Efnisyfirli t
Yüklə 285,38 Kb.
|
- Bu səhifədəki naviqasiya:
- Endurskoðunarnefndin 1993.
- Starfshópur um nýtingu húsnæðis á Kristnesspítala 1993-1994.
- Ráðgjafahópurinn 2000-2001.
- Nýtingarnefnd húsnæðis FSA 2001.
- Framtíðarnefnd 2002-2004.
- Viðauki 2. Útdráttur úr fundargerðum vinnuhópsins. 1. fundur Fundardagur
- Forföll
- Verktilhögun og tímaáætlun.
- 2. fundur Fundardagur
- Fundarstjóri
- Fundargerð síðasta fundar.
- Dagskrá: Fundargerð síðasta fundar. Kynning frá LSH. Drög að áfangaskýrslu
- 4. fundur Fundardagur
- Önnur mál. Sveinn setti fundinn og bauð fundarmenn velkomna. Fundargerð síðasta fundar.
- 5. fundur Fundardagur
- Vinnan næstu mánuði. Næsti fundur vinnuhópsins. Önnur mál.
- Samtal við Jón Helga Björnsson.
VIÐAUKARViðauki 1. Fyrri nefndir og starfshópar. Byggingarnefndin 1988-1990. Á árunum 1988-1990 starfaði byggingarnefnd við SAk sem gerði áætlun um framtíðaruppbyggingu og nýtingu á húsnæði sjúkrahússins. Áætlunin var gefin út í skýrslu í október 1990, Greinargerð byggingarnefndar. Tillögur og áætlun um uppbyggingu F.S.A. Helsta niðurstaða skýrslunnar var að næsti stóri byggingaráfangi við SAk yrði álma til austurs frá svokallaðri tengibyggingu og það var í samræmi við áætlanir sem gerðar voru um 1970. Þegar þarna var komið sögu hafði verið reist bygging (Kjarnabygging) sem í grófum dráttum dugði fyrir starfsemi stoðdeilda samkvæmt tillögum sem fram komu í bréfi heilbrigðis- og tryggingamála-ráðuneytisins frá 1971. Legudeildir bjuggu enn við sitt gamla húsnæði frá 1954. Næstu framkvæmdir var svokölluð tengibygging. Í henni var komið fyrir geðdeild 1986, sem var eitt af áhersluatriðunum í bréfi heilbrigðisráðherra frá 1984. Endurskoðunarnefndin 1993. Á árunum upp úr 1990 var áfram haldið með bollaleggingar um húsnæðismál SAk. Margar starfs-einingar bjuggu við þrengsli, en brýnast var talið að leysa húsnæðisvanda barnadeildar. Skýrslan sem út kom í október 1990 var tekin til endurskoðunar og niðurstaða þeirrar vinnu er til í skýrslunni Áætlun um uppbyggingu og nýtingu húsnæðis FSA frá október 1993. Þar var í meginatriðum byggt á eldri hugmyndum eins og fram hefur komið. Gert var ráð fyrir álmubyggingu sem átti sér hönnunarforsendur frá því um 1970, með aðlögun að kröfum tímans með því að fækka rúmum á stofum, koma fyrir einbýlum og einangrunaraðstöðu, fjölga snyrtingum og bæta hreinlætisaðstöðu. Allt var þetta gott svo langt sem það náði en eins og síðar verður rakið var ýmislegt í hönnun suðurálmu með þeim hætti að það svaraði ekki kröfum tímans.
Síðla árs 1993 var skipaður starfshópur til að gera tillögur að stefnumótun fyrir starfsemina á Kristnesi. Í samningi milli SAk og heilbrigðisráðuneytisins um rekstur Kristnesspítala frá 22. janúar 1993 eru ákvæði um að öldrunarrými sem voru á bráðadeildum SAk yrðu flutt á öldrunarlækninga-deild á Kristnesi. Starfshópurinn hnykkti á þessu með því að leggja fram hugmyndir að fyrirkomulagi deildarinnar, sem í meginatriðum gengu eftir. Starfshópurinn fjallaði einnig um starfsemi og skipulag endurhæfingardeildar, iðjuþjálfun og sjúkra-þjálfun sem stjórnunarlega heyra undir endurhæfingardeild. Þessar þjálfunardeildir sinna einnig öðrum deildum og eru t.d. afar mikilvægar fyrir starfsemi öldrunarlækningadeildar. Endurhæfingar-deildin hafði þegar tekið til starfa á þessum tíma en síðan hefur aðstaða verið bætt og starfsemin eflst. Á Kristnesspítala eru í dag 35 legurými og 8 dagdeildarpláss. Af þessum 43 rýmum eru 17 sem tilheyra öldrunarlækningum. Starfsemin er aðlöguð að þessum plássafjölda.
Í upphafi ársins 2000 var ákveðið að mynda starfshóp til að vinna frekar að þessum málum og endurskoða fyrri áform í ljósi breyttra tíma. Ráðgjafahópurinn, sem hér er svo nefndur, kom fyrst saman á fundi með framkvæmdastjórn SAk 5. maí 2000 og lauk störfum með útgáfu skýrslu í júlí 2001, F S A. Skýrsla ráðgjafahóps. Meginniðurstaða ráðgjafahópsins var að vegna mikilla breytinga í starfsemi sjúkrahúsa væri þörf á nýrri stefnu við skipulagningu húsnæðis. Breytt tækni og framþróun í læknisfræði og hjúkrun gerði það kleift að veita sífellt fleiri sjúklingum meðferð án innlagna og að framkvæma fleiri aðgerðir án innlagna eða með mun styttri innlagnartíma ef innlagnar væri þörf. Kröfur til þjónustunnar og til aðbúnaðar sjúklinga og aðstandenda væru að aukast jafnt og þétt í takt við vaxandi velmegun. Kröfur til vinnuaðstöðu ykjust einnig stöðugt og jafnframt þyrfti að taka aukið tillit til laga um réttindi sjúklinga. Í tillögum ráðgjafahópsins var lögð mikil áhersla á endurbætur í þjónustu við göngudeildarsjúklinga. Lagt var til að 1. hæð tengibyggingar yrði endurskipulögð til að ná markmiðum um skilvirka og góða afgreiðslu og betri þjónustu við þennan ört vaxandi hóp viðskiptavina SAk. Í skýrslu ráðgjafahópsins kom fram að öll þróun stefndi á eins til tveggja manna sjúkrastofur með sér snyrtingu. Ráðgjafahópurinn benti á að ekki væri gott að þurfa með sjúklinga frá legudeildum, t.d. lyflækninga-deild til myndgreiningadeildar eða á skurðstofur í gegnum svæði þar sem margt utanaðkomandi fólk væri til staðar, þ.e. sjúklingar sem ekki koma til innlagnar og gestir. Bent var á að í framtíðinni mætti ætla að nýtt hús sem hentaði fyrir legudeildir risi sunnan núverandi bygginga. Með því fengist æskilegur aðskilnaður milli legudeilda annars vegar og hins vegar þjónustu við þá sem koma án innlagnar. Samt sem áður væru báðar starfseiningarnar í góðum tengslum við stoðþjónustu án þess að umferðarleiðir þyrftu að skarast. Í skýrslunni kom einnig fram að oft hefði verið rætt um að hentugast og hagkvæmast væri að heilsugæslustöð og önnur heilbrigðistengd starfsemi hefði aðsetur á lóð SAk. Aðstæður á lóð SAk gæfu möguleika á ýmsum útfærslum sem þyrfti að huga betur að við gerð deiliskipulags. Samfara öllu þessu þyrfti að endurskoða aðkomu gangandi og akandi vegfarenda að SAk. Gæta þyrfti vel að skipulagi bílastæða og hvernig þeim yrði best fyrir komið. Lóð SAk væri stór og byði upp á ýmsar útfærslur og vaxtarmöguleika til langrar framtíðar litið.
Nýtingarnefnd var sett á fót innan FSA í september 2001 til að útfæra nánar hugmyndir ráðgjafa-hópsins. Nefndin skilaði skýrslu í lok nóvember sama ár (Nýtingarnefnd húsnæðis FSA) og komst þar að þeirri niðurstöðu ásamt forstöðumönnum deilda og hönnuðum, að ýmsar af hugmyndum ráðgjafahópsins væru ekki framkvæmanlegar miðað við þær skorður sem núverandi húsnæði setti. Við nánari skoðun og hugsanlegar útfærslur kom í ljós að húsnæðið gæfi einfaldlega ekki möguleika á þeim lausnum sem ráðgjafahópurinn taldi æskilegar við hönnun og nýtingu legudeilda. Engin þeirra deilda sem átti að flytja í suðurálmu fengi aðstöðu sem hentaði starfseminni fyllilega. Mætti þar helst nefna skort á rými fyrir hreinlætisaðstöðu sjúklinga og starfsmannaaðstöðu. Einnig skorti á sveigjan-leika sem óumdeilanlega leiddi af sér óhagkvæmari rekstur en vera þyrfti. Ljóst væri að ágallar suðurálmu væru verulegir ef nota ætti hana fyrir legudeildir. Hins vegar hentaði húsnæðið ágætlega fyrir ýmsa aðra starfsemi SAk.
Árið 2002 skipaði þáverandi heilbrigðisráðherra, Jón Kristjánsson, nefnd til að gera tillögur að uppbyggingu og skipulagi húsnæðis Sjúkrahússins á Akureyri. Þessi nefnd var jafnan kölluð framtíðarnefnd. Nefndin var sammála þeim meginsjónarmiðum sem fram komu í skýrslu ráðgjafahópsins, þ.e. að heilbrigðisþjónustan krefjist á komandi árum annars konar húsnæðis en þá var í notkun og er að nokkru leyti enn. Ennfremur var tekið undir niðurstöðu nýtingarnefndar um að stefnt skyldi að byggingu nýrrar legudeildarálmu við SAk en suðurálma yrði notuð undir aðra starfsemi innan SAk sem bjó við óviðunandi aðstæður. Það var áréttað að hönnun húsnæðis fyrir heilbrigðisþjónustu þyrfti að gefa möguleika á sveigjanleika þannig að hægt væri að bregðast við breyttum áherslum og þróun með sem minnstum tilkostnaði. Framtíðarnefnd skilaði af sér tveimur viðamiklum skýrslum. Forathugun í febrúar 2003 og Frumathugun í febrúar 2004. Helsta niðurstaða nefndarinnar var að forsendur lausnar á aðstöðu fyrir starfsemi SAk fælust í nýrri byggingu sunnan núverandi aðalbyggingar fyrir allar legudeildir stofnunarinnar. Reiknað var með húsi á þremur hæðum með kjallara undir hluta þess til að nýta hallandi grunn með hagkvæmum hætti. Gert var ráð fyrir þremur álmum sem gætu samnýtt miðsvæði á hverri hæð og það var m.a. hugsað til að auðveldara væri að bregðast við sveiflum í starfseminni.
Sveinn setti fundinn og bauð fundarmenn velkomna. Hann fór nokkrum orðum um skipan vinnuhópsins og hlutverk hans, sbr. skipunarbréf heilbrigðisráðherra dags. 20. nóvember 2014.
Eins og fram kemur í skipunarbréfinu er verkefni vinnuhópsins „að endurskoða og uppfæra tillögur þær sem lagðar voru fram árin 2003 og 2004 um skipulag og uppbyggingu Fjórðungssjúkrahússins á Akureyri (Nú SAk) og koma með eigin tillögur að verkefninu.“ Sveinn taldi að út frá þeim skýrslum sem unnar voru árin 2002-2004, Forathugun, útgefin í febrúar 2003 og Frumathugun útgefin í febrúar 2004 þyrfti að gera nýtt stöðumat og áfangaskýrslu fyrir lok febrúar 2015. Valtýr Sigurbjarnarson gerði lítillega grein fyrir sér en hann hefur verið ráðinn til að starfa með vinnuhópnum. Á sínum tíma vann hann með nefndinni sem skilaði af sér framangreindum skýrslum og kom einnig að húsnæðismálum SAk þegar svokölluð suðurálma var innréttuð. Síðan ræddu fundarmenn almennt um húsnæðismál SAk og helstu breytingar sem orðið hefðu síðan þessar skýrslur voru gerðar.
Fundarmenn voru sammála um að nauðsynlegt væri að taka saman starfsemistölur og að fá þannig fram stöðumat fyrir hverja starfseiningu. Ná þyrfti utan um alla starfsemina, bæði göngudeildar-þjónustu og legudeildir. Einnig var rætt um fyrirhugaðar framkvæmdir á LSH og hvort eitthvað gæti komið að notum í þeirri hönnunarvinnu sem þar hefur átt sér stað, þó vitað sé að þar er vandinn annar en á SAk og áherslumunur eftir því. Annars vegar þarf því að kortleggja stöðuna í dag og hins vegar að kalla eftir rökstuddum hugmyndum um breytingar og þörfina á þeim. Í þessu samhengi var m.a. fjallað um Heilbrigðis-stofnun Norðurlands og hvort eitthvað breyttist í húsnæðisþörfum á SAk vegna stofnunar hennar. Jafnframt var minnst á Háskólann á Akureyri og samstarf SAk við hann. Anna ræddi um sjúkrahús sem hún þekkir til í Skövde í Svíþjóð og mun afla upplýsinga þaðan. Samþykkt var að kalla eftir áliti frá Akureyrarbæ, þ.e. hvort af bæjarins hálfu væru einhver sérstök áhersluatriði varðandi væntanlega nýbyggingu. 2. fundur Fundardagur: Fimmtudagur, 8. janúar 2015. Fundarstaður: Sjúkrahúsið á Akureyri. Fundartími: 13:30 – 15:40. Fundarmenn: Sveinn Magnússon, formaður (SM), Anna Gilsdóttir (AG), Bjarni S. Jónasson (BSJ), Eiríkur Björn Björgvinsson (EBB), Hildigunnur Svavarsdóttir (HS), Sigurður E. Sigurðsson (SES), Þóra Ákadóttir (ÞÁ) og Valtýr Sigurbjarnarson. Fundarstjóri Sveinn Magnússon. Fundarritari: Valtýr Sigurbjarnarson. Dagskrá:
Sveinn setti fundinn og bauð fundarmenn velkomna.
Fundarmenn höfðu fengið fundargerðina senda. Engar athugasemdir voru gerðar og fundargerðin samþykkt.
Fundarstjóri, SM, lagði til að farið yrði yfir samantekt sem Valtýr hafði tekið saman, en það var útdráttur úr gögnum sem borist höfðu um stöðu mála og framtíðarhorfur frá ýmsum deildum og starfseiningum. SES byrjaði umræðuna með umfjöllun um legudeildir, enda í takt við áherslur í skipunarbréfi heilbrigðisráðherra fyrir vinnuhópinn. Legudeild geðdeildar hefur starfað í sama 360 fermetra húsnæðinu í rúm 30 ár. Húsnæðið er allt of lítið, enda eru árleg verkefni þrisvar sinnum meiri nú en í upphafi. Meðalnýting legurýmis á geðdeildinni er nálægt 100% og því oft erfitt að raða sjúklingum í viðeigandi rými vegna fjölda tvíbýla. Það er mat allra stjórnenda lækninga og hjúkrunar á geðdeild að fjölga þurfi sólarhringsrýmum úr 10 í 12. Legudeildinni verði tvískipt í geðgjörgæsluhluta og almennan meðferðarhluta. Núverandi staðsetning er óheppileg. Lyflækningadeild er nú skilgreind sem 23 rými. Brýnt er að fjölga legurýmum deildarinnar um 6-8. Ef miðað er við 30 legurými væri æskilegt að skipta lyflækningadeild upp í tvennt og reka tvær einingar. Þörf er á einingu sem gæti sinnt sjúklingum í líknarmeðferð. Í þessu samhengi kom fram að á Akureyri er öflug heimahjúkrun sem léttir á þörf fyrir líknarmeðferð á SAk. Þá var rætt um sjúklingahótel og að skoða þyrfti alla möguleika í þeim efnum, enda gæti það leyst mikinn vanda í eftirmeðferð sjúklinga. Skurðlækningadeild er skilgreind sem 18 rými í dag. Miðað við spár sem unnar hafa verið í Skandinavíu og Bretlandi má gera ráð fyrir stóraukinni eftirspurn eftir gerviliðum næstu áratugi. Fullkomnari aðstaða fyrir einangrun þarf að vera til staðar á deildinni. EBB spurði um samanburð við LSH. Fram kom að sumt væri sambærilegt en annað tæplega samanburðarhæft. SM taldi rétt að fá Ingólf Þórisson, framkvæmdastjóra rekstrarsviðs, eða einhvern annan frá LSH til að koma á næsta fund vinnuhópsins þannig að færi gæfist á að bera fram spurningar og fræðast um ýmislegt varðandi fyrirhugaðar nýbyggingar þar. HS gerði grein fyrir slysa- og bráðamóttöku (SBM), en þar hefur orðið mikil fjölgun heimsókna á undanförnum árum, þ.e. nálægt tvöföldun frá 2002-2014, (8.891-16.211). Gera má ráð fyrir áframhaldandi fjölgun á komum í samræmi við þróun síðustu ára. Nú standa yfir miklar breytingar á húsnæði deildarinnar. Að þeim loknum má vel við una, að minnsta kosti enn um sinn. Eftir breytingar munu smitvarnir verða í góðu lagi á SBM, en eins og staðan er núna þá er þeim stórkostlega ábótavant. Staðsetning deildarinnar innan sjúkrahússins er góð vegna nálægðar við myndgreiningadeild, rannsóknadeild, skurðstofur og gjörgæslu. Það sem helst skortir núna er betri aðstaða til þess að taka sjúklinga úr sjúkrabílum og flytja inn á deildina, en núverandi fyrirkomulag er ekki boðlegt. Þessu næst ræddu fundarmenn almennt um það sem fram hafði komið frá einstökum deildum og starfseiningum. Einnig var fjallað um önnur atriði svo sem heilsugæsluna, þó að hún sé ekki beinlínis verkefni vinnuhópsins samkvæmt skipunarbréfi. Fram kom hjá EBB að núverandi staðsetning heilsugæslunnar í Amarohúsinu stæði starfseminni verulega fyrir þrifum. AG gat þess að þessi mál væru til skoðunar hjá Heilbrigðisstofnun Norðurlands og forsvarsmenn þar mundu vafalaust hafa samband við vinnuhópinn á SAk. AG gerði grein fyrir teikningum frá Skövde í Svíþjóð sem hún hafði aflað, sbr. 2. tl. síðustu fundargerðar frá 3. desember 2014, en fundarmenn höfðu fengið þær sendar á tölvutæku formi. 3. fundur Fundardagur: Fimmtudagur, 29. janúar 2015. Fundarstaður: Sjúkrahúsið á Akureyri. Fundartími: 13:30 – 15:36. Fundarmenn: Sveinn Magnússon, formaður (SM), Anna Gilsdóttir (AG), Bjarni S. Jónasson (BSJ), Eiríkur Björn Björgvinsson (EBB), Hildigunnur Svavarsdóttir (HS), Sigurður E. Sigurðsson (SES), Gróa Björk Jóhannesdóttir (GBJ) og Valtýr Sigurbjarnarson. Forföll: Þóra Ákadóttir. Fundarstjóri Sveinn Magnússon. Fundarritari: Valtýr Sigurbjarnarson. Dagskrá:
Sveinn setti fundinn og bauð fundarmenn velkomna.
Fundarmenn höfðu fengið fundargerðina senda. Engar athugasemdir voru gerðar og fundargerðin samþykkt.
Gyða Baldursdóttir hjúkrunarfræðingur á LSH flutti erindi og sýndi myndir af legudeildum sem fjallað hefði verið um vegna fyrirhugaðra nýbygginga LSH. Árið 2010 var gerð samkeppnislýsing. Meginþættir hennar voru að hverri legudeild (24-27 legurými) var skipt í 2-3 þyrpingar eða kjarna, 8-12 legurými í einbýlum og vaktrými með góðri yfirsýn yfir þyrpinguna. Hver legudeild (2-3 þyrpingar) hefur sameiginlega móttöku sem blasir við þegar komið er inn á deildina. Vaktrými eru í hverri þyrpingu, innri hluti hennar aflokaður en fremri hluti opinn fram á gang. Sérhverri sjúkrastofu (um 17 m2) fylgir innangeng snyrting (um 6 m2) með sturtu sem hönnuð er miðað við aðgengi fatlaðra. Gert er ráð fyrir að ættingjar geti dvalist og lagt sig á sjúkrastofunum. Þá var lögð áhersla á að sjúkrastofur séu staðlaðar og eins í laginu eftir því sem kostur er og að sjónlína úr dyrum sjúkrastofu sé óskert að sjúklingi. Gott sameiginlegt rými er fyrir samveru sjúklinga (matsalur/setustofa) og aðstaða fyrir aðstandendur. Eitt baðherbergi með baðkari þarf að vera á hverri legudeild og skol í hverri þyrpingu. Einnig var hugsað fyrir starfsmannaaðstöðu og fundaraðstöðu ásamt rými fyrir háskólatengda starfsemi einkum kennslu nema. Gyða sýndi teikningar með mismunandi útfærslum, bæði hvað varðar form bygginganna og innra skipulag á sjúkrastofum og öðrum rýmum, t.d skrifstofu deildarstjóra og geymslum. Hún lagði ríka áherslu á að huga þyrfti vel að öllu sem snertir lyf og hvar ættu að vera lyfjaherbergi eða minni lyfjageymslur. Mikilvægt væri að hafa gott aðgengi um leið og fyllsta öryggis væri gætt. Með því að hafa 3 þyrpingar á hverri legudeild vinnst ýmislegt svo sem að starfsfólk er nær sjúklingum og hefur betri yfirsýn. Vörur, lyf, lín o. fl. er miðsvæðis sem leiðir af sér minni hlaup og minnkar fjarveru. Gengið er úr frá því að öll legurými séu einbýli. Margt vinnst við það, m.a. minni sýkingarhætta, minni flutningar á sjúklingum, færri mistök, betri líðan,- minna af verkjalyfjum, betri svefn og styttri legutími. Ókostir einbýlis kunna að vera einhverjir, t.d. meiri byggingarkostnaður og hugsanlega hætta á einangrun sjúklinga vegna þess að þeir fái sjaldnar innlit hjúkrunarfólks og vanti félagsskap. Til að komast að niðurstöðu um form, fjölda og stærðir á rýmum var skipulögð samvinna hönnuða og notenda. Notendastjórn hafði umsjón með vinnufundum og notendahópum og kom athugasemdum og ábendingum á framfæri við hönnuði.
Farið var yfir drög að áfangaskýrslu, m.a. útdrátt úr greinargerðum frá forsvarsmönnum einstakra deilda/starfseininga sem er þeirra sýn á núverandi stöðu og framtíðarhorfur. Innsendar upplýsingar eru mismunandi, sumar afar ýtarlegar en aðrar stuttorðar Rætt var um ýmsar forsendur fyrir aukinni húsnæðisþörf, m.a. hversu hátt hlutfall sjúklinga á upptökusvæði SAk sækir þjónustu þangað. SM tók að sér að leita upplýsinga hjá LSH og SÍ um þetta. Fjallað var um ýmis atriði í kynningu Gyðu, m.a. samvinnu við notendur þegar hönnunarvinna hefst. EBB benti í því sambandi á Hollvinasamtök Sjúkrahússins á Akureyri, en þau eru afar virk sem notenda- og styrktarhópur.
Sveinn setti fundinn og bauð fundarmenn velkomna.
Fundarmenn höfðu fengið fundargerðina senda. Engar athugasemdir. Fundargerðin samþykkt.
Farið var yfir fyrirliggjandi drög að áfangaskýrslu, sem fundarmenn höfðu fengið senda. Nokkrar ábendingar komu fram um breytt orðalag og viðbætur. Ritara vinnuhópsins var falið að ganga frá þessum breytingum.
Sveinn greindi frá því að hann hefði rætt við ráðherra um skil á skýrslunni. Ekki er reiknað með sérstökum fundi vegna þess en áætlað að hún verði afhent í lok mánaðarins. 5. fundur Fundardagur: Miðvikudagur, 15. apríl 2015. Fundarstaður: Sjúkrahúsið á Akureyri. Fundartími: 13:30 – 14:55. Fundarmenn: Sveinn Magnússon, formaður (SM), Anna Gilsdóttir (AG), Bjarni S. Jónasson (BSJ), Hildigunnur Svavarsdóttir (HS), Sigurður E. Sigurðsson (SES), Þóra Ákadóttir (ÞÁ) og Valtýr Sigurbjarnarson. Forföll: Eiríkur Björn Björgvinsson og Gróa Björk Jóhannesdóttir Fundarstjóri Sveinn Magnússon. Fundarritari: Valtýr Sigurbjarnarson. Dagskrá:
Sveinn setti fundinn og bauð fundarmenn velkomna.
Fundarmenn höfðu fengið fundargerðina senda. Engar athugasemdir. Fundargerðin samþykkt.
Sveinn greindi frá skilum á áfangaskýrslunni, en hún var sett á borð ráðherra ásamt skilabréfi 27. febrúar 2015. Þar kom fram að vinnuhópurinn muni halda áfram vinnu sinni og skila lokaskýrslu fyrir lok september á þessu ári eins og fyrir er lagt í skipunarbréfi ráðherra.
Farið var yfir fyrirliggjandi drög að frumathugun. Drögin byggja á því vinnulagi sem fyrir er lagt í lögum nr. 84/2001 um skipan opinberra framkvæmda, reglugerð um sama efni nr. 715/2001 og verklagsreglur um tilhögun frumathugunar, áætlunargerðar og verklegrar framkvæmdar við opinberar framkvæmdir, sem fjármálaráðuneytið gaf út 27. maí 2002. BSJ gerði grein fyrir notendahópum og því hlutverki sem þeim væri ætlað. Hóparnir eru tveir, legudeildir annars vegar og geðdeild hins vegar. Mikilvægt er að sjónarmið þeirra sem koma að ummönnun sjúklinga komi skýrt fram á öllum stigum vinnunnar. Setja þarf fram vel rökstudda þörf fyrir fjölda sjúkrarýma og annarra rýma sem nauðsynleg eru til að deildirnar geti sinnt hlutverki sínu vegna þjónustu við sjúklinga og aðstandendur og sem kennslusjúkrahús.
SM hringdi í JHB, forstjóra Heilbrigðisstofnunar Norðurlands (HSN) og ræddi lítillega við hann, sbr. 5. tölulið síðasta fundar. Reiknað er með frekari viðræðum síðar en JHB komst ekki á fundinn núna.
|