchi, quvvat beruvchi va tinchlantiruvchi vosita sifatida qo‘llaniladi va
ko‘pgina davlatlar farmokopiyasiga kiritilgan (4-rasm). O‘zbekiston
Respublikasi
Qishloq xo‘jaligi vazirligi O‘zR
FA Botanika instituti, O‘rmon xo‘jaligi davlat
qo‘mitasi, Ekologiya va atrof-muhitni muhofaza qilish qo‘mitasi, Savdo-sanoat
palatasi, “Yaylov xo‘jaligini rivojlantirish” uyushmasi, Dehqonobod tumani hokimligi
bilan hamkorlikda Qashqadaryo viloyati Dehqonobod tumani “Beshbuloq QFY
xududidagi “Eko komfort” xususiy korxonasi tasarrufidagi kovrak plantatsiya dalasida
“Eksport salohiyati yuqori bo‘lgan dorivor va ziravor o‘simlik – kovrakni yetishtirish”
mavzusida amaliy seminar bo‘lib o‘tdi. Mazkur seminarda mamlakatimiz viloyatlari
va Qoraqalpog‘iston Respublikasidan tashrif buyurgan kovrak o‘simligi
yetishtirish
bilan shug‘ullanadiganlar hamda ushbu o‘simlikni yetishtirish istagini bildirgan bir
qator loyiha ustalari shuningdek, uzoq yillar davomida ushbu dorivor o‘simlikni
eksport qilib kelayotgan 100 ga yaqin tadbirkorlar ishtirok etdi. Bo‘lib o‘tgan
seminarda
O‘zbekiston Respublikasi Prezidentining 2022-yil 28-apreldagi
“Respublikada
kovrak
yetishtirishni
rivojlantirish
va
sanoatlashtirishni
rag‘batlantirishga doir qo‘shimcha chora-tadbirlar to‘g‘risida”gi 116-sonli Farmonida
belgilangan topshiriqlar ijrosini samarali tashkil etish masala va muammolari ko‘rib
chiqildi. Mutasaddi vazirlik va idoralar masʼullari kovrak o‘simligini
yetishtirish,
qishloq, o‘rmon va yaylov xo‘jaliklarida yer ajratish tartibi, madaniy holda yetishtirish
uchun mos tuproq-iqlim sharoitlari, davlat tomonidan beriladigan imtiyozlar hamda
klaster va kooperatsiya tizimini keng joriy etish haqidagi
tadbirkorlarni qiziqtirgan
savollarga javob berishdi. Shuningdek, seminar davomida 367 gektar maydonda pista
va kovrak plantatsiyasi tashkil etgan salohiyatli “Eko komfort” xususiy korxonasi
rahbari madaniy holda kovrak o‘simligini suv tanqis hududlarda yetishtirish
agrotexnologiyasi, hosil yig‘ishtirish va eksport qilish bo‘yicha o‘z
tajribalarini
ulashdi. Tadbirda aytib o‘tilganidek, respublikada so‘nggi yillarda dorivor va ziravor
o‘simliklarni rivojlantirishga, xususan tabiiy boyliklardan samarali va unumli
foydalanishga katta ahamiyat berilmoqda. Bu borada O‘zbekiston Respublikasi
Prezidentining 2020-yil 10-apreldagi “Yovvoyi holda o‘suvchi dorivor o‘simliklarni
muxofaza qilish, madaniy holda yetishtirish, qayta ishlash va mavjud resurslardan
oqilona foydalanish chora-tadbirlari to‘g‘risida”gi PQ-4670-son qarori sohani tubdan
rivojlantirishning huquqiy asoslarini yaratib berdi. Ushbu qarordagi vazifalarni amalga
oshirish natijasida dorivor o‘simliklarni nafaqat tabiatda
yovvoyi holda terib olish,
balki madaniy holda plantatsiya usulida ko‘paytirish va qayta ishlashni tashkil etish
bilan shug‘ullanuvchi fermerlar va tadbirkorlar soni ham bilinar darajada ortmoqda.