Efnisyfirli t
Yüklə 285,38 Kb.
|
- Bu səhifədəki naviqasiya:
- 6. fundur Fundardagur
- Forföll
- Fundargerð síðasta fundar.
- 7. fundur Fundardagur
- Næsti fundur vinnuhópsins. Önnur mál. Sveinn setti fundinn og bauð fundarmenn velkomna. Fundargerð síðasta fundar.
- Umræður um forsendur fyrir rýmisþörf.
- Hugsanleg tilhögun nýbyggingar skoðuð.
- 8. fundur Fundardagur
- Önnur mál. Sveinn setti fundinn og bauð fundarmenn velkomna. Fundargerð síðasta fundar.
- Drög að lokaskýrslu um uppbyggingu legudeilda við SAk.
Vinnan næstu mánuði. Fundarmenn ræddu um það sem framundan væri, m.a. staðsetningu einstakra deilda í nýbyggingu, (fæðinga-, geð-, lyflækninga- og skurðlækningadeilda). Á einhverju stigi vinnunnar, áður en frumathugun yrði skilað væri mikilvægt að fá aðstoð fagfólks til að rýna fyrirliggjandi tillögur. 6. fundur Fundardagur: Föstudagur, 5. júní 2015. Fundarstaður: Sjúkrahúsið á Akureyri. Fundartími: 9:30 – 11:20. Fundarmenn: Sveinn Magnússon, formaður (SM), Anna Gilsdóttir (AG), Bjarni S. Jónasson (BSJ), Eiríkur Björn Björgvinsson (EBB), Hildigunnur Svavarsdóttir (HS), Þóra Ákadóttir (ÞÁ) og Valtýr Sigurbjarnarson. Forföll: Gróa Björk Jóhannesdóttir og Sigurður E. Sigurðsson. Fundarstjóri Sveinn Magnússon. Fundarritari: Valtýr Sigurbjarnarson. Dagskrá:
Sveinn setti fundinn og bauð fundarmenn velkomna.
Fundarmenn höfðu fengið fundargerðina senda. Engar athugasemdir. Fundargerðin samþykkt.
BSJ greindi frá því að í mars hefðu verið skipaðir notendahópar, annars vegar fyrir geðdeild og hins vegar fyrir lyflækningadeild og skurðlækningadeild. Verkefni hópanna var að setja fram vel rökstudda þörf fyrir fjölda sjúkrarýma og annarra rýma sem nauðsynleg eru svo deildirnar geti sinnt hlutverki sínu við þjónustu sjúklinga, aðstandenda og sem kennslusjúkrahús. Hóparnir skiluðu ítarlegum áfangaskýrslum í byrjun júní, eins og lagt var upp með. Fyrst var farið yfir meginatriðin í skýrslu geðdeildar og síðan hinna deildanna. Í báðum tilvikum greindu hóparnir frá núverandi stöðu í starfseminni og hvernig húsnæðismálum væri háttað. Á grundvelli mannfjöldaspár og breytinga á aldurssamsetningu þjóðarinnar eru síðan lagðar fram tillögur að fjölda sjúkrarýma í væntanlegri nýbyggingu, ásamt öðru tilheyrandi húsnæði. Jafnframt er stuðst við ýmsar erlendar fyrirmyndir og rannsóknir. Geðdeild SAk er eina geðdeildin á Íslandi utan höfuðborgarsvæðisins og þjónar íbúum á stóru og strjálbýlu landsvæði. Á deildinni allri starfa hátt á fimmta tug starfsmanna í ríflega 30 stöðum. Árlega eru brautskráðir sjúklingar af legudeildinni um 250 talsins. Meðallengd dvalar á legudeild er tæplega 11 dagar. Það er mat verkefnishóps um húsnæði geðdeildar SAk að fjölga þurfi sólarhringsrýmum á legudeild úr 10 í 12. Markmið legudeildahópsins (lyflækninga- og skurðlækninga) var að tryggja að nýbygging taki mið af raunverulegri þörf fyrir sjúkrarými í nánustu framtíð og að umhverfið styðji við möguleika á teymisvinnu, góðri yfirsýn og sem stystum flutningsleiðum með sjúklinga. Í dag eru ekki vísbendingar um að þörf fyrir sjúkrarými verði minni á næstu árum, en margir lífsstílstengdir sjúkdómar eins og sykursýki og offita virðast jafnt og þétt fara vaxandi. M.a. þess vegna þykir fyrirséð að tvær 24-27 rúma legudeildir fullnægja ekki þörf fyrir sjúkrarými til framtíðar eins og fram hefur komið í fyrri hugmyndum og umræðu um þessi mál. 2006 voru gerðar 161 gerviliðsaðgerðir á Sjúkrahúsinu á Akureyri, 2010 voru þær 241. Þetta er 50% aukning. Bæði í Evrópu og Bandaríkjunum sjá menn fram á stóraukna eftirspurn eftir gerviliðs-aðgerðum, sérstaklega gerviliðum í hné. Reynslan hefur einnig staðfest að eftirspurnin eftir gerviliðsaðgerðum eykst meira en sem nemur breytingu í aldurssamsetningu þjóðarinnar. Á árunum 1986-1997 reiknuðu menn með 3% aukningu á gerviliðsaðgerðum í Svíþjóð vegna breytingar í aldurssamsetningu þjóðarinnar en aukningin varð 20% þegar upp var staðið. Í Noregi jókst fjöldi gerviliðsaðgerða um 40% á árunum 1993 til 2003. Eftir umfjöllun um skýrslur notendahópanna sýndi BSJ ýmsa útreikninga út frá mismunandi forsendum, bæði fyrir landið í heild og Norðurland. Fjöldi íbúa á Norðurlandi (starfssvæði HSN) hefur staðið í stað síðustu 25 ár. 1990 voru íbúarnir rétt um 35 þúsund (35.092) og staðan er nánast sú sama 2015, þ.e. 35.223 íbúar. Breytingin felst fyrst og fremst í því að öldruðum hefur fjölgað, bæði tölulega og hlutfallslega. Samkvæmt lýðfræðilegum rannsóknum og fyrirliggjandi staðreyndum er ljóst að þessi þróun mun halda áfram. Því til viðbótar liggur fyrir að meðallegutími er lengri hjá eldri aldurshópum. Þetta kallar allt á aukið legurými jafnvel þó að íbúafjöldinn standi í stað. Á lyflækningadeild og skurðlækningadeild eru samtals 44 rúm, 23 á L og 21 á S. L-deildin er í reynd yfirfull og þar þyrftu nú að vera 3 rúm til viðbótar. Samkvæmt þessu þarf að fjölga legurýmum úr 47 í 64 þó að íbúafjöldinn standi í stað og meira með vaxandi fjölda. Hvað geðdeildina snertir er talin þörf á að fjölga um tvö legudeildarrými úr 10 í 12, eins og áður er fram komið, auk stækkunar á öðrum rýmum og bættri aðstöðu. Dag- og göngudeild er einnig talin þurfa aukið rými. Fundarmenn skiptust á skoðunum um fyrirliggjandi áfangaskýrslur og þörfina fyrir legurými sem þar er tilgreind. SM taldi að mikil aukning yrði í þjónustu utan spítala og það þyrfti að hafa í huga þegar rýmisþörf innan SAk væri áætluð í framtíðinni. Fyrirliggjandi upplýsingar og tillögur þarf að rýna og skoða betur. EBB sagði mikilvægt að skoða heildarmyndina, þ.e. hvernig heilsugæslan kæmi að málum og einnig hvaða þjónustu sveitarfélögin veittu, t.d. gagnvart öldruðum. Einnig nefndi hann Grófina, geðverndarmiðstöð. AG tók undir þetta og benti á að víða á starfssvæði HSN væri aðstaða sem mætti nýta betur. Fundarmenn voru sammála um að nú væru ýmsar forsendur um rýmisþörf komnar á það stig að rétt væri að fá arkitekt til að gera frumuppdrætti eða skissur að fyrirkomulagi mannvirkis í smáum mælikvarða til að átta sig betur á stærð, samhengi og innbyrðis tengslum starfseminnar ásamt aðgengi og fyrirkomulagi lóðar. 7. fundur Fundardagur: Miðvikudagur, 19. ágúst 2015. Fundarstaður: Sjúkrahúsið á Akureyri. Fundartími: 12:30 – 14:25. Fundarmenn: Sveinn Magnússon, formaður (SM), Bjarni S. Jónasson (BSJ), Gróa Björk Jóhannesdóttir (GBJ), Hildigunnur Svavarsdóttir (HS), Ingvar Þóroddsson (IÞ), Þóra Ákadóttir (ÞÁ) og Valtýr Sigurbjarnarson. Forföll: Anna Gilsdóttir, Eiríkur Björn Björgvinsson og Sigurður E. Sigurðsson. Fundarstjóri Sveinn Magnússon. Fundarritari: Valtýr Sigurbjarnarson. Dagskrá:
Sveinn setti fundinn og bauð fundarmenn velkomna.
Fundarmenn höfðu fengið fundargerðina senda. Engar athugasemdir. Fundargerðin samþykkt.
SM ræddi um fram komin gögn og taldi að forsendur fyrir mati á rýmisþörf legudeilda í nýbyggingu væru að taka á sig nokkuð skýra mynd og stóru drættirnir væru hinir sömu og áður hefði komið fram þó að viðfangsefnið væri skoðað frá nýjum sjónarhóli. Hann sagði að ýmsar forsendur kynnu að breytast þegar horft væri til langrar framtíðar og að framreikning sem sýndi gríðarlegan vöxt þyrfti að skoða vandlega, sbr. síðustu fundargerð. BSJ rakti helstu atriði í samantekt sem lögð var fyrir fundinn um ýmsar tölulegar forsendur til að nálgast rýmisþörf á legudeildum, þ.e. fjölda rúma á lyflækningadeild og skurðlækningadeild. Þar kom m.a. fram að á þessum deildum hefur nýting verið að aukast síðustu ár, einkum á lyflækningadeild. Fjöldi legudaga á lyflækningadeild hefur aukist úr 6.292 árið 2011 í 6.615 árið 2014, þ.e. um liðlega 5%. Á sama tíma hefur meðallegutími í dögum talið lengst úr 4,23 í 4,52, þ.e. tæp 7% sem skýrist af því að sjúklingar eru að meðaltali veikari og sífellt hærra hlutfall íbúa er í eldri aldursflokkum. Sú þróun mun halda áfram miðað við mannfjöldaspá. Þá kom fram að um eða yfir 90% inniliggjandi sjúklinga væru frá Norður- og Austurlandi, flestir frá Akureyri, yfir 50%. Innlagnir á lyflækningadeild eru nánast allar bráðainnlagnir. Skipulögð innlögn án biðlista eru einkum sjúklingar sem eru að koma frá öðrum sjúkrastofnunum. Minni breyting er á skurðlækningadeild. Fjöldi legudaga hefur aukist úr 5.085 árið 2011 í 5.174 árið 2014, þ.e. um tæp 2% en meðallegutími hefur nánast staðið í stað og er um 3 dagar. BSJ greindi nánar frá ýmsum útreikningum og sýndi töflur. Ein þeirra er um aldurskiptan íbúafjölda eins og hann var 1. janúar 2015. Yngstu aldurshópar eru ekki teknir með þar sem þeir leggjast inn á barnadeild. Meðaltal innlagna og fjöldi legudaga árin 2012-2014 er notað til að reikna tíðni innlagna og legudaga fyrir hvern aldurshóp. Það sýnir núverandi stöðu og út frá henni er síðan hægt að reikna áætlaða stöðu fram í tímann út frá mannfjöldaspá, þ.e. íbúaþróun og vænta breytingu legudaga eftir aldurshópum. Einnig sýndi BSJ töflu yfir innlagnir sjúklinga á lyflækninga- og skurðlækningadeild eftir helstu sjúkdómaflokkum. Slíkar upplýsingar kunna að hafa ákveðið forspárgildi vegna starfsemi í framtíðinni. SM spurði um sjúkraflug og hvað það væri helst sem ekki væri tekist á við á SAk. GBJ, HS og IÞ svöruðu SM og greindu frá því að stefnan væri sú að annast allt sem hér væri hægt að fást við miðað við mannafla og tækjakost en margt væri þess eðlis að eini staðurinn hér á landi sem gæti sinnt ákveðnum tilvikum væri LSH. Að lokum fór BSJ yfir útreikning á fjölda sjúkrastofa á legudeildum. Það eru einkum 3 þættir sem hafa áhrif á þörfina fyrir fjölgun rúma á legudeildum. Í fyrsta lagi breytingin úr margbýli í einbýli, í öðru lagi fjölgun íbúa og í þriðja lagi hækkandi meðalaldur og mikil fjölgun í eldri aldurshópum. Fundarmenn ræddu fyrirkomulag og rúmafjölda á deildum og hvernig hægt væri að nálgast fyrirhugaða rýmisþörf út frá ýmsum forsendum. Þegar bornir eru saman ýmsir útreikningar út frá mismunandi sjónarhornum kemur í ljós að niðurstaðan er alltaf nokkuð svipuð. Árið 2040 má reikna með að lyflækningadeild og skurðlækningadeild þurfi samtals um 70 rúm og legudeild geðdeildar 12 rúm. Alls eru þetta 82 rúm fyrir þessar legudeildir á SAk og gengið er út frá því að sjúkrastofur séu einbýli.
Fanney Hauksdóttir arkitekt mætti á fundinn undir þessum dagskrárlið. Hún sýndi mögulega útfærslu á viðbyggingu (nýbyggingu) fyrir geðdeild, lyflækningadeild og skurðlækningadeild, bæði staðsetningu á lóð SAk og ytra útlit í grófum dráttum. Einnig sýndi hún teikningar af hugsanlegri legudeild og fyrirkomulagi á sjúkrastofu. Jafnframt sýndi hún myndir frá nokkrum erlendum sjúkrahúsum. Rætt var um ýmsa þætti í hönnunarforsendum, t.d. stærðir á einstökum rýmum, fyrirkomulag á einangrunarherbergjum og hvernig ýmsum þjónusturýmum yrði best fyrir komið. Á teikningu Fanneyjar var sýnd eining með 9 rúmum en fundarmenn óskuðu eftir útfærslu með 12 rúmum til frekari skoðunar, t.d. með svonefndum notendahópum.
Sveinn setti fundinn og bauð fundarmenn velkomna.
Fundarmenn höfðu fengið fundargerðina senda. Engar athugasemdir. Fundargerðin samþykkt.
Farið var yfir skýrsludrögin og rætt um ýmis atriði. Drög að ágripi í byrjun skýrslunnar voru yfirfarin, en þau höfðu fundarmenn ekki fengið fyrir fundinn. Ákveðið var að gera nokkrar breytingar á ágripinu og uppröðun einstakra atriða í því. Að öðru leyti voru engar verulegar efnisbreytingar gerðar en nokkrar ábendingar komu fram um bætt orðalag og heiti á töflum þannig að þær gætu staðið sjálfstætt.
Fundarmenn voru sammála um að skila skýrslunni við fyrstu hentugleika og SM tók að sér að ræða við ráðherra um hvenær það gæti orðið. Yüklə 285,38 Kb. Dostları ilə paylaş:
|