66
öyrənmək həvəsində olduğumdan bir qədər başqalarından fərqli
olaraq diqqətlə xəstənin gözünə baxmağa başladım və tapdım o
yeri. Həmin yeri göstərdim ki, göz dibinin hansı yerində, hansı
hissəsindədir. O biri həkimlər məndən yaşca böyük, çox
təcrübəli insanlar idi və hamısı çevrilib üzümə baxdılar.
Zənnimcə, bir az onların qısqanclıq hissi oldu və birdən-birə
cavan bir həkimin özündən razı halda fikir yürütməsini qəbul
edə bilmədilər. Hətta dedilər ki, sən hələ nə bilirsən ki, özündən
belə arxayın danışırsan. Mən birtəhər oldum, özümü qınadım,
səsimi çıxartdığım üçün xəcalət çəkdim...
Bir neçə gündən sonra həmin xəstədən Ümnisə xanımın adına
məktub gəldi. Deməli, xəstə Odessaya gedir, orada gözünü
müayinə elətdirir və mənim göstərdiyim nöqtədə fəsadı aşkar
edirlər. Həmin xəstə yazırdı ki, “sizin gənc həkimin dediyi düz
oldu”. Ümnisə xanım hərtərəfli gözəl həkim idi. Tək alim kimi
yox, həm də çox dərin elmi biliyə malik olan ziyalı idi. Ona görə
də gənclərin savadından qürrələnərdi. Elə bu hadisədən də xoş-
hal oldu. Məktubu əlində elə vüqarlı tutmuşdu ki, elə bil
əməyinin bəhrəsini dadırdı. Sevincinin həddi bilinmirdi. Həmin
məktubu dəfələrlə ucadan oxudu və həmkarlarına söylədi ki,
gənclər də özünə görə çox şey bilirlər. Mənimlə öyündüyünü bir
neçə dəfə təkrarladı, daha əzmlə çalışmağımı tövsiyyə elədi. O
günü çox yaxşı xatırlayıram. O söylədi ki, ola bilər hamı kimi
cavan həkimlər də səhv etsin. Hətta səhv etmiş olsalar belə,
gərək onlara kömək edək, düzgün yol göstərək ki, əsl mütəxəssis
olsunlar. Bir neçə gün öncə keçirdiyim həyəcan onun yadında
necə qalmışdısa, sanki bu məktubla könlümü ələ almağa çalışır
və iftixarla hamıya bəyan edirdi ki, cavan həkimin diaqnozu düz
olub...
Günlər bir-birini əvəzlədikcə mən də onu çox sevməyə baş-
ladım. O qədər yaxşı münasibətlərimiz yarandı ki, hər əmə-
liyyata girəndə məni də özü ilə aparırdı. Düz beş il mən onunla
əməliyyatlarda iştirak etdim...
67
Bir gün o məni otağına çağırdı və dedi ki, bundan sonra sən
gedirsən professor Nəzirovun kafedrasına. Toxuma keçi-
riciliyini, damar keçiriciliyini öyrənməyə. Bir aylıq məni eza-
miyyətə göndərdi. Mən başladım o kafedrada fəaliyyətimi da-
vam etdirməyə. Elə Ümnisə xanımın mənim qarşıma qoyduğu
həmin mürəkkəb elmi mövzu o illərdən bəri mənimlə gedir. O
vaxtdan etibarən həmin problem mənimlə yol yoldaşı oldu. Bu
günə kimi də üzərində çalışıram. Hətta o qədər dərinə getdim ki,
bu sahədə kifayət qədər sanballı araşdırmaların müəllifi oldum.
Buynuz qişa, büllur və şüşəvari cisim. Bunların üçündə də əsas
zülal və sudur. Başqa elementlər burda yoxdur. Təbiət elə
yaradıb ki, bu mühit şəffaf olsun. Ancaq başqa elementlərin
olmaması da bu hissələri tez sıradan çıxara bilir. Büllurun
bulanıxlığı kataraktaya səbəb olur.
Ümnisə xanımın mənə həvalə elədiyi o keçiricilik məsələsi
ancaq damarlarda öyrənilib. Büllurda, buynuz qişasında,
şüşəvari cisimdə bəs necə? Nə etməli? Belə qərara gəldim ki,
hüceyrənin də divarı var. Yəqin oradan da keçiricilik məsələsi
var ki, maddələr mübadiləsi gedir. Ümnisə xamımın dediyi
mövzunu işləyərkən qarşıma daha ciddi bir məsələ çıxdı. Ancaq
indi təzə bir şeyi “hüceyrə keçiriciliyini” araşdırmağa başladım.
Bu məsələ canlı orqanizmdə, ümumiyyətlə, təbiət elmlərinin heç
birində aydınlaşmayıb. Mən bu məsələdə patent aldım,
məqsədimə nail oldum. Alimin mənə həvalə elədiyi mövzunu
var-gücümlə öyrənməyə səy göstərdim.
Ağıllı adamın məsləhəti sonrakı nəsilə nə qədər böyük kömək
etmiş olur, yol açır. Onun adi bir sözü ilə, kiçik bir məsləhəti ilə
mən böyük nailiyyətlər əldə elədim.
Məndən çox razı idi. Xüsusən də mənim öyrənmək həvəsim
onun nəzərindən qaçmırdı. O da öz növbəsində çalışırdı ki,
mənə köməkliyi dəysin.
Ümnisə xanım bütün müsbət keyfiyyətləri özündə cəmləş-
dirən yüksək səviyyəli bir xanım idi. Xoşuna gəlmədiyi hər nə
varsa deyərdi, ürəyində saxlamazdı. Ancaq kobud şəkildə yox,
68
elə deyirdi ki, eyhamla, işarə ilə danışardı. Daima üzü
təbəssümlü, simaca gülər idi. Dodağından təbəssüm çəkiləndə
deməli nədənsə narazı idi...
Onun siması heç zaman gözümün önündən çəkilmir. Uzun
illər ərzində çalışdığımız Göz İnstitutu yeni məkana köçürüləndə
sonuncu gün toplantımız oldu. Həkimlər xəstəxanadan ayrıldığı
gün olub keçənləri yada salır, burada keçən illəri xatırlayır,
xatirələrini dilə gətirirdilər. Mənə də yaşlı bir tibb işçisi kimi söz
verdilər. Bilirdim ki, mən çıxış edəcəm, əvvəlcədən bu ovqata
köklənmişdim. Elə toplantı başlayan kimi gözlərimi yumdum,
ötən illəri yada saldım. Nələr gəlmədi gözümün önünə?. Kimləri
görmədim. Ümumiyyətlə, insan dünyanı ancaq gözünü yumanda
görə bilər. Gözünü açdınsa, ancaq ətrafını görürsən, yumursan,
dünyanı dolaşırsan. Gördüm Ümnisə xanım, öz qızları ilə
bərabər bir yanında Zərifə xanım, bir tərəfində Zəhra xanım və o
birisilər də gülə-gülə sevinc içərisində bu köçhaköçdən razı
halda gülümsəyirlər. Onların ruhunun dolaşdığı o məkandan,
son günümüzdə də biz həmin xanımlarımızı yada sala-sala,
binadan xoş təəssüratlarla ayrıldıq.
Ümnisə xanım mənə tələbəlik illərində dərs demişdi. Mən
onu təkcə müəllim kimi xatırlamıram, mənə həyat yolu göstərən
əsl ana kimi yada salıram. Ömür yoluma işıq salan mayak kimi
düşünürəm, taleyimə nur saçan varlıq olduğunu zənn edirəm. O
başdan - başa örnək idi. Səliqəli geyimi ilə fərqlənirdi. Zövqlü
xanım idi. O mühazirəyə bir xalat geyərdi, əməliyyata başqa
xalat. Cərrahi əməliyyata girməzdən bir gün öncə bütün fikri
əməliyyat edəcəyi xəstənin yanında olardı. Onunla daha yaxın
ünsiyyət qurardı. Xəstəsini tanımaq üçün hər vəchlə çalışardı ki,
onun bütün psixoloji durumuna bələd olsun. Əməliyyat öncəsi
heç bir işlə məşğul olmazdı, elmi işlərini də kənara qoyardı,
gecə yuxusuna önəm verərdi, bir sözlə, yaxşı istirahət edərdi.
Ümnisə xanım əməliyyatlarda çox olurdu. Onun yanına hər
tərəfdən axın var idi. Moskvadan, Tbilisidən və digər yerlərdən
xəstələr gəlirdi. Ümnisə xanım qeyri adi qadın, müqəddəs peşə
Dostları ilə paylaş: |