Elbəyi CƏLALOĞLU
196
ziyarətə gedirsənsə, onu milyonlarla qadının içindən seçib
ziyarət edəcəksən, çünki ananın sənin ayrılmaz hissən oldu-
ğunu dəqiq bilirsən və sənin ona olan sevgin maddi dünya-
da olan digər sevgilərdən fərqli olaraq cəbrdir. Yəni anaya
olan sevgi həyatda qazanılan deyil, İlahidən gələndir. Ana-
nın sənə verdiyi bu hissi başqa birisiylə əvəz edə bilməzsən,
ananın sevgisini başqa birisindən ala bilməzsən, ana əvəzo-
lunmazdır. Deməli, ana könüllə seviləndir, bu sevgi “könül
səsi”ylədir. Ata və övlad da belədir. Allah eşqi isə bütün bu
sevgilərin fövqündə olan İlahi bir hissdir. Əgər sən idrakın
“qapısı”nı açıb Allahı dərk edə bilsən, O, sənin könlündə tə-
cəlla edər və bu zaman “İlahi eşq”in qüdrətinə bir daha
əmin olarsan.
Sufilik insanlara Allahı dərk etməyi və Ona İlahi eşqin
vasitəsilə qovuşmağı təlqin edir. Bu mənada Bəyazid Bəsta-
minin fəna nəzəriyyəsi sufiliyin əsas xəttlərindən birinə çev-
rildi. Bu nəzəriyyə maddi dünyanın fani olduğunu və buna
görə də insanlara fərdiyyətdən çıxıb Allaha qovuşmanı təl-
qin edirdi.
Bundan sonra daha bir möhtəşəm fikir isə ilahiyyatçı
alim Məhəmməd Qəzzalidən gəldi. O, həqiqətin dərk edil-
məsində doğuşdan gəlmə istedadı, yəni helmi ilkin şərt ki-
mi qəbul edərək, sufiliklə ilahiyyat elminin birlikdə meyda-
na gətirdiyi ümumi nəticəni göstərməyə nail oldu.
Tanrının dərk edilməsində sonuncu mükəmməl fikir isə
Şəms Təbrizi ilə mənim müasirimiz və mürşidimiz olmuş
Əndəluslu Mühyiddin İbn Ərəbiyə məxsusdur. O, vəhdəti-
vücud hikmətinin əsaslarını yenidən işlədi. Mühyiddin İbn
Ərəbi islam sufiliyini xristian ruhani düşüncəsindən köklü
surətdə ayırmağa nail oldu. Belə ki, xristian ruhani təlimi öz
açıqlamasında Allahı təbiətlə eyniləşdirir, yaxud da o, cis-
mani dünyada bütün canlı və cansız yaradılmışların vəhdə-
tini Yaradanın özü hesab edir. Mühyiddin İbn Ərəbiyə görə
isə yaranmışların hamısı Yaradanın kölgəsindən başqa bir
şey deyildir.
Bütünlüklə bu gəlişmənin kökündə dayanan təsəv-
Eşq dənizləri qovuşanda
197
vüfdür. Təsəvvüf sıxıntı zamanı könüldə nəşə və fərəh tap-
maqdır. Təsəvvüf insanların yox, Allahın razılığını qazan-
maq, pis xüsusiyyətləri tərk edib, nəfsani olan şeylərdən
uzaqlaşmaqdır. Təsəvvüf ruhun yüksəlişinə səbəb olan xü-
susiyyətlər qazanmağa səy göstərmək, həqiqi elmlərə sarıl-
maq, həmişə ən uyğun şəkildə hərəkət etmək, hər kəsə nəsi-
hət verməkdir. Təsəvvüf Allah təalaya verilən əhdə sadiq
qalmaq, Məhəmməd səllallahu əleyhi və səlləmin dininə
gəlməkdir. Elm öz həddini bilmək, təsəvvüf qəlbi təmizlə-
məkdir. Təsəvvüfün öyrədilməsində məqsəd, insanın özünə
qayıtmasını, özünün əsl yerini tapmasını təmin etməkdir.
Təsəvvüf bir elm, bir hikmətdir. Hikmətə sarılan kişinin ağlı
ağılla anlaşıla bilən şeylərə bağlıdır. Amma pak kişi, təsəv-
vüfçü ağlın ağlını, yəni ağıl külliyyatını hərəkətə gətirə bi-
ləndir. Təsəvvüfün son yatablarından biri “Fənafillah”dır.
Bu məqam Tanrı qulunun nəfsinə hakim kəsilməsi və onun
bütün pislikləri ürəyindən təmizləməsidir. Qətl, zina, oğur-
luq, yalançı şahidlik və kimsəni aldatmaqdan imtina etdin-
sə, ata-anana yüksək səviyyədə hörmət və sayğı göstərdin-
sə, çatışmayan tək bircə şey qalar. Bu, mal-mülkünü, var
dövlətini Allah yolunda yoxsullara paylamaqdır. Çünki sər-
vətə güvənənlərin də Allaha qovuşması mümkünsüzdür.
Həzrəti İsa buyurur ki, dəvənin iynə deşiyindən keçirdilmə-
si, zəngin adamın axirətini abad etməsindən daha asandır.
Ona görə də, zəngin adam kamil olması üçün yubanmadan
mal-mülkünü satıb, bütün var-dövlətini yoxsullara payla-
maq məcburiyyətindədir. Bu, Yaradanın böyüklüyünə inam
gətirmək, Allahın mərhəmətinə, səxavətinə yetişmək, ədəbə
sahib olmaq deməkdir. Bundan başqa, “Fənəfillah” məqa-
mına çatmaq üçün helmini, elmini, ədəbini, vicdanını da öz
varlığında birləşdirmək vacib şərtdir. Bundan sonra isə “Bə-
qabillah” gəlir. Bu məqam isə könüldə Tanrının təcəllası,
Allah nurlarını saçan baqi günəşin bərq vurmasıdır.
Bütün yaranışlar bir-birinə zəncirvari bağlıdır. Yəni,
müşkül hardadırsa, cavab da ordadır, dərd olan yerə dəva,
yoxsulluq olan yerə nemət gedər. Ağılla qəflətdən oyan-
Elbəyi CƏLALOĞLU
198
maq, tövbə edib doğru yolu tapmaq, bununla da günahlar-
dan qurtularaq Allahın sevimlisi olmaq mümkündür. Unut-
ma ki, bülbüllər gül-çiçək olan yerdə, qarğalar isə leş olan
yerdədir.
Məhşər günü sənin kim olacağını, nə hala gələcəyini bil-
məyin vacibdir, bütün bilgilərin ruhu elə budur. Bunları da
ağılla dərk etmək olar. Ağıl qabıqdır, ağlın ağlı isə içdir. İç
arayan qabığı sevməz. Qabıqdan ibarət olan ağıl bir məsələ-
ni ancaq yüzlərlə misaldan sitat gətirməklə anlayar. Külli
ağlı olan isə doğru olmayanı dərhal anlayar və ona vaxt sərf
etməz. Nəfs ağıla qalib gələ bilər, lakin külli ağıl nəfsin gö-
zünü qamaşdıran zümrüddür. Bax, idrak da o ağlın ağlın-
dadır – külli ağıldadır. Ağlı ram edən nəfs, sanki öz evində-
dir, o, burada aslana çevrilmiş it kimi ağlı özünə tabe edir.
Ağlın ağlı isə o iti bu evdən birdəfəlik qovar. Mələklə ağıl
eyni yaradılışdadır. Mələk quş kimi qanadlıdır, ağıl isə qa-
nadlarını tərk edib nura bürünmüşdür. Lakin ikisinin də qa-
yəsi və mənası bir olduğundan, bu iki gözəl bir-birinə yar-
dımçı və arxa olmuşlar. Onların hər ikisi Adəmə yardım et-
miş və ona səcdə qılmışlar. Nəfslə şeytan isə əvvəldən Adə-
mə düşmən kəsilib, ona həsəd aparıblar.
İnsan Allahın yaratdığı son varlıqdır, külli-aləm ondan
ötrüdür. Allah torpaqdan yaratdığı insana ruh üfürdükdən
sonra insan nurlandı, gözəlləşdi, Allahın özünə bənzədi. İn-
san dünya nemətlərinə uyduqca, nəfsin afətlərinə təslim
olduqca əbədi nurdan ayrı düşür və ruhunun rəngi qaralır.
Lakin o, Allahın ona əmanət etdiyi ruhu nəfsinin çirkabına
bulamadan pak saxlayarsa, o zaman ali məqama yüksələ bi-
lər. Əməllər niyyətlərə görədir, bununçün niyyətinizi şəffaf-
laşdırıb, vaxtınızı Allahın razı olduğu və bəyəndiyi işlərə
sərf edin. Bu baxımdan yeyib-içmək, qidalanmaq kimi şey-
lər ləzzət almaqdan ötrü yox, ibadət etməyə qüvvə qazan-
maq üçün edilməlidir. Yatmaq da üzərindəki yorğunluğu
götürərək ibadəti daha gümrah və rahat bir şəkildə etmək
məqsədilə olunmalıdır. Bütün bunlar ilk növbədə niyyətin
düzəldilməsinə xidmət edir və ibadət də elə bu mövqeyə sa-
Dostları ilə paylaş: |