ƏLLİ ÜÇÜNCÜ Kİtab ————— sentyabr 2012 oktyabr 2012
Yüklə 3,06 Mb. Pdf görüntüsü
|
- Bu səhifədəki naviqasiya:
- Nüşabə parkında yaradılmış şəraitlə tanışlıq
161
5 min tonluq soyuducu anbar olan Aqrar Sənaye Kompleksinin ümumi dəyəri 6,5 milyon manatdır. Bu layihəyə Sahibkarlığa Kömək Milli Fondu tərəfindən 4,5 milyon manat güzəştli kredit verilmişdir. Fabrikdə ilkin olaraq Bərdə və ətraf rayonlardan mal-qaranın alınması, sanitar-gigiyenik normalara əməl edilməklə kəsilməsi, doğranması və 10 çeşiddə qablaşdırılaraq istehlakçılara təqdim edilməsi mümkün olacaqdır. Soyuducu anbar kompleksi müəssisənin öz məhsulları ilə yanaşı, Bərdə və ətraf rayonlarda fəaliyyət göstərən sahibkarların istehsal etdikləri meyvə-tərəvəz, ət və süd məhsullarının uzun müddət itkisiz saxlanmasına imkan yaradacaqdır. Ət emalı fabrikinin xammal bazasının yaradılması məqsədi ilə 3 min başlıq ətlik və südlük istiqamətli heyvandarlıq komplekslərinin tikinti işlərinə başlanılmışdır. Bu layihələrin maliyyələşdirilməsinə də Sahibkarlığa Kömək Milli Fondu tərəfindən 9 milyon manatadək güzəştli kredit ayrılmışdır. Layihələrin icrası nəticəsində 250 nəfər işlə təmin olunmuşdur. Görülmüş işlərdən razılığını bildirən prezident İlham Əliyev həyata keçirilməsi nəzərdə tutulan tədbirlərin yüksək keyfiyyətlə və vaxtında başa çatdırılması üçün tapşırıq və tövsiyələrini verdi. Nüşabə parkında yaradılmış şəraitlə tanışlıq
Bərdədə Nüşabə parkında yaradılmış şəraitlə tanış olmuşdur. Məlumat verildi ki, zəngin tarixə malik Bərdə Azərbaycanın siyasi və mədəni həyatında mühüm iz qoymuş qədim bölgələrimizdən biridir. Bərdə haqqında dahi Azərbaycan şairi Nizami Gəncəvinin də əsərlərində bəhs olunur. Məhz Nizami Gəncəvinin «İsgəndərnamə» poemasının qəhrəmanı, Bərdə hökmdarı Nüşabənin heykəli doğma şəhərində ucaldılmış, Heydər Əliyev prospektində onun adını daşıyan park salınmış- dır. Bərdənin, ümumiyyətlə, Azərbaycanın tarixində çox böyük 162
rol oynayan qadın hökmdarı Nüşabənin heykəli əraziyə xüsusi yaraşıq verir. Bildirildi ki, parkın yerləşdiyi ərazi əvvəllər yararsız və- ziyyətdə olmuş, Bərdə Rayon İcra Hakimiyyətinin daxili imkanları hesabına aparılan yenidənqurma işlərindən sonra ərazi tamamilə simasını dəyişmişdir. Ümumi sahəsi 0,7 hektar olan parkda şəhər sakinlərinin istirahəti üçün hər cür şərait yaradılmışdır. Nüşabə parkı özündə qədimliklə müasirliyi təcəs- süm etdirir. İstirahət məkanının mərkəzində Nüşabənin heykəli qoyulmuşdur. Parkda mövzusu Nizami Gəncəvinin «İs- gəndərnamə» poemasından götürülmüş 7 tablo hazırlanmışdır. Tablolarda Nüşabənin İsgəndərlə görüşü, Nüşabənin ağsaq- qallarla söhbəti, İsgəndərin alimlərlə məsləhətləşməsi və s. səh- nələr əks olunmuşdur. Parkda abadlıq işləri aparılmış, 2 bulaq qurulmuş, yaşıllıqlar salınmış, müasir işıqlandırma sistemi qurulmuşdur. Burada hər cür hava şəraitinə davamlı material- lardan hazırlanan oturacaqlar və Bərdədən tapılmış arxeoloji materiallar qoyulmuşdur. Parkda, həmçinin Çay evi də fəaliy- yət göstərəcəkdir. 163
BƏRDƏ RAYON İCTİMAİYYƏTİNİN NÜMAYƏNDƏLƏRİ İLƏ GÖRÜŞ 7 oktyabr 2012-ci il Sizi ürəkdən salamlayıram. Xoş gördük. Yenidən Bər- dədə olmağımdan çox şadam, çox məmnunam. Bərdəyə son dəfə 3 il bundan əvvəl gəlmişəm. Bu gün də buradayam, görürəm ki, çoxlu dəyişikliklər var. Buna çox sevinirəm, çox şadam. Əminəm ki, siz də sevinirsiniz. Bərdə doğrudan da gözəlləşir, gülüstana çevrilir. Gözəl binalar tikilir, təmir edilir, parklar, istirahət zonaları, yaşıllıqlar salınır. Şadam ki, işlər çox yaxşı gedir. Bütün işlər böyük məhəbbətlə, zövqlə və insanların normal yaşamaları üçün görülür. İndi Qəhrəmanlar parkında oldum. Böyük ərazini əhatə edir. Genişləndirmək üçün əlavə təkliflər vardır. İcra başçısı yeni istirahət zonalarının yaradılması ilə bağlı təkliflər irəli sürdü, planşetlərdə göstərdi. Çox şadam ki, Bərdədə belə sürətli inkişaf, quruculuq, abadlıq işləri aparılır. Siz də bunların hamısını həm görürsünüz, həm də bütün bu işlərin iştirakçılarısınız. Keçən ilin əvvəlində Bərdəyə yeni icra başçısı təyin edilib. Siz də şahidsiniz ki, dərhal çox böyük işlər görülməyə baş- lanmışdır. Əlbəttə, dövlət siyasəti, regionların sosial-iqtisadi inkişafı Dövlət Proqramı vardır. Hər şey proqram üzrə gedir. Ancaq yerlərdəki işçilərdən, nümayəndələrdən çox şey asılıdır. Harada ki işgüzarlıq, fəallıq və xalqa məhəbbət vardır, orada işlər də görülür. Bu gün Bərdə ölkə miqyasında ən sürətlə inkişaf edən rayonlardan biridir. Çox şadam, çünki Bərdənin inkişafı üçün çox böyük işlər görülmüşdür və görülməlidir. Bərdə bizim tarixi şəhərimizdir, qədim şəhərdir. Bərdə qədim xəritələrdə vardır. Bu reallıqdır. Əlbəttə, biz hər bir rayonun inkişafı üçün bütün Yüklə 3,06 Mb. Dostları ilə paylaş:
|