252
YÜZ BİRİNCİ MƏKTUB
10 Rəbiüs-Sani 1330
Nə üçün İmam (Əli) “səqifə” günü xilafət və “vəsayət” “nəss”inə istinad etmədi?
Haqq gün kimi aşkar oldu, əlhəmdulillahi Rəbbil aləmin! Yalnız bir mətləb qalmışdır ki,
onun nişanələri naməlum, əlamətləri isə qeyri-aşkardır. Mən onu sizə xatırladıram ki,
çöhrəsindən pərdəni götürək, gizlinləri aşkar edəsiniz. O da budur ki, nəyə görə İmam –
“səqifə”də Əbu Bəkr və onunla beyət edənlərin müqabilində– sizin istinad etdiyiniz xilafət və
“vəsayət” hədisinə əsasən, öz haqqını tələb etmədi? Məgər siz bu “nəss”lərin mənasının başa
düşülməsində o həzrətdən də agahsınızmı? Vəssalam.
“S”
253
YÜZ İKİNCİ MƏKTUB
11 Rəbiüs-Sani 1330
1. “Səqifə” günü İmamın öz haqqını müdafiə etməsinə maneçilik.
2. Maneçiliyin olmasına baxmayaraq İmamın və dostlarının həmin “nəss”ləri yada
salmaları.
Hamı bilir ki, İmam(ə) və dostları (Bəni haşim və başqaları) beyət zamanı “səqifə”də
deyildilər. Onlar “səqifə”dən və oradakılardan ayrı olub, belə ki, hamısı Allahın rəsulunun (s)
vəfatı ilə əlaqədar bir sıra vəzifələrə – qüsl, kəfənləmə, dəfn və s. işlərə məşğul idilər və ondan
başqa bir şey haqqında fikirləşmirdilər. Onlar hələ Peyğəmbəri dəfn etməmiş “səqifə”dəkilər
artıq işlərini başa çatdırmış, beyəti möhkəmləndirmişdilər. Çox böyük uzaqgörənliklə qərar
qoymuşdular ki, kim beyət işinə xələl yetirmək istəsə, onun qarşısını alsınlar.
Belə bir vəziyyətdə İmam, Əbu Bəkr və onunla beyət edənlərin qarşısında necə durub
haqqını tələb edə bilərdi? Beyətdən sonra isə ona və başqalarına nə vaxt icazə verildi ki, dəlil-
sübut gətirsinlər? Halbuki iqtidar sahibləri çox böyük ehtiyat və uzaqgörənliklə bütün güc və
qüdrətlərini işə salmışdılar. Məgər indiki zamanda hər bir şəxs asudəliklə hökumət və səltənəti
aradan aparmaq üçün qiyam edə bilərmi? Bu yolda açıq-aşkar mübarizəyə qalxa bilərmi? Əgər
belə bir iş görərsə, onu başlı-başına buraxarlarmı? Heyhat, heyhat! Keçmişi indiki zamanla
müqayisə et (amma əgər müsəlmanlar məsələdən agah olub öz rəhbərlərinə tabe olmaqla
zalım hökuməti yıxsalar, o başqa məsələ). Xalq elə indi də həmin xalq, zaman da həmin
zamandır.
Bütün bunlardan əlavə, Əli (ə) o günlərdə (elə bir şəraitdə) dəlil-sübut gətirməyin fitnədən
və haqqının aradan getməsindən savayı heç bir təsiri olmayacağını yaxşı bilirdi. Çünki o
həzrət İslamın əsasının, “tövhid” kəlməsinin aradan getməsindən qorxurdu. O vaxt həzrət Əli
belə bir şəraitdə iki mühüm işin arasında qalmışdı: Bir tərəfdən çoxlu nəslər, vəsiyyətlərə
əsasən, xilafətin ona çatmalı olduğunu (bu mühüm işi ondan başqa heç kəsin görə bilməyəcəyi
üçün özünün məsuliyyətli olduğunu); digər tərəfdən isə tüğyançıların (öz fitnələri ilə)
yaranacaq qarışıqlıqdan istifadə edərək Ərəbistan yarımadasını biri-birinə vurub, İslamı
aradan aparmalarından qorxurdu. Mədinə münafiqləri də (onu) təhdid edirdi. Çünki onlar,
artıq nifaq salmaq üzrə idilər. Həmçinin Mədinə ətrafındakı ərəblər də təhlükə yaradırdı (bu
ərəblər Quranın buyurduğuna görə, münafiq sayılıb, belə ki, öz küfr və nifaqlarında hamıdan
artıq idilər). Belə bir şəraitdə müsəlmanlar zülmətli bir gecədə yağmura düşmüş sürüyə
bənzəyirdilər ki, yırtıcı canavarlar tərəfindən əhatə olunmuşdular.
Yalançı Müseyləmə bir tərəfdən, Təlhə ibn Xuveylid (töhmətçi, böhtançı), Səccah (Harisin
qızı, şeytansifət bir qadın) öz əshabı ilə başqa bir tərəfdən İslamı aradan aparmaq və
müsəlmanları bir-birinə vurmaq üçün ayağa qalxmış və rum, “kəsra”, “qeysər” və başqaları da
müsəlmanların pusqusunda durmuşdular (və bir çox başqaları ki, Məhəmməd (s) və Ali-
Məhəmmədə (s) qarşı ədavətli olub, İslamın aradan getməsini istəyirdilər). Onlar Peyğəmbərin
(s) vəfatını bildikdə, ələ düşən fürsəti qənimət bilib (hələ İslam qüdrət tapmamış) İslam və
müsəlmanları aradan aparmaq üçün hazır dayanmışdılar.
Əli (ə) bu iki böyük xətərlə üzləşmişdi. Belə isə o həzrətin öz haqqını müsəlmanların
həyatına qurban verməyi təbii idi.
1
Lakin, o həzrət öz haqqını müsəlmanların həyatına qurban
1
O həzrət Misir əhlinə yazdığı (Malik Əştərlə yolladığı) məktubunda bu mətləbə işarə etmişdir. Məktubda
belə gəlmişdir: “Amma sonra Allah-təala Məhəmmədi (s) göndərdi ki, bütün ağıl sahiblərinə qorxuducu və
şahid (ülgü, nümunə) olsun. Amma o həzrət dünyadan köçən gündən müsəlmanlar bir-birlərilə çəkişməyə
254
versə də, xilafət barəsində haqqını qoruyaraq, buna göz yumanların qarşısında elə dəlil
gətirmək istəyirdi ki, müsəlmanların vəhdəti pozulmasın. Belə ki, düşmənlərin sui-istifadə edə
biləcəyi fitnə yaranmasın. Buna görə də evdən çölə çıxmadı. Onu məcbur edərək (qan
tökülmədən) evdən çıxartdılar. Çünki o həzrətin özü onlara tərəf getsəydi, höccəti tamamlaya
bilməz və bu zaman onun şiələrinin də heç bir dəlilləri olmazdı. Belə bir vəziyyətdə həzrət Əli
dini hifz edərək, öz haqqını xilafətlə bir yerə cəmlədi.
İmam İslamın hifzi və onun düşmənlərinin təcavüzünün aradan qaldırılmasını özünün bu
qərarında duyduqda, (bu zaman) dövrün xəlifəsi ilə sülhlə keçinərək (ümmətin hifzi, millətin
və dinin qorunması naminə) bütün bunları öz haqqından üstün sandı. O həzrət iki mühüm iş
arasında qaldıqda, onlardan daha əhəmiyyətlisini seçərək, düşmənlərlə barışıq halında keçindi.
Beləliklə, o zamankı şərait əsla qılıncla müqavimət, dəlillə istinad (istidlal) etmək fürsətini o
həzrətə vermədi.
2. Amma bütün bu şəraitlə belə, o həzrət, övladları və ona bağlı olan alimlər həmişə
Peyğəmbərin (s) vəsiyyətlərini xatırlayaraq onun (s) aydın “nəss”lərini qoruyurdular və
mühəqqiq alimlər bu mövzudan agahdırlar.
Vəssalam.
“Ş”
başladılar. Allaha and olsun, əsla qəlbimdən keçmirdi ki, o həzrətdən sonra bu işi (xilafəti) məndən alalar
(amma elə bu cür də oldu). Mən camaatın filankəslə beyət etmək üçün axışdığını gördükdə bu işdən əl
çəkdim, dəxalət etmədim. Bu zaman gördüm ki, bir qrup İslamdan əl çəkərək camaatı Məhəmmədin (s)
dinini aradan aparmağa dəvət edir. Qorxdum ki, əgər İslam və müsəlmanlara kömək etməsən (çünki
görürdüm ki, yavaş-yavaş aradan getmə qorxusu yaranır) onun müsibəti, sizə hökumət etməkdən əl
götürməyimin müsibətindən daha böyük olacaqdır. Çünki hökumət və vilayət bir neçə günlükdür. İlğım, ya
bulud (duman) kimi tezliklə aradan gedəcəkdir. Elə buna görə o hadisələrdə batilin aradan gedərək dinin
möhkəmlənməyi naminə (haqqımdan əl çəkib) işə qatlaşdım.” (Nəhcül-Bəlağə, 62-ci məktub)
Dostları ilə paylaş: |