Еlеktrik rabitə sistеminin struktur sхеmi 6 şəklində göstərilmişdir

7.2. Sistemin tezlik xarakteristikası

Zaman oblastında sistemlərin təhlili üçün yığılmadan istifadə edilir. Analoji təhlili tezlik oblastıüçün aparmaq olar. Furye çevrilməsindən istifadə edərək, istənilən giriş siqnalını müxtəlif amplitud və faza sürüşmələri ilə kosinuslar yığımı kimi təsvir etmək olar. Eyni zamanda, DFÇ-dən istifadə edərək istənilən çıxış siqnalını analoji şəkildə təsvir etmək olar.

Bu o deməkdir ki, istənilən xətti sistem sistemdən keçən kosinusların amplitud və fazalarının necə dəyişilməsi ilə tam təsvir oluna bilər. Sistemin belə xarakteristikası tezlik xarakteristikası adlanır. Belə ki, impuls və tezlik xarakteristikaları istənilən sistemi tam təsvir edirlər, onda onlar arasında qarşılıqlı birmənalı asılılıq mövcuddur. Bir xarakteristikanı verib, digərini hesablamaq mümkündür. İmpuls və tezlik xarakteristikaları arasında olan əlaqə siqnalların emalının əsasını təşkil edir.
Sistemin tezlik xarakteristikası onun impuls xarakteristikasının Furye çevrilməsidir.
Bu əlaqə şək.7.4-də göstərilmişdir.

Şək.7.4. Sistemin impuls və tezlik xarakteristikaları arasında olan əlaqə

Belə ki, sistemin impuls xarakteristikası kimi işarə edilir, sistemin tezlik xarakteristikası kimi işarə edilir. Zaman oblastında sistemlər yığılma vasitəsi ilə təsvir olunurlar, yəni

Tezlik oblastında isə giriş siqnalının spektri tezlik xarakteristikasına vurulur və nəticədə çıxış siqnalının spektri alınır.

Beləliklə, zaman oblastında yığılma tezlik oblastında vurmaya uyğundur.
DFÇ-dən istifadə edərək sistemin impuls xarakteristikasından tezlik xarakteristikasını almaq mümkündür (şək.7.5).

Şək.7.5. İmpuls xarakteristikasından istifadə edərək tezlik xarakteristikanın təyini

Şək.7.5(a)-də sistemin impuls xarakteristikası göstərilmişdir. Bu əyrinin görünüşü sistem haqqında aydın məlumat vermir. İmpuls xarakteristikasının 64 nöqtəsindən istifadə edərək və DFÇ-ni tətbiq edərək sistemin tezlik xarakteristikasını almaq olar (şək.7.5(b)). İndi isə sistem tərəfindən göründüyü iş aydın olur. O, yalnız 0.2÷0.3 diapazonunda yerləşən tezlikləri buraxır və qalan tezliklərisöndürür. Yəni, bu sistem zolaqlı süzgəcdir. Tezlik xarakteristikasının fazası da tədqiq edilə bilər, lakin o, çox mürəkkəbdir. Alınmış tezlik xarakteristikası çox dişlidir. Bu ona görədir ki, impuls xarakteristikasının nöqtələrinin sayı kifayət qədər deyil. Bu vəziyyətdən çıxmaq üçün DFÇ-ni tətbiq etməkdən əvvəl impuls xarakteristikasını əlavə sıfırlarla tamamlamaq lazımdır. Məsələn, şək.7.5.(c)-da göstərilmiş impuls xarakteristikasının uzunluğu sıfırların hesabına 512 nöqtəyə çatdırılıb. Alınmış əyridən DFÇ-ni təyin etsək, onda nəticədə daha hamar və aydın tezlik xarakteristikası alınacaqdır (şək.7.5.(d)). Belə sual ortaya çıxır: tezlik xarakteristikanın dəqiqliyinin və hamarlığının həddi nədir? Onun həddi yoxdur, çünki impuls xarakteristikasının nöqtələrinin sayını sonsuz qədər artırmaq olar. Deyilənlərin əsasında vacib bir nəticəyə gəlirik: baxmayaraq ki, impuls xarakteristikası diskret siqnaldır, ona uyğun olan tezlik xarakteristikası kəsilməzdir. Belə ki, DFÇ kompüterdə realizə olunur, ona görə də nəticədə real tezlik xarakteristikasının diskretləşdirilmiş analoqu alınır.